日本黒毛和牛焼肉 牛太 (沙田中心) (已結業)

好失望，唔會再去食。之前覺得佢好過牛角，因為每一round出嘅質素係一樣。點知都會用啲小手段，仲要係去咗食超過四次，依家縮細水，啲任食係有限數量，當你叫到某個數目嘅時候，有啲item會自動消失唔俾你再叫。佢哋聲稱冇晒貨。冇貨就唔好收我嗰個價錢啦。收我500一位，果個item嘅牛就無，咁點解我要俾五百幾蚊只可以點$200嘅牛？仲衰過牛角，諗起都好火滾。唔會再幫襯，希望大家唔會中伏，睇清楚你食嗰個項目包做咩牛，cap低圖佢，因為佢消失係Menu度…Read More

Book左8點半，去到同我講要等到9點半，我已經呆左，咁我book枱做乜嘢？之後又同我講9點翻黎，ok行一陣冇問題。9點翻到去又講9點9截單，食到10點半，咁點解我岩岩到唔講？嘥左我時間去等，其他餐廳又準備閂門，做唔到咁多枱就唔好學人接咁多訂枱啦。有咩可能book完枱要等多一個鐘？仲要打電話黎confirm話留枱淨係留5分鐘，你一個鐘連枱都俾唔到我，講咩留5分鐘。乜嘢解釋都冇就淨係放個qr code出嚟叫我去同公司投訴，有乜嘢用？從來未留過食評，今次真係忍唔住…Read More

最近呢間燒肉餐廳有埋蟹食，鐘意食蟹嘅我，特登趁day off 去食下🤔松葉蟹腳幾鮮甜，係燒得有d耐🦀炸蟹鉗一d都唔粉，啖啖肉!和牛不嬲都係呢間餐廳嘅主打，肉質入口即化，肉款多花款🥩仲有其他燒肉餐廳唔多見有嘅-燒鰻魚切得好靚，仲要冇乜細刺，值得推介！…Read More

同朋友慶生揀左間就近嘅燒肉，上網見到依家期間限定有個燒蟹套餐，價錢比一般就咁燒肉貴少少，但隨左Regular嘅燒肉Items，可以食松葉蟹腳🦀🦀🦀，所以就揀左呢個餐晚市放題餐可以食120分鐘，坐低之後先用QR落單，等緊上肉嘅同時爭取時間，去自助區拎野食先🤣🤣👍比起D開係工廈鬧區嘅放題黎講，呢間嘅自助吧唔算超級大，但同其他開係市中心嘅舖比較，呢間小食都算幾多選擇。有沙律＋小食＋野菜＋咖喱飯＋甜品＋水果🍉🥗🍟🍗上菜上好快，叫左嘅野食唔小心多到成張枱滿左😂😂😂主角嘅蟹腳，本身以為都係少少地逐條腳咁出，點知上枱成抽咁上，壽星表示食得幾開心，有得揀配芝士或者點蟹醋，朋友係芝士控所以叫左盒芝士醬，個人鍾意蟹醋，食返蟹原有嘅鮮味。另一個蟹餐特別食品係炸蟹鉗，鮮味有咬口，唔洗等到去飲先食到。😂😂😂個人大推蟹味噌飯，每次去壽X郎都會叫返兩舊蟹味噌壽司，今次叫個飯大大Pat新鮮蟹味噌係頂，撈返埋蛋黃，係香港食得返日本食飯嘅感覺，大推！😍雖然同蟹相關嘅Items唔算好多，但比起出一堆平價野塞飽個肚，剩係個主角蟹腳都好夠食，仲未食到D和牛和牛肉質比想像中好食！超符預期！油花好靚，牛舌好好好食，仲有D燒海鮮可以叫，呢個餐原仲有鮑魚可以叫，即刻每人叫左一碟🫶🏻🫶🏻本身仲有部自助雪糕機，今期出開心果味，但我果日食太飽！居然最後唔記得左唧雪糕黎食😅😅，下次有機會黎食其他燒肉餐要提自己補返⋯整體黎講係超符預期嘅體驗，值回票價！…Read More

嚟牛太食燒肉多數係食和牛餐呢度啲和牛真係好過好多其他燒肉店 起碼上枱肉係粉嫩有油花💓唔會雪到冰哂硬哂 唔會未溶雪就上枱🤨早兩日食新出咗個松葉蟹餐 比平時個和牛餐加多$60蚊就食得 $529就食到蟹同和牛 算係幾抵🙂‍↕️仲有好多唔同海鮮選擇 都係好食的！蟹腳一啲都唔削 大隻又多汁🦀唯獨係不足於唔可以就咁凍食 要燒熱 咁樣嘅話 食120分鐘要燒埋蟹就有啲趕🤨 其次套餐仲有炸蟹鉗 彈牙嘅！🌟驚喜位：新出🍦開心果雪糕每隔段時間就會轉味 今期有開心果 但奶味略重 如果開心果味濃啲仲好…Read More