方太小鍋米線

幾年冇寫過食評， 但呢次真係值得為你地寫番個好評！！！！！第一次食呢間， 入到餐廳之後開openrice,睇到前面嘅食評， 很擔心, 好快揀左食咩之後， 就開始放心！ 當日兩個後生仔睇鋪+煮埋， 做同客人熱情溝通， 上左面之後， 由於湯底太正， 我埋頭苦幹飲緊d 湯！ 店員竟然請我地食零食太熱情了擺。 講完d 唔等洗嘅評價， 要講番野食， 本人是芫茜控， 藤椒控！ 呢到竟然有芫茜藤椒湯底， 太喜歡， 實在太正， 黑松露雞白湯都好濃厚！ 下次有機會要試埋其他湯底💪🏻💪🏻💪🏻💪🏻💪🏻加油呀店主， 要keep 住個湯底…查看更多

入到去粒聲都唔出 冇招呼 冇服務都算 😒話冇醉雞 但最後包左盒醉雞落我份外賣到 ，但之後又拎番出黎😒本來見有醉雞就諗住外賣番去食 ，行到入去 話外賣 叫我行入去俾錢 得两個人 一個收錢 跟頭跟尾 ，一個負責煮 ， 俾完錢 我就行番出去外面等 等左5分鐘左右 收錢個人行出黎 👉🏻👉🏻話醉雞賣晒 🤔 叫我地轉其他，咁都冇辦法啦 就試下其他，等緊個外賣期間 係個透明玻璃到望到入面煮野 ，👉🏻👉🏻點知 見到佢 拎住夾食物個夾去夾 客人落單既紙 🤨🤨重要唔止一次 係夾左好多次 ，其實都預左係街食係唔乾淨 。但好心 就唔好整透明玻璃啦 😵‍💫見到都冇喂口都算啦 ，終於拎得外賣 ，收錢個個人行左出去 ，得番煮野食個個人包外賣 ，👉🏻👉🏻佢見我拎外賣 問我係米醉雞米線 我話 唔係 ，你地話冇晒醉雞既， 之後佢個樣好多個？ ？問號咁 ，跟住係包好左既外賣到 拎番個醉雞出黎 🙄🙄 我即刻呆左 ……. 我廢是再問 就走人 不會去食也不會再外賣又唔係好食 ，啲餸又少 ，食完好口渴 不停飲水…查看更多

終於食到心心念念嘅方太米線第一時間就叫咗家傳糯米酒湯底試吓坦白講係冇乜特別嘅味道🙌🏻正正常常唔濃唔淡唔係話驚艷嘅味道🤣相反有個餸 爆汁腸係好好食😂如果唔使排隊都可以去試吓～…查看更多

早幾日同朋友去食呢間，見openrice咁多個good,我頂！又係（果啲果啲）專門店。首先一入到去，完全無人招呼，到我地寫完單，交比條友啦，又無乜禮貌。我同我朋友都各自嗌左3餸，嘩，犀利！做咁少野都可以做錯，餸又錯，又漏，態度引撩交打咁,. ,, 好喇開始食，我嗌左沙嗲湯，惹味炸豬扒,秘製炸醬，黑毛豬肉條。我真係得啖笑，先講份量，少一癲，睇相都睇到，然後到味道！哈哈哈，咩叫惹味炸豬扒？只係一兜好似比乞依咁既普通豬扒，黑毛豬肉條？都幾識改名，根本就普通街市買到既豬肉條，炸醬普通料唔使多講咁樣食左我86蚊，完全唔值，難食！我同我幾個fd真係一路食一路鬧呀好心唔識煮野食唔好開餐廳…查看更多

呢排成日都好想食米線，知道元朗依家多咗好多好食嘅米線食店，有日經開元朗見到新開嘅方太小鍋米線，咁就入去幫襯下新店！菜單畫風幾特別我叫左個極濃鮮茄酸菜湯米線，配川味大腩肉同幾入味嘅鹵水肥腸，湯底有好多蕃茄蓉，仲有鮮甜腐竹，最鐘意係面頭有不少芫茜，米線幾爽口。朋友點左麻辣金沙嗲手工麵，川味腩肉，鮮牛肉，材料嘅豐富，入面有金菇，鮮腐竹，又係有大家都最愛嘅海量芫茜。朋友大讚個手工面，手工面面質彈牙！另外可以加$10換一款小食，我地點左炸雲吞同豬扒，即叫即炸熱辣辣幾抵食！跟餐加15蚊有特飲。湯底配料幾乾淨，全無味精，而且睇住兩位年輕人用心係你面前煮麵，值得支持。…查看更多

元朗方太小鍋米線，以每天自家製湯底做賣點。湯底選擇同配菜多 而且面底仲有米線、薯粉、淮山麵同比較特別嘅手工麵可以選擇.潮汕麻辣沙嗲$55湯底配料有芽菜鮮腐竹和金菇，每款面可以揀鮮牛肉或者雞肉，另外仲可以追加不同配料。必食川味豬腩肉，厚切豬腩肉，入口溶化，極為邪惡。跟餐仲可以加倍不同小食，$10有交易，非常化算炸雲吞，炸雞扒非常惹味。少少店舖，還有很多不同種類的特色飲品，炭燒烏龍奶茶珍珠，都係加$15就飲到。人均消費不到$70，就已經喝到特色飲品，自家製冇味精湯底，實在不錯…查看更多

🍜膠質豬骨雞湯手工麵 預設配料有雞絲、芽菜、鮮腐竹、炸醬、金菇，另外再加咗墨魚丸同韭菜鮮肉餃，再自選辣度同麵條，推薦試咗佢哋嘅手工麵，麵條粗粗地好夠彈牙，好有口感🍜極濃鮮茄酸菜湯淮山麵預設配料有芽菜、鮮腐竹、酸菜同埋可以揀鮮牛肉 / 川味豬腩肉。豬腩肉比想像中大塊，煮得入味軟淋，配上酸菜蕃茄味湯底味道香濃又惹味，加點炸鮮蝦雲吞，雲吞皮炸得好香脆，仲要有3隻呢度特飲都幾有特色，跟餐+$15 / 單點 $25，點咗鴨屎香檸檬茶同Oreo碎碎朱古力珍珠，面頭鋪滿 oreo碎，珍珠煙韌有咬口！其他款式居然仲有米麻薯，下次要再去試吓…查看更多

上年12月無意中發現呢間米線，禽日收工同朋友黎食 ~ 今次試下唔同湯底先 ~ 膠質豬骨雞湯手工麵 $50 本身已經有鮮腐竹、炸醬、金菇、雞絲、走青、走芽菜、小辣，小粉 再加$8要台灣腸 & $10要滷汁豬大腸 手工麵好有勁道夠彈牙，湯底鮮甜濃郁，鮮腐竹滑捋捋，台灣腸係迷你size都有3條，爽口多汁，滷汁豬大腸十分入味。跟餐飲品 $15 Oreo碎碎朱古力珍珠面頭滿滿既oreo碎 ~ 朱古力味濃郁，珍珠好qq有咬口麻辣酸金湯手工麵 $55 本身已經有芽菜、鮮腐竹、煙鴨胸、麻辣巴沙魚片、秘製酸菜，小辣加$8要爽口牛丸 & 蟹粉包煙鴨胸份量十足有3-4片，麻辣巴沙魚片十分厚實，湯底比較重口味牛丸爽口之餘，牛味濃郁 ~ 唔錯唔錯加$10要炸鮮蝦雲吞 ~ 雲吞皮炸到脆卜卜，蝦都幾大隻跟餐飲品 $15黑糖炭燒烏龍奶茶珍珠黑糖味濃郁，珍珠份量十足好有咬口上次就食晏黎，今次晚餐時段黎，一樣咁好生意 ~ 老闆同店員都好NICE…查看更多

元朗多好嘢食就基本㗎啦聽朋友講最近新開咗一間嘅高質嘅米線～身為米線控嘅我 決定去試試！大約2:00過到嚟已經坐滿晒我哋兩個人最後都等咗10分鐘先有位等位冇嘢做，最好就睇吓叫咩嘢食啦！呢度嘅湯底全部都好吸引咁！奈何胃口得兩個每款湯底已經包咗一啲基本嘅材料，如果想食豐富啲就可以另外再加餸最後叫咗惹味炸醬乾撈 同方太家傳糯米酒另外加左蟹粉包、滷水豬大腸、黑毛豬肉條、炸豬扒方太家傳糯米酒 （$55）一上枱已經有淡淡的糯米酒香 超級特別嘅湯底！覺得平時鍾意酒香嘅朋友可以試一試呢個我哋另外加咗小辣 湯底本身已經有嘅雞肉，金菇（蟲草花嘅蹤影就唔係好見啦滷水豬腸（$10）都好入味，而且洗得好乾淨～豬肉條（$10）普普通通炸醬乾撈（$50) 手工麵底呢個湯底極度適合鍾意香口嘅朋友！即係我舖頭用咗佢哋秘製嘅花椒芝麻醬，花生醬打成嘅炸醬加埋炸蒜頭 真係好難唔好食～撈埋彈牙嘅手工面食到舔舔脷有啲大扣分嘅，就係佢哋個炸豬扒又乾又柴⋯⋯咬到牙骹都甩蜜桃烏龍茶，炭燒烏龍奶茶珍珠Overall評價⭐️⭐️⭐️食物味道係可以嘅，不過價錢嚟講唔係特別平。加上上菜速度都有待改善…查看更多

麻辣酸金湯（芽菜 鮮藏竹 煙鴨胸 麻辣巴沙愈片 秘製酸決）可以自選辣度，適合不同口味的食客。湯底酸辣適中，配上新鮮的芽菜、鮮藏竹和煙鴨胸，讓人感受到濃郁的層次感。麻辣巴沙愈片的口感滑嫩，秘製酸決則為整道菜增添了獨特的風味，加上$8/10的自由配餸選擇，牛丸爽口彈牙的質感,讓人一口接一口，即炸雲吞外脆內嫩，配上酸辣醬更是畫龍點睛。雲吞的皮薄餡多，吃起來十分過癮。特別是另上不會浸腍的做法，保持了雲吞的口感。炭燒烏龍奶茶米麻糬 (餐飲加$15)令人驚喜，將通常出現在甜品的麻糬變成飲品，讓人耳目一新。味道相當夾，烏龍茶的香氣與麻糬的Q彈完美結合，令人一試成主顧。方太家傳糯米酒（芽菜 鮮腐竹 金菇 蟲草花 雞絲）這道湯底是老闆用家傳秘方製作的糯米酒，獨特的香氣讓整道菜更添風味。配料如芽菜、鮮腐竹、金菇、蟲草花和雞絲相得益彰，自由配餸加左豬大腸，口感滑嫩，讓人忍不住多吃幾口，蟹籽丸爽口彈牙，與湯底搭配相得益彰搭配湯底，味道更為出色。黑糖炭燒烏龍奶茶珍珠(餐飲加$15)甜度適中，珍珠Q彈，與飲品的香氣相輔相成。…查看更多

元朗呢間新派米線專家皮蛋芫荽藤椒湯｜芽菜 鮮腐竹 皮蛋 油菜 炸醬 芫荽🌿｜一上枱已經覺得好新奇！青綠色湯底，上面有炸醬紅油，特別有食慾，藤椒嘅麻味刺激舌尖，同皮蛋、芫荽碰撞出奇妙火花，再加上芽菜嘅爽脆、鮮腐竹嘅豆香，口感層次超豐富潮汕麻辣沙嗲配鮮牛肉｜麻辣巴沙魚片、油菜、糖心蛋｜鍾意食肉嘅朋友，千祈唔好錯過潮汕麻辣沙嗲配鮮牛肉米線，沙嗲辣醬勾人食慾，鮮牛肉經過涮煮，嫩滑無比。麻辣巴沙魚片米線都相當出色，巴沙魚片無骨嫩滑，配上油菜、糖心蛋，營養又好味。薄荷朱古力脆脆、炭燒珍珠奶茶食完麵食，嚟番杯薄荷朱古力脆脆解解膩，薄荷嘅清涼混住朱古力嘅濃香，冰爽可口。再搭配一杯炭燒珍珠奶茶，茶味濃郁，珍珠Q彈，簡直係神仙組合 ！📍方太小鍋米線元朗教育路鴻發樓87號…查看更多

元朗最近開咗間方太小鍋米線，試咗佢嘅惹味炸醬乾撈，本身已經有鮮腐竹、炸醬同雞絲，味道夠濃夠香，撈起來每條米線都掛滿醬汁，食落惹味過癮🌶️！鮮腐竹爽脆，雞絲嫩滑，炸醬濃郁得啱啱好，啖啖都係滿足感🍜！另外加咗川味豬腩肉🐖，炆得軟腍入味，帶點麻辣香，肥瘦均勻，入口即化；麻辣巴沙魚片🐟又係驚喜，魚肉嫩滑，麻辣汁滲入每塊魚，辣得夠爽；惹味炸雞扒🍗外脆內嫩，炸得香口，配炸醬撈麵簡直係絕配！加咗呢啲配菜，成碗撈麵層次即刻提升，食到停唔下來🤤！「方太小鍋米線」嘅撈麵真係做得好出色，米線彈牙，醬汁同配菜夾得天衣無縫，份量仲好足！！…查看更多

方太小鍋米線餐廳設計簡約，白牆搭配工業風的裝潢，讓人感到舒適而不過於繁雜。店內有著明亮的燈光，增添了用餐的愉悅氛圍。店內非常清潔衛生，加上店內播放著英文流行曲，有點像coffee shop。座位安排緊湊，但不會讓人感到擁擠，適合與朋友聚會或是單獨享受美食。方太家傅糯米酒方太小鍋米的湯底頗有特色，我選了方太家傅糯米酒。湯底沒有很大的酒味，反而有點點藥膳味，感覺很養生。湯底還包括了芽菜、鮮腐竹、金菇、蟲草花和雞絲。淮山麵淮山麵麵條令人非常驚喜，非常爽口，讓人一口接一口。川味豬腩肉油花分佈均勻，口感豐富。醬汁不會過於辛辣，適合大多數人的口味。黑毛豬肉條肉質爽口，味道不錯宇治抹茶鲜奶珍珠非常驚喜在米線店有這款飲品選擇。抹茶味道濃郁，搭配鮮奶的香滑。而且十分多珍珠，珍珠嚼勁十足，增加了整體的口感層次，是完美的搭配。方太小鍋米的菜品不僅味道出色，餐廳的服務態度友好。無論是與朋友聚餐還是單獨用餐，這裡都是一個值得推薦的選擇。…查看更多

係元朗體育館附近打完波, 就行下教育路睇下有咩好食, 見到呢間方太米線, 裝修都幾特別, 好少見到可以睇住廚師點整米線🤣就試吓呢間💫膠質豬骨雞湯 加爽口牛丸 加惹味炸雞扒湯底係豬骨雞湯, 每啖都好鮮甜, 帶有辣椒油嘅微微辛香, 好好飲😛配料極多, 有芽菜、鮮腐竹、炸醬、金菇、雞絲 、加左份牛丸, 勁爽口, 滿滿既牛丸味, 爆汁😍米線煮得夠滑嫩, 吸收哂湯汁嘅味道, 每一啖都充滿濃郁嘅風味👍💫惹味炸雞扒另加左份雞扒, 炸得好香脆, 雞扒啖啖肉又多汁, 鹹度適中, 份量都大件, 整體嘅層次感非常豐富, 唔會感覺太油膩, 會有想追住食嘅感覺😂仲好細心切件, 方便食用😋🥤玫瑰柚子蜜梳打淡淡嘅玫瑰花香, 與柚子嘅清香同蜂蜜嘅甜味好match, 入口清甜, 帶有少少微酸, 仲有蜂蜜嘅濃郁香氣, 飲完喉嚨都清涼左好多😇…查看更多

叫了三個糯米湯米線外賣 包裝得很差， 3個白色膠袋分開包，問佢有冇大袋，沒有，打結位很差， 導致成柸鴨屎檸檬茶瀉駛， 糯米湯沒糯米味，要自己再額外加黃酒落去食先有酒味，老婆話自己煮個隻酒湯味都好食過佢， 其中兩個主菜選魚片 也是很少很薄， 另一個主菜選豬排， 拎到番去先發現無比到，黑糖真珠炭燒奶茶沒黑糖炭燒味 見咁多好評才幫襯， 真係唔明點解咁多好評 味道普通， 餸1d都唔出色， 不會再比機會了 元朗好食過佢既米線真係大把 。…查看更多