新香園 (堅記)

營業中

休息中

從朋友口中知道有來自不同國家的藝術家在深水埗大街小巷中畫上不同的壁畫，於是我們就趁假日按圖索驥，在巷弄間穿插，來一場尋寶遊戲。不過難得來到深水埗，當然要在尋寶前先祭五臟腑，正好朋友都未吃過堅記，我就帶大家來試試。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊堅記位於桂林街，從深水埗港鐵站一出直行一分鐘就到，非常好找。是日雖然是紅日，但想不到10:15來到，門外已有一條人龍，幸好食客雖多，但大家在這裡都不能久座，所以輪候時間都不算長。店內有多張圓枱，每張約可容納五至六位食客，三三兩兩的食客都是有空位就坐。食店兩邊牆上已貼上大大個餐牌，食物以三文治、粉麵和粥品為主，全部是單點形式，並沒有套餐供應。馳名蛋牛治烘底($20)自從上次食過這裡馳名的蛋牛治後就念念不忘，難得再來，當然不作他選。三文治已預先飛邊並烘至金黃色，入口非常香脆，牛肉入口嫩滑得來仍帶有肉汁，外面被煎蛋包裹著，而煎蛋也煎得剛剛好，口感不會過鞋，一啖咬下，三者味道互相衝擊，滋味無窮。紅豆冰($18)紅豆冰在這裡的盛名絕不下於蛋牛治，所以即使價格比其他飲品貴，我也要點上一杯。紅豆冰奶和紅豆的比例剛剛好，甜甜的紅豆中夾

落雨嘅日子真係零舍麻煩。。。第一次黎食，都預左要等一陣，只係冇諗過要擔住把遮呆等。。。等緊嘅時候，一眼睇哂裡面，唔算大，大家都要搭枱。但都算快，等左15分鐘左右，就入得。。。都幾多野揀，而且可能係喺深水埗，價錢都係比較平民價。呢度最出名係蛋牛治，黎到梗係要試下啦~~見到好多人坐低都係即刻嗌蛋牛治烘底。。。(搞到好似得一款野食咁)但本人比較麻煩，蛋牛治仲要烘底走油，好彩落單姐姐都好似習慣左咁。。。等左一陣，終於有得食，熱辣辣，第一時間拎上手嘅我，都要即刻放番低，過左一陣，先敢再拎黎食。第一啖咬落去，真係覺得超好食!脆卜卜嘅麵包，加上熱辣辣嘅蛋+牛肉，每一啖都有啲汁慢慢流出黎，真係超正呀!一件蛋牛治邊夠喉，聽聞呢度嘅豬潤麵都幾正，一於食埋佢~見到個湯，感覺好清淡。。。果然，食落覺得好似係將啲豬潤同啲麵分開左煮，然後再放上面，成個麵都冇索到豬潤嘅味道，好似只係食緊一碗冇味精嘅大光麵。而且豬潤煮得唔夠淋，叫做緊緊熟，唔起沙。個湯底熬得唔夠，一啲豬潤味都冇，就好似清湯一樣。。。 另外，我仲叫左杯滾水蛋，聽人講飲滾水蛋最好落少少糖，咁樣味道唔會咁淡，但我又冇呢個習慣，但我飲呢杯又幾正喎! 又夠熱，

黎開深水埗，緊係要食新香園啦！今次唔食蛋牛烘，食沙嗲牛肉通粉個湯一睇已經見到充滿沙嗲汁牛肉食落好林，沙嗲味唔會過咸，溝左落個湯度，同通粉一齊食，好香，好惹味，好好味當然要飲埋熱谷古啦！而家已好少地方有得飲好香濃朱古力味

下午時分，排了十分鐘，可以入席了現場見大家必点豬手面，蛋牛治我們也各來一份飲品單叫了紅豆冰和檸茶上菜了蛋牛治必須烘底面包是烘得不錯，但蛋沒蛋汁，也是硬硬的牛肉過熟，有點失望但調味是不錯的然後豬手面鹼水味非常重，而豬手也算淋不過煮得十分糊，有點失望一直很來來試試，但感覺沒什麼特別呢但價錢十分便宜，也算不錯

每次黎到深水埗都要黎幫襯新香園。雖然坐位好迫，價錢亦唔算平，但都無減我對佢既喜愛蛋牛治烘底係必食既！多士烘得好脆！蛋香牛肉都好好味！成件三文治都好足料另外必飲當然係熱谷古而家已經好少地方飲到了。朱古力味好濃，好好味！推薦俾喜歡懷舊味道的朋友

以前深水埗有好多大排檔 排檔會係唔同角落 由朝到冕咁營業有啲係粉麵 早餐 奶茶咖啡 每逢朝早落到街都會傳黎一陣陣既茶香我覺得個種味道先係GOOD MORNING!! 時代走遠 不斷變遷 以家你想再見1到或者再聞到呢種味道已經好少機會而新香園(堅記)就係由朝到晚都會開 一年365日都會為區內服務既真正茶記同一般茶記唔同 佢只會提供最基本同最地道食物即係ALL DAY BREAKFAST咁呢?! 而佢就係蛋治啦 茶走啦 港式咖啡啦 由早到晚食都唔會覺得奇怪唔合襯 選擇未必係勁多玩多國菜咁 但精益求益 唔需要多既而且價錢合理 適合一眾區內老少 得閒黎坐下輕食一下我就揀左最出名既牛治 重點係要烘底五香牛肉加入埋雞蛋一齊打勻再煎熟 牛肉係好滑好入味 配合埋未完全100%熟既雞蛋咬落去係會有蛋汁同肉汁一齊流出黎 足料唔在講 每次食既味都一樣 好穩定烘底令到成個三文治都香口好多 脆香鬆化 新鮮方包先會做到輕食完又可以繼續一日既工作活動 成日食都唔會厭

見好多人。。。。路過。。。。。入左黎。。。西多。。。。好一般。。。是但一間茶仔都有。。仲要無花生醬。。19元。。。咸肉蛋治。。都唔係好食。只係呢店用的係真牛肉。但唔係好食。。19元。豬手面。。。22元 更加無特別。。只係豬手煲到好冧好冧。。。正常。。。。

夜晚突然諗起呢間餐廳，就去食啦。已經唔係第一次食，自從之前曾經飲過一次佢地嘅菠蘿冰，以後去都會再嗌來飲，啲水比較甜溜，但菠蘿就偏酸口，味道中和番就啱啱好，冰涼酸甜通常大家來食都會食佢地嘅南乳豬手麪，不過我就唔係咁鐘意食豬手，所以唔會點。今次點左一碗牛腩河粉，牛腩口感香軟唔會太硬，啲牛筋亦炆得好「林」，一入口充滿八角，花椒嘅肉香，湯汁濃郁，啲河粉冇煮過火候，滑滑彈牙，正正子

很久沒來 終於有長假期有空去這裡再試試它們的蛋牛治這裡的食物由傳統的港式小食到粉面還有飲品都應有盡有筆者叫了茶走 第一次嘗試 這裡的茶味很濃 可是茶走實在太甜呢 對於平常喝奶茶不加糖的人 記得還要叫少甜 另外也叫了菠蘿冰 跟滾水蛋紅豆冰等一樣 這些傳統飲品不是所有茶餐廳都有供應的 所以特地叫了 這裡的菠蘿冰跟小時候喝的味道一樣 很鮮甜 可是冰太多 如果減少一點兒再加多點水會更加好蛋牛治 （烘底加一蚊）老實說 現在的跟以前的毫無猶豫退步了許多 牛肉片變成了牛肉碎 沙爹味變成需要細心品嚐才嚐到那沙爹味 儘管如此 目前的蛋牛治還是比普通茶餐廳的好吃 但這樣退步下去 不會再值得特意來這裡品嚐這個三文治的啦這次叫了西多士 新鮮炸出來所以還是有點兒脆卜卜 並且很重蛋味 可是並沒有突出到要專程來吃的程度 只值得順道經過時可以一試

星期六下午經過，本來被外面長長的人龍嚇跑了，後來發現原來外賣的話，只要下單再等五分鐘左右就已經有熱辣辣的蛋牛治吃了。上網看食評有那麼高的評價，當然期望都高。烘底多士再夾上熱的咸牛肉蛋，其實是一件好普通的平民蛋牛治，基本上是不會太難食的。因為期望太高，最後是有少少失望的，咸牛肉的蛋分佈不平均，牛肉碎太少。不知是否太忙，所以連包邊都切少了一邊。

香港人生活營營役役，本來約了大學好友晚餐，但她最終九時多才下班，晚餐變宵夜吧～晚上十時，大部分的餐廳經已關門，還能到哪裡搵食？一於到不夜城深水埗吧，順道再訪馳名的新香園蛋牛治。雖然已經晚上十時，但店內仍然熱鬧，座位九成滿。這是地道的平民小店，牆上掛上大大的餐牌；一個角落是煮食收銀的地方，其餘地方擺放著一張張的大圓枱，食客坐在圓凳上圍著圓枱擠擠的用餐。 新香園是廿四小時經營的，提供較為輕巧的食物，主要有三文治、多士、粉麵、粥、飲品，但粥下午五時後供應。 冷冷的寒夜，點了一碗熱辣辣的魚雲粥取暖，亦點了公司三文治跟好友share。魚雲粥 - 這裡的粥據說是即叫即滾的。魚雲是我喜歡的食物，喜歡其滑溜溜的質地。粥底加入了不少的蔥，僻去了魚的腥味。粥底很稀，看不見一粒粒的米在裡面，慢慢吃著搞著，還會有點出水的情況。魚雲真的是雲的部分，而非骨摻摻的部位，讚！魚雲份量都不吝嗇，大大的部分足有兩件；味道鮮甜，肉質滑溜溜的，煮得恰到好處，不會煮得過熟而出現散開的情況。 公司三文治 - 蛋牛治是這裡的名物，但貪心的我點了公司三文治，皆因它有蛋牛的部分，亦夾有火腿、午餐肉，加

朋友成日黎香港行街，今次想帶佢食啲既有特色又不同於平日餐廳的食物，決定到深水埗探索下。 新香園之前食都要排隊，不過閑日下晝就唔洗。 二話不說當然要點一份馳名蛋牛治加烘底！朋友一開始覺得看著普通，好奇我之前的極力推薦，是咪真係咁好味先？咬下第一口她就大呼好食，巴不得再追加一份。烘得金黃脆香嘅三文治，夾住煎得香滑的蛋牛，咬落去飆曬汁。再配啖熱杏霜，成個人即刻暖返。 可能太專心食蛋牛，忽略咗西多。牛油融得七七八八先開始食，同埋天氣涼食物凍得快，西多食到有啲膩，感覺heavy。 朋友滿意我就最開心，新香園真係百食不厭！

前幾天因為工作來到深水埗，知道新香園這家小店一直長居OPENRICE很高的位置。每一次去都見到好多人等位，反正這天是平日，難得有時間就等等試下，睇下呢間鋪面少少，很有街坊味的小店究竟有甚麼吸引力！一坐下，反正一個人不用等太耐就被安排坐下。大家都是點同一樣的食物，蛋牛治烘底，另外加一個豬手麵。先來一客南乳豬手麵，豬手真的很淋，而且十分入味，吃完時整個口都被膠質「張」住，十分滿足。麵底略嫌簡水味有點多，不過尚算彈牙！另一個名物，蛋牛治烘底。牛肉多過蛋的，這是令我感到驚喜的地方。而且炒香了加上牛油烘香的多士，十分配合。不過這個很多茶餐廳也會食到，不過新香園的餡係比平時的多，味道都係算中上。整體來說，以親民的價錢食到如此的豬手，已經算不錯。不過蛋牛治就普普通通！

放假打牌是常識吧，打到天昏地暗，望一望隻錶，三更半夜，五藏廟響起，梗係出去食宵夜....深水埗出名既食肆好多，豆漿腸粉紅豆糕，應有盡有，但反而蛋牛治烘底，就好少區外人黎食.....今晚無食蛋牛治，因為餓到癲，食左兩碗潮粉...係依個講求健康既年代，豬雜已經賣少見少，但八十後既都知阿古獸除左太一，係乜野都可以擺落肚。黃沙膶，豬肚都較常見。豬粉腸，洗得乾淨，有咬勁。更難得的是豬心，煮得很林，好耐無食過。誰理得哪該死的膽固醇，先吃為快。然後再來是一個清淡的魚旦魚片米，充飢為主。魚旦尚算彈牙，沒什麼特別，絕對比不上耀東街的那一間....作為一個潮州漢，個間是暫列第一魚旦河的地方。 題外話： 有幸的話，你仲可以係度見到「認字特警」

今日心情麻麻地，做做下野想去偷雞，行行下突然間經過一間茶餐廳~~於是就行入去hea下！！雖然價錢真係好平吖，不過味道都唔差嘎~~豬手撈麵，豬手好軟熟吖，啲肉鮮嫩多汁，而且好入味，同啲麺一齊食啱啱好~~牛蛋治，外面舊三文治真係烘得好香脆吖，入面舊蛋煎得半生熟，我最鐘意食！！牛肉粒好嫩好入味。多士，每次嚟茶餐廳絕對必點！！上面舊牛油好大吖~~甜而不膩食完咁多野，肯定要嚟翻支維他奶啦，維他奶真係茶餐廳噶絕配吖，西多配維他奶，我摯愛！！