新記雞粥 (筲箕灣道)

營業中

休息中

位於筲箕灣的粥品茶餐廳，本身總店在元朗，這間則是港島的分店。餐牌主打各款粥品，還有腸粉、小食、小菜、炒粉麵飯，選擇甚多。必食招牌推介：金牌貴妃雞貴妃雞蠻厚肉，鮮味突出，雞皮油香，肉質滑嫩。生滾煲仔粥：蠔仔粥砂鍋上枱，一大鍋滾粥，粥底綿密，濃稠不稀。加添了蠔仔肉碎，蠔仔不多，不過蠔肉飽滿。另外，還額外添加配料，鯪魚球，形狀大小跟魚蛋差不多，很爽彈。精美小菜：涼瓜炒蛋炒蛋份量大，蛋炒得澄黃，保留蛋汁濕潤滑溜感，跟涼瓜一起炒，增添口感。飯類：咸魚雞粒炒飯炒飯即炒，飯粒金黃，粒粒分明，很有鑊氣，加入咸魚烹調，味道鹹香惹味。

呢間舖由元朗開到黎港島，身邊住筲箕灣既朋友都話好味又抵食😋於是今次收工同👦一齊過黎試試佢！👦本身都好鍾意食呢d地道小店，佢最近好迷點心😂 😂 呢間店鋪雖然唔大，但坐落唔會好逼！野食質素唔差！性價比極高 2人食咁多人均都係$150內咋😭～很推薦大家過黎試！碗粥真係好正😭👦話如果朝早食返碗應該好爽！😍 啊～係喇 呢度d姐姐服務態度唔錯嘿嘿😍·🌟貴妃雞粥🐔 $58強烈推薦😌✅！成碗粥好大份，一上檯超香😭雞件大夠鮮甜！肉一都唔乾～仲要好香呀🆘🤩 粥煲得軟綿綿 口感超正😭 超鮮甜超鮮甜！仲要好平！推薦比大家！！我真係願意為左呢碗粥再encore多幾次🤩·🌟鮮蝦腸粉、炸兩腸粉🥧 $32、$25點呢兩個一定唔會錯啦😌😂 腸粉好滑！炸兩好正😝 配埋粥真係一流🤩·🤍炸魷魚酥🦑 $60裹滿了厚厚的炸粉，特登點黎過下口癮哈哈哈😂因為好耐無食魷魚酥了！！👍·🤍豉椒炒黃鱔🐟 $81又係點黎過下口癮哈哈哈😂黃鱔脆卜卜好正！魚肉份量多👍 不過唔係有鑊氣既個種爆炒😌·🌟蒜泥汁脆皮豆腐 $36豆腐愛好者here👋！呢款食落去口感好似臭豆腐！外脆內軟😍 配埋D醬汁好惹味！👍·評分🪄 (滿分5🍑)人均：$150味道：🍑🍑🍑

星期日去左筲箕灣探個朋友仔，平時都比較少嚟呢區，見下午茶時間未完就喺附近搵間餐廳醫下肚，同屋企人見到間食粥品既就入去試試佢。紅燒元朗脆皮乳鴿而家除左酒樓之外出面都好少地方有乳鴿食，新鮮炸出嚟乳鴿熱辣辣脆卜卜，肉汁豐富，基本上就咁食都好夠味。海蜇生腸好入味，同平時啲海蜇生腸有少少唔同，加左啲辣汁，更加惹味開胃。生滾豬膶粥豬潤大大塊，爽口唔老，粥底綿滑，下午茶嚟講好抵食跟餐蘿蔔糕煎得香脆，足料唔會成口粉。豉油王炒麵炒得非常乾爽，調味適中，看似普通但十分好食。七喜話梅柑桔冰酸酸甜甜，所有飽濟感一掃而空。

呢日打算去海防博物館參觀所以係筲箕灣搵食 見呢間雞粥好似幾好味 所以天氣超熱都去食😂原來係元朗老店係港島既首間分店雞粥大大碗 好足料 好綿滑套餐加既炒米粉 份量都多都係跟餐既炸両

今次第二次食新記雞粥隻雞超有雞味同埋個粥底都幾好食用瓦煲既粥應該係特別好食嘅不過唔知係影相定係咩關係食嗰陣唔係真係好熱如果可以再熱啲就好啦如果我一定要推介我一定會推介炸兩個炸兩超級好食最難係難在腸粉包住嘅油炸鬼都仲係脆嘅所以再加埋佢嘅豉油汁同甜醬口感同味道都好好食淨雲吞好多粒足料又大粒多到有少少食唔晒如果每粒嘅形狀可以再一致啲就Perfect啦個叉燒炒蛋都好大份個菜都幾甜成個Experience都唔錯成間舖頭都算企理同埋上菜嘅速度都好快如果想食個快飯都幾啱我覺得應該中午或者早上食就最適合

新記雞粥幫襯過好幾次，不論是筲箕灣店，還是旺角和佐敦，有時喺附近，都會坐低食碗粥或者炒麵，貪佢價錢貼地，食物又飽肚貴妃雞粥($59)用砂鍋上，保持溫度夠熱，用貴妃雞生滾出來的粥底，本身已經很夠味道，不用再加調味料已能夠吃到原汁原味的雞粥紅燒元朗脆皮乳鴿($79)乳鴿皮香脆，不過略嫌肉身有點嚡口蜆介鯪魚球($58)次次嚟親都必點，鍾意食鯪魚肉嘅人一定啱，六大粒鯪魚球，魚肉彈牙，很是滿足豉油王炒麵($34)大大碟炒麵，炒的乾身蝦醬炒通菜($51)比較濃味蛋白杏仁茶($29)茶記都有甜品，行人味道適中

「新記」一向出名食貴妃雞粥同紅燒乳鴿，但其實佢啲小菜都一樣咁正，今晚就同朋友嚟筲箕灣分店開餐。餐廳佔地 2 層，門面光猛，環境舒適，裝修簡潔又企理。紅燒元朗脆皮乳鴿 ($76)  乳鴿即點即炸，新鮮熱辣，大小適中，骨肉勻稱，調味亦啱啱好，咬落皮脆肉嫩又 Juicy，唔使點淮鹽食已經好好味！貴妃雞粥 ($59)  雞粥大大煲，雞味十分香濃，粥底好綿好入味，充滿雞油香，雞肉滑嫩又有肉地，一啲都唔嚡口，加埋香脆嘅油條  ($12)，送粥一流！菠蘿咕嚕肉 ($61)  咕嚕肉賣相好靚仔，用上肥瘦均勻嘅肉嚟烹調，入口外脆內爽，配料有菠蘿、洋蔥、三色椒等，伴以酸酸甜甜嘅甜酸汁，很惹味。豉汁蒸倉魚 ($67)  加咗 $20 將蒸魚轉咗做套餐，配熱飲及白飯一碗，轉凍飲+$3。條魚好新鮮，肥美肉厚，以傳統嘅豉汁嚟蒸，火喉掌握得恰到好處，魚肉食落好嫩滑，加埋豆豉齊吃，咸香惹味，用嚟送飯啱啱好！食完飯再嘆番杯凍奶茶(+$3)，一樂也！杯奶茶飲落唔錯，夠滑同有茶味😋

星期五輕輕鬆鬆出街食晚飯，好耐無食粥，就諗到去新記，除咗粥麵外，仲有其他小菜，貪佢比較多選擇。平時晏晝見到長者客人多，原來夜晚反而係多年輕人嚟食黃鱔粥 $59特別想試比較少食到嘅黃鱔粥，大約有八件黃鱔，肉厚微爽，粥底夠綿蜆蚧鯪魚球 $58鯪魚球大大粒，外層微脆，爽彈魚肉，唯一不足係蜆蚧醬比例偏少海蜇生腸 $58呢份冷盤份量唔少，麻油味香，海蜇爽脆，生腸入味，爭枝啤酒紅燒元朗脆皮乳鴿 $76好耐無食過乳鴿，見係呢度嘅招牌菜之一，點都要試吓，皮脆肉入味，果然唔錯炸芝麻球 $24即點即炸，製作需時，上枱時仲出緊煙，芝麻外皮勁脆，入面係豆沙餡凍檸茶 $21例牌叫少甜少冰，但似乎無少甜，檸檬夠鮮，茶味正常

聽人講新記雞粥好出名， 經過咗幾次都想， 今日終於有機會試.貴妃雞粥＋叉燒腸 $64雞件算多，個粥底好棉有雞味，而且 D 雞夠滑😋叉燒腸入面 D 叉燒夠多夠大粒，而且唔多肥膏，食落真係粒粒 叉燒，讚🤩海蜇手撕雞 $58海蜇＋手撕雞混合一齊食，口感特別，而且食材夠入味，開胃之選🤭炸蘿蔔糕 $37香脆，蘿蔔糕內既蘿蔔算多，會食到蘿蔔既質感，食落唔會成口粉，讚👍🏻香脆多春魚 $55脆得黎唔會乾淨淨既多春魚，而且 D春魚條條都好多春😂，好食😁

今早去筲箕灣新記雞粥食早餐,叫咗個生滾碎牛肉粥早餐價錢$45,都唔平,碎牛粥的碎牛少得可憐, 問店員是否放少了碎牛,她說是這樣的,因是生滾粥,所以無乜牛肉粥味道,希望他們可以改善下.

難得有Friend call去打場波🏀，玩完點都要一齊食埋飯先放佢番屋企，於是去番我地兩個既飯堂「新記雞粥」，貪佢就腳之餘又CP值高誠意推介「蜆介鯪魚球」，出色過坊間既中菜館，金黃色既脆皮，咬落熱辣辣好彈牙，完全無泥味，記得要蘸埋蜆蚧醬，好正咸鮮味呀😋😋😋黎得「新記」點會唔叫「貴妃雞粥」呀？即叫即滾，粥底綿夠熱，又有雞肉甜味，食到有輕輕用酒加少許藥材醃過，唔係普通白切雞，煮得唔過火之餘保持肉質嫩滑😙.食粥梗要配埋「豉油皇炒麵」，一上枱就出晒煙😮勁多配料：洋蔥、銀芽同埋蔥，麵條炒得好乾爽唔油膩，好有鑊氣👍🏻「酥炸魷魚鬚」好食到俾我friend掃左大半碟，我明白丫～因為完全係細個去茶樓食到既風味，粉唔多又唔太油，外脆內嫩，最怕食到又硬又靭呢，依道新鮮炸起完全無問題我friend必點「XO醬炒蘿蔔糕」，蘿蔔糕煎香左再加XO醬去炒，仲有好多XO醬料鋪面，鍾意佢可以一件一啖，少少辣，香口惹味加埋「叉燒腸粉」，腸粉薄身柔軟，包住叉燒粒，食落腸粉皮滑身同有少少煙靭感，酒樓既厚皮腸粉無得比啦😌「新記」既選擇以至味道都岩晒我地胃口，又樣樣大碟，我地兩個男人可以清晒碟🙈，不過就飽到行唔郁，睇黎頭先打波消耗

又到星期五，出嚟筲箕灣做嘢收工，同事唔知食咩，天氣仲有少少涼涼哋，我話不如食粥，大家無異議，咁就一齊去我之前食過既粥店。一行3個人，都點咗幾多嘢，一齊share。貴妃雞豬潤粥雞粥係冇得輸，粥夠熱又夠綿，雞算多同有雞味，唔嚡，今次加埋豬潤，食落口感爽滑，超滿足。豉油皇炒麵每次食粥都會叫，呢度炒得唔會油，香蔥，洋蔥同銀芽爆得好香，個炒麵好香豉油又唔會太鹹，麵條好幼細，口感好爽口。蜆介鯪魚球炸得好香，個面黄金香脆，鯪魚球爽滑彈牙，有鮮味，唔油，個蜆蚧醬夠鮮味，鹹香，食落好惹味。鮮蝦腸腸粉夠薄，蝦新鮮又大隻，唔錯，如果再多啲蝦就好啦。XO醬炒蘿蔔糕又係港式既一款小食，外層面煎到金黃香脆，裏面都食到有蘿蔔粒。外脆內軟，加上XO醬既香辣，夠香口。蒜泥汁脆皮豆腐外層金黃香脆，內裏豆腐嫩滑，一咬開豆腐，裏面熱到出晒煙，沾上蒜泥汁食，好惹味。總括而言，雖然叫咗好似好多煎炸食物咁，不過食完又唔係好油膩，一來可能唔係太油，二來個粥同個凍豆漿有d功效，下次可以叫多啲人再點多幾樣粥share。

早上想食粥，便想上次食過好好味嘅新記雞粥(堂食)，即刻call去落order，第一時間去筲箕灣去拎外賣，今早出奇很少客(上次去食入面超多人客)快快比錢後返去開工食嘢生滾及第粥配叉燒腸+咖啡 （$45+外賣盒/袋$4）=$49外賣拎到公司，本以為自己拎得唔好留曬咖啡，原來個紙杯底留咖啡，整到抬都污糟曬希望此店改用其他牌子紙杯太差(ps.我只好倒去水壼度，D咖啡係好飲)生滾及第粥(沒時間，忘記影相),今次D豬潤碎上(細個指甲)豬肚及豬肉丸D味道不太新鮮，只有肉片好DD叉燒腸D腸粉皮好厚鞋拾拾D味道麻麻唔知係唔係堂食好D，而外賣D質數會差D

食雞粥一般都會諗起沙田同元朗，元朗呢間雞粥喺九龍同港島都有分店，唔使入元朗都食到元朗老字號雞粥，今次嚟筲箕灣分店試下水準。餐廳格局同一般茶餐廳差不多，雖然唔算闊落但感覺乾淨企理。餐牌上好多選擇，除咗招牌雞粥，亦有多款生滾粥，另外仲有多款小食、炒粉麵同小菜。貴妃雞粥即叫即製，用砂窩上枱份量都唔少，適合兩個人分享。淡黃色嘅粥底吸收晒雞油，口感綿密濃稠度剛好。貴妃雞非常嫩滑，就連雞胸都滑食粥一定要配炸兩，腸粉透薄滑溜，油炸鬼微脆。鮮蝦雲吞蝦肉爽口彈牙，每粒雲吞都有一整隻蝦，而且好香大地魚味。星洲炒米咖喱味濃郁，少少辣好惹味而且超有鑊氣，唔會太油膩，比好多茶餐廳更出色椒鹽海中蝦賣相好靚，一上枱就聞到好香椒鹽味。蝦殼炸到脆卜卜，連殼同蝦尾都可以食埋總括嚟講食物質素好，選擇多而且價錢好抵食。下次諗起想食雞粥都會嚟幫襯。

新記雞粥📍成日post咁多打卡餐廳，今次就推薦下糧尾恩物🫠💸港島的朋友唔需要特登入元朗都可以食到超綿密好味的貴妃雞粥！果然係招牌，必叫👍🏽小炒都有驚喜，做到大排檔的效果同味道🤤特別介紹乳鴿！大大隻新鮮炸起，非常惹味！重點係呢度全部嘢大概3舊水咋….Please check it out: @sunkeechickencongee.Taste: 🥰🥰🥰🥰🥰Igable: 📸📸📸📸Environment: 🥂.Find more📌📌📌#MafiFood筲箕灣.#MafiFood #MafiFood香港 #MafiFoodHK #MafiFoodShaukeiwan#food #hkfoodie #foodie #foodlover #hkig #香港美食 #筲箕灣美食 #美食 #吃貨 #相機食先 #打卡熱點 #新記雞粥#sunkeechicken #香港小炒#雞粥#chinesecusine#cantonesecusine#皮炸乳鴿