新記芝士麵 (已結業)

和朋友經過灣仔，朋友看見新記，便說這裡的芝士撈公仔麵十分馳名，身為芝士愛好者，當然要一嘗它的滋味。叫了兩個芝士撈公仔麵，一個配豬頸肉，另一個則配豬扒、蟹柳。食物一上枱，便已經傳來芝士的香味，芝士汁質感濃稠細滑，但吃來不會感覺肥膩，豬頸肉和豬扒同樣出色，肉質鬆軟中帶點結實，不至於完全沒咬口，但也不會韌得咬不開。不過，不知道是不是煮麵時間過長，公仔麵過份軟腍，沒有彈性，可謂芝士撈公仔麵的敗筆。份量方面，普通即食麵大小，男生可能要多叫一個。

唔知大家仲記得芝士麵係有段既熱潮💗但估唔到現加仲有餐廳用泥做賣點 驟眼睇芝士落得幾重手下 聞到仲有陣陣芝士奶香味 不過味道一般 芝士好濟 雞扒反而係好食 煎到脆皮 小編幾欣賞呢點撈麵係幾多料 好豐富😬但嫌佢整太乾身 冇咩汁 要狂補水💦至得

Lunch time特登走嚟灣仔，就係為左新記既芝士麵未夠1點嚟到，唔使等就有2個位，真係好彩坐低唔使諗就嗌左兩個豬頸肉芝士麵一碗芝士麵就$47，凍飲就加$2😋芝士麵份量唔多，一個公仔麵既份量芝士就好濃郁，份量足夠每一啖都掛滿晒芝士豬頸肉都有六、七舊，配埋芝士一流個麵份量唔多既關係，幾啖就已經可以食晒成個麵😂有啲矛盾就係其實食芝士麵嚟講，依個份量就啱啱好，再多啲就會濟🤔不過食lunch嚟講，就真係有啲唔係好夠飽🤦🏻‍♂️🤦🏻‍♂️🤦🏻‍♂️最好杯嘢飲真係世界級，朋友嗌凍奶茶，飲飲下發現有檸檬同啲侍應講，竟然一句唔好意思都無，好爽手就倒左佢，比過杯新既睇到我地目定口呆，唔知係咪成日都有依個情況既呢檸檬溝奶茶，幫朋友清左一清腸胃😂

說起芝士麵，食芝士撈公仔麵，相信冇乜人會不知道《新記》這一個寶號。最初知道有這一個玩意時，知道在尖沙咀的香檳大廈內，日光日白都要摸黑入，地方又舊又不整潔，環境的印象分其實一般，但味道濃郁的豬頸肉芝士麵就令我一吃難忘了。後來在灣仔工作，知道也有一間《新記》，當時，的確有少少愛上了架。事隔多年，芝士麵的味道應該沒有變，但坊間實在有太多的美食了，這麼多年，我漸漸地把芝士麵的味道忘記了。直至近日，我在中午經過克街的《新記》新舖，這應該是灣仔《新記》的第三次搬舖，我突然想起了芝士麵，於是，我決定拜訪一下。 新店的內部很簡單，中間掛起了一個復刻版的《新記茶檔》招牌，令人感覺就似在街邊的鐵皮茶檔飲食一樣。給我的感覺就是簡單而有心思。 多年沒有來，一入場就指定來一碗豬頸肉芝士撈公仔麵。對，這只是很普通的一個公仔麵，有人會直說，值得一吃嗎? 我可以說，喜歡芝士的人一定會喜歡。這麵用上了許多的芝士，很香口，很濃味，加上有夠多的爽口豬頸肉，當返自己回復年青，大大啖芝士，很是亢奮的。現在年紀大了，日日咁樣食芝士，不行啊。 改日來，我不再吃那個邪惡的芝士麵了。因為，menu 上有更邪惡的瑞士汁雞脾飯。瑞士汁，就

去到新記，一定要食他們的招牌芝士麵，雖然看似簡單，只不過是即食麵加上芝士汁醬，但自己試過在家煮過，始終做不出那種濃郁幼滑的芝士醬。芝士汁豬頸肉撈公仔麺（$47）這個是新記茶檔的星級推介中之人氣首選，先說即食麵底，煑得恰到好處，不會太稔，豬頸肉煎後切薄片，份量都頗多，再淋上芝士汁，芝士醬汁很幼滑香濃，並附送咖啡或茶。常餐B ($43 + 涷飲+$2）常餐分有ABC, 這個是B餐，除有飲品外，還有豬扒湯公仔麵和火腿煎雙蛋多士。豬扒很大塊，也不會煎得太乾，麵條爽彈。煎雙蛋火腿加多士，典型港式茶餐室的常餐，多士烘得香脆，加上太陽蛋和一片火腿，很滿足。

聽聞香港有四大奇食，我目前只去左兩間，澳牛同埋新記。澳牛光速餐果然係名不虛傳，服務速度真係快到似足坐火箭咁犀利，真係嚇死人咩？今次新記就ok啦，服務速度相對冇澳牛咁快，都係正常服務嘅，等上菜唔會太長時間，今次就去試了芝士汁豬頸肉公仔麵，waiter比我嘅個陣我睇到勁多cheese但嘢食睇起來好少應該唔夠飽咁，感覺真係冇咁多嘅不過等我食曬之後又發覺芝士汁其實夠嘅，我好似飽左d啵唔洗再食嘢，講真我覺得新記灣仔鋪店鋪幾寬敞又幾乾淨。嘢食都係甘掂，好拉下次會再光顧啦。

路過呢到~懶鬼懶等位~呢間唔洗等~即入普通茶餐廳點左個泰汁雞扒飯~哈哈~幾有驚喜~首先個樣比想像靚😋增加食慾個汁味道幾夾但偏甜~辣啲更佳🤗雞扒個樣以為煎過但原來醃左~有誠意

Hong Kong style instant noodles of all kind are available here. Not sure if English menu is available or not (never asked) but there are some pictures on the wall you can point to. Taste tends to be a little salty. Overall, okay for a quick lunch.

今日午餐唔想食外賣飯盒就打算去新記食個午餐一點三到去到個場好爆不過好彩兩位都唔洗等坐底左之後就嗌左個芝士汁豬頸肉撈公仔麵加蛋好快就到左個樣好靚未食已經有好香既芝士味然後隻蛋個黃係勁流成個麵撈左佢之後就開始食我覺得個麵太腍硬返少少就就perfect芝士汁有好香好濃既芝士味岩哂鐘意食芝士既人佢個豬頸肉好似係燒既整得好腍唔會好硬食得好辛苦咁到最後食哂成個芝士麵都真係有少少膩少少滯飲埋杯凍檸茶就舒緩返個膩同滯既感覺佢啲檸檬好新鮮一啲苦味都無個茶唔會太淡又唔會太濃兩者放埋一齊就好好飲

記得之前在銅鑼灣工作，有時午餐時間較寬鬆都喜歡跟同事走到灣仔食芝士麵，但雖然星仔每次來港都會四出尋食，不過就一直沒有帶他食過。難得聖誕一連幾日假期，加上沒理由明知餐廳加價都照食，所以我們就反傳統食芝士麵慶祝聖誕。＊＊＊＊＊＊＊＊＊＊＊＊＊＊＊幸好一早在開飯網搜尋，否則都不知道新記搬了新鋪。聖誕假期店內只有小貓三兩枱客。來新記，當然是吃芝士麵，所以注意力都只放在芝士麵一欄上。芝士汁豬頸肉撈公仔麵($47)食過新記幾次，最喜歡還是宅的豬頸肉芝士麵。芝士汁濃稠有濃郁芝士味，豬頸肉也軟腍，但麵質跟之前相比卻少了彈性，入口較軟腍，影響了口感。雞扒芝士腸芝士汁公仔麵($45)星仔點了這個雙拼芝士麵，配料是沒有問題的，芝士汁也能保持，不過仍是麵質太腍的問題。跟餐已包一杯熱飲，我們就點了熱蜂蜜菊花露和熱未朱古力，都不用另外加錢。吃罷才發現牆上有營多撈麵的膠牌，不知是否因為即食麵轉了營多所以口感跟之前不同了？

公仔麵已經系我地生活既一部份，但煮一個公仔麵煮得她食，唔系系人做到，水既溫度、落麵既時間，煮既時候都會好大影響。今次黎到新記試左佢既招牌芝士豬頸肉公仔麵我對芝士不是太嗜的，但陪女朋友緊系要食啦，不過都算有驚喜喔，一黎見到個樣都無咩特別，幾塊豬頸肉， 一灘醬汁，甘黎到緊系要開餐啦，咦撈左個面食，醬汁唔太多，剛剛撈好成個麵，食落淡淡芝士味，唔太（留），麺彈牙，軟硬適中，好簡單既食才，加埋一齊，豬頸肉簿片，一啖一片，食落香口，唔（痴牙），（林）身，加埋芝士汁

朋友介紹下，所以就到來試原先的位置搬遷了，找了一陣子的地址入店前看到店裡人不多，可能平日的3點3人不多。非常簡單的裝修豬頸肉芝士麵豬頸肉小小煎過頭，但好彩冇苦味麵既軟硬程度岩岩好，有口感芝士味好重，一開始食好好食，但食下食下就有啲重味冇飲品跟要另叫的

新記既芝士面，我由佢係灣仔交加里開店丶搬到去茂蘿街再搬去而家克街新鋪，一直都係佢既忠誠Fans。無他既，因為真係好鍾意佢既芝士公仔面。芝士豬頸肉公仔麵無論醬汁定係豬頸肉都冇得輸。芝士醬汁超濃又香，芝士分量超足，絕對每條面都有勁多芝士係上面。豬頸肉真心係「冇得輸」！豬頸肉好多汁，而且永遠都捉摸唔到點解佢既醃料咁好味。咬落去超香，永遠既最愛！相比之下，豬頸肉飯就普通左D。豬頸肉都係好食，蛋亦都煎得好令，甜豉油都好好味。但係始終食店既賣點係芝士撈丁，硬係覺得飯係普通得多。但相比之下，飯就飽肚D，哈哈。 (鬼叫我鍾意食芝士咩..)

練完之前，我地幾個人幾出嚟食野：雖然我本人想食芝士麵但無咩胃口。咁眼見有奶油豬餐,就叫左佢啦。等左一陣,佢就上左個奶油豬。先摸一摸個奶油豬：都有少少熱。外層都幾脆，但唔見有爉。簡直好神奇。內裡好軟綿綿。食落去好甜但唔漏。但室內環境，尚有改善。因為個冷氣滴水。

之前喺舊舖買過一次外賣，上次食豬頸肉芝士麵，記得嗰次買左之後成個鐘先有得食，以為會凍晒林晒好難食，點之又無喎！仲好cheese！麵仲好正！可能我一向比較鍾意食林少少嘅麵，豬頸肉切得唔太薄，煮得唔太咸又帶點甜味，好味既野係會記得既。今次過到黎見到搬左新舖，又大又乾淨，成班後生仔在陣，無左之前D串串貢亞姐。哈哈！今次叫左個雞扒太陽蛋芝士螺絲粉，雞扒細件左少少，好似半件甘既，太陽蛋流黃，螺絲粉個軟度啱我，同我最鍾意佢勁多芝士，可以食到底D螺絲粉都仲有芝士一齊食，個份量夠女仔食，＄45個餐連熱飲，男人可能要加＄8加底啦！