新記冰室 (已結業)

新記必吃芝士麵, 每次食都係會食豬頸肉, 豬頸肉嘅肉好爽口醃製得好有味道再加上芝士同麵完全係絕配, 公仔麵嘅軟硬度岩岩好🤤如果行開旺角真係可以試吓新記嘅芝士麵.〔 芝士汁豬頸肉煎蛋撈公仔麵 〕 $56 .(好味指數: 9/10)

【雞扒拼司華力腸芝士麵】$53過往舊店嘅芝士醬，以卡夫芝士、巴馬臣芝士及忌廉芝士製成，而家新店加入左車打芝士，醬汁呈金黃色，而家醬汁夠濃稠，可以撈哂成個麵，每條麵都掛上芝士醬汁，芝味更濃。麵質偏幼身，軟硬適中，雞扒本身醃過，都好夠味！真係食過翻尋味😋

🔗新記冰室-「邪惡金黃芝士麵 👹」慕名而來試佢嘅芝士，真係好滿好黃好邪惡👹💛-🧀 芝士汁雞扒配太陽蛋撈麵 $53🔎 芝士汁鋪滿成碗麵，但芝士味不算太濃，也不會太膩；芝士麵口感頗乾，建議趁熱食為佳。-🍜 芝士汁雞翼芝士丸撈公仔麵 $54🔎 同樣滿滿金黃芝士汁，雞翼外皮酥脆，且能包裹肉汁，但份量略少。-🍝 燒豬頸肉煎蛋乾撈麵 $55🔎 豬頸肉肉質略嫌鬆垮；撈麵配上流心蛋黃滋味十足。

C餐漢堡扒腸仔炒蛋加多個奶油豬 $49仲要唔包嘢飲，凍飲品要$6，個賣相又唔多得，一上枱真係失望，麵包黑哂邊，咬落唔脆，唔值依個價，不過個炒蛋係幾好食，但總結嘅話食個麥當勞早餐冇咁嬲叫咗個主打嘅豬頸肉蛋芝士麵，都算正正常常嘅望落去啲芝士好足料，可以一試嘅職員倒瀉奶茶食個碟都係都無say sorry，真心覺得所有員工都黑住面，食完走人唔洗十五分鐘，埋單一句多謝都無，定係我太耐冇去茶餐廳，其實而家都係咁樣嘅服務？

🤤 最愛冰室之一 Geo條👅評分：⭐️⭐️⭐️⭐️💫 (5⭐️最高）自家製蔥油豬扒飯 $58今次去食新記唔食芝士麵，食佢哋嘅蔥油豬扒飯🤤豬扒飯鋪滿洋蔥同醬油，超好送飯，佢哋嘅醬油有啲似蒸魚豉油，甜甜哋，正！豬扒都好多塊，驚你唔飽咁，豬扒肉質軟硬適中，啱啱好👍🏻唔會硬到柴皮，又唔會感覺食緊鬆肉粉嘅豬扒，配埋佢哋佢蔥油，成碗飯食晒，飽晒，正！飲埋杯凍檸茶，perfect！有時簡簡單單食個茶記都幾好😂

雞扒司華力腸芝士公仔麵$53好味指數：😋😋😋😋抵食指數：💲💲💲環境舒適：😌😌環境衛生：🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：黃店。芝士麵曾經是香檳大廈的名物。極多芝士醬，芝士控一定要試！雞扒不乾身。司華力腸切開一片片，方便食用，且每一片均煎香過。冰室裝修帶點懷舊風，感覺比以前更闊落，更企理。

第一次黎，環境幾新正，六點幾黎竟然都冇乜人。有四人卡位亦有二人枱，每張枱都有隔板，對於我呢啲毒毒子放飯時間出嚟食嘢十分好。餐牌開心大發現，佢個下午茶去到七點，十分貼心，對於細食人士可以直接考慮食下午茶當晚餐。嗌左泰式甜酸汁雞扒飯 ($52) ，個汁都係嗰個汁，但塊雞扒唔錯，幾嫩口，煎得啱啱好，而且個份量都幾巨，男仔食都一定夠飽。正常凍奶茶一杯 (+$6)環境唔錯，而且佢特別有個推介小食係芝心牛肉餃等我下次黎試下先

旺角有好多香港人餐廳，但係趕時間起上嚟🏃🏼‍♀️就必定非新記莫屬👍🏻👍🏻👍🏻認識新記係源於佢嘅豬頸肉🧀芝士撈😋估唔到佢其他嘢都咁出色🍝公司炒出前一丁火腿腸仔韮黃仲有靚靚太陽蛋🍳完全食到茶餐廳入邊嘅鑊氣有幾勁💪🏻💪🏻💪🏻

一直都想試傳說中的芝士公仔麵，直到近排先知餐廳係公司附近，所以放工就衝去一試。餐廳的選擇唔算好多，主要都係麵食！飯，同埋常餐。朋友太餓，所以就叫了個飯。呢到的飯算係芝士頹飯(笑)，芝士汁雞排司華力腸飯，說穿了都係食佢個汁。咁個汁係真係好濃郁，就有啲似芝士熱狗個啲芝士汁，而且汁的份量唔少，可以撈足成個飯。出名係食芝士麵，我當然要試試！我呢個芝士汁豬頸肉煎蛋撈公仔麵，先講麵質彈牙，芝士汁的濃郁度做到掛汁的效果。切成薄片的豬頸肉煎得香口。有好的芝士汁，當然要叫埋薯條！薯條即叫即炸，係食緊個麵無耐先出。熱辣辣香脆的薯條，加埋香濃的芝士汁同埋芝士粉，如果我無麵，一定可以一個人清晒。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

呢日下午茶時間想搵間唔使排隊嘅餐廳見到新記冰室門口都唔係太多人就行入去試吓真係恕小妹孤陋寡聞原來嚟新記係一定要食芝士麵嘅食完返屋企先俾人話我傻仔😂好彩我誤打誤撞都揀咗個有芝士嘅嘢食佢個名係芝士鹹牛肉蛋包初頭我以為係一片芝士嗰種普通芝牛治😂點知原來係咁樣嘅熱狗包包😯啲芝士汁真係好多食到我成手都係🤣而且個味道真係幾香濃嘅不過啲鹹牛肉就似乎少咗啲而且亦都唔係好食到蛋不過整體個包同啲芝士鹹牛肉都係夾嘅價錢就略貴啦🤫凍飲要加成$6$43嘅下午茶餐窮L表示不能成日食😂😂😂

之前係尖沙咀香檳大厦，已结業舊店新記芝士麵食過，依加旺角叫做新記冰室，今日下午就去咗旺角試吓，lunch都唔算多人等，但我一個人都好快已經有位，新店比舊店都坐得舒服，座位都闊落啲我點了芝士汁🐷豬頸肉+司華力腸撈公仔麵😋加底+$10(大份d先夠食)同埋點了杯凍奶茶🧋不過對芝士汁有d失望😐呢度芝士汁好淡口，芝士又稀，反而舊店芝士汁好濃好creamy，冇咗之前水準味道個🐷豬頸肉都夠味，肉質適中啦，食落都爽口嘅😋

響旺角充滿美食既地方，想簡簡單單食餐晚飯其實唔難，不過如果想坐得舒服又食得滿足既話，新記冰室絕對係其中1個好選擇。一坐低睇到餐單，可選擇食物唔算太多，但勝在種類繁多，點都會有款岩食﹗黎到新記冰室就當然試下佢地最出名既芝士撈麵啦﹗以下就係食好D推介：𝟙. 卜卜蜆湯日式烏冬 $𝟞𝟘 𝟚. 芝士汁豬頸肉煎蛋撈公仔麵 $𝟝𝟠 𝟛. 芝士牛肉餃 $𝟜𝟚鍾意食海鮮嘅人，見到卜卜蜆唔洗諗，係冰塞見到蜆湯必食。個湯底勁清甜，奶白色，好似落左奶油咁香咁甜，好香蜆同紅蘿蔔椰菜嘅甜味。我忍唔住飲左半碗湯。想食得清清地真係可以考慮下。芝士撈公仔麵都十級邪惡，芝士好似唔洗錢咁，舖完成個碟，真係係啖啖芝士麵，加埋太陽蛋嘅蛋黃，個麵好香濃。豬頸肉就普通，無咩特別太多調味料，主要食個芝士味。至於芝士牛肉餃，個牛肉味似台灣紅燒牛肉咁濃，多少少餃子醋同辣嘅調味，第一啖入口較普通，但食到口中越咬味道越濃，食完牛肉味仲停留係個口中！好有驚喜，值得一試~

之前知道尖沙咀戈間執左，諗住去荃灣食，但原來旺角都開左一間！幾年無食新記，今日終於去到食。叫左個芝士豬頸肉撈丁 & 自家製葱蒜豬扒飯。芝士麵個芝士汁啱啱好撈晒個麵，唔會好dry，又唔會好濕。。不過食完真係會好膩，間唔中食一次就夠。豬頸肉份量好足夠，都好入味，好彈牙！另外個葱蒜豬扒飯，用甜豉油，唔太特別，味道正常。本身見飲品要$20，唔飲又好口渴。。好彩原來叫野食凍飲+$6.. 都還可以接受。凍華田偏淡。

逛街路過，發現在旺角開了一家新店，綠色木紋的小店，在眾多門店中特別亮眼，點了招牌芝士豬頸肉煎蛋撈丁，除了濃郁的醬汁外，其他材料亦下了不少工夫。豬頸肉先會以椰糖、花奶、老抽醃制超過一日，再採用生燒方法，把豬頸肉由生肉燒至熟透，入口帶焦香，外邊脆而肉質非常嫩。

💛上年係尖沙咀結業有名嘅芝士撈麵"新記芝士麵"，有分店開到旺角後一直未有機會去支持下近排疫情平服，終於有時間去食啦😁😁貴為本地芝士麵始祖之一，咁就梗係要試下佢個芝士麵啦，今次就叫咗➡️"芝士汁豬頸肉煎蛋撈公仔麵"，一黎到黃到金嘅芝士汁見到都邪惡😈 鋪滿到以為自己淨係食芝士痴線XD芝士味特出就唔洗講，豬頸肉仲好爽口好多汁，加埋隻太陽蛋，一個字正!! (返去又唔知要跑返幾多個圈😂)另外都有叫佢個➡️"法蘭西厚多士"，表面金黃嘅外皮加埋足料花生醬都相當唔錯，牛油仲要大大片加埋糖漿，係好食嘅(但係可唔可以唔好樣樣都咁邪惡😜)茶記黎講價錢合理味道一流，仲要係良心小店，無理由唔黎支持下啦👍🏻👍🏻❗️不定期Giveaway及更多美食分享, Follow Instagram: Foodmarker.hk , 可以比個like我地, 大家的支持好重要😚➡️ https://www.instagram.com/foodmarker.hk/