新華苑酒家

營業中

休息中

如果唔係附近搭巴士都唔知呢道有間酒樓～見到佢地有超值孖寶，仲有我好想食既上湯龍蝦伊麵！見到咁抵食拉左所朋友黎試～一坐抵睇左陣menu啲小菜都幾抵食大部分幾十蚊就有交易啦，好岩同屋企人做節黎食呀！👅. ✨超值孖寶 $198 + $20芝士 呢個堅抵！焗波士頓龍蝦伊麵加鼓椒炒蟶子，兩款海鮮先$198 仲有魚、鮑魚等等嘅海鮮揀架～ 😛.✨芝士焗波士頓龍蝦伊麵 龍蝦肉都爽口，當然唔係話超大隻啦，兩個人食足夠，不過呢個價錢已經唔錯～伊麵加左芝士好creamy, 份量超多！🤪✨鼓椒炒蟶子 蟶子好大隻，食落幾新鮮，加鼓椒炒風味十足！ ✨黃金海生蝦 $128 店員超推薦～係鹹蛋黃包住即炸嘅生蝦～上菜果陣嘩左一聲呀！😱😱因為啲鹹蛋黃都豪不客氣地包裏得幾厚下，啲蝦仲要隻隻有膏👅邪惡就梗架喇！但食落好甘香，生炸真係好好食～食完先減啦！！唯一想講係啲蝦腸唔係隻隻都挑乾淨🤔 ✨紅燒乳鴿 $48 乳鴿炸完唔會乾柴，入味同保留到肉汁😜✨馬拉盞通菜鮮魷 $88 通菜都好嫩冇渣～仲要大大碟～馬拉盞同佢一齊冇得輸啦，而鮮魷可以再鹹少少喇🤔整體黎講好適合一家大細黎食，份量多，價錢抵，長輩們最愛呀！

超值孖寶：芝士焗龍蝦伊麵配豉椒炒聖子、紅燒乳鴿、馬拉盞通菜鮮魷、黃金海生蝦地道港式酒樓，有蒸氣海鮮鍋或炒小菜選擇。店員熱情有禮地推介了幾款小炒供我們兩人食用。紅燒乳鴿• 乳鴿外皮炸得香脆，肉質卻依然保持香嫩幼滑、鎖住肉汁，• 醬料醃得入味，即使不用沾淮鹽也很惹味。芝士焗龍蝦伊• 龍蝦爽口有嚼勁，芝士濃郁香口沾滿龍蝦肉表面，• 伊麵同樣被芝士厚厚包圍，配上龍蝦肉一齊食，口感很rich。豉椒炒聖子• 新鮮爽口有咬勁，配上豉椒快炒，仍保持聖子獨有口感之餘，同時香口十分。馬拉盞通菜鮮魷• 通菜鮮嫩碧綠，口感爽脆，配上馬拉盞去炒令惹味程度大幅提升• 鮮魷跟通菜一樣吸收了馬拉盞的味道而鮮味十足、爽脆。黃金海生蝦• 邪惡之軸心✨黃金的真身是咸蛋黃變化而成，均勻包裹在每隻大蝦外面，咸蛋黃的粉狀口感配上大蝦的爽滑，配搭完美。

蒸氣火鍋依排好hit, 搵到呢間新華苑酒家，仲要任食任飲，就去試下啦。一黎睇野飲先！好有款任飲的啤酒同汽水，店員同我講，你盡情飲，唔好醉就得🤣🤣🤣自選海鮮有鮑魚,大元貝,貴妃蚌同蟶子王,每一樣都好新鮮，仲有海水味tim ar!但好食的點止海鮮，原來燒乳鴿都好好食！皮脆肉嫩，餐廳會送乳鴿同貝殼拼盆,估唔到三百蚊包咁多野！我地仲叫左手切和牛肉同牛肉粒,比起坊間的肥牛，佢的牛肉冇咁肥，仲好有牛味！鮮蝦丸同自製鮮牛丸都好正,又爽口又彈牙！連埋雞粥食，好惹味。至於雞粥好綿，好有媽媽的味道，個水都岩岩好，唔會太稀，夾埋海鮮的味道，好正！由於太飽了，食唔落佢d甜品，下次一定要再來，食埋佢d蒸紅棗糕！😬😬😬

朋友話想食蒸氣火鍋,當然要即刻搵下邊度有,搵到呢間新華苑酒家係附近,仲要300蚊左右有任食任飲蒸氣火鍋,立刻打上去試試,好好彩,得5個位有蒸氣火鍋食,唔洗等第2輪!自選海鮮揀左鮑魚,大元貝,貴妃蚌同蟶子王,每一樣都好大件好新鮮,大元貝,貴妃蚌同蟶子王仲加左好多粉絲同蒜蓉去蒸,正到爆!估唔到餐廳仲要送燒到脆一脆既乳鴿同同樣唔洗點醬汁都好新鮮既貝殼拼盆,勁易回本!食完海鮮,點左手切和牛肉同牛肉粒,同至平打邊爐既完全唔同,蒸出黎既特別有口感,唔會太林太"un"。而手剁鮮蝦丸同自製鮮牛丸同樣充滿驚喜,手剁鮮蝦丸爽口彈口,充滿蝦氣,自製鮮牛丸就好似食緊burger果d牛咁,你話股牛氣幾勁幾新鮮先可以做到!粥底同朋友一齊揀左雞粥,雞粥煮得綿綿,入口細滑,除左雞味外,仲將d海鮮,丸,牛既精華吸哂,十分之新鮮清甜。總結呢一餐好高質,海鮮新鮮,野食高質,飲品又有可樂,芬達,菊花茶,茶,仲有啤酒任飲!

間中同屋企人都會去下傳統中式酒樓食晚飯, 今晚去左離旺角鬧市都有一段距離既新華苑酒家, 地點唔算太方便, 地鐵站行去都要8分鐘左右, 如果唔係之前經過見到門外張貼優惠詳情, 其實都唔知呢度有間酒樓。呢度有各款中式小菜, 仲有蒸海鮮任飲任食放題, 可以食足2.5小時! 今晚就決定食海鮮啦!汽水啤酒任飲設自助醬料區自選粥底: 揀左排骨南瓜粥, 蒸煮前先灌入粥底自選四款海鮮: 我地揀左元貝、鮑魚、蟶子、龍躉片蒸煮過程都由侍應協助, 等同食殘廢餐一樣~~ 果然海鮮每款都很鮮甜!元貝: 加左蒜蓉, 更能帶出鮮甜味, 有少少粉絲放底, 索左個蒜蓉汁, 正!鮑魚: 已被去走內臟, 質地彈牙蟶子: 最有驚喜! 大大隻, 鮮甜爽口, 同樣加左少少蒜蓉, 食落更加鮮~龍躉片: 魚質札實而且嫩滑小食: 乳鴿 (每位半隻)+蜆乳鴿皮香脆, keep到些少肉汁蜆冇沙, 鮮甜~第三PART就係任食, 款式唔算多, 大多為蔬菜為主, 肉類同丸類款式較少和牛粒、和牛肉: 質素當然不會是入口即溶既高級貨, 但總算肉味重, 可接受既質素粟米清甜雞件切得太細, 熟左之後, 每件都唔太食到肉馬拉糕質地軟熟丸類就試左牛丸同蝦丸

周圍搵海鮮食，見到呢間新開蒸氣火鍋，就去試吓，海鮮的水準，質量，份量都不錯，食到攬住個肚，好滿意！一去到嗰個套餐已經送隻燒乳鴿，肉質非常滑，有啲肉落下肚好適合，然後去揀醬汁，配料，飲品，同各大餐館一樣，都係好多選擇，我只係選擇咗少量，因為海鮮本身其實都唔使好多配料已經夠晒鮮味！入正題啦，一開始蒸嗰啲蜆真係好鮮甜，雖然唔係花甲嗰啲咁大隻，但係真係好甜，而且又冇沙，好好食！另外選擇左嘅海鮮有象拔蚌，貴妃旁。象拔蚌好煙硬，好新鮮下，貴妃旁就真係一流，好滑好爽口好彈牙！ 呢個真係值得推介！好正！仲有任食任點嘅肉類，我自己最鍾意豬頸肉同埋和牛粒，一啲都唔 “鞋”，肥瘦程度適中，我翻食咗幾次，哈哈，加上全部都係蒸，食物唔會煮過龍，所以我好鍾意去蒸氣火鍋。 最後當然係好鮮甜嘅粥底啦，集合精華所在，不過太飽了，只係食咗一碗，總括而言，性價比好高，以這個價錢非常不錯。

這一間新華苑酒家，食小菜及海鮮蒸氣鍋，一直以來都見到有不同的優惠，之前見到有做一蚊雞優惠，今日見到有龍蝦孖寶優惠。餐廳裝修企理有特色，令人感覺舒適。坐下後侍應先送上一碟花生，鹹香又脆口，可以一邊食嚇少食一邊點 菜。波士頓龍蝦孖寶有幾款選擇紅燒乳鴿/果皮蒸生猛鮑魚/豉椒炒聖子/蒜蓉粉絲蒸元貝/清蒸沙巴仔超值孖寶$198，波士頓龍蝦上湯轉芝士焗龍蝦+$20波士頓龍蝦芝士焗龍蝦伊麵底配紅燒乳鴿兩隻。平時比較少食到每人一隻乳鴿，不過今日就每人一隻乳鴿。乳鴿深啡的外表尤其吸引，炸到剛剛好，肉質軟滑外皮帶點脆，乳鴿經過醃製很入味又香口。波士頓芝士焗龍蝦，大大碟，面上的芝士及龍蝦非常吸引，見到已令人垂涎。底下的伊麵帶點腍帶點煙韌，芝士令伊麵非常好味。龍蝦配芝士我覺得是最適合不過，龍蝦配上香濃的芝士，令龍蝦爽口彈牙之余，有芝士的濃香及令龍蝦更鮮味。

於旺角豪華戲院附近找到一閰，吃蒸氣鍋的酒樓，感覺可以吃得健康一點。新華園本身都有小菜吃，蒸氣火鍋是另一個賣點。店員話個蓋可以令蒸氣透過蓋冒出來，但又不會有水氣滴於食物上，這樣可以令食物保持適當的濕潤度，不會太多水。揀選了南瓜排骨粥底，店員會先落米、排骨及南瓜於石鍋中，鍋底會噴出蒸氣，然後蒸氣便會把上面的食物蒸熟，食物的肉汁便會滴入粥底。我們可以揀選四款海鮮：蟶子皇~ 大大隻好新鮮，仲有貴妃蚌~ 加埋粉絲蒸，索曬啲汁好好味，鮮鮑魚~ 加咗蟲草花更加香，生劏龍躉件~ 剛剛蒸熟熱辣辣，非常鮮甜味美，另外還有大蜆，一樣鮮甜美味。此外，每位食客有半隻炸乳鴿，十分香口。蟲草花蒸雞及順德污糟雞~ 點了各一份，雞件好滑好好味。手切和牛粒~ 牛肉味香濃，因為較大粒，需要蒸多一點時間。手切和牛肉~ 好大塊，一點也不韌，推介。鮮蝦丸及鯪魚球都非常爽口彈牙。雜菜籃~ 蔬菜好新鮮，菜心、白菜仔、旺菜，蒸的菜都很甜。菌藍~ 包括鮮冬菇、秀珍菇及金菇，最後仲有南瓜排骨粥，食唔曬拎返屋企仲有得宵夜。

蒸汽海鮮放題推薦！去旺角行完街，經過呢間海鮮蒸鍋就同朋友入咗去食，位置就起大角咀對出路口非常方便。環境唔錯，亦很適合一班人一齊嚟食。平日去268/位可以任食，非常實惠。我哋首先落個粥底，有淮山排骨瑤柱雞。調料自己去配好之後，就可以自選海鮮拼盤。哩度比較推薦以下幾味：「象拔蚌」蒸嘅時間啱啱好，唔會太熟又冇腥味，彈牙新鮮，較清淡，適合喜歡純正海鮮味道嘅人。「海蝦」雖然有d細隻，但食得出很新鮮。「貴妃蚌、大元貝」肉很飽滿厚實，有嚼勁，比想像中更鮮甜，強烈推薦！！小吃推薦：「和牛」上品牛肉，有紋路，肉質鮮嫩多汁，仲可以任點「手打肉丸」肉質彈牙，爽口「淮山雞粥底」火候控制得宜，吸收左所有海鮮嘅靈魂同精華，雞肉口感嫩滑，冇放味精依然夠鮮。👍🏻最後表揚下服務員，全程非常熱情幫手蒸幫手睇時間，很主動不需要催，贊。

作為一名健身教練，當然要食蒸海鮮鍋補充吓蛋白質啦朋友帶路去新華苑食蒸汽粥底鍋, 不嬲都中龍意食海鮮, 新鮮既就咁清蒸已經係人間美味調味區, 應有既都齊全而且幾企理。每位都包左半隻乳鴿, 熱辣辣既海鮮方面每人可以揀4款, 我就揀左蛋白質之皇美國桶蠔, 龍躉片, 蟶子皇同埋海蝦。桶蠔肉厚肥美, 龍躉片連皮個個膠質位我最喜歡, 至於蟶子皇就夠哂大隻, 彈牙新鮮另外仲有d貝類, 唔算好肥美但係都鮮甜到任點任食既配料啦, 順德污糟雞同蟲草花蒸雞都一樣咁滑, 另外手切和牛粒同手切和牛肉都幾有質素, 特別係和牛肉油脂豐富得黎又唔會過多, 蒸完出黎好juicy好有牛香, 唔似一般貨色, 我都食左唔少再叫左d蔬菜同甜品, 估唔到馬拉糕咁好食, 好鬆軟好香, 另外比較特別既蜂巢糕, 甜得黎又唔會好溜, 口感同紅棗糕一樣帶煙韌, 幾好咬到最後就食堆依個煲左兩個鐘既瑤柱鮮准山粥, 煲到好綿好鮮甜, 因為本身用瑤柱黎煲粥已經好香, 再加埋d海鮮既精華, 蒸南瓜, 粟米個陣又跌咁d落去, 煲下煲下個粥真係又綿又甜當然食得好滿足啦, 依度除左係環境無咁光鮮之外, 其餘既野都做得唔錯, 食物質素好, 服務亦好周到,

之前初初興蒸鍋既時候食過一次之後就無再食過，今日返工心血來潮想再食一次就睇下邊到食可以唔洗等咁耐又可以蒸海鮮之餘，又可以任食其他配料。無意中上網搵到哩間酒樓係旺角區，好方便就同埋朋友黎左一入門口佢地就好熱情問食小菜定蒸鍋，當然為左蒸鍋以來所以食蒸鍋啦坐定定揀左個南瓜排骨粥底之後就等海鮮首先係必有既蜆，黎到佢地會放哂落去之後set時間，響個陣佢地會黎分野食。蜆好新鮮，仲食到海水味，但係又無沙，時間岩岩好唔會話過熟，所以好彈牙。之後到桶蠔，因為佢地會落埋薑絲，同蔥一齊蒸，所以去除到個陣怕蠔既腥味，同樣都係時間岩岩好所以食落口口感好好味中間黎左個乳鴿，乳鴿個皮好脆口，肉質嫩，食完都好想再食然後去到鮑魚，一開頭會有啲擔心鮑魚會好韌，因為之前食過啲無咩牙力食既鮑魚，但係蒸完出黎之後出奇地彈牙，易咬，令我愛上左食鮑肉個種感覺之後到大元貝，配埋粉絲，薑蔥一齊蒸，粉絲吸收到大元貝既鮮甜味，令到個粉絲都好好食，我仲飲埋啲水添海鮮最後係象拔蚌仔，都係會有埋粉絲一齊蒸，平時好少食哩樣海鮮，今次食左之後愛上左，因為佢個口感比大元貝彈牙，比蜆既體積大，所以食落去都幾滿足食完海鮮之後就蒸其他野食，有牛肉粒呀，和牛

蒸氣鍋一直都係我嘅至愛，感覺冇咁熱氣，而且有食到好多唔同海鮮，所以前幾日就同朋友黎試下呢一間蒸氣鍋餐廳啦🙈🙈發現果然無令我失望一坐低冇耐，店員已經為我地上左乳鴿，味道好好，好入味而且勁香！！第一樣野食已經令我好滿足🙈而且店員都好好咁提醒我哋，有好多唔同嘅佢哋都係任叫😂😂😂而我當日就揀咗菊花茶清下熱氣啦🙈🙈蒸氣鍋所有海鮮都好新鮮，而我最鍾意嘅就係蒸鮑魚，鮮甜彈牙，蒸既時間岩岩好！！！仲有傳統嘅中式糕點比我地蒸，咁得意都係第一次見

早2日要同個長輩去食晚飯，旺角區，佢要求中式嘢同普通街坊價錢唔可以太貴，其實原本有一間去開嘅酒樓，可惜經濟差嘅情況下上月突然結業，可惜...於是乎上OpenRice App搵下有乜好介紹，就㨂中呢間，位置雖然唔响中心地帶，不過地鐵站行去都係10分鐘內。呢間主力食蒸氣鍋，不過老人家話事要食小菜，好驚喜，呢度都有久違了嘅一蚊脆皮燒雞，絕對無交行貨，都OK唔錯另外，叫咗兩個小菜，包括薯仔一口和牛及通菜炒鮮油魷，前者嘢味唔韌，後者可以再做好啲整體上，以街坊酒樓嘅定位，價格及味道上都滿意

近年香港開始流行食蒸氣火鍋，清蒸最可以食到食材的原汁原味，食既野主要以海鮮同肉類為主，食物夠晒大眾化，同時又冇食火鍋咁肥膩～今次我地黎左呢間旺角既新華苑食蒸汽鍋放題！之前食左幾間都係一個set咁，放題都係第一次見！不過原來又唔係所有食物都係任食～價錢包左每位有半隻燒乳鴿同一份海鮮拼盤，其餘的食物都是任飲任食～燒乳鴿好入味，咸度適中，實肉新鮮！呢個係二人份量的海鮮拼盤，最好味係個大扇貝，又大隻又鮮甜任食既食物有牛、豬、雞、丸類及蔬菜等等，甜既連馬拉糕同紅棗糕都有，味道都不錯，放題黎講已經很滿意了！

呢度除左小菜小炒，仲有一款見到會一見傾心既任點任食SET，就係海鮮蒸汽錮la......佢既蒸汽鍋有3款粥底可以揀：南瓜排骨粥、瑤柱鮮淮山粥、淮山雞粥，由於任點任食既食物已經好多海鮮同肉類，最後就揀左清甜既南瓜排骨粥。呢個任點任食SET包左兩款定食：脆皮燒乳鴨、貝殼拼盆；唔夠喉既可以追加生猛龍蝦，都係每位$98!!另外，要再揀多4款自選海鮮：大元貝、象拔蚌仔、蟶子皇、桶蠔、海蝦、鮑魚、龍躉件、貴妃蚌。個人就覺得大元貝同埋鮑魚最鮮甜，最正!!除左上面呢兩大類，仲有肉類、魚類、蔬菜類，可以任點，每次以2為單位去order你想食既份量，最勁既係，呢度好有heart，每次都有服務員將唔同類既食物分開，逐款幫你set好timer去count住蒸熟既時間，仲會幫你上埋碟，真係平民既價錢，星級既服務!!