新華苑酒家

營業中

休息中

周圍搵海鮮食，見到呢間新開蒸氣火鍋，就去試吓，海鮮的水準，質量，份量都不錯，食到攬住個肚，好滿意！一去到嗰個套餐已經送隻燒乳鴿，肉質非常滑，有啲肉落下肚好適合，然後去揀醬汁，配料，飲品，同各大餐館一樣，都係好多選擇，我只係選擇咗少量，因為海鮮本身其實都唔使好多配料已經夠晒鮮味！入正題啦，一開始蒸嗰啲蜆真係好鮮甜，雖然唔係花甲嗰啲咁大隻，但係真係好甜，而且又冇沙，好好食！另外選擇左嘅海鮮有象拔蚌，貴妃旁。象拔蚌好煙硬，好新鮮下，貴妃旁就真係一流，好滑好爽口好彈牙！ 呢個真係值得推介！好正！仲有任食任點嘅肉類，我自己最鍾意豬頸肉同埋和牛粒，一啲都唔 “鞋”，肥瘦程度適中，我翻食咗幾次，哈哈，加上全部都係蒸，食物唔會煮過龍，所以我好鍾意去蒸氣火鍋。 最後當然係好鮮甜嘅粥底啦，集合精華所在，不過太飽了，只係食咗一碗，總括而言，性價比好高，以這個價錢非常不錯。