新華源茶餐廳

營業中

休息中

難得地好有閑情逸致咁喺茶餐廳食埋個豐富早餐先再返工！呢間新華源嘅早餐價錢合理，份量多，食物夠飽肚，唔怪得朝早都咁多街坊幫襯啦～牛油方包、火腿煎蛋、五香肉丁米粉💰HK$38牛油方包好香牛油味，方包口感軟綿綿！火腿煎蛋正常水準！五香肉丁米粉就略嫌五香肉丁比較少，搞到個米粉唔太夠味～牛油餐包、餐肉煎蛋、榨菜肉絲公仔麵💰HK$38餐肉煎蛋都係正常發揮！榨菜肉絲公仔麵味道就優秀好多，好多榨菜，令到成個公仔麵好入味，同埋增添咗口感～

老闆娘及廚師懂得宗教背景素食者的要求，食品不可含蔥蒜等配料，並願意在可烹調範圍內給素食者自選食材配搭👍🏻👍🏻👍🏻👍🏻推介🏆：🥰雙菇滑蛋豆腐飯、羅漢齋炒麵🥰

同事見我未食過就帶左我過嚟！今次食常餐沙嗲牛米加奄列入邊係白汁雞絲😋😋勁特別！平時無食過咁既奄列🤣🤣入面仲有d洋蔥好得意既味道！沙嗲牛就正常發揮！下次都會再黎幫襯

大大話話..... 打緊十份工!由幫公司 Audit 到喱士染色批發，甜品批發 .....到家居裝修，內地訂制傢俬至陽宅風水...... 今日就去個客人屋企檢查鋁窗，哩個客人已經算好好，馬上落訂約期安排三個單位維修鋁窗!我上過好多單位，檢查過不少鋁窗，已經屬於危險水平，但戶主都唔想整! 責任上身我話點都用條繩綁住先!唔好再打開，盡快搵人整，我甚至講唔搵我整都唔緊要但盡快搵人整! 唔好害人啦!但個個月就總有鋁窗跌落街嘅新聞..... 無人命傷亡我就著火, 不幸出事我就心痛!好多時上門檢查，住客單位都唔開冷氣，我一邊檢查一邊出哂汗，完事後落樓，最近嘅餐廳係新華源，馬上沖入去降降溫先! 坐定之後叫埋女友小熊嚟開晚餐!佢點咗客京都豬扒，我熱到無胃口，求其點個乾牛河算數.餐廳用趟門設計，總係有D客人出出入入無手尾唔閂門，走哂d冷氣! 熱屎!京都豬扒酸酸甜甜，味道各占一半無話偏甜或偏酸，係一道開胃菜，豬扒食唔出肉鬆粉嘅怪味，肉質口感鬆軟，仲有惹味而味道帶甜嘅洋蔥，滿意.點乾炒牛河，習慣下一句係走芽菜多蔥! 牛肉同樣食唔到有肉鬆粉味，牛肉炒得唔韌唔老口感鮮嫩，再加上爽脆嘅蔥同洋蔥，原本無咩胃口都掃清

早兩日，去咗土瓜灣新潮食咗個變咗味嘅沙嗲牛肉麵.可能係心有不甘，又可能係想試試係咪自己味道出問題，於是去新潮落另一條街嘅新華源再叫個沙嗲牛肉麵.沙嗲牛肉無變酸，証明我味感無問題，開心！牛肉入口嫩滑，滿意.奄列反而有驚喜！需然餐牌寫明只係火腿雞絲奄列，但奄列入面重有洋蔥，令到個奄列食落更有層次，俾大大個 like!攪攪吓.... 突然間愛上食沙嗲牛肉麵！所以之后我再去另外兩間餐廳佳餚坊同新樂茶餐廳食沙嗲牛肉麵！

今次嗌咗個韮黃蝦仁炒蛋，好有鑊氣👍🏻我拎到返屋企都仲係熱辣辣！而且真係好大份，我成晒啲飯都仲有啲餸剩🤣另外想讚下佢哋啲蝦仁好大粒👍🏻岀面有啲所謂蝦仁細粒到好似蝦米咁㗎嘛🤣六十幾蚊一個小菜嚟講其實好抵食☺️

「拆禮物日翌日」 星期日下午我在「土瓜灣」購買享用完三個甜味麵包之後，然後在「馬頭圍道」光顧一間港式茶餐廳，餐廳的名稱叫做「新華源茶餐廳」，餐廳裡面雖然沒有電視，但是場內食客眾多，令「搭檯」變得無可避免而已。結果我享用晚餐去到一半，就已經開始遇上有其他陌生食客前來搭檯，迫使我一方面需要儘快用餐速度，另一方面則確保在晚上七點過後，才正式享用晚餐完畢。至於餐牌方面，「新華源茶餐廳」雖然是有餐牌，可惜我選擇的餐檯檯面偏偏沒有餐牌，結果我需要向旁邊餐檯借閱餐牌，然後再望向張貼在牆壁上的價目表。「新華源茶餐廳」的小食餐牌價目表裡面雖然是有「炸雞髀」，但是「新華源茶餐廳」的「炸雞髀」，竟然同時分別有兩個不同版本「炸雞髀」，跟「炸雞髀配薯條」供食客選擇。由於我之前已經選擇享用「咖喱牛腩飯」，所以我避免再享用屬於「澱粉質」的「炸薯條」，選擇售價相對「炸雞髀配薯條」便宜港幣七元的「炸雞髀」。「新華源茶餐廳」廚房在我完成點餐程序不久之後，很快就順利製作完成小食食品「炸雞髀」。「炸雞髀」外層的「雞皮」部位實際口感，被餐廳廚房炸到變得十分香脆，剩下的雞油脂肪不多。至於「炸雞髀」本身的味道感覺偏向比較鹹，因為餐

呢個套餐包一個餐湯，可以選西湯或者中湯，我今次就揀咗西湯，亦即係羅宋湯啦。飲落去味道不錯，亦好多配料。就茶記而言係相當唔錯嘅水準💗講翻嗰飯，首先係個份量上非常充足，而個醬汁食落唔化學，材料足足，有牛腩、紅蘿蔔、香草、芹菜等，口感同味道上相當豐富，絕對比得上出面啲西餐廳👍🏻 另外就係呢間餐廳係超級近土瓜灣地鐵站，屯馬線開通左之後去嘅話勁方便，大家想食地道茶記可以過嚟試吓。最後值得一提嘅係呢度嘅服務非常之好，呢度嘅姨姨都好友善，仲有兩隻好可愛嘅貓仔

嘢食唔係特別好味！但勝在好有人情味！因為時間嘅關係，咁就叫咗兩個 set dinner 1.) 燒汁香煎牛扒配薯菜 加 羅宋湯薯條係波浪薯條黎架⋯⋯仲要係即炸！ （師傅太好人啦，已經9 點幾，仲即炸薯條俾我 ☺️☺️）牛扒都算夠淋⋯⋯跟餐凍檸茶 2.） 咖喱薯仔羊肉跟飯 加 羅宋湯好少茶餐廳有羊肉食， 重要冇 (so) 味！本來諗住咁夜d湯會加水⋯但又唔係喎，仲好多料添重點係杯凍奶茶⋯好飲食到差唔多十點走人，個阿姐仲同我 bye bye ，叫我地夜晚小心啲呀 🤣🤣🤣

外表, 茶檔一間, 毫無特式.所以, 每次都直行直過.今次第一次幫襯, 發現平凡得嚟又有D特式!望望個餐牌, 人地豆腐火腩飯, 佢又會變小小成為北菇豆腐火腩飯,人地只係魚香茄子飯, 佢又變成魚香茄子豆腐飯!滑蛋蝦仁飯又變成雙菇滑蛋蝦仁飯!雖然只係加小小配菜, 但就係哩小小特式, 就覺得餐廳有心有heart, 讚! 點咗個冬菇薯仔炆排骨飯, 薯仔煮得夠諗排骨入味, 唔錯.只係冬菇變咗草菇.女友點五香肉丁米粉, 五香肉丁份量過少, 而且..... 依家D中國罐頭簡直失望至極! 五香肉丁口感又硬又鞋又乾身, 而且醬汁份量過多又唔好味, 慘不忍睹.....好慶幸曾經品嚐過當年極優質嘅五香肉丁, 相信有生之年都食唔返果種品質嚕.....

門面裝修比較簡單，傳統舊式茶餐廳，充滿人情味，經常會來幫襯，老闆娘好好人，有時餐牌上冇嘅菜式，如果師傅做到都會盡量滿足客人咖喱豬扒飯：咖喱冇乜椰香味，啱晒我心意，夠香少辣，豬扒煎得好香，配埋薯仔同青椒，啲咖喱汁撈飯一流時菜牛肉麵：絕對有酒樓大師傅功架，平時堂食個麵趣卜卜，再加埋配料😋牛肉薄身夠淋，今次叫外賣個面當然冇堂食咁好食啦之前試過佢哋星洲炒咪都好夠火喉，辣辣地聽講佢嘅早餐。沙嗲牛肉公仔麵同埋煎豬扒都好好味，下次真係要去試吓

之前介紹過👆🏻店，一間即叫即做嘅茶餐廳，供多款素食餐給選擇，老闆娘好關照素食者，曾話厨師能做到嘅自選菜式都會做。今次揀咗碟“羅漢齋炒麵”，傳統大酒樓嘅功架，麵底香脆少油，上面鋪材料十足嘅餸菜，茨汁恰到好處，近乎完美配搭，加埋一杯冰凍檸檬茶，承惠50幾蚊，可說是快食好去處！＃快靚正＃實惠價＃DrHamton

洋蔥汁大什扒🙈$58之前見土瓜灣之友推薦🤣屋企附近，結果就去左食Dinner😂可惜失望而回😞套餐配炒飯丶中湯同熱飲☺個什扒都幾大份😎豬扒幾厚，唔嚡，幾好食😉仲有牛扒、雞肉腸同火腿👍咖啡奶味好重，都幾好飲😛不過個炒飯無乜味😮而且洋蔥汁唔好食🧐完全扣哂分😞新華源茶餐廳 (土瓜灣)土瓜灣馬頭圍道 372 號地下

因這間茶記很近我屋企, 早,午餐及下午茶都食過很多次, 食品不算突出, 都是一般茶記質數但晚餐都是第一次食路過見佢地水牌通常晚餐 A是中式, B是扒類 C是炒粉麵類入去見頗多人叫B餐, 就跟隊試下這兒的西餐份量算大, 無鬆肉粉味,很林但意粉就太林, 不是我所愛(下次都係揀薯條),  肉的質數我覺比同一條街的哥X堡好, 而且只是58元, 簡直是超值而且可以揀我愛的中湯, 實在太good喇

聽說這裡的ABC早餐水準蠻不錯。對我這個早已吃遍土記區內大部份茶記早餐的人來說，能有多一個機會再去試新嘢，實在是求之不得....對自己而言，一杯上佳的奶茶或咖啡是釐定該店早餐水平的最重要準則。可惜今天喝到的，卻是一杯只喝到有極重奶味的紅茶。茶葉的獨有瀝澀味是全然感受不到...平常在其他地方若要將麵條"升呢"至一丁，往往只需加兩至三塊錢，怎知這兒竟要加四大洋才可如願，真可箇是"通漲猛於虎"了。心裡盤算過後，是感到實在太不值了，故決定只吃普通大光麵便算數。要與這麵和一丁相比，無論在湯底以至麵質上當然是有點距離的了，不過幸好掌勺的亦沒有將之處理得過淰，配上罐頭五香肉丁來吃，是十分穩陣及有保證的味道，很難失手....多士沒有烘得過焦，但塗上的牛油卻是稀如水的；所謂的炒蛋只是一塊質地偏硬的蛋皮，毫不香及滑，而且弄起來頗多油的，無論是賣相抑或是味道都是不入流；餐肉切得甚厚身，有略煎香過，外皮略脆。是最像樣的一環....二十二大洋一份的價錢，在家樓下的茶記也是收差不多的費用，也就當然用不着花多點腳骨力再過來這裡吃了....