新華源茶餐廳

營業中

休息中

早兩日，去咗土瓜灣新潮食咗個變咗味嘅沙嗲牛肉麵.可能係心有不甘，又可能係想試試係咪自己味道出問題，於是去新潮落另一條街嘅新華源再叫個沙嗲牛肉麵.沙嗲牛肉無變酸，証明我味感無問題，開心！牛肉入口嫩滑，滿意.奄列反而有驚喜！需然餐牌寫明只係火腿雞絲奄列，但奄列入面重有洋蔥，令到個奄列食落更有層次，俾大大個 like!攪攪吓.... 突然間愛上食沙嗲牛肉麵！所以之后我再去另外兩間餐廳佳餚坊同新樂茶餐廳食沙嗲牛肉麵！