新聯豐粉麵家

營業中

休息中

落到深水埗，條腿不知不覺間，又走咗入去新聯豐。入到新聯豐，把口不知不覺間，又點咗碟南乳豬手。前前后后幫襯咗新聯豐超過十年，碟南乳豬手由當年賣四十幾到依家六十幾，當年南乳汁比較濃，依家浠咗d，慶幸味道保持水準。另一慶幸係佢地粉麵嘅湯底，仍然係咁清甜，每次幫襯都連湯飲哂。離開時望到佢d牛腩外相十分吸引，可惜我已介牛了....

🤤🤤🤤🤤行開深水埗緊係掃下街啦💪🏻😽朋友住lee 頭，緊係跟住熟人去搵食😙😙朋友話佢中午開始會有門口既小食檔🧐☝️算是期間限定😍😍😍 (自high 中😝）佢夜晚係賣粥類的🤔🤣本身淨係對大大隻既 😍八爪魚😍最感興趣之後好奇寶寶發現人人都合叫埋炸魚旦🤔$6 一串，反正我心動了配埋個辣醬，天作之合，魚旦好彈牙😍😍😍八爪魚好有咬口！！！！ 正呀！我下次黎深水埗一定黎搵食🤤🤤🤤

出名快靚正早餐食個魚蛋河落完單5分鐘就有得食魚蛋非常彈牙有四粒魚蛋兩片魚片非常入味魚蛋河粉亦都好吸味最好落埋辣椒油另外加支可樂係樽裝嘅佢嘅牛柏葉都好出色仲要係黑色嘅正呀

長途跋涉走到荔枝角攞完貨，戇兜兜游下游下搵野食，人生路不熟，唔知點解游左半粒鐘游左去深水埗囉！路邊發現麵檔有位，三九都唔識七，又熱又睏又出晒汗，求其食點東西就搭的士返歸，是但啦。舊區老店既衛生點都差少少，地下、檯面、四周環境都唔多理想。咖哩魚蛋，韌硬不彈滑，咖哩無味，咸咸地，不香不辣。咖哩魷魚，質感同味道都怪怪的，爽中帶嚼勁，咸得黎帶有濃郁雪味。牛腩雲吞伊麵走蔥，雖然合理地 $38 蚊碗，但依然覺得好那貴！百物騰貴，人工又無得加，加都追唔到通脹，追唔到樓市啦！湯底清爽淡淡牛味，唔算濃郁，不過味道幾好。牛腩入味，偏瘦有趙口有點鞋，幸好沒有渣。牛筋滑溜，再棉一點，再膠一點就更好。雲吞結實不鬆散，蝦仁不是爽品類型，嚥韌而蝦味特別香濃，還有豬肉增加鮮甜味，質素還過得去啦。伊麵勁嚥韌彈牙，保存蛋香麵粉香呢，手藝不錯。掛上清香腩汁，不停大啖啜，愛不釋口啊！然而辣椒油味道平平，微弱的香夾著微弱的辣，好過無啦！依舊每一注麵都要帶上大量辣椒肉品嚐，合格。一碗麵仔真係唔夠飽，食埋魚蛋魷魚都免強七八成，睇黎好快要食宵夜喇。等埋的士黎接我，閃！

又黎新聯豐打咭！每次落鴨記又肚餓的話，總會不知不覺間行咗入新聯豐！食咗十多年，慶幸佢地仍然保持水準，但幸福唔係必然，襯佢仍未變時幫襯吓，免得將來後悔。以前九龍城富豪酒店對面有一細細間嘅麵店，水準同新聯豐相近，可惜已經消失鳥....介牛多年，錯點咗碗牛筋米，今次要破介鳥....因為唔想食太飽，無點到最愛嘅南乳豬手。首先飲啖湯底，飲一啖已經愛上，清甜得黎唔太濃同唔會好肥膩，一讚！牛筋入味夠冧唔會靭，份量唔會少過頭，米粉份量亦適中。唯一要彈嘅係油菜蠔油落少咗d, 俾多少少更理想。

講起豬潤，好多人都第一時間諗起維紀，但今次想試吓新野就想搵第二間都係出名食豬潤麵嘅試下，其實睇咗好多間都揀唔定，見到依間有豬潤麵之外，佢竟然仲有脆魚皮食，呢一個菜式真係好耐冇食過啦，所以就決定一試豬潤麵湯底比較清，但厚切嘅豬潤真係好好食，仲好有口感添，而且數量都唔少架脆魚皮係我最期待既野食，佢爽脆得來加左少少麻油同其他醬料，但如果再凍d就更加好味啦

唔駛上淘寶，但要去深水埗！買到一袋二袋肚打鼓想食豬膶麵，去到維記已經休息=[ 咁就亂撞一間醫飽個肚啦~－－－－－堅持要食豬潤，點左豬潤河：豬膶厚切，份量多，生熟又掌握得啱啱好令到肝兒好juicy，估佢唔到好爽口唔粉，而且一啲肉蘇味都無，加埋旁邊的薑葱好滋味！只係略嫌湯頭淡味少少啫。－－－－－試左少少雲吞麵：雲吞細細粒，但粒粒有蝦算足料，麵底幾爽又彈牙，食到有梘水味，加醋食港式風味！－－－－－黎多個薑葱鯇魚皮！呢款餸真係買少見少唔常有得食，即試～魚皮連埋薑蔥一啖放入口，醬汁同薑蔥好夾，魚皮唔薄，好爽又脆身，一啲魚腥味都無，讚！而且魚皮雪凍左，餸粥又好餸粉又得，降下溫一流！-----食飽飽見到鄰座叫左八爪魚同陳皮魚蛋！下次想試下！

新聯豐出名，其中一個原因係當年茂利蘇係節目話佢門口d魚旦八爪魚好味，不過，我更欣賞佢嘅南乳豬手，每次落鴨記，如果肚餓，新聯豐又無坐滿客的話，總會入去幫襯！以前有蠔油炆冬姑麵提供，依家無咗，轉叫咗炸醬麵同水餃米粉，多蔥唔該！新聯豐做嘅湯底做得好清甜，每次都飲完為止，南乳豬手夠入味，但其實以前重好味，南乳味更濃，可惜每次點豬手，都出現豬毛未燒清，好彩情況唔多。最可惜再無冬姑麵提供，鋪頭比較細間，坐得唔太舒服，而且無門，夏天幫襯會好熱。

每次經過新聯豐粉麵家, 我都一定會幫襯, 不過其實我只係食魚蛋 ➕ 八爪魚🐙店外有一個外賣檔, 就是專賣魚蛋 ➕ 八爪魚特別之處係....辣醬超辣, 唔知點解辣魚蛋會有辣至噴火的感覺但配在八爪魚🐙上, 雖然未辣至噴火, 但刺激感都很滿足仲有就係八爪魚🐙好厚肉, 而家唔係煮得好老, 肉好嫩

星期六夜晚12點幾嚟到深水埗想食宵夜，文記車仔麵出面仲排晒長龍😨，所以就行過對面嘅新聯豐食啦。唔使等位即刻有得入去坐，不過叫完嘢食等左成廿分鐘先有碟菜黎😓😓除咗菜心，仲叫咗碗雲吞麵食。一碗麵有四粒雲吞，細細粒，感覺蝦嘅份量多過肉，味道唔差。至於個面就重左啲鹼水味喇，食完成碗面有啲'拿'喉囉。可能因為太多單嘅關係啦，煮到麵檔師傅都好火，好大聲叫人唔好催單，一路煮就一路講，我諗佢真係好辛苦😢😢

食完正正酸辣麵同凍豆腐之後,就沿路往黃金商場方向行行去見到有一檔街頭小食只賣魷魚同魚旦,而啲魷魚非常吸引,成隻魷魚放喺度兼即場切同拮,好似好新鮮咁!!忍唔住買左兩串嗒下真係好新鮮,好爽口,好彈牙,深水埗又一傑作~讚!

今晚我們分別去咗深水埗兩間食店食晚飯，我們喺福榮街食完之後去咗之前喺桂林街食過覺得幾好嘅「新聯豐粥粉麵家」食粥！由於他們嘅粥底煲得非常香滑軟綿，所以我們叫咗響螺片豬膶粥嘅響螺片好鮮甜爽脆，豬膶好爽口軟滑！生滾泥鯭粥嘅肉質相當鮮甜嫩滑，而且有四條咁多，真係幾抵食！鯇魚腩田鷄粥嘅鯇魚腩肉質好鮮味嫩滑，田鷄嘅肉質相當結實彈牙，令到粥底嘅味道更加鮮甜！爽滑鯇魚皮極之爽脆彈牙，加埋香蔥同薑沾上醬油一齊食，真係超好味，而且唔會有腥嘅感覺！

今日下午我們去咗深水埗喺北河街食完之後，我們轉咗去桂林街繼續食，我們去咗「新聯豐粉麵家」！我們叫咗鮮蝦雲吞麵同花膠田鷄煲仔粥！鮮蝦雲吞麵嘅麵質極之爽口彈牙同幼身，雲吞皮都幾滑，蝦肉好爽甜彈牙！花膠田鷄煲仔粥嘅粥底非常香滑同軟綿綿，花膠相當軟滑彈牙，田鷄非常新鮮，肉質超嫩滑彈牙，味道好鮮甜，而且份量都幾多，真係幾抵食！

當所有人都頃向新事物 新體驗既時候其實先會發現 原來幸福一早就在附近 只係你習慣了林心如要40歲 才驚覺幸福早就出現一樣 沒有了經歷就沒有了感恩 很久沒有吃過附近的魚蛋 回想從前 每次經過都會"吉"一串並唔係開成日既魚蛋檔 要夾岩時間先有機會食到每一次都會排長龍 八爪魚既 魚蛋既 要十串八串又有 各一串既都有除左粥麵打冷 我諗最暢銷都係魚蛋八爪魚喇街角 有新有舊 令人記起一首歌街角 小店 ....時光總不留人 難得過去幸運...新聯豐 開到凌晨 令好多人都會對佢有所記憶 或許夜宵時間 又或者係回憶彼此同行 和街角故地這樣襯幫襯多年 價錢由5蚊變6蚊 7蚊變10蚊當好多附近既舖頭都加價加到目露凶光既時候 佢只係加你少少幫補一下食材成本良心就係咁樣發現 唔係要同你講我有良心 行動勝過一切一串魚蛋可能係深水埗最好食既魚蛋 相比返另一間出名既魚蛋檔 佢既魚蛋仍然彈牙有口感質素保持得相當好 魚肉味重 唔會食落一口粉 辣汁香味四溢 我雖然唔太食辣但每每幫襯都會要求浸到盡 因為呢個辣我鐘意 同魚蛋真係好配合 沙嗲蒜頭香味令到呢粒魚蛋更加值錢有時好既主角都要搵到個可以為你加分既調味品先真正有價錢!!

收夜點可以唔食宵夜呀，的的去深水po，整番碗魚蛋米，魚蛋大大粒，勁爽又有魚味，一d都唔腥，米粉又爽口，不過份量唔算多湯底很鮮，可能用左大地魚煲食完，當然唔夠飽啦，去6林食番碗甜點就正喇