新羅寶韓國餐廳

營業中

休息中

餐廳提供左set dinner，最岩我呢d選擇困難症既人。2人套餐會包好幾款菜式，有南瓜粥、大醬湯、炒雜菜粉絲、石鍋雜錦拌飯，仲有重點燒肉，套餐$488，另外再加一。叫左套餐之後會送上多碟泡菜，上菜速度都幾快，短短10分鐘左右已經送哂所有野食上黎。重點燒肉黎啦！燒肉我地揀左牛排骨肉、五花腩同雞肉。牛排骨肉顏色鮮艷，幾重牛味，而且都有d厚度！石鍋雜錦拌飯色彩豐富，多款配料，味道調得幾好。唯一個熱度差左少少，熱d會再好食d。大醬湯絕對係韓國傳統食物，內裡有豆腐、蔬菜等等材料。咸道適中,配白飯既話更好。炒雜菜粉絲，都好有韓國既味道，不過油左少少。仲有其他幾款套餐可以選擇，價錢都大約4-500蚊。

新羅寶韓國餐廳 (尖沙咀)今晚想食韓燒，又想食石鍋飯，發現新羅寶韓國餐廳有二人set，當中包了韓式BBQ及韓式料理，滿足晒我嘅願望，而且只係$488 ，好抵😍Set B $488前菜（泡菜、菠菜、大豆芽）牛排骨肉、烤去骨豬肉、烤雞肉南瓜粥兩碗石鍋拌飯炒雜菜粉絲豆醬雜錦煲汽水兩罐三款肉吃很少肥膏🥰而且調味是偏甜，再加埋泡菜夾着一起食用，味道很夾。雞肉特別嫩滑，值得一讚😋其中韓式炒粉絲很有驚喜，粉絲炒得條理分明，不會黏在一起，而且加了大量冬菇絲蔬菜，麻油味香，份量亦很多☺️石鍋拌飯新鮮熱辣，賣相別緻，有一隻生雞蛋在中間，韓式辣醬是另上，可以自行決定辣度😘 材料豐富，有翠玉瓜絲、蘿蔔絲、牛肉☺️汽水揀了可口可樂和忌廉，汽水夠凍，配直銷的烤肉一流～另外豆醬鍋也是新鮮熱辣，有大量的金菇和豆腐，還有一碗白飯，這個二人套餐真的包羅萬有，份量非常充足🥳*需加一服務費地址：尖沙咀彌敦道132號美麗華廣場一期食四方4樓403號舖

韓燒之夜直落去尖沙咀美麗華貪佢夠方便新羅寶原來是米芝連餐廳相信有返甘上下質素保證前菜有五小碟，有辣的泡菜，櫻花蝦，辣度我都接受到既，唔辣的有芽菜，薯仔，整體都係傳統餐前涼拌。我們叫左二人餐，set a 好豐富而且很抵食有牛排骨肉，五花腩，雞肉雞肉有醃過，唔算太濃味，肉質嫩滑點上麻油鹽花都好香。五花腩厚度適中，大塊的，因應你需要自己剪細塊，脂肪及肉分佈都平均。配上新鮮的生菜，夾上泡菜食，加上些少豆瓣醬，很惹味。生菜很爽脆。有埋南瓜粥，炒雜菜粉絲，豆醬雜錦煲的確很飽足，南瓜粥足料的南瓜蓉，清甜潤澤雜菜粉絲夠二人份量，味道有麻油香。豆醬雜錦煲惹味，有嫩滑的豆腐粒及薯仔，很入味石鍋雜錦飯有生牛肉絲，其他韓式配料，熱辣辣又滋滋聲，仲有飯焦，很有口感。包埋汽水，配燒肉一流一定食到飽建議叫套餐就抵食好多

同朋友去尖沙咀偶像mirror宣傳相打卡📷📸， 影完肚餓就搵嘢食🍴🍽️， 記得朋友講過美麗華廣場有間米芝蓮推介韓國菜 新羅寶，決定係呢度開餐😄餐廳環境都幾大，坐卡位好舒適，見到晚市有二人套餐，就點咗個$438 set E，套餐感覺抵食啲😁套餐好豐富，有炆宮中牛排骨，南瓜粥，炒雜菜粉絲，豆腐雜錦湯，石鍋雜錦飯，仲送兩罐汽水，份量好多，食到超飽。😍有自助區可以自己夾前菜，套餐亦包括咗多種前菜。南瓜粥甜甜地，暖肚。雜菜炒粉絲有鑊氣，石鍋雜錦飯入面有牛肉，同唔同嘅蔬菜，仲有脆卜卜嘅飯焦，超好味。炆牛排骨一定要試，喺呢度嘅招牌菜，牛排骨嘅肉質又淋又入味💖💯

平時韓國菜都係食炸雞，食次就去食韓燒，湯品小菜☺️，本來唸住叫一兩款肉，然後再叫個飯就算，但店舖做緊個2人餐，咩都有的咁😚。咁就叫咗個二人餐，有前菜有燒肉，有湯品，又有飯，都幾抵食🤣。先黎的小菜🥰，食住先，辣泡菜入晒味，真係流晒口水🤤。南瓜粥好濃稠，食落清甜南瓜味🎃，好似南瓜溶咁。韓式炒雜菜粉絲，暖暖地入口，先食到醬油味，慢慢會滲的甜味出黎🥰，咬多2啖，粉絲彈牙，雜菜入味👍🏻，唔錯。豆腐雜錦煲，好香魚仔干豆醬味，少少咸味👍🏻，令湯底更香，雜菜同豆腐都好入味，仲可以配飯食😋。石鍋雜錦飯，即係石頭鍋飯☺️，有石頭鍋飯必備嘅雜菜🤣，仲有生肉同生蛋黃😍，熱辣辣上枱吱吱聲🥰，拿拿聲撈匀個飯先😏，有飯焦架👍🏻，蛋黃令到飯粒變成金黃，加埋拌飯醬，少少🤏🏻辣，加埋飯焦食落惹味😌又脆口。肉類有牛排骨肉，去骨豬肉，雞肉，3款肉都係有調味既🤤，用慢火慢烤，烤肉香氣撲鼻☺️，肉質嫩滑，尤其係牛排骨肉😍，食落甜甜地，用生菜包住食👍🏻，依然會食到烤既氣味🤤。而豬肉同雞肉既油脂會高的，但經過慢烤都變成美味🥰。其實韓國菜都真係好多野揀，唔係淨係得炸雞🤣

張梁點餐👦🏻👧🏻1）$138《烤豬牛雞套餐》評分（10分滿分）：8⃣食評💬：每個餐除咗有齊豬牛雞肉(180g)外，仲包一個煲類、一個白飯同埋包烤肉嘅生菜，肉嘅份量算多，一個人食絕對夠飽，肉質都唔錯，而煲類可以揀軟滑豆腐煲或泡菜豬肉雜錦煲，兩個煲都係熱辣辣捧上🔥個人喜好軟滑豆腐煲，有海鮮係入面，唔會太辣撈飯一流！2）$125《烤大蝦帶子套餐》評分（10分滿分）：8⃣食評💬：大蝦好大隻又有膏，食落彈牙，好有鮮味，但帶子略嫌無乜味，都係配一煲一飯～3）$230《醬油蟹》評分（10分滿分）：8️⃣食評💬：到到嘅價錢都係差唔多，但呢間算性價比高，食落肉質鮮甜，蟹黃都算多，連埋啲汁撈飯又係好正！新羅寶韓國餐廳 (尖沙咀)📍尖沙咀彌敦道132號美麗華廣場一期食四方4樓403號舖

經常去新羅寶食韓燒，因為家人喜歡吃菜請的菠菜小碟，額外叫小碟是$10的，每次我們都會額外叫多4至5碟亦是付款的，今天居然被拒絕，理由是其他客人冇得食😆😆，如果我叫10碟牛肋骨，會唔會其他人都冇得食呢？莫名其妙！招呼我們的待應話已經俾經理責怪他給我們3碟，如果每台客人只可以叫3碟為何不寫清楚？真是難以相信居然有食肆不批准客人額外叫菜，例如到一些中菜餐館菜前有的花生小碟，橋頭小碟，我相信客人付款他們是樂意出售的😆😆

久唔久就會有鋪想食燒肉嘅癮🥩今次呢間餐廳bookmark好耐啦襯放假可以試到 本來諗住週末都應該要散嗌 點知原來都有set lunch 即刻抵食好多！🍴烤牛排骨肉•豬肉•雞肉套餐HKD138跟餐嗌咗韓式拌飯 超足料嘅一碗會附贈韓式辣醬 俾你自由調教味道肉類每款有兩三件 因為有醃過所以比較惹味 雞肉嘅味道比較甜 似係用咗韓式梨汁醃過 🍴烤鮮牛排骨肉•豬肉•雞肉套餐HKD138呢款我哋就嗌咗泡菜豬肉湯飯除咗有泡菜同豬肉 仲有啲豆腐 金菇等差啲以為嚟錯咗辣豆腐煲😂鮮牛排同上面嗰個有咩唔同？就係啲肉冇醃製過 絕對原汁原味 比起醃製咗嘅肉 冇調味嘅肉更加多肉汁 同埋食到肉嘅鮮味✨🍴韓式煎餃 HKD50係睇韓劇成日出現嘅煎餃啊！煎餃有四隻 煎得夠乾身同香口 作為小食真係唔錯㗎👅💬美中不足嘅係當日冇柚子茶供應💬lunch set百幾蚊就食到可以攬住個肚行出餐廳 肉嘅質量都高性價比！💬見到夜晚個set dinner 都好吸引不過好似只供應平日🥲🚩新羅寶韓國餐廳 尖沙咀彌敦道132號美麗華廣場一期食四方4樓403號舖

食物質素一般，烤肉同拌飯都偏甜，泡菜有浸噏味，只有粉絲係幾好食，所以對食物質素的期望不要太大。 食物都算喇，但係服務真係令人失望。成個場根本人手不足，本身order咗個花餅嗌咗三次佢先上到，足足等咗45分鐘；埋單應該快啦掛，但都唔係，又叫咗三次究竟係咩事呀職員講英文或者韓文都理解，但又要扮唔識聽廣東話，扮睇唔到你叫佢，所以先至令到整個服務變差。食物質素當然有待改善，但服務先係最需要改善嘅地方。如果一個地方食物唔係特別好食，服務又差嘅話，我諗唔到咩理由要令到我再去食多次

星期六，行完街，想食韓燒，見好耐冇去新羅寶，就去食，喺門口等咗幾分鐘都冇人理，有個執枱嘅姐姐提醒其他侍應，先至俾反應叫落單，等咗好耐都冇人應，見到其他枱嘅食客都一樣搵緊員工幫忙，完全唔夠人手，叫四樣嘢，有三個係落錯嘅，已經覆左單都錯，其中一樣，明明係叫咗碟雞，俾咗個傳統BBQ我哋，跟住問幫我哋整嗰個人，佢話呢個係牛唔係雞，我哋落錯咗，跟住佢冇換俾我哋，話廚房收咗雖然食物水準keep得到，但服務態度大不如前

係美麗華商場買野，係4樓嘅食四方見到呢個曾經係米芝蓮嘅推介就決定試下。地方都算大，坐得舒服。一坐低就有三碟前菜，有泡菜、芽菜、豆腐我地叫咗燉牛排骨湯麵、軟滑豆腐煲燉牛排骨湯麵牛排骨肥瘦適中，又夠淋，牛湯味道都濃郁，但就有少少單調，得三塊牛排骨，同埋有啲青瓜同紅蘿蔔。不過佢仲有份跟餐小食，有兩舊餃子。軟滑豆腐煲呢份跟餐嘅就唔係小食，有三碟前菜同埋一碗飯配料有豆腐、好多蜆同埋一隻蛋，湯有少少辣，但係好好食！

因為屋企人定左位，所以吾去吾得。在正宗韓式飯店～未食過咁差的前菜，泡菜有小小苦味，我覺得係用平價的娃娃菜代替， 漬物蘿蔔直頭“有陣宿味 “炸雞很差因為雞肉同外皮都好冧，一d 香口嘅感覺都無，真係食左吾怕會熱氣豬手無味，跟豬手果個醬只有兩個味～死咸一隻豬手賣350元再加一，真係吾係平。三個人食左1500多元。。。最後結論係除咗急凍食物之外（叫左兩款牛肉同牛仔骨係正常，因為係自己燒） 其他舖頭自己煮的食物～全部都唔合格 。。中伏中伏

去到尖沙咀，又係美食集中地！今次想食韓國菜，但今次揀咗位於美麗華一期嘅新羅寶韓國餐廳。午餐嘅餐牌都吸到咗我哋入去食。叫咗一個牛尾湯飯餐同醬炒牛肉套餐。而且呢邊係前菜出去任添，真係唔會食唔飽牛尾湯煮得比較清香淡味，一啖啖都有牛肉清香，如果唔想食太濃味嘅餐，呢個都會係唔錯嘅選擇。最出色嘅係醬炒豬肉套餐！又香又濃味嘅豬肉，配合咗泡菜同韓國醬炒 ！一入唔會油膩，又滋味！餸飯食一流！最後仲有海帶湯跟，真係好滿足嘅一餐！

新羅寶都算係元老級嘅韓國菜餐廳，以前只能喺銅鑼灣食，原來而家開咗喺美麗華廣場4樓，以後唔使過海都食到啦😉一去到餐廳發現比銅鑼灣店更光猛闊落。今次我地幾個牛魔王就無叫套餐，主要係散叫幾款牛同雜錦拌飯。落單後，轉頭就有六小碟正宗既韓式前菜上檯，邊食邊傾真係好開心呀！特級肉眼肉味濃，咬落去又淋又juicy，如果同行食友要全熟，剪開後再放落去燒多陣都唔會un，好好味呀！雪花牛肉就有咬口，同時亦都好重牛味特級牛排骨就無得彈，薄薄地，好快就可以燒到脆口，肉質亦保持軟熟三款牛都帶來唔同種類既享受烤鮮帶子大大粒，一睇就知係靚貨，就算燒到乾身都唔會大縮水，保持到大大啖肉既感覺，味道就當然夠鮮味啦石鍋雜錦拌飯　齋燒肉係唔夠飽既，當然配一個韓式石鍋拌飯就最好啦！好足料，多料到可以蓋滿成個飯面，配上不同種類既配菜，熱辣辣真係不得了！好滿足！

韓食癮又發作，時間有限，不能坐下來慢慢享受烤肉和湯飯，只能到這間有米芝蓮加持正宗韓國餐廳來一個𝗞𝗶𝗺𝗯𝗮𝗯頂癮。🍱𝗞𝗶𝗺𝗯𝗮𝗯紫菜包飯 $𝟳𝟬賣相吸睛，顏色豐富，是視覺的享受。每一塊都平均包有蔬菜、雞蛋、青瓜、火腿和醃蘿蔔等配料，還加上淡淡的麻油香，簡單又營養豐富的一餐。