新羅寶韓國餐廳

營業中

休息中

叔叔本身是一名吃貨, 相約一起吃晚飯,我有點壓力😅為免出錯,做足功課。帶他來到在本港開業超過30年歷史而擁有米芝蓮推介的韓國餐廳。-餐廳位於尖沙咀美麗華廣場四樓的食四方,門口豎立不同的餐牌及2011年被米芝蓮推介香港正宗韓國菜宣傳版。內裡裝修燈光通明,擁有大量卡位。最特別是雖然這裡不是任食,但提供2款泡菜供給食客免費任享用,當天是醃芥菜及娃娃菜-HK$600 2人烤肉套餐~套餐包括以下食物：六小碟泡菜~辣魚仔、醃蘿蔔、微辣泡菜、甜泡菜、大豆芽菜及菠菜,總有一款是最愛；炒雜菜粉絲~有冬菇,菠菜、甘筍、洋蔥同芽菜。粉絲彈牙,份量非常多！石頭鍋燒飯~趁熱時,將雞蛋、豆瓣醬及其他配料混合好,飯粒非常軟糯,吸收了雞蛋後非常非常濕潤。除了冬菇、菠菜、甘筍、洋蔥同芽菜外,還有清甜翠玉瓜,配上鹹鹹甜甜帶一點辣味的豆瓣醬更有味道；烤特級牛排骨~醃製一段時間,吃起來肉質軟熟又帶點微甜,就像一個外表低調又踏實的男人一樣。烤去骨豬肉~啖啖肉,烤至肉邊微焦,配上爽脆的生菜、清甜青瓜、甘筍、鮮甜洋蔥、微辛蒜頭及豆瓣醬,清新無負擔韓國生菜盆~除了爽脆生菜、辛辣蒜頭、辣度十足的青紅椒、清甜青瓜及甘筍外,還有賣相非常吸

前幾日約咗朋友去到尖沙咀行街食lunch，朋友話想試吓韓國菜🇰🇷我哋就揀咗呢間韓國餐廳～佢有韓燒午市套餐，大概$70至$90不等～韓燒套餐大概$120至$140烤牛排骨肉豬肉雞肉套餐$138新鮮嘅牛排骨，仲有半肥瘦嘅豬肉同嫩滑嘅雞肉～燒完嘅牛肉好Juicy，食落有好多肉汁流出來，超級正！同時仲會有啲前菜，好似泡菜，薯仔絲等等🥔仲有啲生菜包住啲燒肉，好豐富軟滑豆腐煲跟餐配送一個韓式湯同白飯，好香滑嘅豆腐，仲有好多雜菜，鹹鹹地，送飯一流～仲有啲蜆肉添，幾有鮮味～泡菜雜錦豬肉煲泡菜煲比豆腐煲辣啲，不過同樣幾好味😋入面有好多豬肉，仲有好多泡菜同埋有嫩滑嘅豆腐，配飯都係好好食凍柚子茶$8好香甜嘅凍柚子茶，凍凍地又甜甜地，幾適合解辣，幾好飲炒雜菜粉絲$70因為我同朋友都好鍾意食炒粉絲，炒得好香好有鑊氣嘅粉絲～好大碟，有好多雜菜，好似娃娃菜，蘿蔔絲等等，好豐富自製煎餃子$50煎得好香嘅餃子🥟外皮幾香脆，內餡仲有肉汁流出嚟添，好好食😋紫菜包飯$50有好多舊紫菜包飯，包住青瓜，蘿蔔等等嘅配料，好豐富，同樣咁好味～

心血來潮想食韓國菜，因為即日book得呢間有位，就嚟咗食晚飯本身book咗7:30 ，去到門口個reception都冇人，等咗5分鐘先見到人，之後就同佢預約咗，佢就急急腳好好好，又走咗。咁唯有企喺門口等佢啦，點知一等就等咗半個鐘先有位入去，真係等到火滾未入餐廳已經一吐氣，咁坐低睇好餐牌諗住叫落單，一直都冇人理，啲侍應見到睄左一眼就繼續做自己嘢。咁我頂唔順，就唯有拎住個餐牌走出去捉住個侍應落單啦，啲侍應十問九唔應，但總算落咗單。其實喺出邊等咗咁耐已經肚餓，所以落單，點知等咗45分鐘都無上過菜，之後又係想問先啦，又係冇人理。咁我又唯有行出去收銀嗰度催單，咁隔咗5分鐘佢就開始上菜。 醬油蟹 hkd 250見到隻醬油蟹，真係眼都突一突，超奀又無蟹膏，個味道係唔差，但係隻蟹個size真係唔值呢個價，仲衰過急凍嗰啲醬油蟹。之後都嗌左個熱鍋，豬手同埋煎魚。個熱鍋個份量就幾大，味道有少少鹹，味道唔似韓國口味，但都唔差，啲料都幾多。咁個豬手就都唔錯，份量都好多同埋油脂比例啱啱好。咁我哋食咗都大概一個鐘啦，咁個煎魚仲未上嚟咁我哋又催一催單，個侍應先同我講呢個冇晒啦賣晒啦。其實真係食到好嬲，我等咗咁耐而家先

今次和朋友嚟食晏，叫左兩個餐牌定食，點知嚟食已少了餐前小食和生果。到埋單時，叫了兩三個人埋單，但是等了10分鐘也沒有人嚟收錢，只好行去櫃檯比錢，也要等5分鐘。今次眼見身邊好多枱食客要催促侍應送餐未，餐桌上也是空空如也，已知人手不足，不過我都唔見有員工黑面。是可贊的地方。餐廳有一個泡菜試食區，不過都係長期冇泡菜。今次經驗實在太差了。對比上一次嚟食，只係相隔一個星期，上次食物水準ok,人手也是不足，但係沒有今次的太離譜。

之前我係「新羅寶韓國餐廳」銅鑼灣店嘅常客，不過近年燒肉店開到周圍都係就少咗食佢。呢日同朋友講起想食正宗口味嘅韓燒🇰🇷，就自自然然諗起新羅寶。星期一晚上去咗尖沙咀店食，無訂枱近乎冇位食咁濟，全場滿座，好高人氣，超厲害👍。女店員們手忙腳亂，但仍能不失禮貌。餐廳一向行中高檔路線，消費唔平啊，好耐無食，令人期待。先來韓式前菜，本身見餐牌上有呢個項目嘅定價，又見遲遲都未上，以為唔俾錢冇得食🙈，不過原來落單後店員就會緊隨送上。款式有菠菜、芽菜、泡菜、青瓜同埋辣魷魚，餐廳另外仲設有自助區，有多兩款前菜以供任食。烤特級牛排骨($198/2件)，呢個係我多年來必食嘅菜式，牛排骨可揀原味或經醃製，我哋要咗後者，因為惹味啲，但又唔會過重口味。🦴牛肋肉有長長兩條，攤開燒再剪細，食落有牛味。烤牛脷($130/100克)，餐牌上牛脷嘅圖片好多好吸引，但出到嚟就唔同，因為100克份量其實好少。👅牛脷有六片，燒完質感冇變韌，反而仲幾爽口添。另外，伴旁嘅洋蔥超甜啊。雞蛋糕($68)，佢係傳統韓式蒸蛋🥚，熱辣辣送上。呢種蒸蛋比起中式蒸水蛋冇咁滑溜，換言之即係更有質感，而且經調味，味道濃郁啲。鮮牛肉鍋自製麵($285/2人

新羅寶環境舒適，主打正宗的韓風美食。一坐下，店員為我們送上開胃的韓式五小碟：辣泡菜、酸蘿蔔絲、雜菜、豆芽、菠菜等，清新而美味。烤鮮特級牛排骨$208鮮牛肉排骨份量大，色澤嫰紅，輕烤至表面金黃，再剪至一口size，油花細膩，陣來陣陣肉香。慢慢等待網紋顯現，邊沿焦香，咬下去質感爽口、多汁，純樸牛肉香散發，汁香誘人的口感，像蜂蜜般蜜甜。輕嚼幾口便溶化，細膩滋味，令人難忘。韓式煎餃子 $60每隻也脹卜卜，餃子炸至脆皮可口，裏面填滿豬肉碎、韭菜及紅蘿蔔絲等，口感豐富，入口充滿豐盈的肉汁，配以韭菜香氣，沾上特製醬汁後，更添惹味。牛肉湯飯 $120暖入心的湯飯，熱湯和米飯分開上，十分貼心，免得米飯泡得過軟。奶白色的湯頭濃稠，清甜誘人，充滿肉⻣精華。慢慢享受濃郁骨湯，牛肉滑溜，驚喜的湯內還有彈牙米線，吸收肉汁精華，吃完有暖笠笠的感覺。紫菜包飯 $70清脆紫菜飯包裹著豐富餡料，爽脆牛蒡及酸蘿蔔絲，口感飽滿也很清爽，是吃過燒肉後的消膩之選，十分滿足。

2人餐，生牛肉石鍋飯拌咗個醬汁有油係入面，個飯有怪味炒粉絲好味燒牛肉ok服務差到爆登，食到一肚氣，2人枱問攞張櫈放個袋，第一個職員態度好好攞張櫈比我放，但門口帶位個阿姐態度惡劣，叫我要放櫈放袋既，咁我坐緊張櫈要推入d, 但我己經係貼住牆身坐，無得在入。。。另外2人餐加咗杯飲品，等咗45分鐘都無到過，正常都會追下吧，但我個位近門口全程唔會有職員，只能又係叫門口帶位職員幫手追追，又係點點頭，無回應 ，當然係無幫你追過啦！埋單時錢就照收

好耐冇食韓燒，今日就約咗朋友黎呢間位於美麗華廣場、列入過《米芝蓮指南》嘅新羅寶韓國餐廳。我哋叫咗燙魷魚、牛排骨湯飯、烤去骨豬肉同烤特級牛排骨肉。主食黎之前先有幾款前菜食住等，好似有泡菜、大豆芽菜、菠菜等等。泡菜辣度適中，非常開胃。除咗例牌嘅幾款前菜，仲可以去自助corner夾d特別款式嘅泡菜。我哋叫嘅兩款烤肉，一款牛一款豬。特級牛排骨肉嫩滑，肥瘦適中，烤一陣好快就食得，本身嘅醃料有d似甜豉油，燒出黎有少少甜，帶出牛嘅鮮味。至於去骨豬望落去有d似豬扒，亦都係非常稔身。牛排骨湯非常清甜，一d都唔肥膩之餘仲好香濃牛味。入面嘅牛排骨同蘿蔔燉煮過，夠哂稔。個熱湯撈埋碗白飯做湯飯，十分暖胃。至於燙魷魚，原條切件上，爽口彈牙。個重點當然係個辣醬，辛辣可口。可能因為係食韓燒嘅餐廳，餐廳冷氣比較凍，d野食會好快涼，我哋就將d魷魚放落烤爐返燒，即刻變返熱辣辣。。。新羅寶韓國餐廳尖沙咀彌敦道132號美麗華廣場一期食四方4樓403號舖。。

<韓式豬手 $350> 好足料嘅豬手 兩個人食就好夠飽(個人覺得適合2至4人share)🤩肉嘅部份老好嫩 外皮就係骨膠原嘅感覺✨調味都唔會太鹹😌仲有生菜同 可以夾住豬手 減低油膩感~旁邊仲有韓式辣醬 加埋好惹味☺️辣得過癮🤪.<炆牛排骨套餐 $115>熱辣辣的 上枱仲好滾🤤～牛肉肥瘦適中 份量唔少 好香同啲肉入口即溶😆蘿蔔吸滿牛肉汁😙撈白飯一流😛.另外order咗之後就送上小菜 有泡菜 海帶等😊出面仲有自助bar呢

新式韓國野就食得多，傳統韓國菜又覺得點？最近就去左係香港屹立不倒20幾年，韓國連鎖高級傳統韓國餐廳【新羅寶韓國餐廳】食飯。【新羅寶】仲係米芝蓮2星韓國餐廳。我地就叫左D傳統同特別少少既食物。 石頭鍋拌飯：原個石頭鍋燒熱，就算本身食材（除左飯）係生放係上面上臺，拌一下就全部熟曬，仲要有飯焦！辣醬有加少少麻油，所以好香，不過可能配合香港人口味，所以完全唔辣。個人覺得味道其實都算幾好！而且有店員會幫你拌埋。 韓式煎餃：實物同圖片不相符。。不過其實個味道都唔錯，裏面係好classic韓式餃子餡，粉絲、豬肉、菜。不過都算幾juicy同外面皮炸得好香脆。個醬汁都非常唔錯！ 韓式成吉思汗火鍋（+手工面）：第一次食韓式火鍋，仲要係成吉思汗火鍋。成吉思汗火鍋係以佢特別既鍋所命名。肉同菜都好多，而且湯底超級清，可以食得出食材既鮮味。個手工麵都好彈牙，吸收曬D精華，超好食。個人覺得呢個CP值算好高！

相信好多人都有睇《魷魚遊戲》，不過今次想介紹大家睇《柔美的細胞小將》，係輕輕鬆鬆嘅韓劇，之前睇漫畫我已經狂追，佢失戀同做結局嘅時候，真係有啲傷心，依家有真人版登場，希望大家都會睇啦！睇韓劇嘅副作用係會不停想食韓式料理，今次嘅目標係 #新羅寶韓國餐廳 ，喺香港係老字號韓式餐廳，有燒肉、鍋物、各式各樣嘅料理，滿足到想食韓國嘢嘅心！辣牛腸牛肚拼鍋 $380鍋物有雜錦海鮮湯鍋、部隊鍋、泡菜水餃鍋等等，而我食嘅係辣牛腸牛肚拼鍋，因為好想食牛腸！一上桌就聞到好熟悉嘅韓式辣香味，大大鍋除咗有牛腸、牛肚外，仲有牛肉、金菇及豆腐等等。鍋入面仲有烏冬，烏冬吸盡辣湯精華，好味又飽肚。加上肥美牛腸、彈牙牛肚同腍身牛肉，份量又多，兩個人食到超級飽，滿足度滿分！泡菜豬肉煎餅 $145本身以為細細份，但比想像中大好多，入口有泡菜辣味，口感香脆，簡單樸實嘅滋味。前菜每次去韓國餐廳都好期待啲小菜，多數係餐廳自家製，所以味道都略有不同，今次食到佢哋唔同款嘅前菜，包括：泡菜、菠菜、大豆芽等等。唔夠喉仲可以買走返屋企再食。

超惹味爆膏醬油蝦🦐極濃郁香甜炆煮牛排骨！-原來呢間韓國餐廳，係香港第一間上米芝蓮嘅韓國菜。不過上到田中蓮嘅話，會更加威水。(田中蓮暫時未出，敬請慢慢期待。）-🥘炆宮中牛排骨 ($215)1️⃣牛排骨份量極多，炆得極軟熟，食到滿口牛香，湯底濃郁帶甜，令人驚喜。2️⃣底部仲有唔少年糕，煙韌軟糯，配上濃郁牛香湯汁真係一流。🦐醬油生蝦 ($98/4隻)蝦頭爆哂橙色嘅膏，蝦肉爽口，被醬油醃得惹味，令田中忍唔住叫左兩碟食。👍🏻9/10

估唔到呢度有間咁大間韓國餐廳，星期一至五晏就每日都有3款餐做特價～前菜，泡菜、白蘿蔔喺自助區取，仲有韓式味噌湯～炆牛排骨套餐 $115 湯底比較甜, 好濃牛肉味！超好飲！牛排骨肉質好嫩滑～裡面仲有蘿蔔～好好飲嘅湯！軟滑豆腐套餐 $78有大量蜆肉！無蜆殼幾好啊！！湯底帶點微辣好香口！套餐都正嘅喺有橙送埋😝😆烘黃魚 $150呢個烤得比較耐，大約等左40分鐘，外層烤得脆脆帶點鹽咸味，鎖哂魚肉油喺裡面，裡面肉質好嫩滑！炒雜菜粉絲 $70超大份粉絲啊！鐘意有好多雜菜絲喺裡面，我覺得味道可以再濃啲～紫菜包飯 $50每個飯卷都好大個！一個人食一定夠飽！呢個好抵食丫!!

-新羅寶韓國餐廳 🇰🇷可能太耐冇去過韓國突然好掛住醬油蟹 간장게장🥺仲好記得之前係韓國食過好好味既添🥲所以呢日拉埋妹妹一齊去止下癮先新羅寶其實都已經唔係第一次去但次次都係食燒肉 / 成吉思汗火鍋今次就叫個醬油蟹試試🤤🦀醬油蟹 / 간장게장 （$230)醬油蟹 又稱為 「白飯小偷」因為佢非常送飯 好味到會不知不覺食晒啲飯而呢度既醬油蟹不怕會有腥味 個醬油甜甜地 又帶到蟹既鮮味令林芝蓮一開始已經食晒碗飯🤤🥩烤特級牛排骨肉 / 광양불고기 ($180/200g)牛排骨肉係已經預先用特製醬油醃好左所以燒完後都唔需要特別去點其他醬汁肉汁豐富 肉質都好冧 冇筋 林芝蓮最中意去燒啲泡菜再夾住塊肉一齊食 好味呢✨🥩鍋蓋烤五花肉酸辣白菜 / 솥뚜껑 삼겹살 ($298/300g)呢個係林芝蓮每次必點的💓首先倒啲油係正中間既空位去炸蒜 跟住就可以燒酸辣白菜 同五花肉（比拌菜既泡菜更加酸更加辣的！）最後就可以了再夾晒白菜 五花肉同炸蒜一齊食非常香口同惹味的🥰🥰整體黎講 晚餐去食真係幾唔錯✨特別係燒肉 同醬油蟹係出色的不過可能店內比較空擴 人手唔太足夠等野食既時間會長啲🤔 如果上菜速度可以再快啲就好啦

呢間絕對係韓燒嘅老店，質素確係唔錯。餐廳座位闊落，食得舒服。二人餐相當抵食！不過今晚有心水嘅食物，於是決定散點。一坐低先有五款前菜，我哋唔太鍾意食辣，叫侍應姐姐將四碟辣嘅前菜都換咗芽菜同菠菜，好味開胃又健康之後就食肉！我哋要咗特級雪花牛肉同埋特級牛排骨，份量都好足！特級雪花牛肉好好味，必食推介！牛味重，肉質鮮嫩！牛排骨都幾好味，脂肪多啲，肉質滑啲。淨係食肉感覺比較肥膩，於是點左一個冷麵。冷麵加入好多碎冰，一直都keep住溫度。麵條幼滑，口感是QQ的，配上少少酸味嘅湯，非常消暑解膩。如果鍾意食韓國嘢真係要嚟呢度食！一大班朋友嚟可以試多啲食物