新竹源越南餐廳

營業中

休息中

😋呢排幫襯左呢間越南餐廳幾次啦，一入到去啲staff好熱情，位置好闊落，環境都好舒服。價錢方面好合理！值得我寫低比多啲人知～🥢法式牛油雞翼 $55(4件) $95(8件)🥢越式拼盤C(海鮮)-蝦餅、魚柳、鮮蝦片、軟殼蟹 $162🥢咖喱牛腩配法包 $92第一round嗌咗一份牛油雞翼同海鮮炸物拼盤，雞翼咬落口好鬆脆，肉質都好嫩滑，身為炸物愛好者嘅我表示好滿足!另外嗌咗咖喱牛腩煲配法包，法包嘅火候啱啱好，乾身得黎好脆口，點埋啲咖喱汁真係絕配～牛腩煲到好淋，咖喱汁都唔會太辣，啱啱好！😋🥢馬拉盞通菜炒豬頸肉 $98🥢蜜椒薯角牛仔粒 $128香香辣辣，非常之入味！呢個锅气感觉仲猛過大排档滴，好有滋味，送飯一流～牛仔粒好软嫩，薯仔软硬适中，好正！😋🥢一人一鍋牛肉鍋$138 海鮮鍋$148天時凍仲有海鮮鍋同牛肉鍋，都咪話唔豐富！

呢間越南餐廳已經開佐好多年啦，系好多寫字樓午餐必食餐廳而且有留意到中午12點40分前離座仲有八八折同埋下午茶三點至五點有第二份半價真系好抵食法式牛柳粒紅飯（$98）平時都食得多越南嘢係河粉檬粉，今次就試吓其他嘢見到餐牌呢個係必食推介，隔離有相喺度都好似好有鑊氣咁，就即刻落咗order，估唔到餐牌上面嘅相一模一樣，顏色超級豐富，牛柳粒超正一啲都唔韌，外焦內軟亦都唔會有筋，肉嘅份量都夠多馬拉盞炒通菜($68)隔離台點佐份馬拉盞炒通菜真系夠曬惹味，咁我都來一份啦，通菜炒得爽脆馬拉盞嘅蝦醬味夠濃郁真系送飯一流法式牛油雞翼($58)哩個雞翼非常之推薦，原本想order份香茅雞翼，服務員就推薦佐哩個牛油雞翼系兩隻翼兩隻髀就抵食滴，雞翼系炸過之後加入炸蒜子非常香脆再搭配罐可樂真系perfect 啦

之前白天中午看到很多人排隊 之前想試試 然後今天晚上剛好經過他家看到門口燈光也那麼亮就想著試一下味道 一吃才知道進來沒錯 好味 晚上人不多 上菜很快 份量夠大 料足 湯底非常濃郁 還有它的奶茶真的超好喝的 奶茶比外面的餐廳味道不一樣 好喝 下次過來得試試它的越式特飲 我感覺應該也不會差 他家服務態度很好 服務員都很和善 很友好 而且性價比也很高 在灣仔來說夠便宜 值得推薦 下次還會再來

原本係聰嫂等緊糖水見到新竹源招牌光猛入來試試水，食品都ok嘅，但是服務態度差冇人招呼，最基本的水都冇，點佐海鮮炒金邊同埋生牛肉粉落單時同男服務員重點講湯粉要轉金邊粉同走青，上到來冇轉粉也都冇走青，仲一口回絕話我哋冇講過，咁樣嘅服務態度仲好意思收加一，唔會有下次幫襯

8點晚餐時段叫左個香露煎封倉魚加個白飯$118，等左2x分鐘先上菜，以為真係香煎先等咁耐，點知成條魚都係炸既(最省時間既做法)，皮硬肉柴又無味。個汁仲要唔咸唔酸唔甜唔辣亂咁黎，完全唔知食緊咩。最後叫廚房整走啲汁再俾包鹽我，門市已經淨返幾枱客，唔明點解要包鹽都要等咁耐，食左一半就無食到。同職員反映返條魚啲味好奇怪，佢反問我“好奇怪咩？”，差在未補多句“係咁架喇，好出奇呀？”第一次食亦係最後一次食。服務質素亦非常一般，俾錢買難受

星期日落雨濕濕，唔想買餸煮晚飯，忽然間好想食越南嘢，睇咗Review之後決定去試試呢間越南餐廳。晚上7:20，餐廳只有一兩台客，非常冷清。睇過餐牌，每人點咗一份$98既晚市套餐。套餐包括自選沙律，自選前菜及自選主食（各類湯河，炒河或飯），另加熱飲。自選前菜及自選主食有極多選擇。其中前菜嘅香茅豬扒十分美味，但肉鬆蝦片唔夠脆，應該係用現成蝦片做，並非即炸。生熟牛肉湯河份量頗大，湯唔算太濃郁，但味道算唔錯。牛肉嘅份量亦唔少，肉質可接受，實屬超值！香濃奶茶稍為苦澀，有待改善。服務員態度殷勤有禮，絕對值得再幫襯。下次要試吓佢啲炒飯。

Happy Friday ! 星期五出去食是必須的今日同事帶路食新竹源 🎍lunch time好多人 㩒完飛等咗一陣先有位 🔹️雞絲拼扎肉湯粉大大碗 雞絲唔嚡口湯底清甜 🔹️越式三寶飯（雞翼 扎肉 豬扒）最鍾意撈蔥食飯 再撈埋啲豉油簡直畫龍點睛豬扒碎上 大部份有肥膏 但整體脆口嘅 🔹️蝦頭🦐膏海鮮炒飯好香蝦膏味 同事表示每次黎都必叫炒飯乾身 唔會痴住一舊舊 食炒飯大忌‼️呢個唔係lunch set 所以無嘢飲包 📍灣仔莊士敦道22號York Place 地下1號鋪📞25861828🕐1100-2230💲人均80

今日我揀咗法式牛油雞翼同埋柚子鮮蝦沙律首先係法式牛油雞翼，呢道菜嘅雞翼炸得酥脆，肉質鮮嫩，加埋濃郁嘅牛油香味，味道非常濃郁。跟住嚟就係柚子鮮蝦沙律，呢道菜嘅蝦肉新鮮，加埋柚子嘅酸甜味道，味道清新可口，好適合夏天食用。除咗揀咗呢兩道菜式，我都試咗新竹源嘅越南粉，味道鮮美，肉質鮮嫩，配菜豐富，非常好味。另外，佢地嘅越南春卷同埋生菜包都好好味，食落非常清爽。

今日晏咗食飯，已經到下午茶時間了。跟朋友求其搵嘢食，就黎咗新竹源🎋 餐廳座位尚算寬敞，唔會催你賣單。Order咗個「香燒豬頸肉飯」，上菜速度夠快，份量夠多（睇相就知有幾多豬頸肉！🍚白飯又夠大碗），味道都唔錯，侍應態度都🆗。留意返，我叫嘅係Tea set，但係份量係午餐嘅size，實在抵食👍🏻呢間絕對滿足到打工仔對平、快、好味嘅要求👍🏻整體而言，係中上之選。打破咗港島返工一定要捱貴飯嘅定律！

今日慶祝母親節我哋揀咗呢一間餐廳去慶祝, 一心諗住睇到啲食評唔錯同埋環境都ok, 諗住帶埋老人家來， 就最適合因為呢間餐廳都幾闊落。我激到唔推介呢間餐廳， 食物係一定唔到一般香港人嘅要求。今日點咗一個398蚊野餐， 兩碗湯河， 一碗係熟牛肉湯河, 另一碗係豬扒湯河， 其實真係整得非常之麻麻，啲牛肉太熟， 豬扒好鞋， 另外跟餐有一個炸軟殼蟹同埋一個炸雞翼。炸軟殼蟹同炸雞翼嘅炸粉係厚過軟殼蟹同埋雞翼的，如果你係特別鍾意食炸粉的，我諗會好啱你，但係我相信唔會有人鍾意食炸粉！！！！😭😭😭😭仲有散嗌咗一個蒜蓉包畀我仔仔，因為佢好鍾意食蒜蓉包， 但係個包硬度好似石頭咁一啲都唔脆， 成為港幣三十六蚊四塊。我爸爸一邊食飯一邊話啲嘢好難食， 淨係話好難食都已經講咗50次， 最後我哋淨低曬啲食物喺度只係食咗10個percent就走咗啦!真係過了一個極度唔快樂嘅母親節！

Dropped in with friends for a quick lunch. It's located in Wanchai near Lee Tung Street. For starters, we had Vietnamese rice paper rolls which were so flavourful some with fried garlic inside. We shared the red rice with diced beef and yellow curry chicken with garlic bread. The beef was exceptionally tender and the tomato fried rice provided a pleasant acidity that complemented the dish well. And the curry was flavorful, not too spicy but paired perfectly with garlic bread. The interior is si

年尾時間，天氣又凍，中午沒有帶飯，於是就跟同事走過來這間新竹源食午餐。可能臨近新年比較多人放假，門外不多人等候。聽同事說，平時都多人，今天按了飛，轉頭就有位入去。入內裝修乾淨衛生，卡位坐得舒服。餐牌選揀亦算多，今次沒有影餐牌，價錢大部份都六至七十幾蚊。灣仔地段這個價錢都差不多。叫了之後不久就送到來。今次叫了個牛坑腩河粉。上菜時都覺得隻碗大大隻，估唔到食落都多河粉，份量感覺比一般多。牛坑腩肥瘦參半，個人覺得幾好，有牛味。湯底帶點清甜，配菜的洋蔥及綠菜都爽口清香，感覺新鮮翠嫩，河粉少少偏幼身，不會太淋。同事叫的香茅豬扒河粉，豬扒另上，比想像大份，切好一塊塊鋪了2層。試了一塊，有少少韌但可接受，味道正常。這個價錢坐得舒適又大碟，性價比幾好，值得再回頭食。

講到灣仔嘅越南菜不得不提嘅就係莊士敦道既新竹園餐廳。由2017年開幕 ，呢間新竹園餐廳已經係灣仔開佐成五年。 差唔多每一個人都會去食，水準由2017年到而家都維持到今次第一次寫呢間餐廳既食評。除此之外，大家唔知會唔會留意到店員嘅服務， 佢哋全部都非常之有禮貌。我喺全港食過咁多間越南餐廳，呢一間嘅豬扒係最多㗎😆😆大家數下呢碟豬扒有幾多舊？一共有成十二嚿豬扒😋😋😋🤭🤭🤭 重點係呢間餐廳係由2017 連開幕到而家都係畀咁足料唔會偷工減料豬頸肉嘅份量亦都非常之多，非常飽。大概有七至八舊， 而每嚿都係非常厚。 味道亦都非常之香。平均每人都係五十幾蚊， 性價比非常之高。可以話係我食過全香港咁多間越南餐廳入面最抵食，比錦麗好味。

“蝦頭膏海鮮炒飯配沙嗲雞肉串”($98)“咖喱牛腩配法包”($82)“龍鳳冰”(+$8)“菠蘿蜜特飲冰”($28)禁堂食前嘅最後晚餐🥲嚟咗呢間喺灣仔食越南菜嘅新竹源餐廳大多數都係卡位,坐得夠哂舒服☺呢道嘢食種類超級多除咗常規menu,晚市仲有套餐見到新出仲有越式小火鍋😝Set dinner包咗柚子/木瓜沙律,主菜,小食,飲品價錢都係around $90好抵食🤑我地要咗個蝦頭膏海鮮炒飯🦐啲飯炒到金金黃黃,而且夠乾身粒粒分明食落帶點蝦膏嘅甘甜☺入面有啲蝦肉,魷魚,蠔仔等等好足料😙小食要咗沙嗲雞肉串,一份有2大串🐔雞肉唔會燒得太乾柴,配上沙嗲醬好惹味☺另外單點咗咖喱牛腩配法包🐮🥖煲仔入面超級多牛腩,每件都好腍好入味🥰法包一份有成5厚片,烘到外面脆卜卜點埋咖喱一齊食超級正😋飲品方面特飲跟餐只需要+$8所以要咗杯龍鳳冰,再單點咗杯菠蘿蜜特飲冰龍鳳冰即係菠蘿🍍+紅毛丹2杯入面都落咗好多果肉😍味道超有熱帶風情好正😝

每次經過灣仔《新竹源越南餐廳》都見到滿哂座，今日趁weekend唔趕時間就排隊試下啦！一行三人被安排坐卡位，地方闊落，仲要一讚嘅係卡位座位背後係加高咗嘅，唔會見到隔離枱嘅人，私隱度高👍🏻《法式肝醬札肉三文治》一上枱嚇一跳！分量大得驚人！大大件嘅法包烘得香脆，餡料亦好足，肝醬鹹香惹味，札肉係厚切嘅口感紮實，加埋新鮮嘅生菜同番茄，原來成件事係可以咁夾嘅👍🏻《越式拼盤A》有四款越式小食，分別係春卷、煎紮肉、粉卷同豬肉蝦片。春卷大大件炸得香脆又唔會太燶，粉卷餡料好足而且皮薄。豬肉蝦片就係豬扒粒粒加小小米粉鋪係蝦片上面，成個一啖咬落去又幾夾又幾好食喎，蝦片好脆卜卜！最後就係我至愛嘅煎紮肉，仲係黑椒紮肉哦！煎得非常香口又唔會太乾，紮肉裡面嘅黑椒簡直係畫龍點睛！正！《雞絲湯河》又係勁大碗！雞絲係真係原隻雞撕出黎嘅，分量都唔少，湯底清清地，配埋d辣椒同青檸汁成件事都好fresh總結今餐都好滿意！咁嘅價錢分量同味道，係解釋得到點解成日都爆場嘅👍🏻