新泰東南亞餐廳 (馬鞍山廣場)

營業中

休息中

呢間餐館喺馬鞍山廣場，位置比較偏，但夠寧靜，裝潢好靚，非常有泰國feel平日有午市套餐，$75有1 set，好抵食，特飲加$8，多一份小食加$28泰式海南雞飯雞肉夠滑嫩，雞油飯夠香，蔬菜夠多，但碗湯就比較多咗味精泰式蝦炒金邊粉蝦肉夠彈牙，味道夠晒開胃整體：環境非常好，食物味道好，擺盤靚，價錢合理，服務ok

難得嚟到沙田行街，突然間好想嚟食泰菜，聽過朋友講馬鞍山有一間泰菜性價比都幾高，特登搭車過嚟馬鞍山食泰菜！而呢間泰菜餐廳嘅名就係新泰。呢度嘅職員都幾熱情，服務態度都幾好，有介紹有邊樣泰菜推介。由於今次好肚餓嘅關係，我哋叫咗好多嘢食！首先，我哋叫咗個青木瓜沙律，酸酸甜甜咁樣，加上青木瓜爽脆嘅口感，令人好開胃！之後我哋仲叫咗細嘅冬陰功，酸辣嘅比例剛剛好，唔會好酸，唔會好辣！我地仲叫左鴨肉生菜包，平時多數都係得豬肉生菜包，鴨肉真係比較少見，味道都唔錯，幾好食！食泰國野當然要食下串燒啦！有豬牛雞各2串，唔會好乾唔會好柴口，加埋串燒汁食不得了！最後仲叫左馬拉盞炒通菜，食得太多肉都要食返啲菜中左下，呢間餐廳啲份量都唔錯，都幾抵食，大大碟好夠飽！

餐廳燈光柔和，營造出一個舒適、放鬆的用餐環境。店員都係泰國人菜式嘅口味都幾正宗。菜單上的選擇非常多樣化，從小吃到主菜，從肉類到素食都有，讓每個人都能找到自己喜歡的菜式。冬陰功魚煲是一道結合了泰國和中國菜式特色的美食，以新鮮的鱸魚、椰子奶、香茅、辣椒、薑和檸檬葉等作為主要材料。這道菜式的特色在於酸辣清香的湯汁，湯汁中的酸度和辣度非常適中，味道清爽而不失味覺層次。鱸魚肉質鮮美，當鱸魚與湯汁融合在一起時，鱸魚的清甜和湯汁的酸辣完美結合，越式蝦米紙卷：這是一道非常傳統的越南小吃，由透明的米紙卷起蝦仁、生菜、泰國香葉、薄荷、味道清新，健康，適合作為開胃菜椰青 味道甜美 仲有好多椰肉可以食夏天非常適合，可以幫助消暑解渴。椰青pancake 味道就比較甜少少🤏🏻入邊啲餡有一絲絲嘅椰青肉

一向聽馬鞍山係美食沙漠，但係近年商場大改革，有好多唔同嘅餐廳進駐，所以今日我同老公都特登過嚟馬鞍山食晚餐，見好耐冇食泰菜，所以就今次揀咗新泰呢一間泰國餐廳。之前母親節嘅時候，已經見到有好多食客大排長龍，所以一直都好想試！而今次好彩我哋有book位，所以唔使點排隊就已經入到嚟。聽日到餐廳裝修都幾好，有好多卡位可以坐，都幾闊落坐得幾舒服！睇到餐牌，都見到有幾多嘢食選擇！真係花多眼亂！而今次我哋就叫咗冬陰功，串燒，青芒果沙律！味道都幾好，份量又夠多，價錢真係幾合理！而最令我印象難忘嘅就係鴨胸生菜包，好少地方可以食！而呢個味道都幾唔錯！大家都可以一試！我哋都有叫馬沙文牛腩咖喱！呢個味道都幾特別，一啲都唔辣，又夠香，點印度烤餅食真係絕配！

今日同朋友去咗一間東南亞餐廳，食咗一頓好味嘅晚餐。餐廳嘅裝潢好有異國風情，燈光柔和，氣氛好舒服。首先，我哋叫咗一份蝦醬炒飯。呢道菜嘅味道好特別，蝦醬嘅香氣好濃郁，飯都煮得啱啱好，口感好好。蝦醬炒飯入面仲有啲青豆同埋玉米粒，加多咗啲層次感。之後，我哋又叫咗一份泰式金邊粉。呢道菜係我哋嘅必叫之一，因為我哋好鐘意泰國菜。金邊粉嘅湯汁好鮮美，而且微微有啲辣味，好開胃。裡面仲有啲豬肉、豆芽同花生碎，口感好豐富。金邊粉嘅粉條都好有嚼勁，煮得啱啱好。最後，我哋又叫咗一份肥牛湯河。呢道菜嘅湯汁好鮮美，牛肉都煮得好嫩滑，入口即化。湯河都好入味，同湯汁好好融合埋一齊，好好食。整餐飯食落嚟，每道菜都好好食，我哋都食得好滿足。服務員都好親切，令我哋有一個好好嘅用餐體驗。如果你想試吓東南亞風味嘅美食，呢間餐廳絕對係一個好好嘅選擇。

眾所週知馬鞍山一直有「美食沙漠」嘅稱號，不過本人認為近年來已積極「洗底」，目的無非都是想為馬鞍山的居民提供更多具質素的美食，今次去咗馬鞍山廣場（海栢花園）入面尋找新面孔，就係呢間新泰東南亞餐廳，先講下嘢食嘅款式，餐牌列出嘅食物應有盡有，由於一行得兩人嘅關係，既要識食，更要惜食，我地就嗌咗以下呢幾樣嘢：蝦醬炒飯、巴東牛𦟌、鴨肉生菜包、印度酥餅。先講下蝦醬炒飯，材分別有蝦醬、肉鬆、臘腸、洋蔥、青豆等配料炒製而成，味道濃郁香辣，蝦醬又唔會令到整碟飯好咸，配上微微焦香的飯粒，非常開胃美味，巴東牛𦟌呢味餸係用厚切的牛𦟌搭配泰式香料烤製而成，口感豐富又帶甜味，醬汁亦可用嚟配搭酥餅，認真一流。最後就係鴨肉甜菜包，呢味餸以煎過的鴨肉切成小塊，搭配生菜、青椒、薄荷葉等配料，再以甜酸醬汁調味，最後包裹在生菜中食用，口感清爽、鮮嫩，唔識得辣嘅朋友可能要注意下，不過呢一道餸絕對係不可錯過嘅美食。

今次去了新泰東南亞餐廳，感覺舒適闊落，氣氛不錯。點了幾道招牌菜，先試了118元的南瓜焗海鮮飯，這道飯看上去色澤金黃，讓人食指大動。入口後，味道鮮美，海鮮和南瓜的味道融合得很好，份量也很足。接下來是75元的馬拉盞通菜，這道菜口味偏辣，但不會太辣，吃起來很開胃。通菜的綠色在紅色馬拉盞的衬托下显得非常漂亮，味道也不錯。再來是108元的泰式炒花蛤，花蛤口感Q彈，加上泰式醬料的調味，非常開胃。大蒜和辣椒的味道也很突出，不失炒菜的風味。之後是98元的燒原隻魷魚，魷魚的口感非常嫩滑，燒得恰到好處，吃起來鮮美可口，不油膩。再來是88元的香芒軟殼蟹米紙卷，軟殼蟹的炸製非常香脆，加上芒果的酸甜味，讓整道菜的味道更加豐富。米紙也非常軟嫩，非常好吃。最後是68元的芒果糯米飯，糯米飯配上新鮮芒果，口感香甜，非常適合甜品或者下午茶。份量也很足，非常值得一試。總的來說，這次的用餐體驗非常不錯。每道菜的價格也很實惠，讓人覺得物超所值。如果你對東南亞菜式有興趣，那麼新泰東南亞餐廳是一個值得一試的好地方。

是日母親節食飯，野食等好耐都未上，有食物更加係落單好耐先知原來無，極度離譜。由於等得太耐，屋企人對侍應態度唔好，侍應態度好差，講到食個飯咁忟做咩，想D人老母咁制，態度極惡劣。眼見其他枱都有漏單情況，追都無法，經理仲要話今日多人無辦法，唯有講句，你唔得唔好接咁多客，得失客人做咩，又係抵比人串。呢間野永不錄用啦

馬鞍山新泰東南亞餐廳，之前都有食過呢間餐廳嘅其他分店，尖沙咀分店梗係排隊排到不得了，估唔到馬鞍山分店都唔弱， 7:00去到餐廳，門口都有幾多人等緊。我同朋友仔叫咗南瓜海鮮飯、馬拉盞通菜、芒果軟殼蟹咪紙卷、燒完條魷魚筒、炒蜆同芒果糯米飯。米紙卷基本上係東南亞美食代表之一，軟殼蟹同芒果嘅搭配簡直係一絕，好好味，同朋友仔都讚不絕口。魷魚筒雖然燒過，但係調味比較淡口，要靠醬汁提味。馬拉盞炒通菜，又係東南亞代表食物，惹味。炒蜆醬汁甜甜地，好味，不過份量就唔算多。南瓜海鮮飯，賣相一流，感覺上相對健康，而且味道都好唔錯，推介！食東南亞菜式，最尾一定要食芒果糯米飯，呢度嘅芒果糯米飯熱辣辣，更加滋味。整體來講，呢餐飯食得好滿足，會再回頭。

近日，我們一行人光臨了位於馬鞍山的新泰東南亞餐廳，這裡的美食真是令人驚喜不已！我們品嚐了椒鹽軟殼蟹、馬拉盞通菜、越式蝦米紙卷以及麵包焗咖喱軟殼蟹，每道菜都散發出獨特的香氣，讓我們的味蕾感到無比滿足。首先，椒鹽軟殼蟹絕對是我的最愛之一。這道菜以新鮮的蟹腳裹上脆口的椒鹽調味，炸至金黃酥脆，入口時的鮮嫩口感令人難以忘懷。每一口都充滿了鮮甜的蟹肉和微辣的椒鹽風味，真是美味至極。另外，馬拉盞通菜是一道非常開胃的菜品。通菜的鮮脆和香氣與濃郁的馬拉盞醬汁完美融合，帶來一種獨特的口感。這道菜不僅讓人食指大動，還增添了一份清新的風味。越式蝦米紙卷是一道清爽的小吃，裡面包裹著新鮮的蝦肉和香濃的蝦米，搭配脆生菜和蘿蔔絲，每一口都充滿了豐富的口感。蘿蔔絲的清甜和蝦肉的鮮嫩相輔相成，讓人愛不釋手。最後，麵包焗咖喱軟殼蟹給我們帶來了一種令人驚艷的味覺享受。麵包外酥內軟，融合了咖喱的香氣，每一口都彷彿在品味著濃郁的咖喱蟹肉。這道菜的獨特創意讓我們的用餐體驗更加豐富多彩。

馬鞍山站有2個商場，呢間鋪頭係有木馬果邊，佢地址係2樓，但係其實即係同木馬同層，好FAKE XD位置位於商場的角落，偏靜但是星期一入座率竟有八成，一班人又有的，有2-3個人的都有，客路都好趕。因為大約7點半入座，食到8點零竟然有D細枱要等位 (我坐門口附近卡位)，有冇咁多人啊 哈哈哈...鋪頭主打東南亞菜，星馬泰都有得㨂。食食下仲有個送餐機械人著住燈同音樂送餐，願意應用AI robot 的餐廳，老闆都應該open-minded。打開menu發覺款式真係好多元化同創新，你會感受到D食材配搭係有心思，唔會一式一樣。小食同甜品都有大/小拼盤，特色飲品 (non alchol) 都係$40左右，食物份量超足料，我諗以上種種都係閒日星期一門庭若市的原因了~薄餅平時都係只有2-4件，呢間餐廳竟然成6件左右，當飯食都唔過份串燒 (雞、牛、豬)每款2件，食得出係即叫即燒，上枱仲係熱辣辣。雞肉同豬肉相對較嫩滑，2款醬汁任君選擇，好抵食!!燒豬頸肉每件豬頸肉的熟透度相差無多，調味剛好，估唔到大部份燒物都咁出色，份量足夠3個人分享，必食之一香芒軟殼蟹米紙卷微甜芒果肉及鬆脆軟殼蟹， 配上米粉、紅蘿蔔絲、青瓜絲

算是經常幫襯的一間食店，他們的廚房味道是一個主要因素，食材質素其實跟一般餐廳質素一樣，但同樣是雪蝦，這裡味道就較好。不過須注意是較為甜酸辣，雖然泰國菜都是這樣，幸好他的選擇也算ok，比如說想食得較生酮的話，有一些冇跟飯但又好味吃得飽的選擇，我自己比較多點各種肉生菜包，炒河粉，羊架，咖厘冬蔭公類。炒河粉類倒是特別做得不錯，雖然不同的菜式，有些味道可能倒帽式相似，因為來來去去也就幾樣調味。我會好心的講下，叫你諗清楚先叫的菜式：軟殼蟹、魚(有些整條有魚鱗)，還有些菜式會跟泰式甜酸醬、就是你去餐記都一樣食過那些罐頭式同一個tone。衛生方面我有一次炒菜吃到底部，發現整張傳菜紙，幸好沒有甩油墨。這個出街食飯都會存在的問題，即使5星酒店也差不多其實眼不見為干淨，自己多注意。

四朵金花又出動，今次揀咗馬鞍山泰菜，餐廳係啇場角落，真係要識路先搵到，裝璜唔錯，幾骨子，坐得舒服。點左椒鹽軟殼蟹、海鮮南瓜飯、串燒、香茅魚，轉頭有音樂聲，嚟左個機械人送餐，又幾得意嘅！試吓椒鹽軟殼蟹，炸得唔夠脆，有鹹味，冇香味；海鮮南瓜飯，飯底本身整得幾好，可惜南瓜唔靚，唔夠粉又唔夠稔；串燒牛比豬好，但沙爹醬都係少咗啲又唔夠味；最後香茅魚都算有心機，起肉脆炸賣相唔錯，但魚肉本身嘅味唔夠，亦冇香茅味。食過就算，唔算貴，但又唔會諗住再嚟囉！

馬鞍山俾人嘅印象都係美食沙漠，但其實近年都有唔少連鎖餐廳進駐了新港城。「新泰東南亞餐廳」係馬鞍山都有分店，之前係尖沙咀店已經食過，午市套餐都只係$75，仲可以加配小食同升級特飲，再加埋小食，人均都唔使$150 😆打開餐牌見午市套餐都有成7款選擇，而且仲會定期轉換餐牌，唔夠喉仲可以加$28 加配小食👍我地揀咗一人一款套餐，再加咗椒鹽軟殻蟹🦀🦀食完之後超滿足😆😆巴東牛肉配香飯一上台望到都流哂口水啦，橙紅色嘅巴東醬又惹味，而且放上枱就聞到椰奶嘅香氣，牛肉用咗牛腩位，有肉有筋👍🏻👍🏻最後忍唔住食到清碟用哂啲巴東牛肉醬嚟送飯😆😆星洲喇沙蝦米線哩款喇沙唔會過份濃味多油，而椰汁🥥味較突出，反而辣味就唔算多，喇沙嘅配料都算足料，有鮮蝦、魚片、豆卜、雞蛋🥚等，豆卜嗦哂啲喇沙湯，超滋味😋😋蒜蓉炒貴妃苗加$28 可以加點3款小食嘅其中一款，我地就揀咗健康嘅蒜蓉炒貴妃苗，貴妃苗新鮮爽脆加上蒜蓉粒就超惹味綠荳沙冰 加$8 就可以升級特飲，除咗指定泰式椰汁冰🥥、龍眼冰等，我地最有興趣嘅係綠豆沙冰😋😋將綠荳蓉打成如綿綿冰嘅細緻口感，既透心涼又解辣椒鹽軟殻蟹泰式小食又點少得椒鹽海鮮，我地就揀咗椒鹽軟殼蟹，$78 嘅份

因為馬鞍山係美食沙漠，所以先可以有間咁難食既食市都排晒長龍。門面裝修係不錯，食物擺盤都好吸睛，但食市最重要係味道囉！明知一分錢一分貨，有質素既食材，成本太高，做生意係好難平衡，唯有廚師既廚藝搭夠啦！可惜⋯⋯！紙米卷淡而無味，粉皮一嚿黐一嚿，都唔知整咗幾耐；蝦醬炒飯，無蝦醬味，炒飯都可以完全唔熱，鍾意食炒飯都係想食熱飯啫！串燒羊，用炆羊腩既草羊，即使細細粒，都靭到食唔到，其中有粒菠蘿仲係壞既；最後明爐烏頭，唯一熱食，但魚鱗多到唔知點食。整體來講：淡而無味、全部無熱度。