新泰東南亞餐廳 (馬鞍山廣場)

營業中

休息中

唔係住呢度附近，不過都有聽過馬鞍山係美食沙漠既都市傳說！！ 咁岩有事要黎馬鞍山，完全冇idea有咩好食...😖😖諗住搭車出返去先食lunch之際，望到商場既水牌見到有間泰國野（因為我超鐘意食泰國野），然後上一上OP睇下食評，發現咁多好評，就去入去食下啦！！因為時間尚早，所以餐廳冇乜人。而待應都好好咁比左個4人卡位我地坐！坐得好舒服寬敞！你要知道香港一般食肆就算個場點冇人都好，都要你坐返2人枱。不過人地要做生意，我都明既。餐廳有lunch menu，每款$75，1點前離座有9折！好可惜當日既lunch menu冇我最愛既炒金邊粉🥲🥲🥲即叫即焗，上到枱熱辣辣，份量都算多。味道係有芝士同椰汁加埋，但又唔會好膩，唔錯，隻蝦唔梅！我就叫左個炒粉絲，都係即叫即炒，好熱好有鑊氣。不過蟹肉就真係好少，要好好好仔細品嘗先食到有少少蟹既鮮味。加左d三色椒落去炒，又幾香！我地一路食飯一路聽到員工們用泰文溝通，聽得出佢地相處好融洽☺️ 而我地就好似去左個泰國小旅行咁😆😆！！！ 到我地差唔多食飽，餐廳外面已經開始有幾個人等位喇！總結，如果再經過馬鞍山既話呢間泰國餐廳值得回頭或者可以試下其他分店，下次試下我最愛既P

今晚同朋友兩個人一齊去左位於馬鞍山廣場嘅 新泰東南亞餐餐廳 食晚飯，位置方便，就喺一出地鐵站個層。我地叫左叫左幾樣菜式share泰式柚子蝦沙律醬汁酸辣清新，柚子肉鮮甜，配上乾蒜，乾蔥加上大蝦同鮮魷，大蝦肉質彈牙。整體開胃好食~馬沙拉咖喱-牛肉份量正常馬沙拉咖喱味道濃郁，牛肉片入味，肉質同味道都唔錯。配料有薯仔，車厘茄，洋蔥等等都非常入味。建議配埋飯/薄餅，可以點馬沙拉咖喱品嚐。馬拉盞通菜份量足料，幾大份，通菜新鮮，唔會有渣或者好韌。炒得好香，食落唔會太油膩。泰式濕炒海鮮河材料豐富，大蝦，魷魚，椰菜，椰菜花，西蘭花，蘿蔔同幾種菇類。而且河粉係用上闊邊河粉食落好有口感。泰國街邊豬肉串超有驚喜，豬肉肉質彈牙，勁juicy。調味醬汁甜甜地，食落甜鹹甜鹹，幾特別，推薦一試。芒果沙冰，沙冰幼滑，質地有d似smoothie,芒果味都幾重，降溫，解膩一流！

日本南瓜焗海鮮飯 味道一般,個人覺得調味唔係咁夾.酸菜魚  有個小火爐加熱保溫,賣相唔錯,有額外湯汁供加添唔會煎乾條魚.魚有兩款選擇,忘了是甚麼.我自己本身唔鍾意食酸菜魚,同行一個話好食一個話一般. 麵包焗咖喱軟殼蟹軟殼蟹份量十足.   咖喱汁份量充足,完全唔辣,調味惹味.   麵包鬆軟,配咖喱汁超好味.值得推介.泰式甜品大拼盤甜品大拼盤正中有芒果糯米飯.四周有千層糕,西米糕,椰青糕,糯米糍.芒果糯米飯,千層糕,西米糕正常一般泰式甜品味道.   呢度啲芒果糯米飯出名,不過可能食飽咗我唔覺有特別好食.椰青糕,糯米糍則有驚喜.   椰青糕清甜,好有椰青水味.   綠豆糯米糍外表唔吸引,起初我都唔睇好,但食落口感軟糯,好味.

性價比高，大大份午餐，幾好味😋👍🏻👍🏻👍🏻環境闊落，都坐得舒服😌👍🏻👍🏻餐廳都歡迎小朋友，推bb車入去幫襯都唔會黑面，但服務態度有待改善！😂😂😂😂😂最鍾意食菠蘿炒飯，份量足夠又好味😋

行山行完好攰，黎到馬鞍山唔知有咩食好…本身個人都鍾意d隱蔽d的店，感覺好似探店咁～ 行下商場，發現有個感覺較少人的商場，再行到角落位見到呢間野，感覺不錯就入去了（雖然事後發現間野好似有分店？ nvm🤣 廚房唔同的🤪🤪）雖然間野係泰菜，理應係食d heavy野／沙律咁的。但最近好似都多人感冒個d？我個人又易上火，都係食清淡好d簡單叫左個Pad Thai，樣幾靚，重點係好大，我行完山食覺得幾飽🙈🙈 酸甜度若酸多少少會更好，因為… 量有d大需要開胃🤣🤣 （蝦有3大隻，都叫不錯，係爽口，熟度剛好的）同時叫左個泰式炒椰菜仔（似蒜蓉炒），太耐無食過了，但當Pad thai黎左，佢再黎埋我就心感不妙了… 個菜都好多🙈（unexpected🤡）唔知係我太耐無食定做咩… 之前食的椰菜仔都係比較鬆散同埋lum，得d汁味，呢度我食到係新鮮菜個種菜的口感（實d，爽脆d），仲有菜味，但同時因為佢比過去食過的椰菜仔都實在… 所以我不行了🤣🤣 本身行完山好餓都頂唔順食咁多🙈🙈🙈最後太飽了，唔太食得完，不過大滿足！

新泰東南亞係馬鞍山嘅一間泰國料理餐廳，佢嘅特別之處係芒果糯米飯非常好食，今次我就試咗佢嘅午餐，但係佢嘅晚市就更多選擇。- 馬拉盞通菜：呢道菜以泰式馬拉盞醬炒熟嘅通菜。馬拉盞醬有獨特嘅香料味道，係泰國菜中常見嘅調味料。通菜爽脆，加埋香辣嘅馬拉盞醬，味道鮮美，適合辣味愛好者。- 越南蝦米紙卷：呢道菜以新鮮嘅蝦仁同埋脆口嘅蔬菜包裹喺越南米紙入面。可以配以特製嘅醬汁一齊食，味道清新，口感爽脆。- 泰式乾炒牛河：呢道菜以河粉炒熟嘅牛肉同埋蔬菜。炒好嘅牛河有獨特嘅泰式風味，微辣微甜，配合牛肉嘅鮮嫩口感，非常開胃。- 泰式蝦炒金邊粉：呢道菜以金邊粉炒熟嘅蝦仁同埋蔬菜。金邊粉係泰國傳統嘅寬粉，口感彈牙，與鮮嫩嘅蝦仁一起炒熟，味道鮮美，是泰國料理中受歡迎嘅一道菜。- 芒果糯米飯：呢個係新泰東南亞餐廳嘅招牌甜點。芒果糯米飯以糯米同新鮮嘅芒果搭配而成，糯米飯軟糯香甜，芒果清新多汁，兩者結合，口感極佳。係一道完美嘅結尾，令人回味無窮。新泰東南亞餐廳嘅菜式種類豐富，提供多款道地嘅泰國美食。特別係佢嘅芒果糯米飯，絕對係一個不容錯過嘅甜點。如果你鍾意泰國菜同埋芒果，呢個餐廳絕對值得一試。

本身叫咗4樣嘢食同兩杯嘢飲嘢飲好快送到 但食物就等咗45分鐘都未嚟其實餐廳爆場要等下都好正常 但45分一樣嘢都未嚟就有啲過份，而且我地叫嘅都係大路餐牌推薦嘢，叫嘅時候餐廳亦都冇咩提示話係特別需時🧭之後追單只係話整緊 而唔係漏單明白焗南瓜海鮮飯焗可能需時但鴨肉生菜包需要整45分鐘嗎🫠難道椰汁青檸雞湯又是特登幫我地呢枱而煲嗎燒鱔也許要精心炮製吧🙃可能係因為我地張枱係死角 叫天不應叫地不靈催咗幾次都係咩都冇最後頂唔緊都要埋單走盛惠80蚊兩杯嘢飲😉

上菜超慢，等咗廿幾分鐘，問個中年呀叔經理，佢話：廿分鐘緊係未得啦，再等等啦！！去到接近三十分鐘，上咗第一道椒鹽軟殼蟹，極之咸，又細份。去到五十幾分鐘，上咗豬肉炒河，一字記之，仍然好咸。 最後上埋炒通菜，咸到狂飲水都唔掂。最後仲有一道餸，生菜包，未等到就走咗。成餐飯最精彩就係留意邊枱嘢食上咗邊枱未。埋單，加兩杯嘢飲三百幾蚊。要講番，其他侍應好有禮貌，會講唔好意思，係個經理態度惡劣，明知廚房冧檔都係咁入人。

今日黎到位於馬鞍山廣場（木馬商場）一間泰國餐廳，同朋友搵地方食晚飯，亂打亂撞入左去試下出面已經見到餐廳裝修好靚，好有泰國風味，到處都有泰國系裝飾好好彩唔駛等就有位了，泰國籍員工面帶笑容帶位入坐，感覺相當不錯裡面燈光亦有氣氛，同朋友傾計放鬆下一流椰青沙冰，估你唔到咁大‘’杯‘’仲要好好飲芒果沙冰越式蝦米紙卷，好清新可解膩感拼盤，炸物香口，香料十足，配合酸酸甜甜既醬汁一試回味拼盤已包的生菜包門口仲有好可愛既猩猩歡迎你

今日我來到馬鞍山呢一間餐廳，就嚟食嘢試下佢地嘅菜式。因為只有兩個人，所以叫嘅菜式唔多。首先嚟緊嘅係香茅豬扒河粉，味道算係正常嘅水準。豬扒唔會太乾身，而河粉亦有彈牙嘅口感。整體嚟講，呢個菜式算係合格。不過，青咖喱就真係令我有啲失望。裡面嘅雞肉好韌，食落口感唔好。而且，個南瓜係有種臭縮嘅味道，令人唔舒服。 呢個菜式明顯有改進嘅空間。除咗食物嘅問題，上菜時間都係一個問題。我哋叫嘢食嘅時候，要等咗整整30分鐘先有得食。呢個等待嘅時間有啲長，有啲不方便。希望餐廳可以加快上菜速度，提升服務效率。另外，反映完個南瓜嘅問題之後，員工有say sorry 話入廚房睇睇～之後就冇主動提供其他解決方案，有啲冷淡。 至於飲品方面，我哋叫咗凍咖啡同埋凍奶茶。味道都係普普通通，冇咩特別之處。不過，我記得之前試過嘅熱咖啡係好飲啲，味道濃郁香濃。如果你鍾意咖啡，可以試下熱咖啡。總括而言，今日嘅食評唔算好。雖然香茅豬扒河粉正常，但青咖喱同南瓜嘅問題令人失望。上菜時間耐同員工態度都有待改進。飲品方面嘅凍咖啡同埋凍奶茶都冇特別之處。希望餐廳可以改善呢啲問題，提供更好嘅食物同服務。

喺馬𩣑山廣場想食泰國餐，呢間係可以一去的。環境算舒適不壓迫，冷氣也是足夠不會太凍。Lunch 香茅豬扒湯河75蚊包飲品湯底係足味，豬扒就可能我影耐左相啦😂唔夠趣口嘅～青咖喱雞飯lunch 75包野飲淡淡椰香，唔辣夠味～你睇到各類配菜都有心機整嘅～鐘意食青咖哩嘅可以一試～及後有個小插曲～咁佢個南瓜可惜係有小小變味，唔嚴重嘅～咁同左職員講聲，但後來到走嘅時候都無任何跟進的。

諗住試吓呢間馬鞍山泰菜 點知叫完餐之後 等完又等等完又等我 等寂寞到夜深～都未嚟個冬陰功 真陰功 催一次冇乜反應 隔離嗰台成枱都嚟晒啦 我哋一個餸都未有 再催佢多一次態度就唔係咁好啦 好啦重點嚟啦 佢嘅嘢食根本就唔好味 叫個冬陰功湯隻蝦仲係霉嘅添 最搞笑係聽到有台客話你隻青口壞咗喎 即刻想行過去同佢講咁啱呀我都係啊 係霉蝦同壞青口相遇 仲唔係命運你仲敢唔敢食🙂 總結 諗住可以試吓新嘢 點知中大伏 想食泰菜有其他選擇囉 唔推薦唔推薦唔推薦

第一食物質素我嗰陣嗌咗個冬陰功湯入邊有幾隻蝦啲蝦全部都係有霉味，我仲要聽到前一台，佢哋個青口變壞咗，食物根本唔安全，隨時唔知有冇發霉，變壞。第二餐牌問題因為女兒唔食得辣，特登睇咗個餐牌嗌咗個南瓜飯，隔離冇辣椒，嗌出嚟成個飯都係辣汁，跟住個囡完全食唔到嘢。第三等候時間我想講間嘢三個餸可以等咗我成一個半鐘，趕時間啲人真係唔好去食，然後我哋吹個侍應叫佢快啲送菜嚟，根本冇用！跟住諗住另外加一個菜，又話跟訂單嚟，又要等，但係我啱啱先見到隔離個枱遲坐低過我哋，啲嘢食快過我哋嚟齊，根本間餐廳就係睇吓邊個餐多人嗌煮咗邊個餐先，所謂嘅跟訂單嚟，只不過係大話！第四侍應服務態度/人手問題如果你枱面唔係嗌咗好多嘢食，啲侍應根本唔會對你好聲好氣，我唔係嗌咗好多嘢食，跟住想問個侍應攞餐牌，個侍應成塊餐牌劈咗落張枱度，勁大聲，勁冇禮貌，樓面仲要得幾個人根本都唔夠人，導致嘢食要等好耐，到最後啲侍應見到你銀包多錢嘅話咪對你好聲好氣啲囉，跟住我諗住嗰幾蚊佢會找返俾我，佢以為我唔要，當小費，嗰度都$20雞呀，然後直接冇俾返我，真係有冇搞錯！大家真係千祈唔好去食。

冬蔭功（細） $78有兩隻蝦，好多菇，都好足料，唔係好食得辣都可以食到。越式蝦米紙卷 $68比較清淡，需要依靠酸辣醬，去到調味，眼見每一塊都有一隻蝦🍤醃無骨鳳爪沙律 $68好爽口的鳳爪，係有好多隻。我覺得酸辣度岩岩好。泰式柚子蝦沙律 $98值得推薦，醬汁調度得好，柚子亦係大大塊，好有口感。馬沙文咖哩（牛腩）$88咖哩比較順滑，配搭酥餅好夾，牛腩都好煙韌，亦都有好多塊。泰式蝦炒金邊粉 $108有驚喜的金邊粉，上枱已經好精緻，第一啖係甜甜地，食多兩啖就好好味😋芒果沙冰 $38沙冰🍧平時食開比較大粒，今次係好香滑的芒果味的沙冰，唔會太甜，大家不妨一試！印度酥餅 $32暖粒粒的酥餅，亦好鬆軟，唔想食飯都係一個好選擇。

馬鞍山向來一直都有美食沙漠之稱而泰國野食更係買少見少今日行過見到裝修不錯所以決定入去試一試我覺得味道不錯叫左3個小食鳳爪沙律-味道酸酸甜甜-鳳爪爽-前菜黎講好多隻柚子蝦沙律-柚子酸甜幾開胃-蝦有鮮味-都係份量足蝦米紙卷-同出面吾同，細細件有8件-每件都有蝦-食落好清新主菜馬沙文牛腩-好足椰香味-牛腩好滑似半筋腩位-薯仔有炸過印度酥餅-配合個馬沙文牛腩一流-熱辣辣-足兩大塊，切開8小塊泰式蝦炒金邊-食泰國野必叫之選-色香味俱全-蝦應該用沙律個蝦，一樣有鮮味冬陰功湯-又係泰國野必叫-微微辣-香料味十足-好多好多菇-都有一隻蝦原本諗住最後叫埋芒果糯米飯但是佢啲野食實在比出面泰國鋪份量多所以只好留番下次