新泰東南亞餐廳 (雙子匯1期)

營業中

休息中

第一次去呢間位於啟德雙子匯的泰國餐廳 Sunthai 令人感覺耳目一生，有一種泰皇高尚的氣派！除了裝潢華麗之外，喜歡在室外飲嘢傾偈的朋友可以坐露台的卡位，飽覽整個啟德觀景！而我同老友當然就醫肚先！先叫一個前菜：蜜糖燒肋骨雖然係肋骨但係都好多肉，而且好趙口，燒得香香甜甜。跟一個辣汁，啱曬喜歡食辣的朋友😉第二味：鐵板蠔仔炒蛋本來我好怕食蠔，因為好怕佢嘅海水腥味。令我驚喜你廚師已經處理咗佢嘅海水腥味，同洗得好乾淨，食落去唔會有沙。用鐵板形式上菜，不單止香口仲可以令蠔仔炒蛋保温👍然後係：砵酒羊架平時都係去西餐廳同日本餐廳食羊架，今日第一次在泰國餐廳食羊架，真係好味到不得了！佢燒得甘香，醬汁係用砵酒煮加埋羊肉鮮味，有一種難以言喻的肉香味，羊架仲要大大塊好厚肉，羊架肉好嫩滑一啲都唔係口，呢個唔食一定會後悔👍然後係：日本南瓜焗海鮮飯淨係個賣相已經贏通街，廚師真係落足料：有鮮蝦，墨魚，魚柳蠔同青口，仲可以食埋個南瓜，南瓜汁一啲都唔笠口，撈飯食就最正👍👍食泰國嘢點可以唔食金邊粉呢！係泰國菜嘅 Signature！所以來多個泰式蝦炒金邊粉😂望落去好似一個雀巢蓋在上面，食落去好脆口，係用雞蛋同薯粉炸成的，而

較早前又去到了啟德那邊尋找美食，發現在SOGO那高層位置選擇不算太多，這間店的明亮度十分足夠，所以就走去一試。 服務和細心度，也對得住個服務費先，帶位，詢問，也故意一坐下就喝完水後，也是幾分鐘內幫你添滿。 環境大而明亮，空間感很足夠，也加入大量泰式建築的元素，最起碼，看上去眼睛不會痛。 價錢其實和之前去九龍城吃的泰式差不多，份量也合理，沒有因為你一個人就減少或不夠的情況出現。 豬頸肉即燒出來，不期待炭烤，電烤都有口感在，份量足。 泰式奶茶有點特別，把奶打成泡沫狀，口感不錯。 肉醉炒飯就現炒，火的味道不算有，不過不失，咸香和醬油式調味都可以。 另外，問了五六日，會開多一個小時，當然訂位時都最好都詢問一下。店名：新泰東南亞餐廳。地址：啟德SOGO。費用：中高位置，發現原來他們有PAYME支付。

今日去左新開既雙子滙1期行街，見到呢間餐廳環境充滿東南亞風情，餐廳有好多卡位，坐得舒適。木質家俬加上竹元素，牆身掛滿泰式手工藝品同畫作，再加上泰國大象同熱帶植物，真係好似置身泰國咁。泰式柚子蝦沙律柚子嘅清新酸甜同蝦嘅鮮甜完美結合，加少少辣味，食落好開胃。日本南瓜焗海鮮飯南瓜焗得好冧好綿，入面有蝦、青口、魷魚等海鮮，飯粒吸收晒南瓜同海鮮嘅精華，每一啖都充滿鮮味。小拼盤（蝦餅、魚餅）蝦餅同魚餅炸得外脆內嫩，蝦餅彈牙，魚餅香口，蘸上泰式辣醬，味道更加豐富。泰式燒雞雞皮燒得香脆，肉質嫩滑多汁，配上酸辣嘅泰式醬汁，味道層次分明。

行完街搵嘢食，睇指示牌，最初以為係類似Food Court嘅食肆，上到去先知原來係一間間裝修靚靚嘅餐廳。最後揀左食泰國菜，因為鍾意個環境裝修，夠晒chill；仲有望出去個view都幾正。泰式生蝦($118)呢度嘅生蝦果然無令我失望，蝦身約有半隻手掌大小；雖然夾住濃味嘅蒜片、辣椒，點埋青汁一齊食，但都依然食到蝦嘅鮮甜。特別一提，辣椒粒好勁，雖然細細粒但點埋青汁食，真係辣到噴火(利申:平時係食小辣程度😛)。生蝦、蒜片、辣椒、青汁，一定要一齊食，美味至極。芒果黑白糯米飯($78)芒果份量唔多，唔酸又唔太甜。糯米飯口感唔錯，比起紫米更有嚼勁、更煙韌。椰漿唔太甜，唔會搶左飯香。椰青沙冰($78）爭扎緊飲椰汁冰好定椰青沙冰好，最後決定要左沙冰。明智喔！食左泰式蝦嘅辣椒，口腔簡直火燒一樣，𢳂一大匙沙冰往嘴裡送，冰火嘅感覺更突顯出沙冰嘅滑溜，如果唔係冰點嘅冷感直衝腦袋，差d以為食緊椰子雪糕。淡淡嘅椰香，加上夾雜著嘅椰絲，呢杯極度解辣外，更非常可口。飲至尾段，冰雖然融化了，但豐富嘅椰絲令入口仍有口感之餘，更像飲椰汁一樣。一杯飲品，兩種口感，好似好抵飲咁。

同朋友係啟德行街行到攰，就近搵間餐廳食個dinner~俾呢間嘅環境吸引左，位置寬闊，裝修有特色，就試試佢！先來個沙律，偏辣，味道唔錯，但份量就少左啲，鳳爪比較少蝦米米子卷，係好清新嘅～菜脆、米子口感好，但蝦米就味啖啲啦😂咖喱軟殼蟹出色！軟殼蟹好脆～都大隻！咖哩係唔辣個種，有椰香味～點包食食到停唔到口！個包咁大都成個啪曬😂炒飯有炒入泰式蠟腸，同有蝦，蝦膏味唔強，但勝在唔會太咸，口感算豐富整體用餐體驗唔錯，我哋坐角落位，侍應都主動黎serve我哋，坐左好耐傾計都密密幫我哋搵斟水

今晚同個稅局員工嘅朋友去食晚飯，佢知道我鍾意食泰國菜，就介紹我去佢公司附近啟德協調道雙子𣾀一期崇光啟德店食𣾀堂14樓嘅新泰東南亞餐廳，這間餐廳地方好寬敞，裝修好有泰國風味，入內感覺溫馨，枱凳擺放整齊，每張凳上都有椅背，令人坐得好舒服，這間餐廳除咗有室內，仲有室外，室外個景色非常美麗，坐喺度同朋友食嘢傾偈，好令人開心，來這裏食真不錯。餐廳員工有禮貌服務態度好，好多都係泰國人，真係覺得自己去咗泰國食嘢。餐廳嘅餐牌裏面食物照片影得好靚，睇到鍾意食嘅食物就可以即刻叫來食，食物嘅款式都不少，有小食、燒烤、湯、沙律、咖喱、菜類、肉類、海鮮、粉麵類、甜品、飲品，我哋就叫咗小食嘅香芒軟殼蟹米紙卷、燒烤嘅燒西冷牛扒、粉麵類嘅加沙湯蝦米線、沙律嘅豆腐酥沙律、咖喱嘅原個菠蘿咖喱蝦、甜品嘅椰汁西米糕、飲品嘅熱檸檬茶。香芒軟殼蟹米紙卷係正宗嘅泰國菜，酥香嘅軟殼蟹同鮮甜嘅芒果被薄薄有彈性嘅米紙包圍，味道清新，令人食得開胃。燒西冷牛扒份量都不少，每片都切得剛好，西冷的脂肪與肉質非常均勻，不會太肥膩，肉質鮮嫩多汁又有彈性，每一口都擁有濃郁的牛肉香氣，好味好食。加沙湯蝦米線材料都不少，有彈牙蝦、可口魚片、美味豆腐卜、甜

今早到啟德開會成咗單deal，心情特別愉快，上網搵吓資料邊度有好嘢食，原來SOGO樓上雙子滙一期有一間新開的泰國餐廳。這間餐廳的以東南亞風情裝潢，時尚舒適，坐在窗邊仲可以俯瞰周圍的啓德園區美麗景色，是我今日午餐選擇的好地方😉我點了泰式青咖哩牛、印度酥餅和芒果沙冰。泰式青咖哩牛的味道令人滿意，青咖哩醬濃郁而不過於辛辣，牛肉鮮嫩，配外脆內軟嘅印度酥餅，口感十分豐富。最後的芒果沙冰清爽可口，配泰國菜最啱。

食過唔少次既新泰，依家響啟德雙了塔開了新分店🤩🤩今晚同朋友黎Sogo行街又可以再食泰式美食😝👏❣️❣️新分店裝修好靚好大，濃濃泰國風情。東南亞食物款式好多選擇，服務態度唔錯～🔸串燒羊肉🐑🐑🔥串燒幾有驚喜🤩羊肉肉質鮮嫩，串上車厘茄、三色椒、菠蘿一齊燒，啖啖多汁又鮮甜！推薦‼️👍👍🔸馬拉盞通菜🥬🥬泰式餐廳嘅招牌菜，通菜炒得唔錯唔會太多水配埋蒜蓉辣椒呢個組合，真係非常爽口好食😝🔸泰式明爐魚🐟🔥🔥可以揀烏頭或鱸魚。我地揀咗鱸魚🐟滾起後加入魚湯，魚肉油脂豐富又好嫩滑，唔算好多骨～配埋湯底既酸微辣青檸汁，十分滋味😋😋👍大大條都好快食哂～🔸泰式蝦炒金邊粉🍤🍤🥘🔥泰國菜必點之一既金邊粉！上碟時用雞蛋絲包住，份量十足，有四至五隻嘅新鮮大蝦！金邊粉炒得好有鑊氣，加上花生碎、青檸汁，味道層次豐富，酸酸甜甜好味道🤤🤤❣️🔸椰青斑戟🥥🥥意想不到既厚身，似年糕質地既斑戟入面有好香甜既椰青條~滿足💕📍 新泰東南亞餐廳 (雙子匯1期) (九龍城)九龍城啟德協調道12號雙子匯1期崇光啟德店食匯堂14樓1404-1405號舖

應該係個生蝦或者燒牛肉昨晚食完發燒發冷，嘔左一晚，今早痾，辛苦到呢。我老公無食過生蝦，佢無事。食既時候感覺唔係十分新鮮，但未去到變，就照食，點知奶左野。燒牛肉入面係全生既，中間紅色，漸變色粉紅，到出面全熟，應該係店既特式，但我一開始嘔既都係牛肉，都唔知關唔關事。炒野既味道可以，金邊粉同炒菜都係水準以上，餐廳既服務都好好，好似全部泰國人 但食物安全同衛生咁...去唔去食真係要自己諗，反正我唔敢再去...

新泰東南亞餐廳 九龍城啟德協調道12號雙子匯1期崇光啟德店食匯堂14樓1404-1405號舖啟德新開呢兩座大廈 好多嘢行而且餐廳都變成樓上舖 例如呢間Sun Thai裏面佔地面積夠大，而且裝修好靚，望到景觀非常開陽無論係日頭定夜晚 近窗邊位置一定最受歡迎燒西冷牛扒七成 肉質嫩滑，味道濃郁兩款泰式秘製醬汁，加添唔少風味一種酸甜開胃 另一款酸辣惹味冬陰功海鮮金邊粉酸辣的湯底十分開胃， 大大隻肉蝦、魚片頭 一公一乸青口 魷魚等海鮮，味道鮮美金邊粉吸收了湯的精華，口感滑順 冬陰功湯幾好飲落咗唔少香料香茅 香菜 份量都幾大

響啟德Sogo 14樓嘅「Sun Thai✨」，真係泰菜嘅天花板！呢間餐廳由泰國人主理，連店員都係泰國人，保證每一味都好味又正宗！餐廳裝修充滿泰國風情，位處高層，望出去風景開陽廣闊，坐喺度食飯真係好享受！難怪咁多人排隊等位啦！😋**燒牛柳沙律**🥗 呢道菜真係一流，牛柳燒得剛剛好，肉質嫩滑，配上新鮮嘅沙律菜，味道清新又開胃，特別適合夏天食！**串燒沙爹**（雞，牛，豬）🍢 三款串燒一口咬下去，肉質鮮嫩多汁，配上特製嘅沙爹醬，香噴噴！無論係雞、牛定豬，都各有風味，食過一次就會想食。**肉碎生菜包**🥬 傳統生菜包將肉碎包入生菜葉入面，清脆爽口，加上香料味，令人食得津津有味！**奄列海鮮炒飯**🍚 主食炒飯用咗新鮮海鮮，味道濃郁，奄列更添滑嫩口感，食落去每一口都滿足，加入配料，味道更加出色！總括來講，「Sun Thai」真係一個唔可以錯過嘅好地方！無論係環境、服務定係食物，都絕對值回票價！👍✨

新泰東南亞餐廳 (雙子匯1期) (九龍城)九龍城啟德協調道12號雙子匯1期崇光啟德店食匯堂14樓1404-1405號舖朋友話雙子匯有間新泰式餐廳「新泰東南亞餐廳」，嘢食幾好味，又嚟試吓，我最鍾意食下呢三樣😁*肉碎生菜包🥬清爽嘅美食，我哋揀咗雞，雞肉碎新鮮，放喺新鮮嘅生菜上口感一流，咬落去都聽到清脆嘅聲音，好開胃，生菜能解肉的肥膩，呢個配搭好正❤️～炭燒豬頸肉廚師掌握嘅時間剛剛好，燒得外層酥脆而內裡能保持嫩滑，而且選料上乘，食到肉嘅鮮味，食到舔舔嘴呀，不容錯過🥰　*泰式濕炒海鮮河🍝🍤🐟湯汁濃郁，海鮮新鮮，蔬菜爽脆👍蝦仁彈牙，魷魚鮮嫩，搭配上好多蔬菜，例如紅蘿蔔、胡蘿蔔、花椰菜等，口感豐富😋湯汁帶有淡淡嘅甜味同鹹味，好快就俾阿仔秒殺🍽️總括嚟講，餐廳好有泰式風情，食物質素高，整體擺盤精緻，下次要來試吓其他美食👍

啱啱去咗啟德嗰間「新泰東南亞餐廳」食飯，真係要講：好正！成間餐廳裝修都好有Feel，好有東南亞嗰種氣氛，再加埋服務員態度好好做野好快手，成個感覺好舒服，完全係chill住食飯嘅好地方。我哋嗌咗幾樣嘢，全部都好有水準！炭燒豬頸肉真係不得了，肉質好嫩滑，外面有啲炭燒嘅香味，仲要有個泰式酸辣醬，點埋一齊食真係一流！之後嗌咗Pad Thai，炒得好乾身，唔會油膩，酸酸甜甜啱啱好，蝦又新鮮又彈牙，味道都幾地道。面頭用蛋整左網紋出黎幾有心機，好適合打卡。鴨肉生菜包就幾清新，鴨肉本身已經好香口，配埋爽脆嘅生菜，食落又唔會太重口味，好啱平衡下啲味蕾。值得一讚係生菜係有揀過黎，大小全部都差唔多可以包到肉，唔會拎上手有啲大過塊面唔知點食要自己再撕，亦無爛霉碎既菜。馬沙拉咖哩雞肉就係嗰種濃郁得嚟又唔會太膩嗰種咖哩，椰香好足，雞肉又夠淋，甜甜地幾好。菠蘿咖哩蝦，好有驚喜，用原個菠蘿裝咖喱，菠蘿嘅甜味配埋咖哩嘅香，真係幾特別。蝦肉新鮮，食落口感好好。軟殼蟹芒果米紙卷好清新，米紙唔會爛，包住脆卜卜嘅軟殼蟹，仲有啲甜甜嘅芒果，真係一啖一啖停唔到口！

之前都有幫襯過呢一間餐廳係灣仔嘅分店，我哋都覺得佢泰國食物嘅水準非常唔錯，而且我哋都覺得係信心保證節日，所以今日同朋友收工咁啱喺啟德呢一區我哋就決定幫襯呢一間泰國餐廳. 佢嘅裝修非常新，而且亦都闊落，適合朋友聚會.🥢叻沙大蝦米線，本身同朋友都非常鍾意食喇沙湯底嘅食物，所以就叫咗一碗嚟食吓，米線嘅份量非常十足，我同朋友都差啲食唔晒，加上大蝦都有起碼四至五隻，整體口感都非常彈牙同埋爽口，蝦肉嘅質感亦都非常厚身，呢個米線黎嚟講性價比都幾高！🥢香芒軟殼蟹紙卷，去親泰國餐廳必須食佢哋嘅米子卷，新鮮即刻炸既軟殼蟹再加埋生菜同埋米子卷，我哋都覺得非常match! 口感咬落去仲有少少芒果紅蘿蔔青瓜米粉口感 成個口感非常多元化 令到成個米子卷更加好食！🥢燒西冷牛扒，泰式餐廳嘅西冷牛扒，不嬲都係我其中一個會選擇嘅菜式之一，餐廳嘅控制生熟時候做得非常之好，中間都係呈現靚靚囝囝嘅粉紅色，而且牛肉嘅味道都唔錯，再加埋餐廳特別配製嘅醬汁，我哋覺得非常好食，呢個真係必須要叫，分量嚟講亦都唔少，正！🥢椰汁西米糕，椰汁西米糕亦都係傳統泰式餐廳嘅甜品之一，餐廳用咗班蘭葉，令到成個味道更加泰式風味！味道非常香濃有椰子嘅味道

前排我同女朋友去咗啟德新商場「雙子匯」1期嘅「新泰東南亞餐廳」食咗一系列泰國美食，非常滿意。餐廳開喺新商場裡面，環境闊落好坐，裝修好企理，店員服務態度殷勤。呢度嘅食物選擇頗多，俾大家睇下menu：當日點嘅第一樣食物係辣椒醬炒大蜆。呢道菜絕對係一個驚喜，蜆肉新鮮、無沙，搭配香辣的醬汁，味道適中，唔會過辣，反而令蜆的鮮味更加突出，非常惹味跟住嘅大蝦炒金邊粉亦相當出色。值得一讚係金邊粉唔會炒得太油，而且啲蝦都幾大隻，口感彈牙，而金邊粉吸收咗蝦汁，非常入味。串燒拼盤亦係必試之選。呢度嘅串燒每一串都燒得啱啱好，可以話係外焦內嫩，特別係雞肉串，味道香濃！蜜糖燒豬肋骨亦另一道亮點，肋骨燒得金黃，蜜糖的甜味與肉質的鮮香完美結合，正！蒜蓉炒豆苗清新爽口，豆苗完全無渣，好適合balance返其他菜式嘅濃郁口味。最後，我同女朋友叫左芒果糯米飯作為甜品，甜度剛好，糯米軟綿，搭配新鮮的芒果，係完美的收尾。整體來講，「新·泰泰國餐廳」無論係環境定係服務都好出色，絕對值得推薦！