新樂園魚蛋粉

營業中

休息中

有時lunch會在這裡買魚蛋河食貪佢d魚片同魚蛋彈牙！！正啊！！~~真係好好味!!不過d湯就"ham"左少少...而且最慘係d河粉好醉.....點解會咁!!??我次次都係叫外賣~唔知係未同堂食有d分別呢???不過呢間野都幾多人食啊!~因為d魚片同魚蛋真係好彈牙！好味道呢!!

今晚好想食宵夜，但又飽飽哋，所以就嚟呢度食個淨魚片頭($19 - 有八粒魚片頭+D菜)。十點幾仲有八成人，我吃過幾次嘞，D魚片頭有魚味又爽口彈牙，真喺幾好味。喺藍田食宵夜，呢度都係一個好選擇。

見新開張都未試過, 於是入去試下, 況且藍田真係無咩選擇可能 lunch time, 細細ge店坐滿人, 我地一行4人仲要同對夫婦搭台叫左牛肚麵, 魚蛋面, 魚片麵, 感覺好普通, 而且價錢唔算平差唔多成二十蚊碗, 都算貴魚蛋粉黎講 未必再幫襯, 下次都係出番土瓜灣比較好另加小插曲, 我最怕人搭台同台對夫婦個老公好離譜, 篤檸檬篤到成張台地震仲篤好耐, 成2分鐘都唔收手, 杯都爛啦！我地4人齊齊停口等佢, d湯差少少上曬我塊面如果想幫襯就記住揀人少時間, 唔洗搭台

有睇我食評都知我老豆只係識0係藍田食美心，因為就近馬會，不過今晚佢老人家竟然同我講呢度呢間野0的魚旦好食﹗同佢去完官塘睇醫生，搭番的士來呢度，點左碗墨丸麵加紫菜，老父就叫左個魚旦河家父話佢朋友0係呢度做西餅喎，知道呢間新樂園同埋西餅個鋪位每個月成十八萬銀租，我心想唔係嘛？呢0的屋村小生意點做到十幾萬銀呀？都未計燈油火蠟及人工﹗旺角新樂園食過，呢間第一次食，感覺也很好，墨丸彈牙入面仲有墨魚粒添，紫菜亦都一大塊很不錯﹗一碗單拼十九蚊，加左紫菜好似廿四，算抵食的了﹗

1號晚夜左見有少少肚餓,想起呢間新開既魚蛋粉,就落去試試順便醫醫肚 估唔到成11點都咁多人,店舖不太大,但在外圍放了好幾張檯,咁樣加埋,全店都可以坐成三十人架,冷氣就不太夠,成間舖得一部天花式既冷氣機,反而坐在出面有少少生風更涼快,此店原來有奶茶,架啡供應,應該算係魚蛋粉茶餐廳了 不過店內衛生就一般,可能太忙唔得閑執拾啦,招呼都係一般,佢個廚房同洗碗既地方同餐檯都幾近,地面都有少少濕滑,希望佢日後可以改善啦 叫了以下食物做宵夜: 1.淨魚蛋$19(魚蛋有5粒,炸魚片有4塊,有少少菜,湯底都唔錯,幾鮮味,佢個湯底話係用鯊魚骨同響螺老火煲(好似好堅咁)魚蛋幾有魚味,幾爽口,但不算好彈牙,不過就咸左少少,都算可以既,炸魚片就正喎,有魚味兼好爽口,我覺得好過德昌喎,我見過佢地真係人手唧魚蛋,一唧就唧好多盤添) 2.牛什麵$19(不過牛肺同牛膀就賣晒,得牛肚同牛腸,都試下先啦,牛肚味道剛好,亦不會太林,有少少咬口,牛腸不太肥有少少油好香,亦不太林,唔錯,個麵就梘水味重左少少,不過加少少醋食就冇咁覺,佢個辣椒油都幾正,夠香亦夠辣) 3.油菜$6(叫粉麵加6蚊就有一碟(散叫一碟要10蚊)要了芥蘭,碌