新森林焗之專門店

營業中

休息中

放工約個fd食個便飯， 行話見到新森林出左新餐牌 - 石鍋系列。 入去試試佢先～問店長有咩介紹？.? 佢話鯛魚海洋鍋啦，最最新出的，咁我就試下啦～我朋友就點左冬陰公鴨腿鍋。呢個鯛魚海鮮鍋～真係冇咩好彈， 料足，有蝦有青口～最緊要係個湯真係好正，好濃郁好鮮味，配手打烏冬食真係冇得頂～我朋友既冬陰公呢就...有點兒太辣，但個味係ok的， 而且隻鴨腿亦好大隻～另外我地叫左隻雞 - 低溫慢火煮春雞～其實成晚最推介係佢。 佢肉嫩，有好重既煙薰肉味，唔油唔肥，完全係健康又好味之選你睇， 真係原隻煮鎖死肉汁的～同埋真係份量足，嗌左三樣野兩個大人食爭d食唔晒，撐住個肚走，抵食呀呢間野

新森林再係港島開多間分店啦，仲要係灣仔！新開張左個多月，於銅鑼灣和灣仔中間，位置方便。係附近返工的我，相約好友收工食個便飯、試下menu。晚上六時多七點，已經滿晒座，等左一陣就入得。鋪內全卡位設計，數量大約二十左近，又有電視，親民格局。今次唔揀焗飯系列啦，一見石鍋系列，即心動！鯛魚濃湯海鮮石鍋配手打烏冬($72)：十款鍋物，有石鍋飯、意粉、泡飯、烏冬，由於實在太鍾情烏冬，點左呢個鯛魚濃湯。滾住咁上菜，鮮魚湯同芫茜香味飄晒出黎。鍋物海鮮都好多款：魚肚、鮮魷、豆腐、大蝦、青口，元貝、菇等等，十分足料豐富。待泡泡減退時候，即刻喝一口白雪雪嘅湯，很鮮甜；淹埋彈牙嘅手打烏冬落熱鍋到，一口湯一口烏冬，很棒！軟殻蟹海鮮芝士石鍋飯($73)：好友一揀就揀左呢個。軟殻蟹拼埋都有成個手掌咁大，非常抵！面上仲有一大邊有蟹籽、飯間有好多紫菜條；而芝士係另上的，隨個人喜好，可作拌飯或調味醬點用。最後拌左一半芝士落飯，令石鍋飯更滑身入口，中和返軟殻蟹的脆的口感。跟餐點左兩杯凍飲，＋$8 就有：韓式柚子肉梳打，夏日冰涼青蘋果梳打。非常大杯，果肉粒粒同椰果加埋都有半杯份量，啖啖都有得咬。再追加兩客小食，芝士焗西蘭花(

最近公司附近開左間新嘅焗飯專門餐廳，今日就一於去試試😋平時灣仔道好多人排隊食lunch，我同2位同事未夠一點就出左黎攞位吓先，啱啱好去到時唔洗等位😆👍🏻檯面有介紹導盲犬😆🐶我地坐卡位，座位唔會好逼，餐廳環境都幾光猛。大部分嘢食大概$4X-$7X，包嘢飲。我地叫左3杯咖啡，2個焗飯同埋一個all-day breakfast：番茄牛俐焗飯、鴛鴦焗飯（白汁魚柳&番茄免治牛肉）&all day breakfast （有叉燒魚腐公仔麵、餐包&煎蛋火腿）食物份量都好足夠，同事嘅牛俐焗飯好正👍🏻，我個鴛鴦焗飯芝士部分稍淡不過番茄部分好夠味，魚腐唔知點解有啲酸。總括黎講嘢食中規中矩，價錢OK，嘢食都serve得快。最後埋單$136，平均每人$45左右。用紙杯裝嘅熱咖啡，上面印左義工招募廣告：我嘅鴛鴦焗飯：

放lunch行過見新開，試試d焗飯，點左個焗咖哩牛腩飯，乾爭爭, 又細碟，d服務員態度十分差，朋友叫了焗魚柳飯，很久也不來，叫服務員跟，次次都係答要即刻整，係咁耐的！根本冇去廚房check 下，十分差！不會再去！

今日怱然想食同芝士有關的食物，就想起了公司附近有一間專門焗飯，焗意粉的，必定有焗芝士類的可選。芝士豬柳漢堡焗肉醬義大利粉鉄板上，熱辣辣。嚐了一啖感覺乾巴巴，肉醬汁只是表面，少得可憐，於是乎要求店員給我多些少酱汁，好彩店員好快作出行動，服務態度加分。芝士份量太小，欠缺芝香，焗得又不夠惹味。 意粉硬度適中。豬柳漢堡普通超市貨色，不過論價錢可接受的。午午套餐奉送餐飲一杯，奶茶都幾濃郁，有茶香，可跟大排擋奶茶相比。