新森林焗之專門店

營業中

休息中

灣仔有間專門食焗飯嘅餐廳，用一個價錢就可以滿足你3個願望😍，如果你好似我咁，飯食得唔多，又好鍾意食多啲款式嘅小食，呢間實啱你。$59有一個迷你焗飯+前點+小食，焗飯及前點每款多達9款選擇，小食都有7款比你揀，我哋今次叫咗鮮茄焗豬扒飯+黑松露醬薯條+炸單骨雞翼4件；白汁芝士焗魚柳飯+鹽味薯條+吉列豬扒；再追加咗羅宋湯、蒜茸包、迷你炸饅頭同藍莓芝士餅，加埋兩杯嘢飲都只係$174，我冇講錯，你冇聽錯，呢啲先真係叫做大件夾抵食。個焗飯雖然話係迷你，但係份量都唔少，仲要多汁，炒飯粒粒分明，鮮茄焗豬扒飯，豬扒好軟熟。芝士焗魚柳飯，魚柳好厚好大件。薯條香脆，吉列豬扒非常鬆化，炸單骨雞翼超好食，辣辣地脆漿又鬆化。焗豬扒飯+黑松露醬薯條+炸單骨雞翼 $59白汁芝士焗魚柳飯+鹽味薯條+吉列豬扒 $62羅宋湯、蒜茸包 +$10追加-迷你炸饅頭 $16追加-藍莓芝士餅$18凍華田+$3凍仙草奶茶+$6

位於灣仔灣仔道的「新森林焗之專門店」，顧名思義係一間主打焗飯的專門店✨餐牌上有各式各樣的焗飯、小食、鐵板扒、拉麵/烏冬及素食焗之選等等，款式選擇眾多，定價適中親民鐵板扒之選 & 迷你焗之選當晚點咗一個「迷你焗之選」set，包括迷你芝士焗飯+前點+小食+飲品。鐵板扒之選則包括頭盤、鐵板扒及飲品迷你鮮茄焗豬扒飯表面加咗佈滿大量芝士碎，芝味香濃，正呀！鮮茄汁酸酸甜甜的，都幾開胃～有2-3件豬扒，啖啖肉，豬味香濃，大件夾抵食薯條炸粗薯條有三款口味可以選擇，我就揀咗鹽味。薯條香脆可口，滿載薯香～炸單骨雞翼合共有4件孜然風味嘅炸單骨雞翼，皮脆肉嫩，邪惡滋味餐湯及蒜蓉包多士羅宋湯非常足料，有好多蔬菜及洋蔥，酸酸的頗開胃！牛油蒜蓉多士脆卜卜，配湯一流牛肉眼扒(10安士)足足重10安士的牛肉眼扒，份量十足，牛肉味濃郁，好好食哦！配黑椒汁更加好味芝士茄汁焗飯表面加咗芝士及茄汁一齊焗，滋味又飽肚熱阿華田及凍仙草奶茶凍奶茶香甜幼滑，當中嘅嫩滑仙草增添豐富口感

新森林呢間餐廳，好有親切感，以前想食吓西餐，都會嚟呢間焗飯專門店。開喺灣仔與銅鑼灣之間嘅呢間分店，受盡打工仔歡迎，平時lunch time都排長龍。焗之選系列好多選擇，可加配餐湯，小食及飲品。最鐘意叫鴛鴦飯，因為一碟有兩個味道。鮮茄肉醬芝士白汁魚柳鴛鴦焗意粉鮮茄肉醬建議配意粉唔配飯，另一邊係白汁魚柳，完全試曬兩個風味，而且份量都唔少。芝士海鮮焗黑椒雞皇鴛鴦飯黑椒雞皇比較特別嘅，辣辣地，食落又冇咁滯。海鮮有蝦、蟹柳及魚。鮮菌芝士焗西蘭花 健康一d冇加配炸物，反而叫咗焗西蘭花，估唔到咁大盤，順便食多啲菜！

第一次嚟呢度食，上完堂搵地方食晚餐，諗都冇諗過呢度咁鬼抵食，一個晚餐，鐵板雜扒晚餐咁抵食，包埋前菜可以揀沙律，或者蒜蓉包跟餐，連嘢飲，最誇張係仲連埋一個full portion成大盒錫紙裝住嘅意粉或飯（唔係就咁普通放喺旁邊少少嘅意粉同飯）。冇諗過呢個位置，落雨晚市都全場滿座。餐廳職員服務非常之好，見落大雨，我哋想走嘅時候，職員都叫我哋坐多陣等一等避一避雨。前菜芝麻醬雜菜沙律，新鮮雜菜裹著濃稠芝麻醬，爽脆的生菜、多汁的番茄、脆嫩的黃瓜，在麻香裏舒展本味。叫咗一個牛肉眼扒10 安士會燒汁，入口裹著濃郁肉香，咀嚼間油脂化開，好大塊。芝士茄汁焗意粉，冇諗過佢會俾full portion錫紙裝住一盒份量，以為淨係細細碗或者係鐵板旁邊少少的。 意粉包著茄汁，表層芝士烤得微焦，好味抵食！！

最近同老公喺灣仔搵地方食晚飯，無意中發現咗呢間新森林餐廳，坐低之後，見到餐牌有肉眼扒，心思思想試吓，結果真係有驚喜！🥩 主角登場：肉眼扒肉眼扒一上枱，賣相唔錯，煎到微焦但唔過火，切開仲見到粉嫩嘅肉色，五成熟啱啱好。入口多汁，肉味濃郁，咬落去有啲油脂香，唔會太膩，反而好滑口。配菜有得揀薯條或焗飯，簡單但夠誠意。調味方面餐廳冇落太多花巧醬汁，反而更突出牛味。💰 價錢 & 整體感覺肉眼扒 $96 左右，以灣仔地段嚟講算性價比超高且食物高質。環境舒服，服務又唔錯，侍應有笑容，唔會催你走。成晚食得好輕鬆，傾計都唔會覺得嘈。📌 總結如果你想搵個地方 chill 吓，新森林絕對值得一試。肉眼扒唔花巧但夠水準，環境又加分，下次會想試埋佢哋其他扒類！

平時成日路過都會見到呢間分店嘅嘢食，今日終於嚟到一試，呢度啲嘢食好抵食，啱晒平時做飯堂叫得做森之焗，梗係要試吓啲焗飯啦，久違了的雞蛋免治牛肉焗飯，啱啱焗起熱辣辣，仲可以揀迷你飯，留番D胃口食其他野先套餐勁抵食，可以加錢揀小食，當然追加咗唔少款式啦，見到佢有大大張圖片嘅炸素魷魚圈同埋爆漿糍粑，仲加咗我最愛嘅脆脆奶油豬，仲追加咗即炸墨魚丸同埋薯條除咗新鮮焗飯，呢度仲有得鋸扒，我就揀咗10安士嘅肉眼牛扒配蒜蓉汁，啲汁落落鐵板嘅時候嗰陣香味真係全間舖頭都聞到，食肉獸最愛，呢度真係好啱平時懶得煮飯做食堂

新森林，今日經過呢度想食個焗飯，所以第一次食呢間焗飯專門店，呢度嘅汁係可以自己加錢轉的，所以10分彈性👍🏻蕃茄焗豬扒飯🍅🥩🧀 厚切豬扒煎到外脆內嫩，鋪喺蛋炒飯上，再淋上新鮮蕃茄醬汁和拉絲芝士，焗到金黃，酸甜配豬扒肉香，芝士香濃，每啖都超邪惡！黑椒汁豬扒海鮮焗飯🐷🦐🍚 大件豬扒配鮮蝦、青口等海鮮，黑椒汁濃郁微辣又有香氣，飯底掛滿芝士焗到燶邊，海鮮同肉香夾埋，重口味又滿足。港式羅宋湯🍲🥕🥬 加幾蚊就有，非常正，湯底酸甜開胃，材料多到好有層次，飲落超暖胃又滋味。鮮菌西蘭花🥦🍄 白汁唔會太漏，西蘭花夠腍，不錯。炸雞翼🍗🔥 雞翼醃香後炸到皮脆肉嫩，汁多惹味，咬落超爽

呢間茶餐廳充滿香港地道風情🫖環境清潔 員工親切😗而食物餐牌又多元化😍成功保留茶餐廳文化之餘又提供唔同選擇俾客人😎例如最特別嘅就係茶餐廳有得食黑松露薯條做前菜🍟薯條外脆內軟 散發著淡淡的松露香氣🥰味道令人驚喜 醬汁濃郁不失高級西餐廳絕對推介👍🏻而主菜我就叫左主打嘅芝士焗肉醬意粉🍝意粉煮得恰到好處 肉醬濃郁入味搭配融化既足料芝士 口感豐富👏🏻每一啖都感受到邪惡但又幸福既感覺😏食物種類豐富嘅原因就係可以叫茶餐廳好少有嘅爆漿糍粑做甜品🥞呢道爆漿糍粑真係必食❣️外層糍粑柔軟 內裡藏住香甜餡料輕輕一咬 內餡即刻爆出 令人驚喜🤩而凍仙草奶茶就係呢度既特色飲品🧋清新爽口 仙草滑溜與奶茶的濃郁相互融合perfect match~😋總結 呢間茶餐廳會為客人帶嚟驚喜✌🏻價錢又親民抵食 絕對會再次幫襯😝新森林焗之專門店 (灣仔)灣仔灣仔道203號地舖

呢間舖頭喺灣仔已經屹立多年，中學時期就知佢個名，好耐冇去，今晚就揀咗去食晚飯。一入去，店員態度好好，仲主動攞兩杯熱水俾我哋，又溫馨提示邊啲位置冇咁凍。餐牌上真係好多選擇，焗飯、焗意粉實在係佢嘅專長，仲有鐵板、蛋包飯同拉麵，選擇多到令人頭痛🤣。經常見到好多中學生幫襯，試過就明白點解😹。餐單配搭多元化，一個餐可以食到好多唔同嘢，真係一個價錢滿足唔同願望🤓。叫左炸雞亦湯鳥冬佢哋嘅炸雞亦真係炸得香又脆，水準唔錯，加埋鳥冬一齊食，性價比真係相當高！ #灣仔美食 #多元選擇 #性價比高

不嬲知道新森林出名食焗飯🤗見到宜家有埋鐵板扒而且價錢親民，有頭盤之餘仲送餐飲超豐富😇頭盤叫左炸素魷魚圈🦑同埋羅宋湯蒜蓉包🥣前者係第一次試見到幾特別🤣口感因為素嘅關係冇魷魚圈咁彈牙，比較似杏鮑菇mix左薯仔嘅感覺🥔羅宋湯超足料🤗🥩牛肉眼扒(10oz) ($94)超大塊肉眼扒但MVP一定係個生蒜蓉燒汁😍超多生蒜係塊扒上面啖啖都食到🥹重口味人士之選🤪肉質唔錯肉味濃🤗🦐吉列炸蝦拼牛柳頭扒 ($79)揀咗黑椒汁，個汁更加濃🤗口感比肉眼淋身啲，吉列炸蝦超大隻😱差唔多同塊扒一樣長🤣主食揀咗黑松茸薯條🍟(感覺茶餐廳都好有心機與時並進，不斷推出啲新嘢迎合年輕人口味)，另外仲叫左芝士蘑菇白汁焗飯，新森林當然要食焗飯🫶🏻免頭有滿滿嘅芝士配上炒飯底，食完好滿足🥰

最近經過灣仔見到呢間餐廳外牆幾吸引,於是就入去試咗😋餐廳提供嘅嘢食種類好多元化：有拉麵、焗飯、中式炒飯、扒類等等,仲提供素食嘅餐點,多到唔知點揀🤣芝士蟹籽珍寶海鮮焗飯餐廳最出名嘅係佢哋嘅焗飯,當然就要試吓啦😆呢個海鮮焗飯材料好充足,有扇貝、蝦、魷魚、蟹柳等等,而且芝士味好濃郁,同海鮮好夾,焗飯焗得啱啱好,炒飯亦都粒粒分明,成個飯層次好豐富,搭配得相當唔錯💕蜜糖炸墨魚丸拉麵佢哋嘅炸墨魚炸得好夠香,外面少少脆,配埋蜜糖食更加一流,拉麵水準都唔錯,呢個價錢嚟講性價比相當高🫶🏻皇帝蟹棒肉蟹籽凱撒沙拉沙律菜好新鮮,少少氧化都冇,而且蟹籽同蟹棒肉好多,好有誠意,食落好fresh,作為前菜再好不過🙌🏻

呢間舖頭由中學嗰陣時已經屹立喺灣仔，個名絕對唔陌生，好耐冇食，今晚去咗食晚飯。一去到店員服務態度幾好，又攞兩杯熱水俾我哋，仲溫馨提示邊啲位置冇咁凍，餐牌其實好多嘢食，話到明係焗之專門店，焗飯焗意粉呢啲唔少得，連鐵板，蛋包飯同拉麵都有。我嗌咗炸魚併牛柳頭扒，仲要有前菜，及迷你焗飯或意粉或薯條，個扒仲有三款汁可以揀，仲要連飲品，以為咁豐富價錢要百幾蚊，點知其實只需要70幾蚊，性價比好高。仲要最驚喜嘅係佢係鐵板上，仲要另上醬汁倒落去會出煙嗰種，唔係普通碟碟頭餐。另外一個餐都好豐富，可以配前菜同小食，前菜嘅種類都好多，有炸雞翼、薯條、饅頭、炸豬扒，包嘢飲都只不過係$60 之內。總括然而真係性價比好高。順帶一提，佢個蒜蓉包好好食呀，又夠脆，蒜蓉味好重。

前幾日去完灣仔做野，行過呢間，睇到啲焗飯餐好似幾平又多選擇，就入去試下啦，佢啲餐份量都幾多，我同朋友都食到勁full！🟥迷你焗の選佢入面有分A餐$52 (迷你焗飯+前點)/B餐$59(迷你焗飯+前點+小食)，最重要係樣樣都試到，今次我就叫左焗鮮茄豬扒飯、炸魚薯條同炸饅頭，性價比十足！🟧set dinner鐵板紐西蘭牛肉眼扒伴煙肉脆皮腸入面仲可以跟飯/意粉，鐵板一到，即刻聽到高溫既滋滋聲，再淋上濃濃既黑椒汁，即刻香氣四溢，塊扒size十足，好抵食。

放工想食啲夠惹味又飽肚嘅焗飯，就揀咗呢間主打焗飯嘅《新森林焗之專門店》🌳，主打芝士拉絲加熱辣醬汁，非常吸引！餐牌選擇多，仲有鐵板扒、特色小食等，真係港式焗飯迷天堂！🍛馬來咖喱芝士焗牛脷飯 $60一開蓋就聞到馬來咖喱嘅香氣，帶微辣同椰香，好有層次，配上大量拉絲芝士，真係一啖接一啖停唔到手😋 鹹牛脷炆得夠腍，完全冇筋位，啖啖肉非常滿足，呢個價位嚟講性價比極高🔥！🥩鐵板牛肉眼扒配蕃茄芝士焗飯 $94鐵板上枱滋滋聲響，黑椒香撲鼻而來！肉眼扒厚切多汁，醬汁鹹香微辣，港式風味十足～一邊食住扒，一邊食焗飯，蕃茄芝士焗飯酸甜平衡，芝士食份量亦毫不吝嗇，一餐兩款享受，滿足感爆燈💥！🍤一口蝦多士 跟餐+$22外層炸得金黃香脆，蝦膠夠彈牙，味道唔會過鹹，做前菜或者小食都啱晒，熱辣辣時食口感最佳✨相比起一般茶記焗飯，呢度喺用料、味道同配搭上都行得出色啲。想搵間焗飯專門店歎個高質港式焗飯，呢間新森林絕對值得一試～下次想試埋佢其他醬汁款式🍴

喺黃色暴雨下嘅下午，喺灣仔唔知食咩好，見到呢一間細細個就食過嘅新森林。記得以前新森林嘅焗嘢又好味又大碟，所以同朋友決定再試吓，睇吓係咪同以前一樣咁好食。見到有茶餐，茶餐係主食加小食，仲要有飲品都只係三十零蚊，連茶餐茶餐廳都做唔到呢個價錢。咁我哋就決定好豪咁樣叫做四個下午茶餐，買單都唔使$200真係好crazy！芝士焗肉醬意粉+小食雜菜春卷（$39）我最鍾意食芝士焗肉醬意粉㗎啦，因為下午茶嘅關係所以佢係Mini版。意粉即焗熱辣辣份量亦都啱啱好。雜菜春卷夠晒香脆，有啲蔬菜感覺健康啲，加埋甜甜酸酸嘅醬汁好惹味。紅油餃子抄手+羅宋湯（$35）紅油抄手用雲吞做就試得多，今次係用餃子做都幾特別，加埋佢嘅辣椒醬就更加惹味好食。羅宋湯材料足，唔會因為係下午茶嘅關係就會少左料。煎餃子四件+羅宋湯（$35）餃子煎到好香脆，加埋醬汁味道啱啱好。焗咖喱牛腩飯馬來咖喱汁（$56）呢一個茶餐雖然係貴一啲，而且無小食，但係佢個飯係比意粉更加大碟，而且牛腩數量非常多，牛腩半肥瘦咁絕對唔會鞋，配埋馬來咖喱，香濃咖喱再加埋少少辣味就非常惹味，貴少少絕對都得嘅。所有下午茶都有配嘢飲，我哋就叫左特飲仙草奶茶，仙草份量都幾多，