新森林焗之專門店

營業中

休息中

以前讀書係附近覺得好好食咁岩經過就入去食下 又搵下以前既回憶咁啦叫左黑椒牛仔骨芝士焗飯焗飯好夠熱 應該都係即叫即焗個D牛仔骨唔會好UN咬極咬唔到個D不過焗飯本身有汁 之後又配左芝士感覺就肥仔左D可能而家年紀漸大唔係太食到咁漏既野 哈哈但幾廿蚊有個有水準既焗飯 點都好過連鎖快餐店

真係畀佢個poster吸引咗入嚟㗎。好似好吸引咁，有好多菜，海鮮 咁。 所以入咗去試下新嘢。我哋兩個人叫咗一個火鍋，另外再加18蚊叫咗個澳洲牛肉餃，同另加一個沙律。湯底叫咗椰子雞湯煲。菜類都算多，我哋揀咗 紹菜，雞件， 同埋 一個類似竹輪卷嘅嘢。老老實實個湯底係正既，五分入面都會有四分，夠清甜又有雞味。但啲菜 就普普通通，雞就一d唔掂，有騷味。帶子只係得兩粒好少。竹輪都係普普通通。都太普通了，無影到相。沙律反而又ok喎，大份，夠新鮮。總括而言，份量大，經濟實惠，味道普通。

平時都支持這一間餐廳，因為佢哋出品尚算可以。但係今次不吐不快，因為佢地的員工和服務真係令我摸不着頭腦。本人在下午時段叫左扒餐，為咗健康着想希望可以將醬汁分開上，點知佢哋竟然話唔得，我問佢哋點解，佢哋話我哋餐廳唔會咁樣做。但係我好記得係晚餐時段佢哋係可以將啲醬汁另上。我真係好懷疑將啲醬汁另外上會浪費你幾多時間。佢仲話一係就要一係就唔要，態度不知所謂⋯⋯有時候晚上我想快快脆脆搵個餐廳食埋餐飯就走人，大家都唔想阻大家收工，但係早成個鐘去食佢哋啲火鍋佢居然同我講話我哋唔做驚趕唔切，都唔係做生意。最火係比我聽到佢同隔離枱講15號枱照做埋俾佢！講真咁唔識變通嘅餐廳，就算啲嘢幾好食都無用！如果唔係冇得選擇我諗我都唔係太想再去呢間餐廳食嘢！最後過咗隔離餐廳食嘢，食咗25分鐘就食完。人地服務又好，汁又可以另上，夥計態度又好，完全差得天同地！

試佢個一人火鍋. 揀左墨汁湯底, 墨汁味不濃,反而有D 芝麻味, 究竟係咪芝麻湯底XDD叫左雞肉, 有7,8舊, 有大有細, 但無咩雞味揀左3樣配料, 包括帆立貝, 貢丸同蝦。3樣都正正常常最正係另加18蚊有半打蠔, 都幾大隻呀, 仲要好鮮甜! 抵食! 我地之後追加左2次!!加18亦有麻辣蜆, 本身個湯底好淡, 加左D 麻辣醬更好食! 蜆都幾甜, 不過有少少沙,但份量都算多, 抵食

午飯時間，同事帶我去吃新森林，她說焗飯很不錯吃～餐牌上很多選擇，在花多眼亂的情況下我選了牛肝菌黑松茸芝士焗豬扒飯本來吃頭幾啖也覺得味道尚可，但後來覺得越吃越咸，黑松茸的味道不算太突出，豬扒和飯粒都硬了點，雖然淋上了芝士和松茸醬汁，但不知道為何就算稍微攪拌也無法滲透至飯粒，所以基本上是飯有飯食、豬扒有豬扒食、醬有醬食(´- ̯-`)不過這道甜品就稍有驚喜。外皮炸得酥脆，而裡面的榴槤蓉也很香甜，只是做不到流心的效果（也許店家本來也不打算做流心）沒有流心效果總是覺得有點缺欠呢～

之前係中環返工，試過中環分店，不過不失咁啦！而家轉左返灣仔，又見到呢間餐廳就係公司樓下，見到門口餐牌都幾多選擇，咁就再試啦！午餐選擇都幾多花款，可以歸納為1.焗飯(或意粉)類 ，2. 拉麵類，3. 扒類，4. 焗素飯。 喜歡熱騰騰食物既我，梗係揀焗飯啦，點左個蕃茄焗豬扒飯，穩陣之選，又唔似白汁咁肥咁「漏」。果然冇失望，記得上次係第二間食到焗到過晒龍既焗飯，變晒飯焦，今次啱啱好，飯仲好軟身(唔係爛)，而豬扒都好稔，蕃茄汁唔會太濃，啱晒我口味!加埋杯熱朱古力，飽感十足!

之前試過叫這家店的外賣送貨，但需要等候好久。今次選擇堂食，相對地很快便上菜了。由於之前已經焗飯，而且今天胃口不開，所以選擇了份量較少的粉麵餐。有五香肉丁米粉，半個奶油豬，腸仔和雞蛋。米粉的分量較平常茶餐廳多，所以我都會特別要扣底。腸仔不知道是否師傅一個失神，有點黑黑的，我也只吃了一口，後來有服務人員經過看到，主動幫我拿回去更換，值得稱讚👍🏻特別想提的是就算是不加錢轉其他特飲，飲品也有頗多選擇。例如有茶走，蜂蜜，西洋菜蜜等。

灣仔新森林搬過幾次,搬搬下唔知去咗邊, 今晚行過集成又見返佢. 鋪位差過天樂里, 不過地方大咗, 座位多咗. 雖然天氣開始涼, 好多人打打甂爐, 不過焗飯類仍然係我嘅不二之選, 夠哂抵食. 西湯連蒜蓉飽, 加8蚊.熱辣辣, 脆卜卜, 我自己就好鍾意食啦. <<松茸芝士焗豬扒飯>>豬扒大大塊, 夠哂juicy!!  松茸個味都好出, 係我個人嘅首選.<<芝士焗海鮮豬扒鴛鴦飯>>有齊紅白二汁, 隻蝦大大隻. 除咗豬扒外, 仲有魚塊同青口仔,份量十足.  無加一, 送熱飲, 灣仔區唔錯呀!

最近發現除了北角有這新森林之外，原來銅鑼灣都有，我最愛的社畜食堂。這次也不是吃焗飯，因為近日流感厲害，我也中招了，不小心又感冒了，所以想吃麵。最後，我選了茶餐廳的經典之作—常餐。哈哈😄跟一般的茶餐廳的常餐一樣，有主食的xx公仔麵加火腿蛋餐包。他們特別在於公仔麵的其中一樣餸有魚片頭！令我喜出望外！⭐️沙嗲牛肉魚片頭公仔麵+牛油豬仔包公仔麵有正常水準。忘了將煎蛋轉成炒蛋，個人較喜歡吃炒蛋。牛油豬仔包有點乾。

一直都很想試試，因為比起一般肉食為主的餐廳，算係有幾款素食選擇，有素豬扒、素牛肉呀。本來想試一人鍋，見佢D配料都好多係素，但太夜去無哂嚕，下次先再去試。今次試左芝士蕃茄素牛肉焗飯，味道不過不失，唔好期待好有牛肉味，但都幫到肉食朋友過下肉食口癮。我朋友食拉麵，又唔係話好好食，不過叫係有素選擇，最可惜湯底無素湯底（一人鍋都好似無素湯底），如果唔係就正啦。最扣分既係，野飲竟然係用即棄杯，凍飲用膠杯，熱飲仲要有紙既隔熱杯套，實在太唔環保啦😖另外餐墊上面有為打工仔打氣既野，都幾窩心，好有心思。（雖然我覺得餐墊都係好唔環保😛）

善心的老闆寫呢篇食評，除咗要讚賞食物嘅味道，更加要讚賞老闆嘅一顆善心。食過好幾次新森林嘅焗飯。到會等等，每一次都係做義工嘅時候，同長者一齊享用餐廳免費捐出的食物，每一次長者都覺得好好食，而且份量好充足。今天有幸嚟到灣仔餐廳，同長者一齊午膳然後走到公園上散步。餐廳位於灣仔，與一般的連鎖快餐店差不多，食物種類很多，而且有不同的卡位，店員服務態度非常好，笑容滿面，而且行動迅速，值得一讚。雖然餐廳焗飯出名，不過今次餐廳安排左魚湯泡飯俾長者，用料特別為長者而設，真係好適合佢哋，湯底的魚湯味好鮮甜。味道好適合長者，用了好豐富、有火腿絲、愉快、魚蛋等，最值得一讚係每一樣食物都唔會有骨，餐廳實在非常細心。加埋我杯茶走，茶味香濃，茶底好滑，又香又濃。希望香港有更多嘅餐廳投入社區服務，回饋社會，好值得支持嘅一間餐廳！

Mixed spaghetti with carbona sauce and meat tomato sauce is what I ordered.This dish is very good as it has a wide variety of flavours and is served at the right hot heat. It is well cooked and has amazing sauce on both sides that are both rich and shine in the own way. The meat tomato sauce is not too sour and the carbona fried fish is the exact right amount of creamy and salty.I recommend thish dish and also the cold chocolate drink.

假期到銅鑼灣閒逛，如果不想在擠滿食客的餐廳用膳，灣仔是一個不錯的選擇。這家餐廳主打焗飯，距離煩囂的銅鑼灣時代廣場不太遠，餐廳內頗寬敞，座位舒適，餐牌圖文並茂地列印着多姿多采的種類，除了鎮店之寶焗飯外，還拉面、烏冬、鐵扳扒等，細心的是連素食者也照顧到，設計了四款精緻的素食餐。此外，食物可靈活地自由配搭或加追，例如:拉麵可選豬軟骨、帶子、魚腐等配料;又可追加雞翼、餃子、吉列大蝦等，適隨尊便，可謂照顧週到。我和朋友點了主打的菜式，包括牛仔骨芝士焗意粉和鐵板深海珍寶帶子拼牛柳。牛柳肉質嫩滑，不過帶子略嫌欠鮮味。牛仔骨肥瘦均勻，烹調的味道也不錯。鐵板餐還可配以沙律和焗意粉，份量十足。享用完主菜，我還喝了一杯的荔枝粒粒梳打，頓時暑氣全消。順帶一題，的特飲種類也不少，在奶茶、咖啡以外多了另類透心涼的選擇。總括而言，這間餐廳的食品種類豐富，價廉物美，地方舒適，是一個不錯的選擇。

新森林焗之專門店出名平靚正係人都知😉而家佢地連素食都有！不過今日大胃倩好肚餓！所以都係做番食肉獸啦😝我地叫左鐵板扒！鐵板牛柳配意粉！最係有得配芝士！(好多餐廳都係乾爭爭一碟意粉！新森林就可以配茄汁、黑松茸或芝士)、安格斯肩胛牛扒配薯角同兩個小食！皇帝蟹棒肉蟹籽凱撒沙律、釀糯米雞翼！飲品叫左青蘋果梳打同芒果戀人💗🌟鐵板牛柳配黑椒汁！肉質嫩滑而且係半肥瘦！牛肉味濃厚!堅好味！仲有西蘭花同蕃茄仔伴菜！🌟安格斯肩胛牛扒配燒汁！ 肉質細緻，嫩滑多汁,口感豐富！同樣有西蘭花同蕃茄仔伴菜！🌟薯角 連皮薯角 ！仲要係新鮮熱辣辣炸起，口感特別鬆脆！🌟芝士意粉 唔洗我多講！大家都見到個拉絲有幾正啦！🌟皇帝蟹棒肉蟹籽凱撒沙律 蟹棒肉加沙律經已係絕配！最正係上面勁多盤子！口感非常豐富！仲有埋粟米粒同蕃茄仔！我至愛呢！🌟釀糯米雞翼 裏面既糯米飯軟硬適中。釀雞翼的賣相飽滿，帶在少少微辣！口感十足，味道一流！🌟青蘋果梳打 有驚喜位！裏面有生果粒粒！大胃倩表示好滿足喔！🌟芒果戀人 芒果味香濃~愛芒既你一定要試！

On the second chapter of my quest to find the best bolognese spaghetti in the city, I chose to try out New Forest's. This dish is served with cheese.First off, the presentation is great; simple round plate with a plane of cheese spreaded evenly on top. Secondly, the cheese was very good and the spaghetti was well cooked and well seasoned. I flip flopped a bit on the sauce, first few bites were spectacular, but it was quite ... unassuming. It had a strong flavour upfront but not much after taste