新月

原來粉嶺開咗間新嘅西餐，可惜位置比較隔涉，不過裝修都幾靚幾有氣派，而且仲有生蠔食！🍽️日本蠔 $30@1隻 (跟餐優惠價)我哋略嫌生蠔set有啲多，所以散叫咗兩隻。今日嘅生蠔係日本生蠔，食落鮮甜、肥美厚肉，帶有Creamy嘅口感，好新鮮。有機會下次可以試埋其他產地嘅生蠔！🍽️炸魷魚鬚 $68份量幾多，新鮮炸起出爐熱辣辣上枱。炸魷魚鬚外皮好脆，同時炸粉唔會太厚，好惹味。🍽️南瓜蟹肉焗酥皮湯 (升級套餐後+$20)餐湯我哋升級咗做焗酥皮湯，賣相幾吸引。南瓜湯非常濃稠，配上少許蟹肉絲增添口感及鮮味，味道濃郁而且豐富，好鮮甜！🍽️地中海漁夫海蜆意粉 $128海蜆份量充足，無沙及碎殼。意粉帶有少許香草味甜甜地幾好味但唔覺有辣味，意粉口感偏硬身，個人幾鍾意。🍽️美國牛小排蒜香欖油意粉 $188之前睇某個韓國綜藝已經好想食嘅橄欖油意粉，終於俾我食到！欖油意粉香氣逼人，調味得宜，麵條煙韌彈牙，同時加入多種配料令口感及味道非常豐富！另外意粉上嘅牛小排更加係加咗唔少分數，牛小排非常軟滑，只稍微用火槍燒過，帶有濃烈焦香及牛香氣，配上炸蒜片食好夾！係我近期粉嶺食過數一數二嘅西餐，唔錯。…Read More

剛剛試左呢間西餐廳mix fusion菜嘅小店，發覺性價比好高，絕對值得再encore。小店裝修勁有特色，有好多貓貓擺設同裝飾，連本menu都逐頁貼左公仔貼紙，令人印象深刻。阿拉斯加蟹肉潮州粥 （$188）呢碗粥絕對係呢餐飯嘅VIP，餐廳揀左用潮州粥呢個中式煮法fusion，有兩舊阿拉斯加蟹腳，上枱見到啲米粒煲到算完整，所以仍然保持口感，每一次入口蟹嘅鮮甜味衝擊味蕾，加埋阿拉斯加蟹腳啖啖肉，食得好過癮。美國安格斯西冷（$198）5成熟，跟薯菜呢款係套餐，揀左配餐湯，今晚餐湯係甘筍粟米湯，有驚喜嘅係跟餐塊多士，呢度多士超厚身，而且烘烤得好夠，勁香口，加埋上面搽滿蒜蓉牛油。牛扒有2大塊，因為係西冷部份，所以脂肪比例唔高，但食得出肉味好濃，配菜有沙律菜，西蘭花，露筍，薯粒，洋蔥圈，甘筍同水果，食材用料非常豐富。跟餐生蠔（$60）法國蠔唔係Creamy嗰啲，但係好厚身重海水味。日本蠔呢個就有少少creamy同厚身，因為叫左個餐，加$30就有一隻，好抵食。熱帶水果茶（$38）水果茶唔太甜但茶底濃郁，而且用料水果豐富，有西瓜，藍莓，哈密瓜，夏天飲好fresh。半份鮮雜果麻糬窩夫（$78）有一球芒果雪糕同埋好多唔同種類嘅生果，窩夫做到外脆內軟，再加埋忌廉同埋吉士打醬食好夾。…Read More

粉嶺聯和墟瓏山1號入口就見到店內冷氣夠大 有風流又唔會太凍新潮裝飾及背景好親切同comfortable 卡位闊落樓底夠高 坐得舒服食物選擇多元化而且價位合理生蠔套餐及晚餐自動升級十分抵食食材新鮮出餐快手 係一個幾好既體驗生蠔10件套餐 $218 +$28冰凍白酒三款唔同產地生蠔 每隻都肥美鮮甜更各有特色西班牙 -海水咸香帶礦物味 入口清爽微甜蘇格蘭 -肉質結實 帶淡淡煙燻同菌菇味日本 –厚身奶香味重 入口順滑豐盈配新鮮檸檬及秘製海鮮醬汁 按自已喜好享受不同口味再而飲啖果香味甜既凍白酒真係十分享受生蠔咁新鮮都可以用咁抵既價錢食到真係開心石燒吉列美國西冷 $198厚切西冷煮至3成再裹麵包糠炸到金黃出品時仲保留7成熟 肉質不會太老用牛脂燒紅大火既石燒盤按自已喜好稍為加熱到焦香牛味再伴紫菜飯及少量海鹽一同品味風味一絕同碟既麻醬羅馬生菜沙亦十分開胃求其是但PIZZA $128今日抽中三文魚明太子薄批超薄餅皮烤得香脆 邊位微焦好有鍋氣三文魚切片鮮嫩 明太子醬creamy又惹味小蕃茄同芝士鋪滿面 每啖濃香帶微甜一啖咬落煙韌有嚼勁 簡單得嚟又層次豐富…Read More

粉嶺呢間「新月」唔講笑，佢哋嘅 「溫泉蛋明太子忌廉意粉」 真係可以專程入嚟食！如果你係creamy意粉同埋明太子粉絲，呢碟絕對係必叫嘅招牌菜，食過一次就會成日掛住！ 一上碟已經聞到好香嘅明太子同奶香味。個忌廉汁 「掛汁」能力滿分，每一条意粉都俾濃稠嘅淡粉色醬汁包住，食落去好Creamy，但係又唔會膩到滯，個平衡拎得幾好。明太子嘅鹹鮮味好突出，食到啲細細粒嘅明太子卜卜聲，味道好有層次，唔係得個鹹字或者得個膩字。重點嚟啦！隻 溫泉蛋舖喺意粉頂，睇落已經好靚。用叉輕輕一篤，橙黃色嘅蛋漿即刻爆出嚟，流心效果簡直係完美！將蛋漿同本身已經好濃郁嘅明太子忌廉汁撈勻，個醬汁即刻昇華，變得更加順滑同埋多咗一股蛋香，成個口感豐富咗好多，真係「邪惡」到不得了！成碟意粉由頭到尾都保持到高水準，意粉軟硬適中，醬汁濃郁惹味，再加隻無得彈嘅流心溫泉蛋，係完美嘅配搭。雖然食哂成碟真係幾飽足，個罪惡感都幾重，但個滿足感真係爆燈！如果你嚟開粉嶺，或者專程入嚟試嘢食，新月呢碟溫泉蛋明太子忌廉意粉，真係我嘅首選推介，絕對值得你嚟挑戰下呢份「邪惡」！…Read More

行完山又難得入粉嶺，發現左呢間新開既fusion 西餐廳，第一眼吸引我既係個裝修丫，可愛既貓貓，大大個既月亮星球吊燈，童心爆發丫🐼🐼🐼足夠既卡位，每個角度到可以欣賞到店內既裝飾，menu 有好多選擇，有選擇困難既朋友子要搵多d 朋友仔一齊黎啦😂😂日本生蠔set - 10隻 @$198 +$28(升級白酒，亦有紅酒選擇喔）每隻都肥嘟嘟，加d 檸檬汁，配埋秘製海鮮醬不得了，勁creamy 丫，超級新鮮，絕對係好驚喜。咁正既生蠔用呢個價錢就食到，真心開心仔🐼🐼🐼🐼牛肉墨西哥粟米片（beef nachos) @$118一上枱個下就已經呆一呆，咁大碟既‼️超左小小預期，平時食開既唔係呢個份量喎🙈🙈牛肉醬好惹味，特別欣賞佢有埋青醬，青醬愛好者表示so nice🐼🐼🐼青醬mix 埋牛肉醬，係好夾架‼️黑毛豬肋骨（30cm)@$298都係貪心小狗惹的禍🙈🙈建議人多分享食用需要等候20分鐘的，但佢對得住呢個等待，肉肉好淋，骨肉分離的岩岩好，烤醬好惹味，配送既黑醋西瓜沙律，勁幫到手解膩丫，黑醋既酸爽係充分解決到肉肉既膩，Perfect加$20可以升級做套餐，會有個蒜蓉包同餐湯加嘢飲，個蒜蓉包係厚切的，邊邊烤得極脆，完全係外脆內軟，建議升級。話梅柚子梳打係套餐再升級加$28就可以啦，呢杯野飲好幫到手，酸爽味道你令你好開胃，會有力量食多d 野😂😂😂overall 建議人多食，兩個人食就唔好開闊肚窄啦…Read More