小店裝修勁有特色，有好多貓貓擺設同裝飾，連本menu都逐頁貼左公仔貼紙，令人印象深刻。
阿拉斯加蟹肉潮州粥 （$188）
呢碗粥絕對係呢餐飯嘅VIP，
餐廳揀左用潮州粥呢個中式煮法fusion，有兩舊阿拉斯加蟹腳，上枱見到啲米粒煲到算完整，所以仍然保持口感，每一次入口蟹嘅鮮甜味衝擊味蕾，加埋阿拉斯加蟹腳啖啖肉，食得好過癮。
美國安格斯西冷（$198）
5成熟，跟薯菜
呢款係套餐，揀左配餐湯，今晚餐湯係甘筍粟米湯，有驚喜嘅係跟餐塊多士，呢度多士超厚身，而且烘烤得好夠，勁香口，加埋上面搽滿蒜蓉牛油。
牛扒有2大塊，因為係西冷部份，所以脂肪比例唔高，但食得出肉味好濃，配菜有沙律菜，西蘭花，露筍，薯粒，洋蔥圈，甘筍同水果，食材用料非常豐富。
跟餐生蠔（$60）
法國蠔
唔係Creamy嗰啲，但係好厚身重海水味。
日本蠔
呢個就有少少creamy同厚身，因為叫左個餐，加$30就有一隻，好抵食。
熱帶水果茶（$38）
水果茶唔太甜但茶底濃郁，而且用料水果豐富，有西瓜，藍莓，哈密瓜，夏天飲好fresh。
半份鮮雜果麻糬窩夫（$78）
有一球芒果雪糕同埋好多唔同種類嘅生果，窩夫做到外脆內軟，再加埋忌廉同埋吉士打醬食好夾。
5
1
1
