新曼谷泰國菜館

營業中

休息中

原本好耐前食過一次已經覺得一般 但朋友話想食獅蚶又得佢有就諗住去試多次 一行四人叫左8個餸 好多都淡到無味 個魚係最失望加無奈 如果真係想試咩係劣食 叫個魚啦 完全無味唔入味 又勁鞋既魚肉 因為個湯實在太淡 勁好態度同個侍應講 可唔可以加小小湯比我地 個度只係一小碗 佢已經勁唔耐煩話 要加錢喎 嘩 個態度係勁差 差到我唔明點解我地都算叫得多 隔離4個人都係叫3個餸 我地唔係介意錢既問題 但係真係好難食 同埋我地都無投訴難食既時候佢地已經咁既態度我投訴主要原因 唔係條魚鞋同個飯無味 我唔需要勁好既態度 但係對客人基本既尊重都有掛

係灣仔區嚟講，都開左好多間食泰國菜嘅鋪頭，今日就路經軒尼詩道見到新曼谷就入去試下🥢入到去環境乾淨企理，仲有好多泰國裝飾嘅佈置。點菜✍🏻。。。香葉雞肉碎飯🐓🍚+荷包蛋🍳青檸可樂🥤一落枱賣相幾吸引，而且有埋青瓜蕃茄作伴碟，絕不求其. . . 試試味道先，辣味十足🌶有辣椒、香葉、洋蔥、雞肉碎加埋豆角一齊食辣得開胃，仲有隻荷包蛋跟埋🍳份量好夠飽肚，食得辣嘅朋友仔可以試下，唔食得辣就要想想啦😬飲埋杯青檸可樂爽晒～～😌

今晚同BF撐臺腳啊，因為我地都屬於重口味，所以泰國菜好岩我地胃口。而且間鋪收夜晚1點，所以平時都可以過黎宵夜。沙爹雞串香得黎有肉汁，都ok。春捲無功無過。般般香葉肉碎炒飯。真係好吃😋。泰國人好識得運用香料去增添香味。個飯會有少少辣，但因為我係好食得辣既人，若可以再辣d.便會更更加分。食泰國菜點又少得泡椒鳳爪啊。無骨食得方便又開心。芒果糯米飯。無論前邊食得幾飽都好，芒果糯米飯係一定要食既。半個成熟香甜既芒果，加上健康且熱辣辣既黑糯米飯。最後淋上甜度適中既椰漿，真係同泰國機場既芒果糯米飯有得一拼啊。。會再黎。

Lunchtime係灣仔覓食既時候無啦啦落大雨，唔想太頹食粉麵，又見到依間野近近地，午餐幾平，仲配特飲，於是就坐低左。一點半左右入座，鋪頭仲有幾多上班族食緊lunch。睇睇lunch menu，有飯有麵揀，唔想食大路果d冬陰公同Pad Thai，試一試個無咩聽過既香菜炒河，飲品方面可以配紅豆冰、龍眼冰之類果d，我就揀左椰汁西米冰。香菜炒河都幾有驚喜，雖然係XO醬炒，但唔會太辣，小蕃茄中和到d辣味，仲有好多配菜，炒埋一碟，辣辣甜甜幾豐富。至於椰汁西米冰就無咩特別，叫做合格。最後唔洗加一，55蚊埋單，食到正宗泰國菜，抵食！唯一挑剔既就係鋪頭燈光太暗，連碗野都唔係太睇到。

八年前味道同今日味道差很遠！失望之作。希望你們做生意不是這樣。真係差了很多很多。。。。。。。。。。。我以前差不多日日去食，味道我很記得，蝦就是好像雪藏蝦，這不是重點，重點希望你房能夠改善回以前水準。

話說近排成日都食宵夜，但成十點幾先放工，附近冇乜邊間泰菜仲有開。同幾個fd一齊又唔想食咁頹所以就黎左呢間就食宵夜！ 講真佢位置唔算好方便，有小小吊腳，唔算好近地鐵站，但無阻我地食宵夜嘅興奮！舖頭分兩層，地下個層算細，樓上我就冇上過了。好彩我地4個坐樓下，如果唔係收工都唔係太想行上去，哈哈😂😂 我地4個人叫左生蝦(好食同新鮮！)一碟炒飯 pad Thai 小食拼盤 炒菜同湯！食物質素對得住價錢！服務質素都好好，啲staff好nice,係一個良好嘅體驗！

表妹帶我嚟銅鑼灣食泰菜，本身上Openrice見到唔多食評，但去到原來好有泰國風味又乾淨，而且啲泰藉侍應姐姐都好友善。好少泰國餐館做到生蝦刺身$100樓下，仲要咁大隻，新鮮好味。生菜包食得多啦，鴨肉生菜包真係第一次食，好香好惹味，少少辣，好正！叫咗個椰子雞湯，好香椰子味，我個人怕酸，佢個湯只係微酸，好啱我口味，仲好足料，好多雞肉同菇類。我地叫咗個咖哩軟殻蟹，感覺軟殻蟹唔多新鮮，一般般，不過個咖哩汁好好食，送飯一流，連配菜都好味！四個人就叫咗個大既小食拼盤，可以喺5-6款小食度揀4樣，我地揀咗蝦餅、春卷、雞翼同串燒，樣樣都幾好味！飯後送咗個類似斑蘭椰汁千層糕，一小口，但好夠好好味！食物好味又抵食，服務又好，可惜係咁啱坐喺風口位，好快吹凍啲食物，但都好滿意！

返工的壓力太大不時要將壓力轉化為食力再轉為脂肪以保溫暖呢間泰菜間唔時都幫襯下個姨姨好好人，又會搞下笑今晚四個人食，啲餸都食唔曬🙈冬蔭功好好味，又多蝦同番茄果啲每次飲都係到無聊問：點解唔隔走啲香料先上檯呢？？究竟佢係咩菜呢🤔🤔諗極都諗唔到，睇個樣又唔認得👉👈呢個烏頭好好味喎少少酸食曬啲魚肉仲要“不”湯飲作為鄉下妹，以前覺得要凍烏頭先好味香葉雞肉炒飯同事仔已經話明呢個辣嘅雖然有心理準備，但係！果然唔少野辣得好過隱邊食邊抹眼淚同口我地已經食到攤曬係到呢個時候先嚟碟豬頸肉，個個對眼反了又反結果每人食一片……就外臨尾個姨姨仲請我地食甜品

去灣仔聽講座，聽完就肚餓，當然要去搵食啦。原本想去後街鋸扒，點知店主星期六放假無開，唯有死死氣去第二間，於是黎左呢間。明明係下晏，但燈光好暗，好似已經到晚飯時間好有情調咁。朋友拍版話晒事，要左青咖哩牛，蒜蓉包自然唔少得，仲有炒雞肉粉絲。炒雞肉粉絲，炒得好香好入味，仲有蛋花添，食落更惹味。雜菜料又多，又草菇、粟米芯、紅蘿蔔、青椒絲、紅椒絲... 十足泰國風味。青咖哩牛，哈哈，無牛，唔小心變左做雞 😂 因為侍應泰姐唔小心落錯單，起初我地都無留意，但佢一放上枱就話，咦，應該係牛喎，要唔要換。不過我地覺得既然都煮左，所謂換就係掉左碗雞，何必浪費食物，雞牛都係肉，一樣咁好食，一次半次無所謂。不過認真講，D雞都有少少雪味😅 但青咖哩辣得黎唔嗆口，一陣耶奶香，配料又多又新鮮，夾埋香濃脆脆既蒜蓉包一齊食，滋味無窮。個青咖哩好味到可以當湯飲 😂👍🏻

係灣仔番工已經有一段時間，唔係食港式野就西式野，終於要突破框框，難得同其他部門同事食飯，所以佢地帶我去食泰國菜，位於軒尼詩道嘅新曼谷泰國餐館。同事介紹話唔貴之餘，質素都唔差咖。 是日可能落雨，唔算太多人。但聽聞樓上有雅座，所以其實都無須擔心會無位坐。睇睇個餐牌，以泰國菜加呢個地段，果然價錢唔算貴，而且仲送一杯飲品，其實仲好化算添。最後，係海南雞飯同金邊粉之間掙扎，優先試咗海南雞飯先啦！我諗大概等咗五至七分鐘，我地嘅海南雞飯陸續到，飯同雞整體感覺唔錯，唯獨執邊啲配菜令人感覺有點不安。試下個海南雞，已經去骨十分貼心，幸運地得到雞脾嘅部位，所以入口嫩滑無可挑剔。海南雞點蘸埋個泰式酸辣汁，再同埋飯一齊食，真係好開胃。整體雞、飯、醬汁中規中矩，但配菜果然係唯一敗北嘅地方，除咗無味，入口有種生生嘅口感，真係寧願無配菜。其實跟餐仲附送咗一碗蔥花雞湯，但口味方面，我覺得有點太濃，所以沒有多飲。但同事有好好飲哂碗湯，佢覺得仲幾好飲，因此每人口味各有不同。總結，夏天難免胃口差，泰國菜既酸又辣就岩哂，立刻食慾大開。所以呢到價錢唔貴，其實都係一個幾好嘅放飯飯堂。絕對有機會試埋個金邊粉。

今天上午系灣仔做完嘢就在附近食午膳。幫襯了一家在灣仔算是老字號的泰國菜，點了個午餐：泰式雞肉炒粉丝 + 椰汁红豆冰。賣相有點像在泰國路邊檔的炒粉，不過料就多好多，包括：雞柳，蘑菇，豆角，蜜塘豆，红绿黄椒，粟米芯，洋葱，红蘿蔔，雞蛋。炒得夠乾身又吾肥腻，但食落就冇乜味道。突然想起就是缺了調味料，於是馬上問侍應拿過調味架來，首選就是魚露加辣椒。加了食法完全兩馬事，口感充滿了魚露帶出的咸香和辣椒添加了微辣，整碟泰式雞肉粉絲活化了。

Lunch Time 時間經過灣仔區，其實對該地區不太熟識，求其喺大街揾一間餐廳解決了事。唔打唔撞揾到嚟呢度。Lunch Time 有好多選擇，炒粉、麵、飯、湯粉、海南雞通通都有。我 Order 呢個"香葉辣肉碎炒河"。估唔到非常掂，辣味適中，又唔會太油，配埋車厘茄同豆角同炒，非常惹味。而且他們用手切河粉，口感相比一般茶餐廳一條條嘅河粉更加出色。配埋一般甜度剛剛好嘅紅豆冰，今日係 Lucky Day!

👳🏽‍♀️黃咖哩牛肉，咖哩好香微辣，🥔薯仔又大舊又粉，正👏🏻，咖哩帶少少甜，點蒜蓉包食最岩泰式粉雞肉粉絲👨🏼‍🍳，個醬比較特別，越食越辣幾過癮🌶而且勁多雞肉，好抵食

Great food there. But takeaway wait time has always been long.Annoyed because the person before me got his food first. Not happy.Be prepared to wait for even takeaway, otherwise try many other Thai options in Wan Chai.

天氣開始有啲涼涼地～口又有啲痕痕地想食金邊粉～其實我成日黎呢間泰國餐廳食～最愛就🐷🐷豬肉生菜飽～份量唔細，仲要好好味～海鮮🦐金邊粉好好食～必叫碟邊配左啲辣少同蒜粉～適合中意食辣或蒜香既人選擇加配～之前食過咖哩蝦，🦐唔錯，所以試埋個咖哩蚧～$315🦀🦀，隻蚧算大隻同好多糕～幾新鮮～食就真係幾抵～不過個汁就爭啲，唔夠蛋汁～啲汁有啲稀～不過味道唔錯～20:45果陣，隔離台想叫蚧已經賣晒～想食都冇得食