影片
港鐵彩虹站 C2 出口, 步行約2分鐘
繼續閱讀
電話號碼
27526778
營業時間
今日營業
17:00 - 23:00
星期一至日
17:00 - 23:00
以上資料只供參考, 請與餐廳確認詳情
朋友搞了飯局，本來對食燒鵝不感興趣因為太油膩，我們佔了一間房有四圍枱，夥計態度10分差，我叫他們沖水他說水機就在旁邊你可以自己沖，去街市消費都未有咁樣回應。朋友說沙薑豬手好出名可以試吓，叫咗兩個試食，我從來未試過咁硬的豬手，好難先咬得落去，而且凍晒，啲沙薑汁浸唔到豬手，而且落咗好多醋，朋友話以前來食根本唔係咁差，而家水準差。每圍枱叫咗一條魚（好似係東星斑）本來價值$2000現在是$1200，質素也不是很好，整出來條魚有啲地方老得滯，個心又唔離骨，不是很熟透，如果條魚是$500我接受，但係$1200條魚，我覺得唔應該收貨。再去到燒鵝，肉質不是很豐富，質素比深水埗買的還差，乳豬還可以，雞也不錯，豬大腸也炸得不錯，總之是性價比低，朋友話比以往差得很多。我們的一台是$3300 ，平均每人埋單$370。性價比10分低，伙記態度奇差，好似唔憂做咁，只此一次，名過其實，以後都不會幫襯。
繼續閱讀
作為一個對美食毫無抵抗力嘅 “為食鬼”👻我成日就穿梭喺香港嘅大街小巷專門去搵各種地道美食啦😋呢間店嘅位置有啲僻，但真係 “飯香唔怕巷子深”，好多人係門口排隊等位，最好就提前預約😢首選肯定是每桌必點嘅【燒鵝🍖】隻燒鵝金黃油亮，鵝皮就好似塊鏡咁反光，鵝皮嘅脆同鵝肉嘅嫩多汁同時在口腔裡 “爆炸”💥鵝皮烤得特別香，油脂嘅香味超級濃郁，但食落去又唔會覺得膩，咬下去嘅口感簡直正到冇朋友！鵝肉就好嫩，每塊肉都吸飽咗秘制燒味香料嘅味道，鹹香啱啱好，鮮味十足，我食完一啖又想食一啖，根本停唔到口😋除咗招牌燒鵝，呢度啲其他菜色都唔錯，主要係夠曬火候‼️💰價錢方面都算親民，不過大排檔始終係大排檔，環境就有啲嘈雜，但對於我呢滴“最緊要係好食”嘅人來講呢滴環境邊食邊傾，先有生活嘅氣氛、先至會充滿地道嘅市井風味🌆
繼續閱讀
經常来食饭，以前因爲這店性價比高，食物好食也推荐朋友來吃，但經過今年年廿八食團年飯，以後再也不來了，每碟餸的份量比以往少，味道也不及以前，叫了一份燒鵝例牌下㾏要等到食完所有餸先到，仲要係唔熱，再加上阿姐啲服务態度極差，如此下去，我相信自會拆自己招牌，有可能這店老闆或唔想再做
繼續閱讀
講起彩虹美食，邊個唔知新志興至尊燒鵝大王呢？🦆 呢間喺龍池徑嘅地道大排檔，係附近打工仔放工搵食嘅至愛！今次同朋友一齊去試吓佢哋嘅招牌菜，等我分享吓呢次嘅體驗啦～我哋就食咗：🔸金銀蛋上湯豆苗 $108新鮮豆苗配埋金銀蛋，啲湯底清甜無比，完全冇加味精嘅感覺。豆苗爽口清甜，配埋滑滑嘅蛋花，一啖接一啖停唔到口！🔸燒鵝例牌上庄 $138皮脆肉嫩，油香四溢！上庄嘅鵝肉特別靚，肥瘦比例啱啱好，個皮香脆得嚟唔會過分油膩，配埋佢哋特製嘅蘸料，正到無得頂！😋🔸滑蛋蝦仁 $108新鮮彈牙嘅蝦仁配埋滑滑嘅蛋，啲蛋花夠滑，蝦仁夠新鮮，真係好難唔讚！🔸羊腩煲 $298大大個鍋仔裝住，配料十足！啲羊肉嫩滑，配料新鮮，湯底香濃有layer，真係抵食！小編提提：- 最好提早訂位，尤其周末同晚市時段- 環境係傳統大排檔風格，著得整齊啲去最好- 停車位緊張，建議搭港鐵去
繼續閱讀
牛池灣好出名食大排檔，香港都賣少見少😆一條小窄巷，亦都唔係一個出名嘅地區，但係就存在香港嘅風味。之前都試過去飲早午茶，啲茶有幾種可以自己沖可以揀坐出面或者裏邊，夏天熱辣辣梗係坐入邊涼冷氣啦六個人食飯，去到大排檔例牌一定飲飲飲。。。啤酒，藍妹$34枝。。。砂薑豬手$88濃濃砂礓味，帶點甜味平衡鹹味，啲豬手有豐富膠原蛋白，吃起黎滑潤的口感，送白飯都好正，有條菜食，六個人食一兜唔係幾夠喉，所以我哋嗌咗兩碟。半隻燒鵝 $250燒鵝好有鵝味。。不過唔會show，肉質紮實多汁脆皮，不過好多油啊。而家間間餐廳食依啲燒鵝都好多油海中蝦$168南非網飽$58隻鮑魚都好新鮮👍啲蝦都好多，蒜蓉都好多好惹味，不過啲蝦大隻啲會好啲農家雞旦焗魚腸$88我平時唔係好食呢啲內臟，都想食多件，啲蛋好Soft顏色都好靚，魚腸好似食緊串燒同九大簋，連埋啲蛋一齊食，好惹味瑤柱蛋白炒飯$88不過不失，瑤柱份量都多👍都好有飯香，有保留水份
繼續閱讀