新志興至尊燒鵝大王

營業中

休息中

朋友搞了飯局，本來對食燒鵝不感興趣因為太油膩，我們佔了一間房有四圍枱，夥計態度10分差，我叫他們沖水他說水機就在旁邊你可以自己沖，去街市消費都未有咁樣回應。朋友說沙薑豬手好出名可以試吓，叫咗兩個試食，我從來未試過咁硬的豬手，好難先咬得落去，而且凍晒，啲沙薑汁浸唔到豬手，而且落咗好多醋，朋友話以前來食根本唔係咁差，而家水準差。每圍枱叫咗一條魚（好似係東星斑）本來價值$2000現在是$1200，質素也不是很好，整出來條魚有啲地方老得滯，個心又唔離骨，不是很熟透，如果條魚是$500我接受，但係$1200條魚，我覺得唔應該收貨。再去到燒鵝，肉質不是很豐富，質素比深水埗買的還差，乳豬還可以，雞也不錯，豬大腸也炸得不錯，總之是性價比低，朋友話比以往差得很多。我們的一台是$3300 ，平均每人埋單$370。性價比10分低，伙記態度奇差，好似唔憂做咁，只此一次，名過其實，以後都不會幫襯。