新容記海鮮坊

營業中

休息中

位於香港仔魚類批發市場對面，所有魚類海鮮均由老闆當天早上向魚販選購，均是新鮮漁獲未經冷藏。每位姐姐都非常殷勤，服務態度一流，應該做開街坊生意。冰鎮咕嚕肉 $98～必食酸酸甜甜，外脆內軟，視覺和味覺的一大享受。除菠蘿愛更加入藍莓及聖女蕃茄，令各種酸甜味更有層次。由於冰鎮的關係咕嚕肉越放越脆，越食越滋味。黃金鮮魷 $118～必食魷魚非常新鮮，與曾經雪藏的冰鮮貨真的是天淵之別。彈牙又不韌，而且有一種柔軟感，真的未能找到一個很好的詞彙去形容。 蛋黃黃金脆漿裹着每一件魷魚，令口感更豐富，蛋黃香味頰齒留香。油鹽水本地九肚魚$148湯底清甜，粉絲完全吸收湯底精華，非常入味。九肚魚魚肉鮮甜軟滑，而芹菜更帶出九肚魚及湯的鮮味。

今日，朋友生日話想食一啲小菜，所以同佢去到黃竹坑新容記小菜同佢慶祝生日。解渴朋友生日話想食一啲小菜，所以同佢去到黃竹坑新容記小菜同佢慶祝生日。菠蘿咕嚕肉:菠蘿咕嚕肉用上冰鎮嘅方式上碟,咕嚕肉炸得十分鬆脆,而且用上浙江陳醋,鮮味十足,加上甜青椒王燈籠椒, ,入口10分惹味。新容記小炒王：用上韭菜和魷魚炒嘅小炒王，魷魚10分新鮮，由魚酥炒得10分香口實在係必食嘅佳品，而且韭菜味道10分鮮甜， 10分新鮮，兩者襯托下實屬必食佳品。薑蔥炆筒蠔：筒號用上美國大隻嘅筒蠔，保證蠔肉分鮮甜加上蠔肉十分之好味，加上薑味濃郁，實在係必要嘅冬天小菜。括來說，新容記少菜實在係和朋友敘舊嘅好地方，地方不但舒適，而且小菜實在10分好食，份量十足，實在係和朋友必到之地方。

海洋公園附近 喺香港仔食嘢都比較近因鄰近香港仔海鮮批發市場 有每日新鮮的海鮮晚餐想簡簡單單食幾個小菜嚟咗呢一度呢間餐廳設計嘅格局比較簡約新穎乾淨餐廳嘅頂燈 同埋牆上嘅裝飾 都用咗客家人嘅漁夫帽 別有漁港風情最吸睛嘅地方係一個酒櫃品換咗好靚嘅酒食飯時段座滿晒人 好熱鬧 好有氣氛見到每一枱嘅餸菜都係非常之吸引就試吓係咪真係咁好味 😋店員都好熱切招待同埋推介菜式呢呢度嘅海鮮係新鮮好食 亦都唔貴♥︎ 冰鎮咕嚕肉 $98有乾冰 一大盤 好有氣派同睇頭甜甜酸酸 外脆內軟 外面有啲冰凍 裏面暖粒粒感覺冇咁熱氣 生果有菠蘿番茄藍莓 原來可以咁好味 真係大開眼界♥︎ 椒鹽鮮魷 $118選材新鮮 調味非常之好 椒鹽唔會太咸大大一份 滋味無窮 同埋炸得薄薄的一層食到鮮魷好嫩 廚房有功架♥︎ 風沙茄子 $58去咗茄子皮 係切粒狀嘅茄子好似豆腐一樣一咬落去係鬆化嘅口感做得好出神入化 估唔到♥︎ 銀牙肉絲炒米粉$88加咗啲秀珍菇 甘筍絲 豬肉絲 芽菜去炒夠鑊氣 大大碟 其實食上面幾個餸已經好飽仲諗住叫俾小朋友食 但係佢已經同我清晒上面嗰啲都飽左

有時間就要陪一陪長輩食飯，最好緊係選中菜啦！最後我選左呢間「新容記海鮮坊」，漁具加中國式的裝潢又幾特別，坐位寬躺舒適，店員很有禮貌又熱情介紹我哋試招牌菜，咁就一於試吓啦！(其實係因為佢招呼好，又親切😌)蒜蓉粉絲蒸聖子 @$58大聖子肉質爽口又好鮮甜，蒜蓉落足料，同粉絲一齊食真係絕配，正啊😄一品海鮮煲 $118有蝦、帶子、魷魚、豆腐、冬菇，蝦是脫了皮的蝦，一啖就食咗，同魷魚一樣咁爽口彈牙，帶子好新鮮，食到鮮味，冬菇同豆腐一樣咁滑，仲大大件添，好正好好味啊😋冰鎮咕嚕肉 $98充滿迷霧既咕嚕肉，仙氣滿滿，一見傾心，急不及待，開動啦！有菠蘿、藍莓、蕃茄、咕嚕肉，咕嚕肉外皮粉漿薄而香脆，食的時候外冷內熱，滿足味蕾及口感，肉質非常爽口，不是淋的感覺，令味覺加分，非試不可😉。後記：食物咁好味，咁就八卦下午飯有咩食，原來只係$50/餐，都唔貴喎，下次再幫襯過😉

今晚同同事係附近做完野，經過呢間餐廳，岩岩好覺得有啲肚餓，見佢裝修得幾企理，比人感覺都乾淨同舒服，就入左去食未坐低就見到人地盤冰震咕嚕肉好吸引，雖然出面天氣有啲涼，但我地都叫左黎食，外脆內軟既咕嚕肉係好事既，感覺上冇平時波羅咕嚕肉咁肥，因為少左啲汁跟住佢地介紹今日聖旨好新鮮同大隻，我又忍唔到口叫左兩隻，又大隻又juicy，粉絲又索晒啲汁👍🏻同場加映仲有金沙涼瓜，一樣夠鑊氣之餘，涼瓜切得好薄身，苦味少左好多So far 呢間都係一間性價比勁高嘅餐廳

今日好彩book 左8：00，但早左1個鐘去到都有位比我地，去到睇到餐牌好多都想食。叫左6個餸其中冰鎮波蘿咕嚕肉最出色最好味外脆另外叫左薑蔥蟹好好入味，黑椒粉絲蝦煲粉絲超多……

👉田灣又有新開小店，坐落於田灣街口十字路口燈位，麥當勞斜對面。一望就見到！.✅一坐低姐姐就奉上一壺熱茶 + 洗碗神器～盛有滾水嘅小膠盆。夠地道之餘，乾淨又貼心❤️.📌冰鎮菠蘿咕嚕肉 $98 ～ 上枱一大盤出晒煙我仲諗緊係咩嚟⋯疏窿嘅器皿上鋪滿冰粒，冰鎮住粒粒咕嚕肉，甜酸汁包住少肥肉粒，酥脆甘香。冰鎮上枱令咕嚕肉食到尾都仲係咁脆，確係色香味俱全👍📌黑椒粉絲蝦㷛 $148 ～ 蝦🦐嘅size一啲都唔細，有十幾隻中蝦，蝦嘅比例仲比粉絲多好多。中蝦走油後蝦殼脆卜卜，粉絲盡吸鮮蝦精華，淡淡黑椒香味，唔食辣嘅都唔怕！📌椒鹽鮮魷 $98 ～ 鮮魷🦑厚肉爽口，每件都沾上厚薄適中嘅脆脆粉漿，配上風沙蒜蓉、喼汁⋯⋯太好味了。

去完朋友屋企玩就落去佢樓下食飯，佢話香港仔海鮮出名，所以我哋就係叫海鮮食🦞我地要左一個招牌炒蟹，佢係避風塘炒蟹既改良版，加左小小辣得黎仲好惹味，佢個蟹鉗真係勁大個，一開4黎食😋邊食邊送飯既配搭真係一流食得中式煮法我一定叫蒜蓉粉絲蒸帶子，因為粉絲吸晒海鮮汁，蒜同埋d帶子鮮味好令人回味，原黎香港仔出名海鮮係真，佢d帶子真係好鮮味貝殼類之中我仲好中意蟶子，所以叫左豉椒彩照炒蟶子，個蟶子好新鮮好好味😬最後加碟蝦醬炒通菜一齊配埋飯食，真係一流呢間餐廳性價比好高，餐廳環境仲要好好，夏天涼住冷氣都可以食到高質大排檔既小炒味☺️推薦

朋友介紹去食一間位於香港仔既中菜館，極力推薦味道好好！坐巴士去到香港仔，就係石排灣道的地鋪！剛裝修完的新鋪，格局清新溫馨。乾淨企理！坐低係餐牌簡左幾個小菜，見到有是日推薦，孖寶：$148紅燒乳鴿+豉椒炒蜆。$138黃金蝦。$58椒鹽豆腐。叫多兩個飯。上菜，蜆好入味，好有鑊氣！個黃金蝦配咸蛋黃炒成，入口咸香味十足！椒鹽豆腐都好好食，係一道開胃小菜！最欣賞就係紅燒乳鴿，吾會乾，入口有肉汁，新鮮炸出，最出色的一道菜！可以比八九分！呢間中菜館好有私房菜的味道，精緻質數高！好推薦。真係好耐無食過感有鑊氣的小炒了！同店員傾左一陣計，原來其他例如鎮江骨等都好出名，下次再利試。

田灣雖然對好多人黎講好遠，但始終都吸引到人流過去食飯，其中一個原因可能因為佢就係香港仔魚市場旁邊，所以海鮮食材會特別新鮮🤤——————🐽 生煎墨魚餅作為頭盤相當有份量！每一塊墨魚餅都好大舊，入口咬落十分彈牙，每一啖都好重墨魚既鮮味，配上喼汁食相當誘人🐽 冰鎮咕嚕肉見到格黎枱黎左成盤野，一問之下原來係鋪頭既特色冰鎮咕嚕肉！上枱後果然無令我失望，冰鎮過後令到咕嚕肉外皮急速降溫，外皮更加脆，建議黎到一定要叫😻🐽 龍井炒蝦仁蝦仁好鮮，每一啖都佈滿龍井茶葉味，配上西芹一齊食格外清新

*今日去田灣探朋友,之後我地落咗去新容記海鮮舫吃晚飯,呢度嘅裝修都好新淨,有點古色古香的感覺。*嚟到呢度食飯,令我深深地感受到濃濃的人情味,食客常與店舖的員工,談天說地,令人有一種家的感覺。1）清蒸斑頭腩$138*班頭腩非常新鮮,在魚肉上可看到像彩虹般折射的光澤,啖啖的魚肉,肉質爽脆鮮甜,魚皮附近膠質特別豐富,放進口裏,魚皮的金潤豐腴立即溶在口中,魚腩部份也非常滑流,令你停不住口,我一口氣連吃三塊。*用陳皮來蒸班頭腩,简直配搭一流,陣陣的陳皮香,簡單得來又可以保持魚的鮮味,更可辟除魚的腥味。2）薑蔥炆蠔$168熱辣辣的薑蔥蠔搬到桌面上,另外大開眼界,肥大飽滿脹卜卜的蠔,大概有五隻,蠔是蘸上一層薄薄的粉煎香,才以羌葱去炆,所以咬起來非常鮮味,沒有半點腥味,外脆內香,而且非常juicy,口感十足。即使不用放任何調味料,也能突顯蠔的鮮味多汁。3）蒜蓉粉絲蒸聖子兩隻$96聖子蒸到啱啱熟,我利用叉子輕輕地將聖子肉夾起來,放進口中品嚐,大大嚿的蟶子肉鮮甜而爽口,聖子是主角,但配角粉絲也很美味,因為蒜蓉的味道滲入聖子之中,而聖子的鮮味,又被粉絲全吸收了,實在太好味了！

新容海鮮坊在田灣，在朋友家附近，朋友食過話小菜精緻，價錢又合理！menu都幾多唔同款式小菜，樣樣吸引。紅燒bb鴿，夠大隻，肉質嫩滑又唔油膩，啖啖肉好好食。豆豉鯪魚油麥菜，雖然唔係上等食材，但係夠鑊氣夠好食，油麥菜清爽自然甜！豆豉汁醬入味。冰鎮咕嚕肉，夠脆皮，汁醬包圍住咕嚕肉，有好 juicy感覺，冰鎮感覺更透心凉！就算食到最後咕嚕肉仍然脆皮。海鮮炒貴刁，海鮮有帶子，鮮蝦，魷魚，比起一般既炒貴刁食材更豐富！而且份量好大份！落足料，性價比十足。好有鑊氣夠惹味，微微香辣好很正！

今天食了一頓很滿意的午餐, 發現OPENRICE未有食評, 特意介紹下.這間新容記海鮮坊新開張不久, 就近香港仔魚市場, 近水樓台先得"魚", 每天有新鮮蒸魚飯供應, 有多款魚, 馬友, 倉魚等, 你看相中的份量, 只賣$50包湯和飲品(凍飲不加錢), 是否性格比高呢!吸引我的是50$的涼瓜班頭腩飯 (包湯和飲品), 平時食開的涼瓜班腩40多元午餐都係用鯰魚, 今次多十蚊就食到酒樓級的即叫即炒班頭腩飯, 覺得好抵食, 因為出名的RICKY廚師(荔枝角和K11)餐廳招牌粟米真班腩飯都過$100的!另外加分的地方是餐廳每枱放熱水, 杯俾我洗筷子和匙, 又提供埋廁紙, 貼心得來又唔收加一!

街坊小菜區區有，石排灣新開的呢間中菜館，比起連鎖酒樓有特色，有人情味，有幹勁！食物質素不遜色，值得推介。招牌炒蟹好有特色的一道菜，辣中帶麻，麻中帶香。蟹肉吸透了精華所在，正！胡椒，麻辣….採用幾種不同辣度的材料炒製，自家研發，越食越吸引！燒乳鴿見每檯都食，可見是必食之選。肉質嫩滑，惹味十足！豉椒炒蜆上枱時陣陣豉椒香，火喉夠。蜆隻鮮嫩外，配莱辣椒，洋蔥也很滋味。椒絲腐乳通菜椒絲，腐乳，蒜蓉，份量足，通菜炒起來香口，脆綠爽口。