新匯江美食中心

營業中

休息中

當日趕住返工，打完排球即係去這間位於長沙灣的車仔麵。餸菜有好多選擇，點了芥蘭牛筋油麵。油麵好彈牙，牛筋亦好鮮嫩。口感一流。芥蘭好有菜味，他們烹調的方法非常特別。會用滷水汁煮牛筋，加在麵條，味道濃郁。香氣四溢。這間餐廳醫肚就最好。快靚正。😊

由於太趕時間，所以我們一行人就隨便找間茶記坐低，旨在填飽個肚！ 我點了豬扒米線🍜特餐！ 豬扒都ok, 算Juicy! 但米線煮到淋曬！ 重要要負皮的是 等太耐了 個奄列 多士！ 原來我地係為左趕快所以搵左間茶記！ 米線不是等很久！ 但是 米線食完，等左好耐都未來，我己經問左樓面3次！ 係我準備放棄不食的時候，奄到又到了！ 最後我要用5分鐘， 匆匆忙忙咁塞曬入口！ 而且個奄列是十分熱的！ 不想食唔曬，又浪費！

平時做完義工都會成日去新匯江食飯，平時冬天會有煲仔飯，夏天都係得小菜類嘅嘢。本身想食薑蔥魚腩煲，點知賣晒喎。咁呀帶咗個生炒排骨，啫啫雞煲同沙拉骨。生炒排骨排骨數量多，又唔會好酸，勁抵食。啫啫雞煲雞肉份量好多，醃得夠入味唔會一味死鹹，不過沙拉骨同生炒排骨有啲撞，兩樣都係酸野。

新匯江本身係茶記，早午晚市都有做開，另外仲做埋車仔麵，麵包，真係包羅萬有要乜有乜!今晚同朋友黎食宵夜，原本諗住點小菜，但我又心思思想食車仔麵，我最後都單車仔麵算24蚊最低消費，常見既麵種都有，但食得車仔麵緊係要油麵啦!另外仲點左豬手同雲吞，湯底仲有三款，沙嗲，腩湯，辣湯，我要腩汁算了豬手煮得幾入味，但係d毛清得唔乾淨，為免唔好咁吉口....自己清返哂d毛出黎-.-'而豬手少左d，無乜肉食，如果大舊d就perfect!雲吞唔錯，睇落係自己包既，每粒都有一隻蝦係入邊，但食落豬肉味唔夠香宵夜黎講都幾平，可一可再!

今日晏就放假，唔想出街就叫左呢間街坊茶餐廳外賣，落order之後20分鐘就送到，都算快，食物味道不錯，只係聽電話既人態度有d差，不過茶餐廳都係咁就算啦叫左5個客飯套餐，中午茶市$49凍飲+$2，外賣再+$1價錢公道☝🏽魚肚炆滑雞雞件大塊，味道略鹹魚肚質感好似豬皮，感覺好重角質，女仔食唔知可唔可以護膚呢👀配料有好多蘑菇，增加咬口☝🏽黑椒薯仔牛柳粒最中意呢個送👅牛柳粒大小適中，數量幾多，薯仔入味，仲有青椒、洋蔥，味道好夾，食得出係有鍋氣既小炒👍🏼☝🏽XO醬炒豬頸肉好濃xo醬味，仲見到蝦乾仔同瑤柱絲豬頸肉炒至捲起，均勻蘸上xo醬，好惹味配上脆肉瓜，減少油膩感☝🏽土魷蒸肉餅肉餅厚身，仲有馬蹄粒係入面，爽爽脆脆！上面灑上蔥花，幾有誠意肉餅唔會太粉，肉質結實，調味剛剛好，唔會好似其他餐廳煮到咁鹹飲品：凍奶茶、凍檸茶不過不失，正常茶餐廳水準總括：懶人之選，唔洗出街送到上門既外賣，就算叫一個客飯都會送👍🏼份量足夠，配一大碗白飯，味道好食，只係服務人員態度有待改善⋯⋯

WORLD CUP期間, 呢度都幾旺場。叫左幾個小菜同D FD SHARE, 邊食邊睇波。霸王雞: 好似同普通鹽焗雞差不多, 又無特別GE 配料/醬, 仲以為有咩特別@@, 不過雞肉都幾滑, OK LA。炒豬頸肉: 豬頸肉條切得太幼, 無咩口感, 肥左少少, 味道都是無特別。椒鹽鮮魷: 硬左D , 好似炸起好耐咁。睇落好似好厚粉, 不過食落未至於全都是粉。咕嚕肉: 又係好似炸起好耐, 肉質太硬。仲有其他小菜, 不過我無試了。本來想叫多寶魚, 但才8點已經賣哂

今日亞仔唔返嚟食飯，亞女又唔使加班，喺深水埗買完皮革用具都近黃昏啦，於是去亞女公司附近接佢放工順便撐枱腳食埋晚飯先返屋企😁亞女地頭由佢話事就揀咗呢間試吓。環境光猛乾淨，伙記招呼有禮周到，值得一讚。兩母女叫了三個餸油浸筍殼魚難得喺茶記會食到筍殼魚，就連街市都唔多有得賣的魚，魚身炸得非常脆口，但仍保持肉質嫩滑，配以自家調製的豉油帶出魚肉的甜美，值得一讚沙爹肥牛粉絲煲非常足料大煲，肥牛唔韌冇渣，配以菠蘿惹味，底墊粉絲吸曬汁液是成煲精髓所在，但略嫌沙爹味不足豉椒炒大蜆大蜆乾淨無沙，但個芡汁收得太乾以致太咸，敗筆之作