新匯江美食中心

營業中

休息中

好耐冇食過咁正又足料嘅蛋糕（西餅）😋 傳統黃梅jam西餅（係咪咁叫🤪?!) ANW佢多醬又多椰絲，蛋糕本身唔太甜，主要靠個黃梅jam。$6/件跑贏所有連鎖店or出名舖頭。佢仲有另一款雙jam西餅（就咁叫la😂），呢個冇椰絲，d jam仲重手🤣 真係好japjap。P.s.初頭我係見有個巴基斯坦人買，我望咗佢好耐☺️佢同我講好食，所以我買咗😝呢間鋪頭好傳統架，可以話係亳不起眼🧐 不過細望發現佢d麵包都好平，仲有好多街坊黎幫襯。果然，街市真係有好多寶藏♥️

新匯江嘅煲仔飯真係唔錯，臘腸雞煲仔飯用炭火煲，飯焦香脆，飯粒吸滿臘腸同雞肉嘅油香，每啖都好滿足😋。臘腸夠甜香，雞肉嫩滑入味，配埋煲仔飯醬油，簡直係完美組合！不過如果飯底乾爽啲就更好啦，但整體已經非常高分👍。至於蒜蓉粉絲蒸元貝，元貝鮮甜彈牙，粉絲吸晒蒜蓉醬汁同元貝汁，每啖都充滿海鮮味道🤤。蒜蓉炒得香噴噴，仲有啲蔥花提味，簡單但非常惹味！唯一係粉絲有啲乾，如果可以再濕潤啲會更加好食。餐廳環境雖然唔算豪華，但光猛整潔，加上價錢合理，真係平靚正！伙記服務態度都幾好，值得一試。下次一定要試埋佢其他煲仔菜！🔥

嗌咗鮮茄豬扒意粉, 佢嘅豬扒係炸豬扒, 然後個皮炸得比較厚同埋油，食落淡淡都係粉好一般，不過佢個茄汁底都幾好食。另外我哋嗌咗個淨白飯外賣，10幾蚊超大兜裝到實一實，好抵食

長沙灣有不少街坊小店，而其中一家老字號車仔麵店——新匯江，絕對是平靚正的代表。這次我選擇在下午茶時間到訪，感受一下這家多年來深受街坊喜愛的小店 ❤️🍜點餐方式很簡單，店內提供一張紙單，顧客只需勾選想要的配料和餸便可，非常方便有效率。店員態度友善，動作快捷，即使在繁忙時段也不用等太久 🤭我點了金錢肚和牛腩作為配料，再配上一碗熱騰騰的湯底麵，加上只需多付 $6 的飲品，整體性價比非常高。金錢肚煮得軟腍入味，帶著濃郁的滷水香，咬下去有彈性，處理得十分到位。牛腩的表現同樣出色，肉質酥軟但仍保留口感，滷汁滲透其中麵條彈牙，吸附了湯底的鮮香，整碗麵吃下來令人滿足又飽肚 😌😌這樣的一餐，人均只需 $40 左右，配料的份量也算不小，絕對是經濟實惠的選擇。無論是上班族還是學生，都能在這裡找到一份物超所值的一餐。如果你喜歡地道的港式車仔麵，新匯江是值得一試 😋👍🏻

放工行去地鐵站，順便食個tea，西多正常，入邊有少少花生醬$33，熱狗如果係茶餐廳嚟講都算係OK， $29， 仲叫咗個蝦醬肉碎炒飯唔記得影相，個蝦醬味有少少似鹹魚雞粒炒飯下午茶$44 ，全部包嘢飲！茶餐廳價錢，茶餐廳質素！

同老婆落街食飯，見到呢間鋪頭晚市賣煲仔飯賣到叫成過百枱客，咁就比佢呃左入去試下。落單前仲同老婆講，要唔要一個人叫煲仔飯一個人叫晚餐，免得煲仔飯唔好食就中伏，點知就真係比我一語成讖，而我又咁抵死叫左兩個煲仔飯個飯一上到枱已經聞到陣燶味，開蓋諗住撈一撈，d飯係一舊舊既，明顯落水落多左，然後飯焦就痴住煲邊，剷起你見到真係黑到唔想食，除非想快d生cancer.其實到呢一刻我已經無乜心情，窩蛋牛排骨雞吞完落肚就算。呢個故事教訓大家唔好亂咁試新野，性價比煲仔飯都係返旺角食吧啦。

今日趕到死，朋友介紹呢間好嘢嚟嫁，咁就要去試一試啦。街坊老字號，當然懷舊味十足，服務員醒目，手腳快，與傳統店一樣，想到就可以叫。見到唔少人叫小菜，烹魚，可惜太趕，未能點此，只好叫最快的麵食。真係好惹味，牛筋冇貨，可惜可惜。牛柏葉好爽甜，蘿蔔大件入味，魷魚易咬份量足。辣味咖哩湯十分十分好味，令每樣餸菜最吸引。好想食煲仔飯：好想食黃鱔或大鱔飯，想食香脆飯焦。經濟客飯套餐：超級抵食，仲要包湯或餐茶，好鬼開心。再約朋友去多次。

天氣開始涼，又係食煲仔飯嘅時間 但係跑完步有啲夜，仲要喺荔枝角嗰邊。咁就行遠少少，過咗元州邨有間新匯江，去到都8:30要排隊。入邊人頭湧湧。見到飯都有分唔同size ，一般仲有個加大嘅。我哋四個人每人嗌咗一兜普通size，已經非常之多飯。平均60幾蚊至到80幾蚊就有一窩，其實可以叫埋小菜一齊share，但大家太耐冇食個煲仔飯，梗係一人一鍋。我哋叫咗一個北菇滑雞煲一個鹹魚肉餅飯一個豉汁大鱔飯一個臘腸排骨飯個中式湯好好飯

當大家聖誕節食緊聖誕大餐嘅時候🤶🍴我就走去食煲仔飯🍚黃鱔煲仔飯鴛鴦雞煲仔飯（田雞、滑雞）潤腸排骨😋😋😋話明要等20分鐘（即叫即整）食完暖笠笠，正👍🏻

外賣單係趕客，聽電話果個，不論男女，態度勁差，唔憂做咁款。懶醒咁要人拿拿聲落單，我落兩個晚餐，1個煲仔飯，但要聽漏一個晚餐。打電話番去問佢，又唔認自己落錯，都講左煲左飯唔要野飲。煲仔飯冇叫野飲，又收我凍飲錢6蚊茶錢，因為落漏1個晚餐，佢就當我煲仔飯要野飲。堂食試過伙計態度都好啲，環境就逼就左少少，野食都ok，廚師係好手勢。呢間野神9奇地衰在聽電話啲伙記。我唔敢再幫襯，見到佢都咁多客，唔憂做，應付唔黎咁，搞到態度咁差。

茶餐廳顧名思義茶要夠靚，很多時候除左食物質素外，飲品亦是一項加分題。現今的茶餐廳，一杯好飲既凍檸茶是很難找的，首先茶底如何，會否太苦澀，有沒有紅茶味？或是用的檸檬是否新鮮，完全影響凍檸茶的味道，十間餐廳其中九間都是一係茶味太濃，明顯已經泡了很久，要不然連檸檬都沒有，可能用化學野弄出檸檬味，但新匯江的凍檸茶茶底味道有水準，檸檬新鮮，雖然說不算是100分，但起碼有90分。而食物方便都保持一定水準，特別最近天氣漸凍，來一個臘味煲仔飯，吃完好滿足

下午茶時間想平平哋解決，去了這間茶餐廳又好味價性比又高。這間茶餐廳下午茶有很多選擇，連飯都有很多款例如椒鹽豬扒飯、燒汁牛肉飯、麻婆豆腐飯，又有星洲炒米、烏冬、沙嗲牛炒可、銀芽三絲炒麵等等，種類繁多，全部只是$41，非常抵食！我叫了乾炒肉絲炒伊麵，下午茶原來也十分大的，份量很多，炒得有鑊氣，味道適中，沒有太多味精。朋友那天不是太餓，所以只是叫你雲吞牛肚河，朋友說想不到茶餐廳的港式湯河也做得那麼好，雲吞皮薄豬肉不是太多，牛肚很冧夠入味而且爽。下午茶包飲品，凍檸茶都幾大杯，而且勝在夠凍，消暑佳品雖然這裏是間小店，但人情味濃郁，侍應很有禮貌，而且見他和其他食客也頗熟絡，有傾有講，非常親切。

美味黃立倉長沙灣是我少年時代成長的地方，所以有很深感情。因為上的教會一直也是在長沙灣，近年因為空間問題搬了去油尖旺，所以現在已很少去長沙灣，但久不久我也會很想探訪一下。這一晚我約了在長沙灣看牙醫，約了7時15分，但姑娘說要等1小時，我當然好好利用這個機會去食飯，懷緬這一區一番。牙醫診所座落元洲街，元洲街附近極多餐廳，本來我為了貪新鮮，已經在一間茶記坐下了，但等了五分鐘也不見有人招呼（有機會再寫這間茶記的負評），於是便彈起身，還是回到以前光顧過的新滙江。這次晚飯有新驚喜，因為我今餐做了一件我很少做但原來我很喜歡做的事，就是叫魚食。以前可能還年青，覺得食魚是件很老土的事，但後來知道，原來地盤佬及上了年紀的人也很喜歡蒸魚，根本是件很型的事，最重要是健康又美味；健康是因為低脂高蛋白質，少油少鹽少糖，對身體好是上了年紀的人很需要做的事。我叫了黃立倉，因為自從小朋友出世，老婆便教工人買黃立倉給幼兒食，在家食的黃立倉是簡單的調味料但也很好吃，今次在新滙江食的用豉椒蒸更加開胃!這一晚很滿足，新滙江的伙記也很勤力，落單快，安排座位也很周到，我也不敢霸住卡位，侍應要求我轉去單人卡位我也明白。希望日後向各位

經開附近又有時間，見門外餐牌有好多選擇就入去食個早餐叫咗沙嗲牛肉公仔麵+脆皮腸炒蛋友人就叫咗火腿腸仔煎蛋出前一丁全部都係大路野，你以為火腿腸仔煎蛋出前一丁只係普通野？一定唔會出事？錯了腸仔咬一啖已經無再食因為啲雪味好勁，而且應該解凍咗勁耐，霉霉爛爛有陣味而我個餐，脆皮腸亦有相同問題而佢地既沙嗲牛肉牛公仔麵啲沙嗲牛肉亦好難食肉質亦係霉霉爛爛，根本唔似係食緊肉，醃得太過了總結：成餐食完都唔知食過咩落肚咁，不飽之餘浪費quota連早餐都唔合格附近其實有好多茶記選擇，無下次了

一間睇落平平無奇嘅茶餐廳，往往都係有鑊氣又平靚正嘅茶記。基本上係佢地社交平台可以睇到佢哋定期換嘅午餐Menu，好多都好吸引揀唔落手《叉燒滑蛋飯》叉燒係偏瘦嘅，冇話半肥瘦亦都唔係咩蜜汁叉燒，但係滑蛋就真係好滑，份量夠多，送飯一流！《吉列帶子黑椒牛扒飯》有兩粒吉列帶子，普普通通都過得去～黑椒牛扒就真係唔錯，好厚實就唔會，但係都唔會硬，仲有牛味，黑椒味都幾香～《印度咖喱雞皇飯》呢款咖喱雞皇飯算係比較特別，但係啲香料味都唔錯，而且雞嘅份量都幾多，又係超好送飯！lunch一流～～其實都試過幾次其他嘅lunch，都係多汁又夠味好好送飯，有鑊氣得來又一定食得飽！