斗滾 (適安大廈)

營業中

休息中

有沒有想過雞煲、海鮮、火鍋，可以一次過用一個價錢出現在一餐晚餐裏呢？可以滿足到3個願望的，就是斗滾啦~首先會吃雞煲，有五種辣度，我們點了BB辣，不過覺得辣度可以接受，下次可以挑戰小辣，吃起來更加香辣惹味。我們自行在外面拿了豬皮、魷魚、牛柏葉，自製多種配料的雞煲，吃起來更加豐富啊！吃完雞煲之後，就是吃海鮮拼盤，是我最期待的唷！蒸好的海鮮，不用等立刻可以夾來吃～拼盤有鮑魚、蝦、龍躉、蟶子、粉絲扇貝、蛽、烏冬、節瓜、粟米，全部都用蒜蓉來調味，不需額外加什麼調味料，單吃已經鮮甜又惹味！然後就是火鍋了！火鍋湯底我們選了+$38淮山鷓鴣燉湯，這個湯可以健脾潤肺，湯料的鷓鴣不是只有骨架，還有不少肉吃的。另外有瘦肉、雞腳、杞子等，非常足料！火鍋之前我們都不浪費，各喝了一碗湯，味道很濃郁。火鍋配料有任點牛頸脊和豚肉片，肉味香濃，脂肪和肉的比例均勻，兩樣都十分高質素啊！絕對是必點～而外面自取的推介八爪魚和鯇魚片，肉質新鮮。最後是甜品時間，有椰汁雪燕可以自取，椰汁味濃郁配上一絲絲的雪燕，好味又養顏！還有切好的水果，一碗有齊火龍果、西瓜、哈密瓜、橘，每樣都可以淺嘗一下呢～水果全部都很鮮甜，飯後吃點幫助消化，消

🔥【西環火鍋激抵之選 | 斗滾】🔥$298 海鮮+雞煲+火鍋🍲 惹味雞煲開波！🐚 蒸海鮮拼盤 超豪華 — 鮑魚、帶子、海蝦滿滿一層，夠哂鮮！🔥 任食火鍋：手切牛肉、豬肉片、丸類、餃類、蔬菜…任你點、任你食！🍺 Sapporo＋啤酒＋汽水任飲，落火鍋一流又唔洗另加！✨ 座無虛席！人氣爆燈💰 加 $38 湯底升級涼瓜卜卜蜆雞鍋，又鮮又清潤，必加！📍 西環山道54-66號適安大廈地鋪💳 平均二百幾蚊一位，真係抵到爛！📞 人多記得Book定位！

斗滾西環店主打無限時任食三大重點：雞煲、蒸海鮮、任食邊爐，啱晒咩都想試嘅你！平日$268/人，週末$298/人，價錢好抵 仲可以由五點食到十二點 真係咩都回晒本雞煲：辣度自選，我揀咗小辣（我以為小辣=譚仔十小 原來最小辣係bb辣😂） 半隻雞夠哂分量，雞煲全程唔加水，濃味又惹味。蒸海鮮：有蟶子、大蜆、扇貝、鮑魚、海蝦，魚片配粉絲、最後食埋烏冬吸晒精華，清新又鮮甜。火鍋湯底：有四款，我地揀咗蕃茄薯仔花甲湯 湯頭清甜好好飲牛頸脊/豚肉任食自助區：當中最推薦墨魚滑蝦滑另外仲有魚片，水魷、鵝腸，芝士牛丸、芋泥貢丸、雲吞、蔬菜、菇菌類、等樣樣齊甜品品飲品：水果、椰汁燕窩可任食，另外飲品選擇都好多

西環海鮮火鍋雞煲大滿足👅超抵食!!!🤩1. 任食雞煲 今次叫左bb 辣 店員會放低計時器 提示我地要每2分鐘炒一次 炒4次就食得 雞肉嫩滑 帶少少麻辣好惹味2. 海鮮盛宴 海鮮拼盤賣相勁打卡able 扇貝手掌咁大隻 滿滿骨膠原嘅龍躉魚片 鮑魚爽口一d都唔韌 仲有蒜茸粉絲同烏冬索晒海鮮嘅精華 jengggg😋3. 打邊爐 湯底我地就叫左新茄薯仔花甲湯 勁足料 清甜開胃 仲有任食手切牛頸脊 油花均勻 牛味濃 唔小心淥耐左都唔怕韌 必須encore!!! 自助區仲有多達20款配料 一定食到飽飽🤰🏻🌟人均消費$328 📍斗滾 (西環)西環石塘咀山道54-66號適安大廈地下A號舖及1樓AB號舖

呢間餐廳有打邊爐式，一個價錢滿足晒4個願望，又有雞煲，又有海鮮，又有火鍋配料打邊爐，仲有手切靚牛肉食，小編最愛既牛肉。環境舒適，好抵食。我地叫左一份bb辣雞煲，先煮4次煮熟就可以食，雞肉嫩滑又入味，少少辣又得中辣大辣都有，自己選擇。之後海鮮拼盤按人頭計份量，有鮑魚，蟶子，蒜蓉蒸扇貝大大粒鮮味，石班塊等等，蒸完好鮮味。打邊爐配料叫左花膠冬瓜煲，湯底清甜，仲有生果切好晒，椰汁燕窩必食推介好好味椰汁味濃郁

人均300蚊任食任飲（好似係無限時，餐廳冇寫）黎講，簡直係無得輸第一輪：雞煲都入味，啲雞亦都滑第二輪：海鮮都普遍黎講新鮮既，係啲蝦有少少梅第三輪：個晚得返烏雞湯，飲得出有啲味精，但係ok好飲既😂 啲牛好食過平時放題啲肥牛 有牛味 第四輪：甜品有牛奶公司雪糕、雪米糍同椰汁雪燕雪米糍冇寫邊隻味打邊隻問，問店員都答唔出，變左係開盲盒咁，我食左阿華田（好食）同芝麻味。 椰汁雪燕幾正，其實可以當野飲係打邊爐個陣飲🤣呢間野都幾好坐，仲有啤酒任飲，下次飯聚都會再黎

店舖上下兩層、地方寬敞，裝修帶啲中式時尚感，無限時唔會趕人，朋友聚會、家人慶祝正啱。每人$268-$298就可以包晒所有嘢，食物水準穩定，網民成日俾8.5/10分，性價比喺香港同類型餐廳屬TOP級☺️ #mochicouple_hk西環打卡團⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 任食火鍋$268(星期一至四)1️⃣一坐低，第一式係「招牌大亂斗雞煲」🐓雞煲有五種辣度選擇✋🏻走辣、BB、小、中、大辣，任你點，你唔食辣都啱😇每兩分鐘聲要快炒一次😍總共四回，雞肉好嫩滑，皮脆肉滑😗撈埋大量洋蔥、豆卜、蒜頭吸盡醬汁精華😝辣味惹味香濃🤓唔止香港style，仲比傳統雞煲感覺再上一層樓😊唔夠食隨時叫staff再添加，絕對夠大方！😇2️⃣ 第二式係「海鮮盛宴」。每圍會配一大盤海鮮😎包括新鮮鮑魚、花蜆、龍躉片、蟶子、扇貝、海蝦，蒜茸粉絲鋪底😊全部每日新鮮運到😚食落超爽甜彈牙，鮮味滿分🤓拼盤底下鋪埋讚岐烏冬，吸晒所有海鮮精華😗最後一齊撈落口真係無得頂😍個海鮮盤IG打卡一流🫣3️⃣食完雞煲同海鮮，下一round上場嘅係滋補「養生燉湯」。可揀滋補燉湯、牛腩或花膠雞湯打底，moch

終於食到期待咗好耐嘅斗滾，呢度最岀名就係斗滾四式，有齊雞煲、蒸海鮮、打邊爐，滿足哂唔同願望，聚餐一流！第1式 ＜招牌大亂斗＞任食雞煲，提供五種辣度唔係太食得辣，叫咗BB辣，雞煲每次抄完要等2分鐘，總共分四次炒～每一次開蓋都香氣滿滿，雞煲好有鑊氣，而且超級惹味😍每一舊雞都好嫩滑，份量好足夠，唔夠雞仲可以加🤣第2 式 ＜海鮮盛宴＞食完雞煲後，就可以開始食蒸海鮮！蒸海鮮有蟶子、扇貝、沙白、鮑魚、蝦、萵筍、粟米同烏冬😍誠意滿滿嘅蒸海鮮👍🏻而且材料新鮮，蟶子扇貝好彈牙鮮甜🥰烏冬又好大浸蒜味，又吸晒海鮮啲鮮味，好好食😋第3 式 ＜養生燉湯＞湯底我哋揀咗椰皇雞湯🥥先飲湯後打邊爐，湯底非常鮮甜☺️飲得出落咗好多椰水🤣真係要飲返幾碗先開始打邊爐😍第4式 ＜手切牛頸脊>最後就係任食打邊爐，其中一樣最重點嘅就係手切牛頸脊，佢啲雪花好靚，同埋牛味好重😍入口嫩滑，一啲都唔韌👍🏻另外幾款丸類、水魷魚都十分出色🥰當中嘅火鍋配料超過30款，仲有糖水椰汁雪燕同生果，15款以上非酒精飲品任飲👍🏻成餐都好滿足，而且價錢合理☺️值得一試！

係斗滾好耐之前新開果陣食過，今個weekend又再食，真係又豐富又好味，人均大概$300就可以任食雞煲、計人數即蒸海鮮 、飲補身燉湯、打邊爐任食手切牛頸脊，仲有水果甜品任食，唔怪得都未7點鐘鋪頭上下兩層都差唔多full曬，想食記得book定位🥰✨第一式食雞煲任食雞煲先，有5種辣度，走辣、BB辣、小辣、中辣、大辣，每兩分鐘就揭蓋炒炒，炒4次就食得啦，雞肉好嫩滑，調味都好惹味，如果唔係後面仲有好多野食，想encore🤪✨第二式海鮮盛宴🦐🐟超豐富海鮮拼盤，如果同一幫朋友一起來食，碟海鮮一定好震撼😚海鮮份量根據人數，有海鮮有鮑魚、蟶子、扇貝、海蝦、花蜆、龍躉、讚岐烏冬，用蒜調味🤤✨第三式滋補養生湯🥣準備開始打邊爐之前揀個湯底先，有3種簡單湯底，都有滋補燉湯 （+38），我地揀左鮮茄薯仔花甲湯，清甜開胃，見到好多人都叫左滋補燉湯，有5款揀，下次都想試下😜✨第四式打邊爐🍲飲完湯就打邊爐，最正可以任食手切牛頸脊，牛味重，口感軟嫩，一定encore😋自助區都有30款以上火鍋配料任食，15款以上啤酒罐裝飲品。最後食埋甜品同水果，有椰汁雪燕，雪糕、雪米糍，椰汁雪燕真係好正呀！而家都仲想encore，一定會

好耐冇食放題喇🦥耐唔耐都要放肆下獎勵下自己🤭朋友們都推薦我食斗滾🍲話一次可以滿足幾個願望🥰佢地有四步曲🤣我食完第一步已經好飽🥲第一式 - 雞煲雞煲需要自己炒四次，每次兩分鐘⏳好快就有得食😍豆卜、紫洋蔥非常入味🫡雞嘅份量都有一隻咁多😲第二式 - 海鮮拼盤海鮮包括蟶子、鮑魚、扇貝、鮮蝦 、蜆❤️‍🔥呢個價錢嚟計性價比極高🔝中間仲有蒜蓉烏冬🤣第三式 - 招牌竹絲雞湯清甜潤肺👍🏻滋補養顏🧏🏻‍♀️飲咗三碗👍🏻入面真係有隻烏雞🖤雞肉都好嫩😋第四式 - 打邊爐黑毛豬、牛頸脊都非常新鮮👏🏻肉味爆棚👍🏻雪櫃入面亦有好多蔬菜選擇🥬金錢肚、魷魚都有🦑啱晒做gym嘅朋友💪🏻

朋友佛心推介最近佢食過嘅一間好抵食嘅火鍋店，先食雞煲🤩蒸海鮮接力🤩最後揀埋靚湯底打邊爐🥳我同男朋友2人揀左中辣雞煲，雞件好惹味，配料有豆卜同秀珍菇，吸收哂雞煲香味，正食完雞如果唔夠可以再加雞食夠先再食海鮮😍雞控真係不要錯過。海鮮盤已經蒸熟左，一大盤全部食落都好新鮮彈牙💯邊爐湯底揀左冬瓜花膠瑤柱清湯，飲落幾鮮喎！而邊爐配料都好多選擇，必食手切牛頸脊同豚肉，真心高質，塊塊都厚切架打完邊爐再整返碗椰汁雪燕真係透心涼🩷

斗滾是一間主打雞煲與火鍋吃到飽的餐廳，提供四式放題套餐，包含雞煲、海鮮拼盤、養生燉湯火鍋，以及手切牛頸脊和黑豚肉，且不限用餐時間，性價比高，適合與親友聚餐。任飲任食的火鍋配料、汽水啤酒、糖水椰汁雪燕、新鮮生果分門別類整齊地擺放雪櫃內。第一式係大亂斗雞煲任食雞煲，五種辣道選擇，雞肉嫩滑多汁夠濃味。第二式係海鮮盛宴，蒜茸粉絲蒸煮的鮮美海鮮，包括鮑魚、花蜆、扇貝、龍躉、海蝦和讚岐烏冬，味道鮮味十足，份量以人頭計一次性，亦可加錢追加海鮮。第三式係滋補燉湯，有多款選擇，揀咗鷓鴣燉湯，味道溫和不油膩，有著天然的清甜與藥材香，肉質鮮嫩，十分適合在體虛或乾咳時飲用，滋補養生又容易入口。第四式係食火鍋，任食肉類要請店員落單。手切牛頸脊具有肉味香濃、油脂豐富、口感嫩滑且帶彈性。和牛肉質細膩柔嫩，脂肪均勻融化帶來濃郁且順滑的口感。黑毛豬口感細膩、肉味濃郁。雪櫃內全部火鍋配料都係自取任食，多款式又新鮮。最後就係食甜品，椰汁雪燕好香甜，仲有雪糕、雪米糍和生果。

位於大學站一出就到的火鍋專門店，可以任食雞煲、即蒸海鮮 、飲補身燉湯、仲可以任食手切牛頸脊，人均$300性價比超高😎每日首20枱訂位仲可以無！限！時！食幾耐都得🤭🔥斗滾四式第一式，首先黎個任食雞煲熱熱身，可以根據你的喜好揀辣度。本身隻雞係生既，每煮2分鐘就要開蓋炒一炒避免黐底，炒完之後就食得㗎啦！雞肉果然好嫩滑，超級惹味，可以無限encore‼️第二式，我最期待的海鮮盛宴，海鮮份量根據人頭，兩個人份量都甘大碟，如果有6人以上一定好震撼😂海鮮有鮑魚、蟶子、扇貝、海蝦、花蜆、龍躉和讚岐烏冬。全部海鮮都好鮮甜，特別鍾意佢嘅蒜味十足，真係回味無窮！第三式，食完雞煲同埋海鮮，就揀個養生燉湯飲，基本湯底有三款，另外滋補養生湯有成九款比你揀，我就揀咗淮山鷓鴣湯，健脾潤肺超級清甜！第四式，最後到火鍋時間啦！任食手切牛頸脊和黑豚肉，手切牛牛味濃郁，自助區仲有30款以上火鍋配料任你食！飲品自助區有15款以上罐裝飲品，啤酒汽水任飲！甜品有椰汁雪燕，食落解膩透心涼！水果去晒皮好貼心！仲有雪糕雪米糍飲食，大滿足啊🥰

><原來鋪頭有上下兩層早訂位就有機會無限時任食Round 1: 🥘食雞煲計時每隔2分鐘快炒 總共4次雞肉緊實嫩滑 小辣惹味Round 2: 🦐海鮮拼盤鮑魚/蟶子/扇貝/蝦/花蜆/龍躉with烏冬按人頭份量配給 仲有蒜蓉粉絲底食到呢到已經飽飽地😆Round 3: ♨️先飲燉湯再打邊爐黑蒜鹿茸菌燉乳鴿(+38）湯頭清澈 材料很滋潤 入口菌味醇厚得很 淥牛頸脊跟豚肉時 吸收咗湯味Round 4: 🍡甜品椰汁雪燕唔甜順滑仲有雪米糍 雪糕杯><><><><><><><><><><斗滾西環石塘咀山道54-66號適安大廈地下A號舖及1樓AB號舖

朋友介紹去咗西環，可以食雞煲，又可以打邊爐，又可以飲中式靚湯嘅地方，而且性價比都好高，一個價錢就已經包晒所有嘢，而且食物嘅質素呢都相當高，而且多選擇，同出面平時雞煲火鍋放題呢都好唔同嘅一個價錢，就已經包咗任食雞煲，蒸海鮮，中式老火湯火鍋湯底，仲有任食手切牛頸脊，最後仲有火鍋配料+汽水茶啤酒任飲，估唔到放題都可以飲到日本啤酒，仲要係Sapporo +Asahi,甜品方面就有雪糯米池+ 是時令生果，最有驚喜呢就可以食到椰汁雪燕，小編唔經唔覺都食咗三碗😛雞煲仲有五種難度可以選擇，首先客人要炒2分鐘，要炒四次， total 8分鐘，咁就好足料啦可以食得，裏面有較多洋蔥蒜頭豆卜，吸收曬雞煲所有精華，相當惹味食完之後呢就會有蒸海鮮拼盤，當中包括有鮑魚，蟶子，扇貝，龍躉，海蝦，花蜆，讚岐烏冬放底，吸收晒喉先嘅精華#hkfoodie #hkfoodstagram #hkfoodieblogger #hkfoodshare 之後就可以揀一個滋補嘅火鍋湯底，如果兩個人去食嘅朋友呢，另外再加多$38 ，就可以享用更足料嘅老火湯底，可以飲咗老火湯，再用湯底慢慢打邊爐，兩件事呢就會好正，最後呢就會仲可以叫到手切