文輝墨魚丸大王

營業中

休息中

聽到同事嘅強烈推薦，特登放工之後來試下，同事又話好想再食就一齊來咗文輝墨魚丸大王度。雖然我未去過潮汕，但係我爺話我地祖籍就係潮汕嘅，所以我對呢間話係正宗潮汕風味嘅墨魚丸幾有興趣下。紫菜八寶河，好大一碗，見到就覺得抵食吖！墨魚丸同魚蛋都好大隻，比匙羹仲大隻。紫菜好鮮，好有海味好鐘意吖。墨魚丸同魚蛋簡直係出乎我意料嘅好食！好鮮好鮮，好彈牙好彈牙！真係未食完就翻尋味吖！那個什麼雲吞，皮比較厚，一般。魚板幾好食。河粉好滑溜，又唔會一夾就斷，我倒咗dd紅醋落d粉度，唔知係乜錯覺，覺得更加好味！同事嘅雙丸河，魚蛋墨魚丸各兩隻，湯有清甜，睇來以後要多D來食先至夠本吖！

一開始覺得好笑，竟然叫大王，妳係有幾自信，不過試過先發覺，人地真係有自信嘅本錢！紫菜八寶湯，滿滿一大碗，注意，係真係一、大、碗！單純呢一碗就可以食飽喇！76蚊一碗，記得裡邊有紫菜，墨魚仔，墨魚丸，魚蛋，魚皮角，魚豆腐等、滿滿當當一大碗，望落就好有食慾，湯好清湯，味道比較清淡，墨魚丸真係吓咗我一跳，竟然真係好係介紹嘅咁樣，Q彈有彈性，大大嘅一粒，越嚼越彈牙脆口，唔知當初星爺嘅瀨尿牛肉丸係唔係就係咁彈牙個咧四寶粉，同樣係墨魚丸魚蛋魚豆腐，魚蛋同墨魚丸一樣嘅正，粉係河粉，要趁熱食，如果唔係就會好似我咁，卑D粉浸到浸曬喇！再再來食過嘅！

說到銅鑼灣平民麵食一定少不了文輝墨魚丸大王價錢相當親民 食物也很有水準😏所以除了附近街坊和上班族幫襯之外仲吸引了不了旅客到訪🤓黎到專賣墨魚丸的文輝當然要叫返碗紫菜雙墨河啦😆紫菜雙墨河🐙🐙（$40）其實唔講唔知🙊✌🏻雙墨係代表墨魚丸 和 墨魚頭不足幾分鐘就已經上桌了首先 要嘗嘗湯頭的原味😌它們的湯頭是用豬骨及鮮雞熬製另外加了香氣十足的紫菜 令到湯頭更有層次十分鮮味清甜😋另外 桌上也提供不少調味料供食客自行配搭個人口味可以依照自己個人喜好添加紅醋、辣椒、胡椒跟八角粉等調味料提味值得一提的是 店舖的辣椒油也辣得相當惹味😍😍😍愛辣的人必試😜河粉是由店舖每天新鮮自家製的「大碌竹撻粉」其特別之處就是落湯後仍然保持彈性😳😳😳口感非常嫩滑😙😙😙而且吸盡了所有湯汁的味道☺️相當好吃👍🏻最重要的當然少不了文輝自家製墨魚丸啦聽說店舖的墨魚丸 除了墨魚肉之外還加了少許豬肉混製而成😯😯😯墨魚肉與豬肉的比例拿捏的剛剛好所以造出來墨魚丸十分彈牙又有咬勁吃起來也很新鮮 不像是加了化學添加物或過多麵粉的「粉」口感🤗🤗🤗另外 墨魚頭也很新鮮爽脆份量一碗有五、六粒 每粒大小也相當有份量 有一隻手指的長☝🏻️喜歡吃墨魚的朋友一定

行街行攰咗，就隨便入咗間餐廳食野休息下，呢度周圍都係茶餐廳、魚蛋粉。之前都聽講過呢間，魚丸、墨魚仔都整得幾好，點咗招牌嘅紫菜四寶粉，紫菜三鮮粉同炸春卷。味道都幾好。四寶粉入面有墨魚丸、牛肉丸、魚皮角同魚腐。粉就系比較闊嘅河粉，口感ok..墨魚丸好彈牙，墨魚仔份量比較足，而且都新鮮~~兩碗粉都係40蚊。春卷16蚊就有6條啦，性價比唔錯，不過無醬，有啲乾身。豆漿8蚊一杯。應該系拿粉沖嘅，味道麻麻。

文輝墨丸，相信對好多人都唔會陌生！喺正SOGO對面馬路左邊小巷，開到凌晨。嚟過幾次食墨魚丸都覺得真心正！今次又係宵夜時間過嚟，都有十個八個客人，個個都係食緊同一樣嘅嘢：墨魚丸。由於唔係太肚餓，兩個人Order咗一碗紫菜墨三鮮河粉同一個淨墨丸，原來墨三鮮堅正！除左平時食開嘅墨丸，仲有D細細隻墨魚仔，同非常之粗壯嘅墨魚鬚！同樣係極之鮮甜同彈牙。而且呢度D紫菜都OK，配落清湯突顯到紫菜嘅香味！呢個笑臉係值得俾嘅！

銅鑼灣 同幾年前相比 變化大左好多多左個大型商場 主要街道既餐廳店舖都換完又換好多老字號都因為巿場需求而被迫走上倒閉食開又或者食過既都有機會忽然消失大家又記唔記得呢個大燈箱呢??文輝 係我學生時代成日經過既粉麵舖回憶就唔算特別多 但係我眼中佢係呢到既地標之一大大個燈箱 性價比高既食物質素 作為一個學生哥 節衣縮食係基本要求呢區可以食到呢個價既真係越黎越少價就一定有加無減 但眼見現在都仲可以維持到可以接受水平算唔錯即時而家出左黎社會做野 但其實可以洗既錢反而仲少 因為仲有更多洗錢既途徑同用既地方黎到呢到一定係點我最可常食既 紫菜墨丸河我仲記得好多年前仲係32蚊 到而家經過多少年都只係40蚊喂! 銅纙灣喎 食碗普通魚蛋粉都講緊咁上下價錢但可以食到彈牙 咬落仲有粒粒墨焏既 真係邊到搵先??簡簡單單 紫菜 乾淨通透 每一條都分得清清楚楚 份量都唔少呀 爽口新鮮之餘 又唔會有海草鯹味墨丸係呢到招牌 彈牙不在話下 每咬一啖都有墨魚肉 非常足料而且墨魚味重 粒丸個SIZE你見啦 真係迫爆隻匙羮架!!河粉佢用左比較幼身既 滑又簿 入口好有綿綿既感覺加少少浙醋調一調味已經好好食 多得有呢類舖頭 香港打工

午飯時間 在隔壁拿完coupon附近找家粉麵餐廳喇喇林吃午飯 基本上甚麼傳統的粉麵都有 價錢不屬於貴卻不屬於便宜 但在銅鑼灣嘛 沒辦法啦點了雲吞貢丸粗麵 雲吞 - 蝦還有蝦腸...雲吞皮很大 餡卻很少 絞肉等其他材料根本看不見 超級市場買到的雲吞更好吃貢丸 - 好粉 極少冬菇粗麵 - 唯一值得讚的是粗麵 既沒有鹼水味也很彈牙 環境方便 - 始終是茶餐廳 逼逼撞撞在所難免看到附近的食客都在點墨魚丸做主打的粉麵 吃得津津有味 應該是我點錯食物吧

之前來過一次，果次就唔使等位，不過今次就等咗五六分鐘，不過個個都係呢時候返工喇，食早餐肯定都係逼埋一齊喇，最後同個阿伯孖臺，我嘅紫菜八寶湯，我細妹嘅紫菜墨魚丸粉，兩樣都幾大份下，望住就有一種好飽嘅感覺。不過食果陣好唔舒服，因為個位太窄喇，成日都會碰到隔壁嘅人，不過好彩八寶湯嘅好味道安慰番我，湯好清甜，一D味精味都無，我最鐘意就係食麵果時飲D麵湯，不過有時飲完渴到要死，因為太多味精喇，呢個就唔會有呢D事發生。紫菜好好食，墨魚蛋好正！爽口彈牙，一D都唔覺得有乜麵粉，全部都係墨魚嘅味，其它幾樣嘢就一般喇，推薦紫菜墨魚丸。

心情唔好，一個人去逛街，但係又買唔到野。So down, 系銅鑼灣行都好累，最後搵野食。系崇光同時代條巷仔，唔使排隊。循例一個人都系搭檯。點咗招牌紫菜墨鱼丸粉（$38），落ORDER完全唔需要寫單，直接叫去廚房，然後超快上。好有效率。個粉，D粉就有D霖了，不過D墨魚丸就真系值得推薦。好彈牙，有6粒，算多吧。紫菜加入湯，湯底好鮮，好似海鮮湯。炸魚皮，好脆，好好味，我放左落碗面度，我覺得加去D湯度，有D嚼頭，又系唔一樣風味。好似吃粥加油炸鬼一樣。都系唔同口味，各有所愛。叫多個芥蘭，就系甘，唔乜味，我都系中意食有鍋氣嘅炒芥蘭，有D肉炒我會更鐘意。

銅鑼灣逛街，然之後就到咗肚餓嘅時候，系一條巷仔度發現咗文輝墨魚丸大王，一依入去試下味喇。佢地嘅招牌大大概都系墨魚丸吧，所以保守啲點咗墨魚丸粉，墨魚丸其實好多人點，等咗一陣先可以上臺，第一啖覺得粉好似味道唔夠咁，本想加翻小小，但系見人多就算喇，食咗幾啖之後，慢慢發覺其實味道系岩岩好嘅，粉可能放嘅時間太耐喇，所以稍微有小小軟，無咗本身嘅彈牙成分咯。墨魚丸嘅話其實味道都好正宗嘅，彈牙得來又特別爽口，一口氣連續食咗幾粒落肚。有咗幾分飽意之後就飲咗下湯底喇，味道就正正常常，無咩出彩，不過一碗粉價錢就唔會貴到邊，墨魚丸真系正！

今晚同朋友去銅鑼灣果邊買野，跟住睇電影，睇完覺得有D肚餓，就去附近揾野食啦，因為一時淋唔起附近有咩好食嘅，行下行下經過文輝墨魚丸，我就話不如就食呢個啦，味道都可以，不過價錢都算有D小貴，今晚可能比較夜，無人排隊，平時一般都要排隊。點左個紫菜八寶湯，朋友話呢個湯都算貴，不過因為佢未嚟過，所以想佢一次試曬幾種口味，墨魚丸同牛肉肉幾種丸子都好爽口彈牙，墨魚丸唔系一般果D咁，粉多過魚肉，佢呢度真材實料，可以食得出墨魚肉，建議同朋友一齊嚟嘅點呢個，湯都好鮮甜。鹵水雞變，樣就一般，不過味道都OK，雞變腌得好入味，但又唔系好咸，不過唔算話特色菜。燒賣比起其他店就都算特別啦，因為餡都系用墨魚肉做，口感幾特別，都幾好味，唔錯。

今日外出辦事，搞掂準備返公司嘅時候，經過一條巷仔見到有人系一間店仔排隊，都幾多人，剛好有D肚餓，就過去睇睇賣咩食嘅，原嚟系文輝墨魚丸大王，咁多人排隊食應該出品唔錯啦，就排隊試下好唔好食。既然系墨魚丸系特色，甘我就點左個墨魚丸清湯，一碗有六粒墨魚丸，分量感覺有D少，不過咬左第一啖魚丸就覺得這個算系抵食喇，唔系出邊果D咁淀粉多過魚肉，呢個可以食得出墨魚分量比例幾大，又做得好彈牙，絕對系良心作品啊，跟住再試下個湯底，好清甜，做得比較用心，下次要朋友仔過嚟試下。墨魚丸燒賣，無墨魚丸甘彈牙，但餡料都系以魚肉為主要，調味剛剛好，食落好香，可以值得一試。潮州粉果，皮整得好彈牙，餡料味道又好，都幾好食。

吖b話要帶我去食下小丸子做早餐喔，我問佢早餐食墨魚丸唔會好奇怪咩？佢話，去到你就知道啦。 一去到鋪頭，梗係叫翻碗招牌墨魚丸食下先啦，先飲啖湯先，湯底好鮮甜，而且有淡淡噶海鮮味，再咬一啖墨魚丸，好彈牙，而且係新鮮噶 呢度啲乾蒸燒賣同茶樓噶有啲唔同，平時係茶樓食噶系一籠籠噶，不過佢呢度噶系一碟碟嘎，不過味道就同茶樓差唔多，幾清淡。 再嚟翻碟菜心先，碟菜心色澤好靚，綠油油咁，而且大部分係菜頭，哈哈哈我鍾意吖，平時食菜我都係食菜頭多過菜葉噶 最後係咖哩牛腩撈麵，牛腩好多，腩汁撈麵好正

今日5點就食咗晚飯，12點幾喇，呢個鐘數系度發餓瘟，轉黎轉去訓唔著，我屋企呢個的確只系一個冰箱，完全穩唔到嘢食既 ，所以我決定出去穩食！！好彩屋企附近有間我最愛既文輝，文輝我想你了 只有你，三更半夜也能照亮我的心，填飽我的胃，嘻嘻····夜媽媽就係好，可以自己霸曬一張臺，平時邊有得甘任性啊，點翻個例牌：紫菜墨魚丸粉，黎哩度既10個有9個都會點呢個，雖然呢個粉賣相麻麻，但係我哋文輝係講內涵既，沒有太多既調味料，就淡淡既上湯，墨魚丸係我既最愛，大大粒，彈牙、扎實、新鮮，唔似得出面既加好多粉，毫無口感。而且聽講哩道既墨魚丸係加咗小小豬肉混制而成既，怪唔得我特別鐘意喇。粉就普通咗D，個人口味比較清淡，所以覺得味道還可以。如果話墨魚丸係我既最愛，炸魚皮就係我既最最愛喇，你話夜媽媽去邊度可以食到咁脆既炸魚皮啊，無論係直接食定放落去湯粉度浸住食，果種香、果種脆都係無得彈的····Yummy差唔多快食完既時候，細佬就打電話叫我打包，好吧，滿足滿足你，終於食飽飽可以訓翻個好覺喇

來到渣甸街文輝墨魚大王的總店，一時間很懷念多年沒吃過的墨丸河。反正要找地方午飯，吃個湯河也好。四寶紫菜河$38，每日新鮮製作的大碌竹撻粉，雖經久煮後滑得來還保持彈性，同時也盡吸以豬骨及鮮雞熬製的上湯精華。墨魚丸真相當的好吃，以獨家的作法，將墨魚與少許豬肉混製而成。魚蛋和貢丸雖及不上墨魚丸，卻也是彈牙扎實。紫菜香氣十足，提味不少。全碗最削的要數魚皮餃，皮厚而餡無味，質感溶溶的，給人的感覺是煮過了頭。點了一碟炸魚皮$18，精彩之處是不論乾吃還是泡在湯裡吃兩皆相宜: 乾吃脆而不硬、而泡入湯裡的效果就似把響鈴放入火鍋湯裡一樣，趁著還脆時和湯一起吃，滋味程度爆燈！又便宜又好吃的墨丸河記憶回來了。