文記車仔麵

營業中

休息中

夜晚12點食燒夜 態度極差餃子黎到 紅色生豬肉 拎走入廚房同我地講熟喎跟住食佢翻炸既餃子竟然再食到唔熟再拎比個老闆老闆娘睇佢竟然答我 唔食攞翻黎我唔係唔食 我係食唔落講到好似唔熟係我問題咁自問食野不嬲唔投訴但食到垃圾今之真係要出聲唔想比呢d鋪頭害人仲有其他中肯差評 自己參考絕對真人真事 並非惡意中傷以後唔會食 希望你食唔死人 裁員滾滾來唔寫好你間Black店對唔住自己係咁樣個經濟情況 用咁既態度面對食客完全係唔休做咁 犀利犀利希望你裁員滾滾來抄名垃圾店 人地文記你又學

去開土瓜灣幫囡囡報學校，求其喺附近搵個早餐食，見到文記車仔麵，個招牌字體同深水埗好出名嗰間差不多，就以為係同一間，就入去試吓。點知原來同深水埗嗰間冇關係，大家一定要認清楚，千祈唔好好似我咁中伏。朝頭早9:30冇車仔麵，只有茶餐廳式早餐。我叫咗雪菜肉絲米份配太陽蛋。一份咁平凡嘅早餐都可以整得好難食，真係唔簡單。個米粉勁林，湯底完全冇味；嗰份麵包睇見都唔開胃。凍檸茶冇茶味，叫咗少甜但係都係偏甜。仲有就係幫我落單嗰位姐姐態度麻麻，落單落慢啲都俾面色你睇。

文記車仔麵係土瓜灣其實有2間相連既鋪1間車仔麵，1間食魚湯米線/飯今次食既就係魚湯米線個間喇🥢🍜鮮魚腩蘿蔔魚湯飯/中辣🍜($45)原先以為係泡飯，點知白飯另上但份量相當多基本上淨食餸都夠我半飽🤰🏻魚湯唔錯，雖然魚味唔算濃但食得出冇落太多味精魚腩多肉唔腥，但有唔少骨🦴$45唔包飲品，但都算抵食.ps 鋪頭係文記車仔麵隔離，綠色招牌

在土瓜灣隨心入了一間叫「文記」的車仔麵，開始時以為是深水埗名物文記車仔麵的分店。吃到之後發覺，深水埗的文記的一哥地位是難以復製和取代的。叫了一碗簡樸的墨魚丸生菜米，一咬下墨丸 ~ 太淋了，實在不合格。湯底味道亦頗淡，但作為簡簡單單的一餐，實在沒甚要求了。

與深水埗出名的車仔麵同名，問員工的答案曖昧，說有關係便收咀了，所以是否分店就不得而知。入得去吃，就獨立用味覺來判斷是好是差吧！基礎是一麵兩餸$29，除非一些貴價餸，大致上每加一餸是$7。四餸麵，選墨魚丸、牛腩、西洋菜、蘿白配牛腩汁米粉。每樣餸和米粉的份量都算幾多。墨魚丸：無乜墨魚味，好粉。牛腩：數量唔少，但每舊牛腩肉很少，似牛筋多啲，煑得軟淋入味的。西洋菜：很多菜且清甜，好吃。蘿白：冬天蘿白一般都甜很多，無筋，簡單的炆淋巳很好吃。配牛腩汁：湯底中牛腩汁味很淡，像普通湯底味米粉：軟熟爽，無用平價貨的。

麵湯鹹到爆，是不是鹽不需要給錢啊！！！麵裡一點菜都冇，給點菜會倒閉嗎？！？吃麵中間，竟然從冷氣機里飄出一片塵落到碗裡，多久沒洗冷氣機了！？！落雨天，突然來了15-16個學生仔，夥計就亂成一團。座位擠到爆！銀都冇人收！！！等很久，都想不給錢走！車仔麵材料都是現成的，就煮個麵就亂成這樣？！？夥計不夠請多幾個啦！照顧不到這麼多學生仔，就不要有學生優惠啦！亂七八糟！還能不能開店啊！不行趕緊關店！肚和牛腩味道OK，但味道被鹹湯壓的厲害，整碗麵最主要的味道就是鹹。麵煮的硬，明顯沒用心！而且價又不平！

土瓜灣有好多好野食，但係做車仔麵既店就唔多，依間車仔麵店都幾新，乾乾淨淨。食物種類唔算多，而且餸既味道唔算太入味，但係每一樣餸都有一定份量，男仔食完都唔會唔夠飽。

昨天下午到文記車仔麵食野，點了牛丸、青椒和菜米粉。因為我坐近出食物既位置，見到個阿姐將對手放上地下一桶水濕濕對手後，就去攞匙羹，放落碗麵到，心諗嗰桶咩鬼野水黎架？😱極度希望嗰碗野唔你係我，好可惜⋯⋯冇辦法唯有希望冇事啦！但很不幸，我真係肚痾，仲環係去到書展人山人海要排厠所，真係觸得文記唔少！中途仲發現佢因爲唔夠樓面，啲客唯有自己去攞飲管同餐具，啲人究竟有冇洗手？可能搭完車買完餸對手充滿細菌就去攞野，極大可能傳播細菌🤦‍♀️所有野看在眼內加上痾左我四次，我一定唔會再幫襯😡

細個都同啊媽食過，好好味！今日返黎食，D味冇變過，都係咁好食。 👌🏻👍🏻唔使等好耐，好足料 ，一級棒！🤩🤩🤩🤩🤩誠意推介，大家快D帶Friend黎食啦！

店舖名稱寫住文記車仔麵,咁suppose係賣車仔麵呢樣野,但點解10:45去買諗住番工前食,結果去到d姐姐話而家得早餐!話車仔麵要11:00後先有...咁如果唔係一開舖有車仔麵賣,舖頭名稱是否仍可以用’車仔麵’作為主題!?既然用得車仔麵做店舖名稱但部分時間賣既並唔係車仔麵,咁可否引用商品說明條例作出投訴!?!?!?!?如果每間商店都可以用呢個方法黎做生意,消費者又豈不是被騙!!??希望店主可以作出改善