文記車仔麵

營業中

休息中

這天晚上去到10時多才有時間吃晚餐，所以就去了這間24小時營業的車仔麵店吃晚餐～這間車仔麵真的是附近居民的恩物，除了提供車仔麵食之外，還有港式的小食提供，就算晚一點想填飽肚子或是吃小食過過口癮都沒有難度啊！入座後看了看牆上的牌子寫着營業40載，原來這間店舖歷史十分悠久了！單單是麵也有九種可以挑選，幼麵、粗麵、油麵、米粉、米線、即食麵、河粉，或者加$4轉做出前一丁/烏冬。朋友要了黃色的油麵，而我就點了米線。食物配料方面，選擇更多，多達50種，所以和朋友各點了三個餸可以大家交換吃，可以嚐到更多不同的配料。我們吃着麵的時候才發覺忘記了要圈醬汁，所以應該是默認清湯了，相信如果有圈到醬汁的話會更加好吃呢！～豬腸🥢必點🥢沒有臭味，很香口。·～牛筋軟腍得來有咬口。·～炸魚肉豆腐🥢必點🥢大塊皮脆身，釀了魚肉，吃起來很香口。·～牛腩帶有頗多的脂肪，油脂味豐富。·～滷水雞翼不單是有雞翼，還有雞鎚，如果滷水味可以重一點和煮得更軟腍會更加好吃。·～魚肉釀尖椒帶辣味的尖椒釀上魚肉，有街頭小食的風味。🥤飲品點了凍西洋菜蜜和凍杏霜。另外點了一個小食，兩溝碗仔翅加魚肉，魚肉數量不少，有木耳、冬菇、粉絲等，整餐都充滿港

今日同朋友經過土瓜灣去食車仔麵車仔麵靈魂當然就係湯底🍜,而令人食過返尋味嘅車仔麵,重點一定係佢嘅秘製醬汁,呢度有牛腩,咖哩,辣汁,麻辣汁,為湯底額外添上風味,猶如畫龍點睛🤩而配料方面多達50多款,每次食都有唔同新鮮感👍🏻仲有套餐三餸只係$45🙌🏻最愛鳳爪味道濃郁入味,口感軟糯,骨頭易於咀嚼😍。另外牛根感覺咀巴被黏住嘅感覺😚而鹵水雞翼的味道是濃郁,香料氣息豐富,且帶有軟嫩口感的美味。

今日落大雨，所以近近哋喺附近食咗個午餐，最後揀咗文記車仔麵。車仔麵嚟講佢嘅餸都有唔少選擇，而我緊係揀，食車仔麵一定會揀嘅蘿蔔豬大腸，可惜呢度嘅車仔麵冇豬紅，但佢可以另外嗌韭菜豬紅，呢個係一個小食。我仲揀咗滷水蛋，魷魚蝦條。另外仲嗌咗個香脆炸豬扒。車仔麵嚟講都唔算好貴。咁一定要講吓佢個蘿蔔，個蘿蔔係清甜無根，仲煮到十分之林。而佢嘅豬大腸，係揀咗較肥嘅部位俾，呢個部位係我最鍾意食嘅。咁滷水蛋就ok嘅基本嘢啦。而蝦條佢係新鮮炸起仲熱辣辣嘅。最後佢個魷魚都十分之彈牙。整體嚟講係值得一試嘅。

📍      文記車仔麵🌍      香港土瓜灣譚公道47號地舖📝整體評分： 9／１０土瓜灣之友宵夜，區內少有既24小時營業，由細食到大嘅老牌麵店，夜媽媽肚餓唔係文記就M記。主打地道車仔麵同地傳統小食，價錢同食物樸實~✿ 兩／三餸車仔麵湯必加腩汁，麵碗滿載餸料，份量超值豬腸、炸餃子、炸豬扒係我平時食開同最愛。豬腸有相當厚度，彈牙無異味，肥美甘香。今次仲試左其他餸都唔錯，牛筋燉得軟腍，略帶Q彈膠質；豬手色澤睇落就平平無其卻非常入味。✿ 香脆炸豬扒 香脆炸豬扒以薄切豬肉裹粉炸製，外層金黃酥脆，內裡保持嫩滑，肉質不柴，調味以鹽和胡椒為主，簡單卻惹味。✿ 特色炸餃子餃子皮薄而脆，炸至金黃，外層香脆，內餡以韭菜和豬肉為主，韭菜香氣濃郁，豬肉鮮嫩多汁，餡料足。好耐無食過煎釀三寶就叫左份，茄子、豆腐、青椒勁大件，魚滑鮮甜，煎得香口，尤其青椒青翠多汁；豆腐嫩滑，浸係湯中仍保持質感～✿ 香脆炸雞中翼隻隻size都好巨大，皮脆多汁，香口惹味!!

咁啱過開土瓜灣，求其搵間嘢入去食！入到去叫咗碗咖喱魷魚冬菇油麵！講真未試過咁難食嘅冬菇，顏色異常地黑！口感仲奇怪，咬落去好軟，但係又好難咬開！我食咗半嚿都冇食！原本都諗住算，最多冇下次啫！點知佢最過分係，竟然唔接受電子支付！我明明見到大大個貼紙，貼喺門口，話會收電子支付，我先走入去食嘅！埋單嗰陣又話淨係收現金，仲要我大熱天時周圍搵銀行撳錢！真係好嬲！呢個年代都仲淨係收現金，仲又要講大話話收電子支付！呢樣嘢係最不能接受！總括嚟講，呢間嘢遲早比時代淘汰！

係外賣平台叫左文記車仔麵…叫完之後上OpenRice打算睇吓評論…就甘搵文記車仔麵旗下分店…發現搵唔到呢間嘢？係咪食咗假嘅文記車仔麵？🥹🥹🥹有冇人知道？而事實上味道的確有啲唔同，佢嘅湯底冇深水埗文記咁好食，不過啲餸好大份，$50三個餸嚟講都算幾抵，但係啲餸麻麻哋🙃酸齋勁硬…豬腸入面好多腸息肉…呢2個餸大跌眼鏡，其餘都OK😅香港 #食 #食譜 #食飯 #自己整 #食飯啦 #yum #yumyum #yummy #hk #hkfoodie #hkfood #foodie #foodiehk #foodporn #hk90s #想要更多真實食評搜尋ig黃怪獸覓食 #love #followback #instagramers #tweegram #photooftheday #20likes #amazing

收工好夜，來到土瓜灣食宵夜，唔想食串燒，於是乎來到文記。唔知呢間同深水埗文記係埋同一間，好似d味唔係好似。35蚊兩鎹 42蚊三鎹，價錢都還算平價。order佐雞亦，豬手同肥腸，都還可以，豬手通肥腸都煮得好lam，雞亦醃過再炸，唔知係埋個油無換，雞亦炸得好黑，味道唔錯但係都唔想食。有見到出品，好似唔係幾乾淨嚇，服務就完全無啦，不過食個車仔麵，要咩服務咧？整體來講，就係一般，肚餓無嘢撿的次選擇，填飽肚ok。

車仔麵是香港著名的小吃之一，如果您想要品嘗地道的香港美食，那麼這家車仔麵攤是一個不錯的選擇。首先，這家車仔麵攤的麵條非常有彈性和口感，配上濃郁的湯汁和各種不同的配料，味道十分美味。他們的湯汁熬煮的非常精心，用料新鮮，讓湯汁的味道非常濃郁，深受當地居民和遊客的喜愛。其次，這家車仔麵攤的服務也非常好。攤主非常友善和熱情，總是能夠將湯麵迅速送到客人面前。而且，他們的價格也非常實惠，非常受到當地居民和遊客的歡迎。最後，車仔麵攤的環境非常簡單和傳統。攤位通常都是放置在路邊或小巷子里，營造出一種傳統的香港小吃文化氛圍。雖然環境比較簡單，但是這正是車仔麵攤的特色之一，讓人感到非常親切和自在。總之，這家車仔麵攤是一個非常值得一試的地方。他們的麵條彈牙、湯汁濃郁、服務親切，讓您可以品嚐到地道的香港美食文化。如果您想要體驗地道的香港小吃文化，那麼我強烈推薦您前往這家車仔麵攤品嚐。

自己曾經都試食過，但真係好難食，湯係無味。衞生差。行過見後巷好污糟。但因為幫人買 無奈被迫再去。落完單見前面拎外賣個度有炸蒜，蔥，炸菜。所以同阿姐講要d。最後等到外賣出，個阿姐包好外賣先醒起未加配料，然後同我講左句"阻住晒" 😡 真係躁底左。要再講多句 車仔面界黎講呢間係唔好食

以為舊日食的車仔麵是文記，原來是倫記車仔麵。這間文記車仔麵都算差，湯底沒有特別，另外的加味的只有辣汁、咖喱汁、以及麻辣汁，車仔麵非常常見的沙嗲卻遍尋不獲。雖然油面份量夠多，可以說是比平日飽少少；豬腸的份量亦都不少，夠香，彈牙爽口；雲吞都有三粒，不過雲吞中間重疊的位置，外皮非常之厚身，因此覺得吃到滿口粉；雞翼尖亦都可能有五至六隻，味道正正常常，整個車仔麵的味道都是給它的麻辣醬汁蓋過了。配料非常隨便、求其，完全沒有太多啱揀的配料，例如豬腩肉、豬耳、牛舌等等好像都找不到。湯底沒特別，味道都是麻辣醬汁， $40 三個餸，唔算太貴，但亦都不太划算，沒有特別原因值得再來。

我唔知係人手不足定係訓練不足總知乜都要等但你見到店員無停過手就忍住唔出聲老細, 你要好好重新檢視全店運作啦！食物方面就不過不失, 價值一般, 算不上便宜, 但上菜速度就屬於十分, 皆因車仔麵係應該快等十分鐘先有得食係十分慢

今晚收工返到屋企附近，諗起一個人唔識食咩好，忽然想起附近有一間懷舊車仔麵，而當時以九點幾，便決定去買個返屋企食，這間位於譚公道之『文記車仔麵』，看門口其實已經曾經裝修過，所以比較整潔，店舖內外其實也因應疫情以張每張枱分隔開進步咗個地方就係採用環保單排，只需在這膠片上圈出餸菜然可以用後又可以循環價錢就見仁見智呢貴唔貴，但係我就唔明，點解我明明係叫（雞翼）佢就畀咗1隻雞槌同1雞尖我，真係唔明解有冇睇單㗎？可能係外賣問題，釀尖椒，尖椒夠辣味但係鯪魚肉就淋謝謝沒有口感，絕對不是受到湯底浸到林曬，雞槌及雞翼尖肯完全沒有雞味，雞脆咬落口更是韌的，雖然話雞翼尖啫，但係都唔好話完全冇肉啦服務員（冇禮貌）大排檔的都還比他們有禮

好耐無食車仔麵，今日好想試下，在土瓜灣見到這一間，就入去試下。這間有車仔麵套餐，兩餸33元，三餸40元，算平，飲品要另外加錢，冷熱飲品加7元，汽水加8元，特飲加11元。我叫了牛筋、韭菜、魚片頭米線，加红荳冰，好耐沒飲過，但味道不夠，好淡，有些失望。一個朋友叫了時菜、墨魚丸、咖哩魚蛋米線，加冰朱古力，朱古力味道也是比較淡。另一個叫了豬腸、牛腩、蘿蔔油麵，加可樂。車仔麵餸菜不夠入味，以價錢來計，可算是平價，要求不可以高，尚算可以。

晚上10點15分左右在熊貓下訂單自取，由預計22:27取餐一直等到22:45也沒有處理過，這段時間一直只處理Walk in嘅客戶，只說我的訂單做緊。。。做緊，直到要人家要發脾氣當場大罵，他們才去處理，去完成一碗車仔麵嘅訂單用不到2分鐘時間。因要取餐人士發脾氣才處理訂單，進食途中也擔心這間文記車仔麵店員在我麵內”加料”!他們根本是不重視在外賣app下單的客戶，還是以為自取那位人士是外送員去挑戰人家耐性，歧視及刁難人！

這是在土瓜灣的一間車仔麵$38有三個餸性價比很高，炸豆腐很立體一共有兩塊食得很飽，外脆內軟很好吃雞翼有雞髀及雞中翼，也很不錯配菜都住得很入味，與麵底融合得很好環境正正常常，晚上沒有什麼人可以獨霸一張枱