文博軒

營業中

休息中

今次🐻又係尼區食午餐，去左一間唔似有得食野既茶品專門店 😮 內裡裝修好古式古鄉，唔講以為自己去左N年前既客棧 🤣 午時黎到有🥟水餃麵餐，🐻就order左「菜心鮮肉水餃配雞湯蝦子闊麵」再要埋「凍烏龍茶」同埋加錢要左兩款自家製甜品「桂花糕」、「檸檬紅茶果凍」😌 推介/ 意見‼️✨ 「菜芯鮮肉水餃配雞湯蝦子闊麵」鮮肉水餃感覺好自家製，充滿鮮味，咸味剛剛好！除左蝦子闊麵，仲可以揀米線🍜 🐻就覺得蝦子麵多一份香味但無米線咁滑口，所以大家隨喜好揀啦😆✨ 「檸檬紅茶果凍」超級特別，聽個名覺得係檸茶味，但佢既紅茶味好重，仲加上酸酸又清新既檸檬味 🍋 簡直為成個午餐畫上完美句號🤤價錢‼️$55 「菜心鮮肉水餃配雞湯蝦子闊麵」*餐飲可任選4款熱茶包或者「凍烏龍茶」*$8 加配「桂花糕」或「檸檬紅茶果凍」

weekend 和朋友到這裡飲茶，朋友還以為飲茶是一盅兩件，有燒賣蝦餃的，幸好沒有令他失望。這裡沒有提供很多大眾點心，但有精緻糕點配靚茶。經店員細心介紹後，我們點了普洱老茶頭和文博春。旁邊有熱水隨時加水添茶。茶的味道雖然慢慢轉淡，我們泡了數壺亦有茶味。平日飲慣台式飲料或沖茶包的我倆，突然嚐到真正既茶味，有茶韻停留在口腔中。另外我們點了數份食品，全都是小品製作，薑湯芥蘭水餃麵外面少見，味道不錯。👍🏻

呢間餐廳比較隱蔽 所以少人認識女但係佢係對於茶好執着 而且個設計都好古色古香 一入到去會有人同你介紹佢哋嘅餐牌 同唔同嘅茶不過我哋最後都唔想散嗌 就叫咗個套餐 啲面就普普通通啦 套餐就唔係茶壺嘅係茶包嘅茶都好好飲 仲好香 佢會預備一壺滾水俾你加水 啲水凍咗又會幫你去加熱 好貼心服務好好 嗰度有好多小食都好出名比如紅棗糕 係每日限量既 我哋就叫咗個腐皮卷 都幾香口 不過就比較多油 整體感覺呢餐飯都好清淡而且食得好舒服 因為環境好寧靜 香港好少何有呢啲地方啦 而且睇得出呢間餐廳真係好想啲人去認識茶所以有時間不妨去下支持本土茶莊 果到仲有茶葉賣呀

每隔一段時間, 我就會同男朋友嚟到文博軒靜靜地品下茶🍵, 閒聊下, 消磨一下時間, 都算係一個幾舒服嘅情侶活動之一👫🏻🥰🥰我地每次都會叫佢嘅水餃麵lunch set🥟🍜, 佢有幾款唔同嘅水餃嘅, 而我地最中意食就係佢嘅津白鮮肉水餃同薑汁介蘭鮮肉水餃, 佢所有水餃麵都係配雞湯🐔, 麵條方面可以選擇蝦子闊條麵🦐或者米線🍜 我地每次都叫蝦子闊麵😊😊佢個set可以揀一款茶, 如果想額外加菜同甜品🍮就要加錢😊 (佢個麵本身都有菜嘅🥬) 至於甜品方面可以揀檸檬茶果凍🍋🍵🍮同桂花糕🌼🍮, 我地兩樣都會加🙈 仲會叫多個煎腐皮卷, 素雞同棗泥餅👍🏻👍🏻茶🍵:可以無限refill, 茶味唔錯, 如果唔想跟餐嘅茶都可以麵同茶分開叫, 唔叫set, 茶牌上有好多唔同品種嘅茶, 我亦試過幾款, 果d唔係用茶包, 係會用茶葉沖嘅, 好香, 好濃😊麵🍜:津白鮮肉水餃, 水餃好大隻結實, 豬肉鮮甜幾嫩而且幾足料, 蝦子麵麵質唔錯, 份量都ok薑汁介蘭鮮肉水餃, 有淡淡薑汁味, 介蘭有咬口, 加埋豬肉嘅甜, 好味😋 沾埋佢個潮州辣椒油🌶, 仲好味👍🏻素雞🐔:味道ok, 不過不失煎腐皮卷:煎得十分香口, 小小焦脆, 唔會

中式裝潢透著文雅，文藝的氣息讓人感到時光在慢下來。坐在寧靜的環境裏，用饍成了一種享受而非只為糊口。食物質素良好，餃子豐盈，鹹淡適中，入口留香。可能因為點的是米線的關係，配上雞湯，口味實在清淡，然而卻突出了餃子的鮮味。總體來説食物的味道中規中矩，未至於令人念念不忘。相比食物的味道，怡人的環境和悠閒的氣氛更讓人印象深刻。紅茶果凍值得一嚐，茶味突出又不是太甜，更有彈牙口感。套餐配有一茶，可以自由用身旁的茶壺加水，甚是方便。

偶爾於午飯時間來到石硤尾，三點才開會，不如藉此機會去賽馬會創意藝術中心走走，既可睇展覽，又可祭祭五臓廟。這幢大樓有2間館子，一中一西，我挑了「文博軒」，是中式茶館，喜歡它的書香味。店舖設計十分之古雅，用上大量的茶具及書籍作配襯。枱與枱之間有適當距離，可以坐得很舒服，是自我放逐或與朋友閒聊的好地方。它的餐單十分之簡單，以麵食為主，配以靚茶，亦有幾款小食及甜品以供選擇。我叫了薑汁芥蘭鮮肉水餃粗麵（$55-)，套餐包有一杯茶，我選了茉莉花茶，另加煎蘿蔔糕（$20-）。它的水餃是店舖員工自己包，很新鮮。薑汁芥蘭豬肉餃有很香的薑味和豬肉味，証明用料靚。粗麵腍度剛好，不過硬或腍，湯底很清，無味精，好味又健康。😋😋😋蘿蔔糕是即煎，雖有少少蘿蔔香及臘味，味道不濃，中規中矩。而茶則用上靚菜，很香！每張枱旁都設有熱水煲，客人可隨意加水。最後不得不提是員工的服務態度，嚟過幾次，都見她們好細心和熱情的招呼客人，抵讚。👍🏻👍🏻👍🏻

呢間茶館位於由石硤尾工廈改裝而成既賽馬會創意藝術中心，不但可參觀藝術館更可品茶，另外也有湯麵及小吃配搭。而且店員親切又殷勤，耐心為我地介紹各種茶既特性，讓客人選擇。店鋪還有售賣茶葉及茶具，飲完唔夠喉更可帶回家。午市套餐便宜，一碗湯麵配中國茶收費$55。每碗湯麵都配有蔬菜，份量都唔少，相當有良心。水滾茶靚冷盤素雞夠咬囗，薑汁芥蘭豬肉水餃，薑汁味濃非常好吃。白菜鮮豬肉水餃，肉汁夠鮮甜。麵質又彈牙，總括來講夠水準，正杞子桂花糕清香桂花搭香甜杞子，唔會死甜夠清新，配茶一絶。

其實呢間餐廳我去過好多次,我由2016年開始已經幫襯。我鍾意呢到的環境,因為夠靜,而且坐得舒服,適合傾計由於餐廳不是位於鬧市,所以環境清靜,座位數目雖然不多,但我每次去都唔駛等位食物方面,睇得出佢地真係好用心製作每次我都會點她們的水餃蝦子麵,因為夠清淡健康,你就算飲咗D麵既湯底,都唔會覺得口渴,證明佢地唔會放好多味精而且麵裡面放咗唔少菜心,營養均衡宜家出面D餐廳好少會係麵裡面放菜的,所以我話呢間餐廳的店主真係諗得周到我最愛吃這店子的家鄉煎薄撐,煎得又熱又香又脆,仲好食過出面酒樓果D煎薄撐,真係有驚喜!正! 但煎薄撐要盡早叫,因為夜晚7點後就唔會再整架啦!我本身不好甜食,但上次同男友一齊黎試下佢地既棗泥餅,真係好有驚喜口感似雞屎藤餅,但仲好食過雞屎藤!不太硬也不太軟,正呀!服務方面,簡直係5星級! 個女店主好開朗、熱情好客、健談又風趣,仲服侍周到而且她對食物的營養好有研究,佢會同食客講食咩會下火、飲咩茶會涼D等等, 令到食客有種賓至如歸的感覺

新春佳節食濟咗嘅朋友，如果想清清腸胃，除咗粥之外，就可以考慮呢間。佢巿套餐有一碗餃子湯麵（可選蝦籽粗麵或米線）包一個茶包，滾水任添。我選咗薑汁芥蘭鮮肉配雞湯米線，元米綠茶。另外亦點咗一客煎蘿蔔糕。湯夠淡，真係清淡到想叫佢灑幾粒鹽落嚟。餃子其實都唔錯，餡好足料，可惜食唔到薑汁味飲開住家湯，好濃郁果隻，佢啖湯真係差幾條街。最後點咗棗泥糕、檸檬茶果凍、杞子桂花糕。反而意想不到係d甜品有驚喜 同好特別！推薦點嚟試

午間的文博軒竟也頗多人，要坐大枱與他人拼桌。午市套餐是四款肉餃選項配雞湯蝦子闊條麵。問侍應有素食選擇嗎？她竟主動提出可轉素餃，實在太好！茶則隨意選了白芽奇蘭烏龍。先上茶，以透明玻璃茶杯盛載，淡淡的茶色很好看。雖是茶包，味道清香。還提供一大壺熱水，十分貼心。四周看看，店子是中國風的陳設裝潢，書架上放了不少和茶有關的書籍供人翻看。麵稍後上桌，除了四大隻素餃，還有很多菜心，非常健康。餃味道略淡，麵和湯較濃味。吃畢主食再喝茶，竟覺美味非常，帶花香的綠茶味道，不覺喝了三杯，齒頰留香，久久不散。後來找資料，才知道茶包牌子是茶之香 essence, 是文博軒老闆家族成員的出品。下次要再來吃甜品，和買些茶包！

今日LUNCH TIME 3個人黎到E 到聽就聽過 但味試過 今次都係朋友帶我黎先睇睇付個環境:都好中式設計,周圍都係水墨畫再睇睇餐單:我叫左LUNCH SET津白鮮肉水餃雞湯蝦子闊條面配烏龍茶(55蚊)水餃豬肉既分量佔3份2 皮唔算厚 味道OK雞湯蝦子闊條面 好飲呀 真係有飲雞精既味道 配上蝦子闊條面都幾彈牙!烏龍茶用上原片茶葉 水夠滾 茶都正 食完個面 好消濟!最後叫左個棗泥糕(16蚊)同芝麻酥(8蚊)棗泥糕:好香好香紅棗味 煙煙UN UN 又大16蚊黎講算好平芝麻酥:粒粒上都有芝麻係面  入口好酥 正!

文博軒主要以茶會友，中式設計，整個環境悠閒舒適。餐廳晚上關八點，吃一個早飯還是可以的。餐牌主要有茶、小食、散叫麵食、甜品還有午餐套餐（晚餐時段也是午餐餐牌），選擇也蠻多和吸引的。是次點了鐵觀飲、仙桃花茶、兩碗餃子蝦子麵、素雞、生煎飽、腐皮卷、檸檬茶果凍。份量足，所有食品味道好，特別是餃子鮮甜多汁人不多，暢談慢食茗茶實在舒適值得再來

早前去了位於賽馬會創意藝術中心一樓的茶莊嘆茶一走進茶館就感受到中國古香古色的裝潢，很典雅很文青風這兒茶的款式多不勝數，由青茶、紅茶、白茶、黑茶至花茶類都目不暇給店員更會很詳細地介紹茶款的特式，又會給客人選茶的意見，甚至視乎客人健康狀態去選茶，超級細心下午茶時段有很多款點心和麵食，我們選擇了一壺🐶玉羚鐵觀音($34) 淺嚐，還有很有名氣的🐶棗泥糕(每件$16)茶館所用的茶具真的超別緻，茶香水滾，我地呢款茶帶有淡淡清香，好茶好茶 棗泥糕即叫即蒸，好新鮮，好喜歡那種煙煙靭靭的感覺，甜度適中，有紅棗的香味好喜歡這間茶館，在忙碌的生活中，應該在假日脫離煩囂，一起去品茗！

下午到賽馬會藝術中心JCCAC看過光影作坊的作品展，順道到文博軒喝茶稍息。文博軒位於JCCAC的地下，從正門進入便見到。內裡簡樸靜謐，擺放著不少茶道用具、茶杯、茶壺，加上紅木椅及山水畫，充滿中國風情。店內環境寬敞，燈光柔和，播放著鳥兒清脆的叫聲，令人身心舒暢，頓時放下煩憂提供簡單麵食和糕點，由於不太餓，點了下午茶餐。姨姨很貼心地詢問我的身體狀況，為我介紹合適的茶太細心了吧!我好奇地走到席前觀賞師傅沏茶，師傅也耐心地向才疏學淺的我大約講解沖泡流程，為了尊重師傅及保護其沏茶技術，此過程沒有拍照。玉蘭鐵觀音 $30從暖壺、燙杯、洗茶至奉茶，師傅均以嫻熟的技巧完成。從公道杯內可見清澈微黃的玉蘭鐵觀音，散發著淡淡香氣，平實低調。第一泡茶第一口喝下去，清新怡人，那抹香醇在口腔內縈繞，平日少接觸茶道的我意想不到鐵觀音竟然可以有如此清新脫俗之味另外點了一件棗泥糕，即叫即蒸熱，陣陣香甜棗香從廚房傳出，未吃已俘虜我心這糕是老闆專誠找香港廠商製造，以糯米粉、紅棗、紅豆製成，外皮煙韌軟糯，內餡甜度適中，微甘，很有養生之感覺一口糕配一啖茶，平民價錢，世界級之享受也!每張檯旁邊均設電熱水壺，方便客人喝完第一泡茶後

呢度係一間餐廳亦都係茶莊，整間餐廳分開左兩部分，一部分係品茶既，另一面就係坐低食野，呢間餐廳特別之處係成間餐廳都籠罩住書卷味同埋茶莊氣息，裝修選材主要用啡紅色既木為主，優閒輕鬆feel，連d野食都係比較清淡，好鍾意呢個配搭。今次同miss聚舊，miss特意推薦左呢間餐廳，果然呢度既氣氛環境同我呢個中文miss個feel好儭，入到黎自己都突然書卷味重左。餐牌仲有中英對照，可以 take care 埋外國人，午餐主要得幾款餃子麵，雖然選擇小，但黎呢度既人應該都係食呢度既環境，夠清淨，可以同朋友輕輕鬆鬆咁傾下計，或者睇下書，叫d小食，飲下茶，度過一個寫意既下午。我叫左一個菜心餃子配蝦子闊條麵，加埋普洱茶。仲有個熱水壺係你隔離比你自由添加熱水。好簡單既配搭，但食得出裡面既真，真材實料，餃子係大大粒，多肉，闊條麵係比平時既幼身，咬落都彈彈地，仲有菜心做配搭，成碗麵都比較清，但並唔會覺得淡而無味，鹹淡剛好，真係好健康啊雖然稱唔上係d咩美食，但就有種家的感覺。總括黎講，呢度係適合歸隱田園既你，或者文青既你，或者想靜靜地自己一個思考下人生，或者同三五知己談下心既你地。