敏華冰廳 (K11購物藝術館)

因為有28蚊優惠，所以到此享用early dinner。下單後，用熱水淥一淥餐具，慢慢等嗲牛麵來到。炒滑蛋歐式軟多士 炒蛋邊緣油光閃閃，估計這炒蛋是在grill爐＜鏟＞熟，加入很多油分，才不會粘著金屬grill爐。 將炒蛋切碎放入沙嗲湯裡，順便去油。厚身烘多士外層少少少脆，中間軟熟。咬一口，很快便恢復原來的厚度～回彈力強。潮式沙茶牛肉公仔麵 沙嗲裡花生碎蒜及其他香料，有甘味。煮到軟綿綿，浸到腍曬的公仔麵，容易咬，麵底味道似丁丁，我喜歡。食公仔麵要有儀態，以叉子把公仔麵卷起來品嚐，方便掛汁，沙嗲湯底也不易弄污妝容／Fling到塊面。後上的熱奶茶 熱辣辣上枱，無茶香但唔削脷，唔鞋口。几天假期，大魚大肉無食菜，其實是希望奶茶的特別功能可以幫忙。可是回家後，等了很久也沒有那個反應。呢杯奶茶唔合格。…查看更多

話說今日放工去左尖沙咀敏華冰廳，每次我都係食佢地個黯然銷魂飯（叉蛋飯）。盛惠$85之前去過幾次，質素都唔錯，今次都係同樣叫番佢，點知黎到個幾個叉燒，5舊中有4舊都係柴到咬唔開，仲硬過煲湯瘦肉。講真價錢從來唔係我主要考慮因素，係香港食野，貴就預左，但你收人$85，個5舊仔叉燒，都要咁嘅質素，完全係趕客。今次之後blacklist 唔會再幫襯。…查看更多

大家分享 K11 敏華冰廳食物選擇比其他店多，今日就試左雙太陽蛋豬扒飯午餐。一上枱，嘩！陣香味真係不得了，搞到我流晒口水呀🤤！兩隻金黃色嘅太陽蛋🍳🍳，煎到啱啱好，邊邊脆卜卜，中間嘅蛋黃仲識震騰騰咁，用筷子篤一篤，啲蛋黃就咁流晒出嚟，真係睇得又食得呀！😍主角豬扒🥩份量十足，煎到金黃香脆，一啖咬落去多肉汁正呀😌！下面啲白飯🍚都煮得好好，粒粒分明，仲索晒啲蛋黃同醬汁嘅精華，每一啖都超級滿足🥰！除咗豬扒同太陽蛋，午餐仲包埋一杯熱飲☕️，我叫咗杯港式奶茶，茶味夠濃，奶又滑，可以中和返啲油膩感，完美咁結束！！…查看更多

1630過咗下午茶時段都係好多人K11 要搭枱嘅機率好高要坐得舒服啲就要俾啲耐性等下職員都會為你安排一份飯餐豬扒煎得好嫩滑煎蛋🍳就正常水平另一份係沙茶牛米粉都係正常茶餐廳水準反正兩杯熱奶茶有啲料到🫶🏻…查看更多

其實本人係好鍾意食敏華🫠但係呢間敏華其實真係好唔掂，無論叫外賣平台Apps😓外賣自取都可以錯早餐唔俾奶茶話送過😓咁使乜叫早餐啊？早餐就係想要杯奶茶😮‍💨試過夜晚叫黑椒牛扒飯返到屋企剩係得塊牛扒冇汁亦都冇飯明知個客等緊外賣都仲喺度慢慢包真係要自我檢討吓…查看更多

係k11 artmall 行到攰攰地，入去敏華食下午茶😍選擇唔算多，揀左食蔥油雞扒撈丁。雞扒細細塊，肉質尚算鮮嫩，但皮不脆。搭配著蔥油，增添了咸香。蔥油的調味非常關鍵，讓整體味道鹹香適中，不會過於油膩。搭配了一條菜心😂如果多幾條會更好。撈丁麵質不錯，軟硬適中👍🏻…查看更多

K11 artmall 行街街，見到有價錢比較貼地既敏華就入左去試港式厚切餐肉太陽蛋飯。在口感上，厚切餐肉外脆內嫩，有口感！帶有淡淡的煙燻味，與蛋黃的濃郁和米飯的柔軟形成了完美的平衡。這道菜不僅味道豐富，還十分滿足。偶然食一餐，都唔算太邪惡姐😆…查看更多

今天我來到一家茶餐廳，選擇了他們的午後套餐，體驗了兩道經典的港式菜式，整體感覺算是「不過不失」。首先，我點了敏華四寶飯，價格65元，裡面包含了叉燒、紅腸、鹹蛋和午餐肉。叉燒的甜味適中，口感柔嫩，帶著誘人的燒烤香氣；紅腸的香腸味道濃郁，嚼起來非常過癮；鹹蛋的咸香則為整體增加了層次感，讓米飯更添風味。午餐肉的炸至金黃，外脆內嫩，搭配米飯的吃法簡直絕配。雖然這道四寶飯的份量不算特別豐富，但整體的味道卻讓人感到滿足。接著，我還嘗試了沙姜雞髀飯，價格53元。雞髀肉質鮮嫩，沙姜的香氣讓這道菜更具特色。不過，沙姜的味道稍微強烈，可能對一些人來說會有點壓過雞肉的原味。飯粒吸收了雞肉的湯汁，也讓整體口感更加豐富。茶餐廳的環境簡單舒適，服務人員態度友善，使人感到輕鬆自在。雖然這裡的菜品沒有特別突出的亮點，但以這樣的價格能享受到這些港式美食，還是值得一試。如果對茶餐廳的經典菜式有興趣，這裡無疑是個不錯的選擇。…查看更多

今天我來到一家茶餐廳，選擇了他們的午後套餐，體驗了兩道經典的港式菜式，整體感覺算是「不過不失」。首先，我點了敏華四寶飯，價格65元，裡面包含了叉燒、紅腸、鹹蛋和午餐肉。叉燒的甜味適中，口感柔嫩，帶著誘人的燒烤香氣；紅腸的香腸味道濃郁，嚼起來非常過癮；鹹蛋的咸香則為整體增加了層次感，讓米飯更添風味。午餐肉的炸至金黃，外脆內嫩，搭配米飯的吃法簡直絕配。雖然這道四寶飯的份量不算特別豐富，但整體的味道卻讓人感到滿足。接著，我還嘗試了沙姜雞髀飯，價格53元。雞髀肉質鮮嫩，沙姜的香氣讓這道菜更具特色。不過，沙姜的味道稍微強烈，可能對一些人來說會有點壓過雞肉的原味。飯粒吸收了雞肉的湯汁，也讓整體口感更加豐富。茶餐廳的環境簡單舒適，服務人員態度友善，使人感到輕鬆自在。雖然這裡的菜品沒有特別突出的亮點，但以這樣的價格能享受到這些港式美食，還是值得一試。如果對茶餐廳的經典菜式有興趣，這裡無疑是個不錯的選擇。…查看更多

去到等左5-10分鐘等安排入座，以為好滿座，入到去都有啲吉位App 落單，蒜蓉汁美式什扒配意粉 熱0茶，羅宋湯$88飲品好快黎左，主食等左20分鐘先上，羅宋湯係主食食左3分1先黎，完全唔記得咗有湯😂蒜蓉汁冇晒直接換咗黑椒汁，無問客人有雞扒同豬扒，都幾大份 厚肉，雞扒有一小角係粉紅色肉 半熟 少少就無影到 ，當然都無食到埋單可以自助，快啲，成個用餐最快最smooth 嘅過程本身想快啲食完晚餐省啲時間就去茶餐廳，點知等得仲耐😅…查看更多

去到前面仲有2台人等緊 望入去仲有幾台空台前面嗰一家人應該都等咗好耐 依家唔耐煩走咗咁 我又再等多10分鐘 完全冇入過人 櫃檯企咗一個阿姨 見到我同前面嗰台望住佢就理都唔理走咗入去 4台空台都要等成10幾20分鐘 好離譜 最後我都走咗 簡直垃圾 入人入去坐係咪咁難？ 要等耐啲唔識搵人出黎講？ 見到門口排隊啲人唔耐煩直接扮睇唔到 係想製造飢餓行銷？ 浪費晒人地啲時間體驗極差 建議重新整頓K11敏華 一打開openrice 全部都係同我一樣嘅評論 唔係誇張 完全係事實…查看更多

本身諗住求其搵間食個dinner，諗住敏華應該有保證掛。點知入到店員講普通話嘅，大部分嘅客都係普通話。以為服務遊客為主，應該上菜速度等都會幾好，仲要間鋪喺K11開wor。點知⋯上菜超慢，一個煲食完，total等成20分鐘，仲要催先上個火鍋⋯在場d遊客都起哄，係咁催單。不過店員嘅態度係好嘅。但器材真係一般，個火好難點著。食物質素黎講ok嘅。希望個上餐速度可以改善下啦。…查看更多

好少寫食評，但e 間野係區內最差既茶記平時叫野食等半個鐘先有試過追到去廚房遞出黎果個位今日入去食早餐人已經唔多，但d 人連開單都廢事理你，唉，出去食麥記無謂貼錢買難受記住，等得耐即走，成間餐廳d 人做野態度都極消極，無謂同佢地磨，有d 直頭同你講唔識廣東話…查看更多

如題，入座叫餐野飲等咗十分鐘以上先有，我同同行有兩份主餐，分別係栗子炆雞煲飯同辣牛肉煲飯，一份等咗半個鐘，另一份直程冇嚟過要cancel😂栗子炆雞煲唔太好食，雞比較乾身又多骨同細粒，栗子又唔夠淋，唔建議食。樓面又唔繁忙又唔多客，但有其他人同樣催單。好似唔夠人手，得一兩個侍應加經理，本身感覺有啲伏，點知真係伏😅仲要有清潔工喺餐廳內推住架濕漉漉嘅垃圾桶出入，見到真係由餓到嬲到冇胃口，好彩早前喺樓下IKEA食咗少少野先再食晚餐，本身想食叉燒先黎食，但又冇哂黯然銷魂飯，呢間冇下次，去其他茶記食仲好。…查看更多

======栗子滑雞煲$80======天氣寒冷，能吃到熱辣辣的煲式已覺得很幸福。這間的 栗子燜雞煲不是用新鮮材料, 但爆炒後的雞件和粟子在生抽、老抽、砂糖、料理酒、雞粉、蠔油所調製的濃稠汁液化學作用下，還算得上惹味，加上上枱後還用酒精爐熱了一會兒，在剛出爐的情況下配白飯吃一流。略嫌太油，未吃完已見煲底凝成一大塊油脂; 另外餸份量亦偏少，吃了半碗白飯已經沒有餸了。PS 當日人手不足, 連廚師也要負責端菜; 侍應更要忙於應付不耐煩的內地旅客, 看着他們騰來騰去也覺得辛苦…查看更多