敏華冰廳 (德福廣場1期)

營業中

休息中

位於德福商場入面嘅文華，日又有人排，夜又有人排🚶🏾‍♂️🚶🏼‍♀️🚶🏾‍♂️🚶🏾‍♂️真係好吸引我呢d犯賤嘅人去了解一下。是夜，終於決定去試下🤨 一睇餐牌，發現唔貴喎！而家喺大商場，呢個價錢食到晚餐好難得㗎喇！ 我地一行四人，呀爸嗌左個常餐潤牛米配炒蛋多士，炒蛋多士一放低未影相就比人食左😂So sad～但聽呀爸講個炒蛋好香好滑，多士好厚好脆👍🏻加埋個潤牛米全部都係正評～ 我同呀媽因為貪心，一人嗌左一個雜扒飯⋯⋯上菜後心知不妙，好鬼大份，點食呀⋯如圖所見，雜扒包括豬扒、雞扒、餐肉同腸仔🤦🏻‍♀️豬扒雞扒都好夠味，略嫌有少少過咸。但豬扒厚身、肉質鬆軟，好味過大x樂😂 老公嗌左雞扒飯，痴線⋯⋯塊雞扒大到呢⋯⋯但好高要求嘅老公就話塊雞扒d味無咩特別🤷🏻‍♂️唔會乾曾曾但都係偏咸。 我地就叫左份咖央多，好鬼邪惡嘅牛油⋯食落d咖央比平時的甜，多士脆而不硬👍🏻 跟餐要左杯熱奶茶，夠滑但茶味不太濃，偏向有少少似台式奶茶，幾啱心水😀 最可惜係菠蘿包已售罄🤷🏻‍♀️聽聞好好食🤨唯有等下次行過買黎試下啦🤭

星期日無無聊聊想食下午茶.見每次經過都咁多人，咪決定試下.主打都係常餐同菠蘿包.例牌門口都有檔麵包.麵包即焗即出.排隊娛慶節目，睇師傅整包.等左10分鐘有位.商場鋪環境都唔邋遢.餐都係大路野.睇用咩料同師傅態度.嗌左常餐，叉燒通粉.湯味幾濃.叉燒水準唔錯，來自太X.主角菠蘿包出場.13蚊兩件，揀埋雪山菠蘿包.雪山包皮夠薄，叉燒幾新鮮.波羅包中規中矩，未至於驚艷.但勝在新鮮.埋單83，商場鋪係尼D價.路過可以試下.

其實我真的很愛吃茶餐廳， 喜歡茶餐廳的上菜速度和多種簡單而美味的巧手小菜。 聽說文華冰廳的自家製包點很出名，可惜來到的時候已經全部售罄，唯有試試他們的常餐。點了這個叉燒出前一丁配雙腸炒蛋牛油厚多士，老實說味道一般。他們標榜叉燒是採用太興的叉燒 ，可是叉燒片十分薄，還有一點老身。另一方面，炒蛋的質地確是不錯，綿滑得格不會太重油膩感。香腸都不會熱氣。厚多士都有牛油香，所以整體來說配菜是令人滿意的。希望下次有機會可以試到他們的包點。

需然放大假但又瞓得唔晏，一早去德福廣場文華餐廳歎番個早餐，系食緊早餐嘅時候，見有個電子螢幕顯示麵包出爐時間，睇吓價錢都👌，7元一個若叫兩個可平一元，難得撞啱有新鮮熱辣辣既脆皮义燒包同菠蘿包出爐，又叫咗嚟試，香噴噴嘅义燒包入面確有好多餡、菠蘿包面啲皮好鬆化，包質輭熟，味道😋👍

Lunch同同事出去食飯，茶記都係必然之選，都知道依間冰室要等好耐，但一陣無機會試，今日終於的起心肝，同同事一齊去等位。結果等左半個鐘頭終於有位了。我地四個人各人都係叫左常餐，咁我就叫左叉燒湯通粉配腸仔炒蛋多炒蛋好滑，叉燒湯通粉都唔錯。另外，我地亦都加左兩個包，夾埋就13蚊，四個人share叉燒包併菠蘿包D包係自家製，菠蘿包外脆，包好鬆軟，真係不得之了。常餐一個五十蚊，價錢就中上，但質素ok，而且包真係好味，值得再來。

平時行過德福廣場shopping ,次次經過啲間文華餐廳無論乜嘢時間，門口都係排長龍入座，今次放暑假唔洗返工，一於早啲嚟，希望唔洗排隊可以品嚐啲間成日都咁多人排隊嘅餐廳啲食物。同honey 一人叫咗一個餐，一個餐只係30元左右，巳經有一個忌廉湯通粉或沙嗲牛肉麵，有厚多士、炒嫩蛋重畀埋包裝牛油一包同一杯熱飮，牛肉超入味又嫩滑😋👍，真係又好抵。

一早黎到九龍灣，當然要食番個活力早餐﹗星期日九點黎到，估唔到會係無-人-龍呢我同友人去到等咗唔到5分鐘就有位了~我地分別叫咗B1 & B5B1 鮮油菠蘿包拼炒蛋 ($29)菠蘿包新鮮出爐，熱騰騰，都幾難唔好食B5 忌廉雞湯火腿通粉拼炒蛋牛油厚多士 ($33)湯底唔係話好特別，同平時茶記常餐差唔多厚多士唔夠熱，不過炒蛋炒得好好食補番數﹗奶茶&鴛鴦奶茶滑，茶味重鴛鴦比例都好好，好啱我口味小結茶記早餐黎講文華真係好抵食每人around $30 up食物有質素 位置又無其他茶記咁迫Weekend又唔洗排隊有機會都想再encore呢~

今日在德福廣場等仔仔放補習， 見到呢間餐廳門口排咗條人龍， 所以好奇入嚟試一試 ， 我點咗一個茶餐：煉奶西多和奶茶，見門口有人排隊買出爐菠蘿包，所以再點多一個菠蘿包試吓。西多即叫即炸，香脆有蛋香，奶茶味香濃，菠蘿包外脆內軟， 新鮮熱辣，整體食物質素不錯，下次再來試吓食早餐

德福廣場一直都給我有一種悶的感覺，無論是餐廳或是店舖，來來去去都係咁，無咩特別。反而比較多去陶大那邊看看有無咩新野。今天有事要過來德福，想起這裡開了文華冰廳，剛好下午茶時間，便進來吃個茶餐。雖然文華冰廳已經在德福廣場開了一段時間，但周六的下午仍是很多人，排隊等了大約15分鐘，有手機玩又不是太肚餓這個時間是可以接受的，而且價錢也算很平宜呢！今次下午茶，我點了T3 雙併三文治 (雞蛋/咸牛肉)(烘底)，雖然供底需要另加 $1，但這 $1 是絕對值得加的。首先是外裡兩邊都會烘，加上麵包不是太厚，才有那種極為鬆脆的口感，配上滿滿的牛油，咸牛肉/雞蛋比例恰到好處，實在是太幸福了！至於老公就選了T7 五香肉丁公仔麵併炒蛋厚多士，看似也很吸引！另外，我們還點了2個脆皮叉燒包，認真皮薄餡靚，怪不得經常也有不少人在店外等候麵包出爐啦！

「冰廳」近來興起，隨意喺大街小巷都見到👀 不過講到有歷史嘅，非「文華冰廰」莫屬。小秘書 見順路，特登預早少少出門口，就係為咗嚟「文華」朝聖💫 真係估佢唔到，商場店都要排四行，好在我哋人少少，排咗十分鐘左右就攞到位✌🏻 呢度嘅早餐供應時間由朝七到晏十二，king size份量真係大到唔講得笑😏 麵底同牛肉好足料、炒蛋真材實料脹卜卜、加埋塊厚多士同埋杯熱奶茶，「文華冰㕔」👍🏻👍🏻 怪不得晨早流流已經人山人海啦😋

早排發現德福開左間文華冰室，每日返工放工都見左好多人排隊，聽說佢嘅菠蘿包好好食，尋日我都忍唔住走去排埋一份XD拎上手個菠蘿油仲暖笠笠，咬落去第一個感覺就係：點解可以咁好味嘅？？？麵包好鬆軟，牛油勁滑，食完一個好想再買第二個，可惜要留肚食飯，哈哈！唯有下次再嚟買啦！！

早餐点了牛面，等了20分钟，知道很忙，但为什麼mk翠華甘快，而且不是新开，要諗下解決方法，另外个面仲太淋，牛肉偏少，不信可試下比較！最后沙牛面不及翠華及九龍城港野茶檔的牛面夠味好吃！值得介紹只是叉燒包及出炉有時間抵贊！

朋友仔高度推介文華，仲幫我排埋隊，唔係唔食呀全間滿座，原來佢已經變左連鎖或商場經營，對佢本身不抱高期望點知，無期望就係希望，驚喜黎啦黎到個皮仲係脆既，一定一定要襯熱食，好正，睇到圖又想食啦，而且好平（後記：路過唔想排隊單叫左個外賣）另外，叫左杯紅豆冰，味道正常朋友叫左個西多士，食開有花生餡食番無餡有d 唔慣，佢有牛油煉奶，不過唔算特別好食，而且有d 流，最終，食淨一半。對面枱食緊豬扒蛋飯，好吸引呀！！ 一定再黎。

叫濃湯豬膶米粉 就比左個濃湯牛肉米粉 ，洛單果個就系都話我洛左牛肉豬膶，吾食牛都吾會洛豬膶啦。自己洛錯單就話賣哂豬膶 未試過撞到甘既服務態度。甘既價錢都比多你 貴公司麻煩改善下服務質素。

中午約左朋友係九龍灣德福商場食晏，行經二樓商場，已經下年一時三十分，見到文冰廳門口排左好長人龍，於是我哋都入去試下。等左十五分鐘先有位入座。煎蛋免治牛肉飯 - 蛋煎得好滑，連埋免治牛肉送飯，好夾味。