捌哥.捌哥特色馬拉茶啡廳

營業中

休息中

原本都耐唔耐都會到呢間餐廳食野，但今日買完外賣先發現加價左勁多。而家唔值囉！ 加幅直頭跑贏通脹！加左成30-40%！下午茶BA003薄餅 - 薄餅直徑約8cm左右+少少咖哩汁同半熟蛋 HKD 57。（之前先三十幾架咋！）BA010迷你喇沙 - HKD 49 先得半碗，真係好迷你的！味道係唔錯，但（之前一碗先五十幾）雖然味道係好但價錢唔值囉～唔介意價錢嘅話都可以去嘅………又或者本身對馬拉菜是特別喜愛。但我就唔會啦！因為去到深水埗食野就有好多選擇，值得而又好味的亦有很多選擇。

最近中咗「肉骨茶毒癮」🤡，無意中又發現有另一間馬來西亞🇲🇾地道菜嘅餐廳，南洋裝修設計同風味美食被吸引咗入去。門口有長木櫈坐住等，睇住餐牌，提供埋搓手液好細心，老闆仲安排分隔坐要大家耐心等候，實在太殷切吧🙈———————————————————————————🥢玻璃魷魚通菜🦑🥬💬魷魚爽彈，頗大碟，炸蒜加秘制辣椒果然有風味😌.🥢肉骨茶湯浸豬腸🐷💬其實真係幾好味，肉骨茶湯🍵淆得好好飲，夠熱，每位客人當然一坐低就有得飲，而且仲會主動添飲，今時今日好難得，豬腸好煙韌有咬口又入味，但真係實在份量太少太少🤔.🥢檳城香炸滷肉卷🐷💬腐皮好脆，內裡餡料有滷肉之外仲有芋頭，無諗過會咁滋味香口😌.🥢辣死他啦配咖哩魚🐠💬研究發現薑黃有助提升勉疫力，食咖哩幫到手，酸酸辣辣嘅魚好惹味，加埋咖哩薯仔、鹹蛋、蝦片、豆角配埋藍花飯，確實好豐富，如果無咁辣會更好😌.☕️冬瓜龍眼茶

本身我就冇食過馬來西亞既菜，今晚同男朋友起身去過經過睇到門口既名都好似唔錯就入左去食啦，好有復古好色古香既感覺，令我不斷好奇周圍望，野食到啦 ，以上相係我地食既野 好好味 特別係隻雞 一定要食

馬拉菜最近係香港愈開愈多，有幾間雖然舖頭名唔同，但係餐牌上嘅食物都有八成相似，唔知其實有無關係嫁呢😯不過個晚見捌哥.捌哥唔洗等位，所以就直接入去試下啦🧐**********<娘惹喇沙> $61喇沙可以話係馬拉菜嘅代表作，食下就知間餐廳嘅功力去到邊😂依間嘅喇沙個人評價就一般，唔差嘅不過又未去到話好好食，椰汁味係有嘅，但味道就唔係好濃個種，另外配料都算多，有蝦、豆卜、魚蛋，都算足料，總括黎講就未去到想encore嘅水平啦！

基本咖央多士早餐由$28加到$35, add-on 優惠價由$15加到$22，升幅實在驚人， 分別加了35%同45%， 如果以深水埗呢個地段，隔離亦不乏茶餐廳， 其實選擇何其多。 最重要係add on優惠價錢加了，分量少了， 米線份量比以前少了一半。

呢間星馬菜我已經黎第2次架啦。第1次黎已經覺得好特式，店主同職員都好熱情招待。有人話去話新加坡馬來西亞食過當地既野，即使你係香港食返係硬係覺得爭咁d野。我想講呢間小店既菜式味道係近似新加坡 馬來西亞口味既 ，個人意見好食過蘇媽蘇媽，呢間岩我口味。今日帶左男朋友黎，上次已記在心上，一定要帶佢黎食呢間。因為唔想比男朋友覺得我大細超佢，其實我都好有佢心。只係係佢面前忍唔住懶起來，什至懶到無罪惡感個下先死。哎呀哎呀，我呢個女朋友有時都真係幾激心既。好啦～ 我真係帶左你你架唔！親愛的❤️佢就最鐘意食雞同飲奶茶 我就略略由頭介紹一次本menu比佢 ， 好似好pro，說穿了，都係上次店主講我聽架乍。係佢面前威返次先😂😂😂😂芽菜雞配豬油撈飯 隻雞就笑雞胸位咁鞋口都做到好食，芽菜係短身，咬落去好爽口，豬油撈飯係一絕，買少見少了。在撈埋佢哋嘅豉油，一啖飯一啖雞簡直做到齒頰留香。正！！！細叄配檸檬薏米水檸檬薏米水清爽，好飲。細叄裡面有豆卜，豬腩肉，金菇，豬粉腸，豬腰等等同埋肉骨茶係無限添飲，我飲左5碗！！！我認我係湯煲！！！熱拉茶配咖央牛油多士拉茶夠熱！好滑好好飲！咖央牛油多士係邪惡嘅軸心，用來做甜品就最一流

本身諗住食另一間馬拉嘢但太多人就嚟呢間試下估唔到都幾ok喎芽菜雞芽菜都有幾成似係怡保食果啲雞都幾滑不錯呢個魷魚辣到飛天但人係犯賤愈辣愈想食佢隻辣係初初入口又唔係好覺好辣架喎係慢慢回滲出嚟果隻辣仲要愈嚟愈辣果種但又幾香口所以食唔到辣或者唔係好受到辣最多試一兩舊好啦😂辣得濟好彩有嗌咖央多嚟解辣烤到脆卜卜幾好食又唔會甜到膩咁都幾好食肉骨茶天氣凍最啱飲飲完成個人真係暖晒呢隻肉骨茶都幾好飲仲有埋豬腳雞腳比你「損」😂整體都唔錯價錢都合理

是咁的，我經過被裝修吸引，第二日再去試試。兩個女仔雖然點左頗多既野食，但都食得晒。重點係我同朋友食完都肚痛，朋友之後冇事，我就有輕微腸胃炎...我地叫左兩杯拉茶，係好味既，個杯好靚。之後叫左馬搵沙爹串燒半打係相當多醬料，有牛豬雞，冇咩特別。再叫左鮮牛油咖央多，個人認為同其他餐廳的都差不多。主菜叫左舊街白咖哩麵一點都不辣，甜甜的，多料最後好期待既辣死你嗎椰漿飯配娘惹咖哩雞肉佢冇辣死到我，可能因為咖哩汁非常少...飯既顏色特別，食落冇咩味，雞脾肉食落有點"鞋"😅

深水埗區有好多好野食，但一時三刻都唔知食乜好，約左個fd試吓呢間。先飲碗肉骨茶（必有）雞夠入味還好，但個黃薑飯唔夠香和薑，而且上枱時已涼，沒有什麼特別梅子桔蜜都可以🐷手仔肉骨茶好味，有三舊🐷腳食，正喂！好大肉磚，食一舊都好飽飽

一班同事一齊試新野，最好就係可以開心share~~~餐廳裝修好似附近既一間馬拉店整體都好乾淨企理。檳城福建蝦麵 $60首推，小小辣，好足料，而且麵質有咬口，非常非常惹味❤️肉骨茶 $72係馬拉款既肉骨茶，藥材味較重，接受唔到胡椒味既可以一試，送飯一流，而且任添肉骨茶，所以價錢較高(我估😜)老鼠粉 $48 (前) & 芽菜雞+黃薑飯 $68 (後)老鼠粉加左炸豬油粒，好脆好惹味，而且唔會好油，配埋個醬汁都幾好味。芽菜雞一般，雞下面墊咗好多芽菜，仲有豉油source。無太大驚喜，可以不試。辣死你嗎配咖哩雞 $68個人對咖哩不太大興趣，視覺效果好靚，飯亦有椰漿味，不過咖哩雞味道一般馬拉拉茶 (跟餐)都幾滑幾香，下次都會再叫🥰

🇲🇾🇲🇾🇲🇾🇲🇾🇲🇾終於都嚟食喇👅👅👅Walk In即有位👍🏻👍🏻👍🏻唔駛好似蘇媽要門口等食風一嚟就叫呢幾樣😋🔸辣死你嗎(椰漿飯)配娘惹雞肉🔸一字骨肉骨茶🔸玻璃魷魚雍菜🔸咖央多士🔸檸檬薏米水2️⃣0️⃣1️⃣8️⃣年最後晚餐😜最後一天嘅晚餐要食飽D🤣🤣🤣呢一年黎都好滿足🙏🏻想食乜都食到😋😋😋雖然仲有好多Bookmark咗都未去品嚐🥴2️⃣0️⃣1️⃣9️⃣繼續做一個吃貨👅👅👅🤤食多D正嘢😏

上年去完馬來西亞旅行回港後，想在香港找到比較正宗的馬來西亞菜，深水埗的另一間嘅馬來西亞已經試過一次，所以今晚來試試這一間，今晚叫了肉骨茶，肉骨茶可以無限添加，肉骨茶味道和馬來西亞口味十分相似，還跳了喇沙和㗎央多和拉茶，奶茶很香濃，滿分

🍴<捌哥 • 捌哥特色馬拉茶啡廳☕️>🍽 咖央多士🥪💰 22❃ 多士烘得好鬆脆，入口鬆軟😍❃ 咬落去好有層次感，首先有微焦鬆脆嘅多士，然後就會有和暖鮮甜嘅牛油，最後仲有液化嘅咖央醬🤤❃ 牛油同咖央醬料比例剛剛好，味道都好正宗，好有馬來西亞風味👍🏾🍽 馬拉沙爹串燒 半打🐂🐖🐓💰 80❃ 牛肉，豬肉和雞肉各2串❃ 熱辣辣嘅串燒肉質有少少乾硬，不過撈埋醬汁之後口感好好多♥️❃ 醬汁十分特別，香辣得來有散發著濃濃嘅花生香，十分惹味👍🏾.🌟食物質素：8/10🌟性價比：8/10🌟餐廳環境：7/10🌟服務態度：7/10———————————————捌哥.捌哥特色馬拉茶啡廳深水埗汝州街188號地下

🧈【Kaya Butter Toast鮮牛油咖央多士$28】越簡單嘅食材越美味，烘到外層酥脆，內裏酥軟。咖央醬椰子味香濃，再滲出淡淡的班蘭香，配上冰凍牛油，既邪惡又滋味之選。➰【Pig’s Tail豬尾$45】開頭知道男朋友點呢份菜有啲抗拒，幸好試過後冇想像中突兀，像吃豬手般差不多。只要客人有點肉骨茶，侍應會先呈上每人一碗肉骨茶湯，細心指導枱前的醬料用法，待我們品嚐一碗肉骨茶湯後就呈上自選的食材。肉骨茶嘅藥材味啱啱好，易入口。☕️【Teh Taril馬來亞拉茶$20】馬拉茶茶味香濃而不澀，入口順滑，頗甜但可接受。

這間由馬來西亞人主理的茶啡廳「捌哥.捌哥特色馬拉茶啡廳」，提供地道正宗馬拉菜。馬拉沙嗲串燒，醬汁散發花生香，十分惹味。辣死你嗎色彩斑斕，斑蘭椰漿飯配有蛋、青瓜、花生和特色辣醬。咖哩喇沙椰奶味重，個人比較喜歡椰漿飯。重藥材味的肉骨茶，份量相當大，還可以添飲。而味道比市面的香濃得多。馬來亞拉茶，茶味香而不澀，甜度適中，入口香滑。