捌哥.捌哥特色馬拉茶啡廳

營業中

休息中

門面裝飾有特色，易認，可能因為大門常開，室內冷氣因此加強碼力，勁涷。調味架攞設也非常雅緻衛生餐牌圖片介绍詳盡，圖片賣相非常吸引而飯分類的顏色也非常吸引，藍色的是蝶豆花，綠色是斑蘭，黃色是黃薑飯。自助點餐紙，寫完交比侍應落單食物上枱，外觀巳使人即欲大增，而且份量勁大，勁多，一個人跟本吃不下。斑蘭飯，香脆花生，脆魚乾，印尼咖哩薯仔雞肉，再加印尼辣醬， 混合在一起 ，非常開胃選了午市套餐C $58~ 辣死你嗎配娘惹咖哩雞肉~名稱攪笑，的確味道屬於中辣，怪唔之辣死你嗎午市套餐包一杯熱飲，凍飲加$3,特色飲品加$6凍柑桔話梅水~ 大大杯

友人中意飲肉骨茶，今次帶佢黎到呢間位於深水埗的馬來風味餐廳試下!星期六的下午唔算好多人，起碼唔駛排隊等位，餐廳內裡的牆上掛滿餐廳的招牌菜式名字，而且一入門口的牆上還有一幅壁畫，大概是畫了馬來西亞街頭的景況，幾靚!餐牌上有很多不同的食物揀選，附有一張點菜紙，只要自行填上編號，再給店員便可。只要點了肉骨茶，店員便會先為你呈上每人一碗肉骨茶先，可以先喝一碗，然後再品嚐稍後送上的肉骨茶材料。咖央多士($22)，馬來西亞食物又點少得咖央多，這裡的咖央多醬料比例剛剛好，唔會太多亦唔會太少，唔怕整污槽手，亦唔怕唔夠醬料，咖央味道唔會太甜，多士幾脆口!辣死他啦配咖哩雞肉($54)，終於都試左這裡的藍色飯，淨係賣相都已經好靚，有好多唔同的顏色!雞肉同薯仔都好香咖哩味，有少少辣，附有參巴醬，參巴醬就真係幾辣啦!除了有薯仔同雞肉，仲有蝦片同咸蛋，用黎送飯一流呀!!!咖哩喇沙($54)，湯底好香咖哩味，帶有少少辣，配料仲有雞肉同薯仔!麵底有幾款可以揀，已我就揀了油麵，味道唔錯!大骨肉骨茶($88)，舊骨真係好大，這款會用火爐熱住下面，等茶可以保持住溫度。茶入面仲有豆卜和金菇，兩者都吸收哂肉骨茶的味道，特別惹味

港式奶茶飲得多，有時我會叫杯淡茶少奶健康D😌。昨天經過深水埗，見到呢間餐廳，晚上次次好多人排隊，下午竟然幾多位。選了下午茶餐牌一號餐，拉茶甜度適中，細細杯，好啱我口味，正！塊包包就可以再鬆軟D，雖然是多士，感覺比其他多士乾。咖咉醬連牛油好味，有椰香，牛油份量剛剛好。我一向不是半熟蛋的愛好者，溫泉蛋是可以，變煎蛋更佳。$28，幾經濟。

深水埗有兩間小店食星馬菜👏🏻 一間 #蘇媽蘇媽 一間 #捌哥捌哥 🤔 食既菜式基乎一模一樣😱 聽說係分支開出黎的🤔-#娘惹喇沙 🍜 ($56)淨係喇沙都分左幾種😱 咖喱/娘惹/亞參/柔佛😏 喇沙最重要係個湯底🍜 呢度既湯底幾濃唔會辣👏🏻 椰汁都好夠🥥 配料好足😊 蝦同最入味既豆卜都唔少得👏🏻-#細滲 🍲 ($82)肉骨茶都幾入味🤤 配料非常多😱 大骨/豬手/豬腸/油炸鬼咩都有得揀👍🏻 想咩都試下最岩叫大滲或細滲🥰-#咖央多士 🍞 ($22)多士非常香脆🍞 帶微熱👍🏻 咖央醬都足夠👌🏻 甜甜地😎 另可加配牛油😊-#馬拉沙嗲串燒 🍢 (3串$45)有得揀豬肉、牛肉或雞肉🐥 沙嗲醬份量十足非常惹味😋 雞肉較嫩🐥 豬肉同牛肉略嫌有啲韌😅

是日又係番深水埗探親的日子，先食個靚早餐先，我最愛既茶檔裝修中，所以呢輪不斷試其他餐廳，其實住係深水埗，都唔覺得呢到真係咁多野食，尤其係早餐，見到捌哥開咁早，心血來潮去食個早餐先。價錢來講唔算平呀，因為唔揀add on都分鐘食唔飽，加埋add on果邊都要五十幾蚊嫁啦我就食咖央多士配半熟蛋，用黎撈埋個麵到食add on配雞絲河，除左隻蝦係霉既，個河粉都幾濃幾好味老公就揀左滷肉卷add on配老鼠粉，好鐘意個滷肉卷，夠晒飽肚又好味，不過個醬好辣呀，早餐唔好點咁多醬啦。

一直對捌哥·捌哥特色馬拉茶啡廳的咖央多士念念不忘，來到深水埗當然要去回味一下。新增了早餐時段，而且增添了早餐、午餐和下午茶餐，價錢實惠。下單方法簡單，只需直接於點菜紙上填寫食物及飲品編號和枱號再交給店員即可。咖央多士 ($22)麵包烘至金黃色，咖央醬澎湃，看起來很吸引，令人垂涎欲滴。咖央醬塗得厚厚的，有半溶牛油，亦帶有斑蘭香和椰香味，味道挺有層次。多士香脆鬆化，外脆內軟；咖央醬質感香軟、順滑濃稠，讓人一口接一口。

平時食得茶餐廳嘅早餐多真係想搵啲特別嘅嘢食啊，終於係深水埗俾我搵咗間朝頭早都有喇沙食嘅餐廳。首先可以揀一款小食大概$28至38 當然你呢度一定要另外再加$15識佢唔同款式嘅喇沙或者蝦面或者河粉。反而相比起超級市場買到嘅新加坡喇沙，我竟然即食包裝嘅比較多。因為呢度嘅喇沙係咖喱味唔知係咪因為咁我覺得有啲鹹，但係就香濃嘅奶味，所以差少少野但係佢非常足料。另外叫咗個炸雞不過炸雞嘅粉落得幾多、朝頭早食其實有啲油膩，不過呢度嘅早餐比出面茶餐廳真係特別好多值得一試。而且仲會有得飲有薏米檸檬水，加$6就有啦。最後賣單雖然比起茶餐廳比較貴，搭$59可以朝頭早食到喇沙真係非常正！

個人一向都幾中意東南亞菜式，今次係網上見到呢間主打地道正宗馬拉菜嘅餐廳，當然要去試下啦！😊一望餐牌，就被藍藍綠綠色的飯吸引了！原來藍花飯係加入左蝶豆花汁去煲製，形成天然藍色～ 而綠色就係椰漿飯～辣死他啦（藍花飯）配仁噹牛肉 + 馬來亞拉茶（熱）$53✨辣死他啦配有藍花飯、仁噹牛肉、參巴醬、椰菜絲、薯仔、鹹蛋等～ 原來馬拉人會先整碎鹹蛋、薯仔等比較大件嘅配料，再將所有食材撈埋一齊食～✨仁噹牛肉嘅味道質感類似咖哩燜牛腩，香味十足，但肉質略為老身，如果再嫩滑一點會更好～✨而藍花飯就有淡淡嘅蝶豆花香，拌埋微辣嘅參巴醬都幾夾！✨馬來亞拉茶係其中一種奶茶，奶味都頗重，質感幼滑～整體來講，食物款式幾特別，但味道不算太出眾～

Happy Friday!!約埋班同事一齊去深水埗覓食本身有個同事係馬拉人，就帶佢去試下佢既家鄉菜啦😝😝望到餐牌第一眼就俾辣死他啦 （藍花飯）吸引住個人鐘意藍色，估唔到飯都有藍色既視覺真係好特別呀😍💙💙食落有少少椰汁味甜甜地，配左個咖哩雞肉，點埋個參巴醬味道好惹味呀同時有椰菜絲，紅洋蔥，豆角配料感覺好爽口清新同事叫左娘惹喇沙，湯裡加左好多椰奶味道好有濃郁既咖哩同椰子香味，鐘意淡淡既甜味值得一試小食就叫左我想食好耐既咖央多士咬落去成pat牛油再加埋啲咖央醬邪惡得黎好滿足呀燒烤肉串叫左一份都唔錯食完今餐棒住個大肚腩走了~~

又到覓食的好時機今天來到位於深水埗汝州街的馬來西亞菜嘗試新菜式捌哥捌哥特色馬拉茶啡廳 晚上七點多到達餐廳等候時間不長很快就可以進去餐廳內有別於別的馬來菜這家的肉骨茶是免費吃到飽而且可以不停續杯！肉骨茶味濃而且不是味精味！真的是料多味濃的那種免費的東西也不是兒戲！辣死你嗎配娘惹雞肉飯綠色的飯是椰漿飯椰漿味濃吃起來好清新可以將辣味中和一下我吃的辣所以覺得那個雞肉不太辣但朋友不能吃辣所以他覺得好辣不能吃辣的朋友要量力而為啊！喇沙麵就是稍為普通沒有很讓我驚喜的感覺味道不過不失蝦🦐很大隻吃起來是新鮮的沒有冰鮮的那種雪味咖央很脆脆醬料很夠味不會死甜如果不是吃得飽我應該會再吃一份！

有時食得港式茶記多，有時食下馬拉茶記都幾好!📍捌哥捌哥特色馬拉茶啡廳 位於深水埗汝洲街，可以算係深水埗中心地帶。呢度裝修幾有意思，塗鴉壁畫係出自「港版金政基」 Man僧手筆。👅 咖央多士 🍞 - 每一個馬來西亞人都有屬於自己的咖央口味，就好似每一個香港人都有屬於自己的沙嗲牛肉麵 🤣 呢度咖央多啲麵包焗得香脆再塗上滿滿暖笠笠椰漿味香濃嘅咖央 👍🏻👍🏻👍🏻。”捌哥! 捌哥!” ，即係馬拉話”很好!很好!” 🤤魚仔醬蘿蔔糕 🥢-主角係蘿蔔糕定係蘿蔔糕上面嘅魚仔醬？蘿蔔糕配上魚仔醬好有南洋風味! 蘿蔔糕絲滑呈糕狀，即係冇蘿蔔絲嗰隻! 魚仔醬好惹味，屬於XO醬啲friend! ”捌哥! 捌哥!” 😋💰 早晨套餐配半熟蛋一隻及一杯熱飲 -咖央多士餐 ($28)/ 魚仔醬蘿蔔糕餐 ($36)- 抵食.

如何踢走死氣沉沉的blue monday？就係放工後食餐好 今次我地黎到深水埗深水埗真係一個好多美食好多選擇既地方友人提意我地去食咖央多士尋尋覓覓黎到捌哥.捌哥特色馬拉茶啡廳感覺餐廳入面 新裝修 環境清潔特別一提 平時一入餐廳侍應會俾杯水你不過呢間有別於其他餐廳 佢哋會比一碗肉骨茶起初我心諗 我地都未order食物 係咪隔離枱嫁原來唔係 佢地仲會不停refill 我地兩個人叫咗三樣嘢Order是需要自己將食物Number寫在單上1.咖央多士 正正 甜甜地 加牛油一齊食真係非常夾麵包外皮脆 2.怡保芽菜雞 黃姜飯芽菜放底 本人對雞胸部份感覺一般 但食落感覺不太(鞋)口 咬落芽菜索索聲3. 一字骨肉骨茶內有三條一字骨 感覺同附送嘅肉骨茶味道相若成為$136 飽到捧住個肚 要唞一唞先離開最愛仍然係咖央多士會再幫襯👍🏻

是日放假，同老公出去嘆個Lunch，一起身好想食肉骨茶，深水埗一講食馬拉野好多人都會去蘇媽，其實都食過幾次了，係openrice見到有間捌哥捌哥，一於試下啦。環境：乾淨，光猛，舒服，裝修各樣野都同蘇媽蘇媽大同小異，心諗係咪食馬拉野既餐廳都係咁既風格既呢服務：呢個真係要讚讚!真心的，當日去食lunch有位先生好nice好好service，超有禮貌!好有heart!細滲套餐，我既至愛，濃濃的肉骨茶香味，好開胃老公點既，唔記得左叫咩名，偷食左舊薯仔，好入味，但都真係幾辣下跟餐加左個通菜，都辣辣地冇記錯兩人埋單大約$136，試過呢到之後第時如果要食肉骨茶都會番呢到

雖然肉骨茶任飲，但飲左3碗會唔會太誇張，好夠藥材味帶點甘甜。皇帝骨果然嫩滑，超正。奶油咖央多濃郁椰香之餘，適合既牛油厚度令香味更渾厚，多士飛左邊烘得香脆。但個雞肉太淋，汁都好咸，不建議。#test_shamshuipo______________________________🏠 捌哥.捌哥特色馬拉茶啡廳📍 深水埗汝州街188號地下💸 HKD 150 per head‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾........#hkfood #hkfoodblogger #hkfoodreview #hkig #hkfoodie #foodstagram #eatstagram #foodie #foodblog #foodig #instafoodie #foodporn #foodreview #foodhunt #travelhk #malaysia #深水埗美食 #香港美食 #肉骨茶 #咖央多士#먹방 #맛집 #맛 #홍콩  #홍콩맛집#comida #restaurante #sabor #美食

30/6究竟係蘇媽蘇定捌哥捌哥好？今日我地揀咗捌哥。怡保雞飯一如以往高水準(記得一定要+$10轉雞脾), 福健炒麵稍為油咗少少，另外奶油魷魚有驚喜，入味之餘不會過硬，下次可以試試黃金魷魚。飲品方面，試咗新嘅茶拼啡，味道淡咗少少，馬拉拉茶始終會比較啱個人口味。