拾一冰室

【觀塘區】【拾一冰室】同美女朋友去觀塘做嘢，有啲肚餓，喺附近搵間嘢食吓。見呢間喺大路口嘅好似幾企理就入去，原來係新開嘅新派冰室嚟。店員都幾好服務，唔 chur 單，又識親切。我哋 share 食，侍應推薦我哋試佢哋有鑊氣炒粉麵飯裏面 $68 嘅「鮮瑤柱鮑魚福建炒飯」。估唔到又真係幾好食喎，足料之餘，最大嘅亮點係有四隻真鮑魚仔，唔係食齋鮑魚呀，掂。跟住我試熱辣辣鐵板餐 $108 嘅「脆皮雞扒拼香煎鵝肝」跟蒜蓉汁同焗薯，有得揀焗薯真係幾好。個餐另外仲有羅宋湯、丹麥多士同雜果沙律，都唔錯嘅，幾有誠意。估唔到茶記有鵝肝食，試埋 $68 嘅「鵝肝菠蘿包」，睇吓點細味層次中的驚喜，配埋炒蛋的確有質素，好。嘢飲我哋飲咗「奶茶紅豆冰」、「冰凍雜果賓治」同「熱奶茶」，美女朋友話個奶茶紅豆冰幾好飲，而我飲後兩者都好，尤其個奶茶。埋單 $262，抵喎。。。（地址：觀塘偉業街180號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #openrice #google #xiaohongshu #1am觀塘區 #觀塘 #拾一冰室 #鮮瑤柱鮑魚福建炒飯 #脆皮雞扒拼香煎鵝肝 #焗薯 #羅宋湯 #丹麥多士 #雜果沙律 #鵝肝菠蘿包 #奶茶紅豆冰 #冰凍雜果賓治 #熱奶茶 #1am1854 #1ambackup…查看更多

牛柳切到厚薄適中，鋪滿咗黑椒醬汁，旁邊伴住香煎薯角同翠綠蔬菜，賣相相當吸引。急不及待切開牛柳，見到內裡呈現完美嘅粉紅色，肉汁緩緩滲出，睇見已經知道火候掌握得恰到好處。一啖咬落去，牛柳嘅軟嫩程度令人驚艷，肉質鬆化得嚟帶點嚼勁，完全唔會韌。黑椒醬汁香濃惹味，微辣中帶點甜香，同牛肉嘅鮮味非常匹配。最欣賞係佢哋嘅黑椒醬做得特別出色，唔會得個辣字，反而帶出層次豐富嘅風味，令人食到停唔到口。伴碟嘅薯角都唔馬虎，外脆內軟，沾上黑椒汁一齊食更加滋味。蔬菜炒得翠綠爽口，正好平衡返牛柳嘅濃郁味道。估唔到一間冰室嘅法式黑椒牛柳可以做到咁高水準，無論係牛肉嘅質素定係醬汁嘅調配都做得相當出色。為咗呢個滋味，絕對值得專程再嚟試多次！…查看更多

今次同同事收工去咗觀塘呢間拾一冰室，試咗個招牌嘅枝竹魚柳雞球煲，真係要同大家開心share！一上枱已經「滋滋聲」熱辣辣，個煲仲滾緊泡泡，香氣撲鼻！首先試咗件魚柳，外層炸到金黃色，索晒啲汁但又保持到脆口，入面嘅魚肉仲好滑溜，完全冇雪藏味。雞球都係驚喜之作，啖啖肉之餘仲好嫩滑，唔會煮到過火變「柴皮」。最正係啲枝竹，吸盡晒整個煲嘅精華，咬落去爆汁又入味，仲有啲冬菇同雲耳增加口感。個芡汁調得啱啱好，唔會太咸或者太稠，送飯真係一流！我同朋友都忍唔住叫多碗白飯嚟撈汁～雖然係冰室，但呢個煲仔菜絕對拍得住酒樓水準，價錢仲要親民好多，性價比超高！下次收工想食啲暖胃嘢，一定會再encore呢個煲！…查看更多

抵食晚市扒餐係觀塘海濱散步，見到呢間冰室好明亮，感覺好乾淨企理，而且當日已經成9點仲有好多客，一定唔伏啦！情懷港式雜扒 $102有豬扒、牛扒、雞全翼、兩塊煙肉同一條腸仔，仲有西蘭花，食肉獸既至愛🤣特別想讚佢既豬扒，保留咗豬扒嘅質感，但又唔會硬到好難咬，而雞全翼亦喺雜扒餐入邊好少見，比起雞扒更吸引，跟餐黑椒汁鹹到辣到亦剛好，仲要跟餐有個雜果薯仔沙律同埋丹麥多士，仲要配埋一個中湯或者羅宋湯，再有一杯野杯😂真係唔飽都難！美國西冷牛扒 $123點餐既時候冇留意到有冇得揀熟度，黎到見到唔係全熟，但都接近全熟，好在口感一啲都唔韌，都好juicy添。呢個餐跟既紅湯料都好足，跟餐加錢叫左杯紅豆冰，紅豆煮到好軟淋既紅豆配上花奶，係港式既經典組合，紅豆份量算多，都唔會太甜。開心果鮮牛油多士 (已烘底)開心果控見到有開心果既產品一定唔會錯過😆呢個多士仲要比想像中有驚喜。開心果醬勁濃郁，質地好比花生醬，果仁既味道好出，當中夾左小小凍既牛油，質地好絲滑，好值得一試！📍拾一冰室 (觀塘)觀塘偉業街180號地舖…查看更多

一埋臺先上湯羅宋湯: 湯底番茄味超濃，夠晒足料，酸酸甜甜。老火湯: 真材實料，湯夠濃又清甜。鮑汁花生豬手煲豬手煲一出，大家都即刻夾嚟食。豬手炆到好腍，一啲都唔肥膩，花生吸晒鮑汁，好入味。蟹粉豆腐煲豆腐好滑，蟹粉味夠出，加埋啲蟹肉一齊食，口感仲豐富咗。唔會太油，食落幾舒服，非常送飯。古法蒸盲曹條盲曹蒸得啱啱好，魚肉滑嘟嘟，蔥油香氣好正。成條魚都好有油香，簡單得嚟味道夠。鮮魚湯浸津白津白吸晒清甜魚湯，食落有魚鮮味又唔會水汪汪。凍柚子蜜啖啖清新，熱咖啡濃香唔苦，好解膩。…查看更多