一上枱已經「滋滋聲」熱辣辣，個煲仲滾緊泡泡，香氣撲鼻！首先試咗件魚柳，外層炸到金黃色，索晒啲汁但又保持到脆口，入面嘅魚肉仲好滑溜，完全冇雪藏味。雞球都係驚喜之作，啖啖肉之餘仲好嫩滑，唔會煮到過火變「柴皮」。
最正係啲枝竹，吸盡晒整個煲嘅精華，咬落去爆汁又入味，仲有啲冬菇同雲耳增加口感。個芡汁調得啱啱好，唔會太咸或者太稠，送飯真係一流！我同朋友都忍唔住叫多碗白飯嚟撈汁～
雖然係冰室，但呢個煲仔菜絕對拍得住酒樓水準，價錢仲要親民好多，性價比超高！下次收工想食啲暖胃嘢，一定會再encore呢個煲！
1
1
