拉麵Jo (已結業)

今日嚟到係元朗yoho既拉麵jo，呢度人流都幾多，想食的話記得早啲嚟攞飛！主食方面，我地今次試左特製豚骨拉麵同埋担担麵沾麵。佢地既豚骨湯頭好濃郁，而且配菜既流心蛋同叉燒都非常好食，尢其叉燒非常嫩！而担担沾麵係真係有辣味的，唔建議唔食得辣既朋友試，不過如果係好辣人士會食得好過癮，佢既拉麵好好咬口，配埋濃稠既担担湯，十分搭配！小食方面，我地叫左大阪風炸薯條同埋鐵板豆腐。薯條非常之推薦比大家，佢既薯條炸得岩岩好而佢既汁配薯條都好夾！

這次食拉麵經驗可算是近五年最差之體驗，冇諗過俾同一商場內某知名過江龍拉麵還差好多好多。湯頭：完全淡而無味，我會用「師姑尿」來形容，十分稀沒有豬骨味，湯溫度亦是勉強合格。麵：普通喺超市買到既即食拉麵質素蛋：如圖示，過了火死實冇任何流心及蛋香荀：正常叉燒：有舊角切叉燒及兩片叉燒，完全冇肉香並會癡牙，而且肥肉比例偏高木耳絲：十分高質非常爽脆，每下咀嚼木耳都好似在口內跳躍般，係呢碗麵唯一好處整體來說，呢個價格呢個質素實在有跌錢感覺，非常非常失望😞

我今日同朋友去咗元朗Yoho既拉麵Jo 最鍾意食日本野嘅我哋 當然好興奮喇😝我地點左一個明太子玉子燒，一個特製沾麵同特制低溫叉燒麵❤ 份量都唔少㗎我哋兩個人食覺得超飽🐒首先講吓明太子玉子燒啦，一碟有6舊玉子燒，裏面都有好多明太子，超足料同埋大大件，唔會話好鹹😚😚配埋拉麵食就一流啦👍之後再食個沾麵同埋叉燒麵，沾麵個湯超濃郁同埋超熱，你放麵落去我即刻拎返上嚟都會食到熱同埋佢嘅味道，個湯底超好食，係我暫時食過最好食嘅沾麵，我自己比較鍾意特製沾麵既麵同肉，因為佢嘅肉係入口即溶💙超好食而佢既低溫叉燒麵都幾特別，我都係第一次食。佢嘅叉燒因為低溫所以唔會話好熱，但食落去又覺得幾新奇，而佢嘅流心蛋真係超正超好食，配埋佢嘅拉麵食就一流😀😀兩個人食到好飽， 又係高質日本拉麵🍜真係好抵食，應該好快又會去元朗再食haha

呢排成日經過YOHO見到有間新開張既拉麵, 門口好多人排隊，知道係米芝蓮推介就好有興趣想去試下,就即刻約朋友一齊去。入到去店員安排左張二人台，凳下面可以比你放手袋，環境令到我幾舒服。呢間拉麵店都有好多不同種類既野食，我叫左一碗～特製底溫叉燒拉麵～，佢既賣相真係十分之吸引，碗邊圍住Ｄ叉燒好似一朵盛開既花，好靚好特別，用左底溫煮既叉燒，口感好軟，好易入口，同埋佢係薄切左，令到我會不停想繼續放入口，而拉麵質感都唔會太淋，湯底好適合我因為我唔鐘意太濃味，呢個湯就岩岩好。我朋友就叫左碗～擔擔麵～，湯底味道適中，佢呢碗既叉燒質感比較厚身，口感係入口即溶，一試難忘。我地仲叫左碟小食～蝦餃子～薄身既餃子皮包住原隻蝦～再加上沙律醬，一咬落去淡淡鮮蝦既香味湧出來，真係冇得輸。餐廳店員服務很好，不時都會幫我地加水，很有禮貌。

今日到元朗Yoho找朋友睇戲，見到有間新開的拉麵🍜店，一終試下先迷你馳名豬腩飯，對於我朋友嚟講份量剛剛好，仲有半隻雞蛋🥚豬腩肉肥廋恰到好處，又多淋米飯粒粒圓頭又尾，幾香飯味炒北海道帶子雜菇，有紅椒、黃椒、冬菇、茶樹菇、秀珍菇，最利害係還有幾粒大帶子大大粒帶子，又香噴噴大阪風炸蕃薯條🍟 ，熱騰騰的薯條上面有目魚及紫菜在飛舞，第一次食幾特別（食薯條唔一定食茄汁的）滿佈目魚的薯條幾特別特制醬油豚骨拉麵🍜，有很多配料雞蛋、鵪春蛋、紫菜同筍第一次食拉麵有鵪春蛋醬油湯底十分濃，好有向日本🗾食拉麵的feel 店舖食品選擇多一個人嚟自私食當然無問題

今晚收工後同老公係元朗搵食，老公最愛食拉麵，所以去咗YOHO MALL食RAMEN JO。店面不算太大，但環境尚算舒適，上菜速度也很好呢。😂特製豚骨拉麵 $92吃拉麵🍜前必先嚐嚐湯底，豚骨湯底十分香濃，豚肉肥瘦適中。🤓燒叉燒丼 $68叉燒每一粒都燒得好香脆，仲好入味，珍珠米配上特製醬汁，好有驚喜呀🤩！炸雞 $53新鮮炸起，大大件，啖啖肉，食落好滿足🤤。後來才知道原來RAMEN JO是米芝蓮餐廳，難怪也不會令人失望，除了元朗，在銅鑼灣及尖沙咀都有分店，下次要再食👍🏻👍🏻。

第一次黎呢間食，叫左最平既豚骨拉麵試下先，等5分鐘左右就可以上菜，上菜好快，店員服務態度都好好！睇相都見到個湯唔會太濃，唔係日本正宗果隻重口味、濃到起哂白泡既豚骨湯底，反而有啲清，飲落好順滑、唔會太咸，亦唔會有豬腥味，好味道💪🏻叉燒係兩薄片，都幾入味，肥瘦適中，唔會太肥，無論係個湯同叉燒，個口味都比正宗日本拉麵來得輕盈，好適合香港人口味！略嫌個麵有啲硬，唯有自己等一等先食，等左一陣，個麵質其實都唔錯，亦都好掛湯，lunch套餐仲包埋飲品、小食，飲品有汽水/檸水可以揀，小食就有薯仔沙律/餃子/炸雞，餃子係普通貨色，味道中規中矩，食落個皮有啲脆，收貨！總結lunch 套裝幾抵食，加埋一都只係$75，味道亦都唔錯！CP值真係好高！

成日行元朗YOHO都會經過依間拉麵店，聽講係米之蓮推介既拉麵店。今日就入去試一試。1.特製低溫叉燒拉麵第一次見到叉燒圍住d拉麵，見幾特別就叫黎試下。叉燒係凍既，偏鹹，味道有d似豬手。拉麵條條分明，有層次，有咬口！整體唔錯！其實已經有夠味，如果再重口味d可以再加調味料。2.安格斯牛肉飯牛肉半生熟，大約五成左右，塊塊都好大，足料。白飯係珍珠米口感，醬汁係燒汁。味道方面，朋友話好有牛肉香味，唔韌，食到讚不絕口。仲附送面鼓湯，就係平時果種味道。3. 明太子煎蛋滿滿明太子，雞蛋煎得嫩，有d蛋糕感覺。而明太子一粒粒，增加口感。味道方面，好夠味，唔洗額外點調味料，好實正，咬左一啖都唔會散

呢間Yoho米芝蓮拉麵平時好多人排隊，最近YOHO少咗人,今日竟然可以唔使排隊就直入,真係好。入到去睇到餐牌都有一般豬骨湯嘅拉麵同時都有沾麵另外都有好多款小食可以選擇, 唔似一般拉麵鋪咁單調。特製沾麵, 麵都有彈牙感覺, 麵是偏涼的但湯是非常滾的, 所以沾上熱湯就剛剛好喇。有時我食拉麵就是要過一個心理關口>>> 無餸。 今次睇D 豚肉有這麼多件,心裡亦安慰下來,豚肉膏同肉一層一層好分明。另外破格試外個担担麵, 感覺就係似上海担担麵嗰種, 多花生的但少左種麻醬香味。有兩件薄豚肉同流心蛋, 多蔥, 少少辣, 配日式拉麵, 彈牙的, 都不錯喎。自製餃子- 皮薄軟身, 餡料仍然保留肉汁。鐵板豆腐-好似章魚小丸子咁有木魚同埋醬汁鐵板上啲豆腐超級滑, 本身連埋咁多嘅醬汁食就豐富了好多。奇怪地... 心裡一直覺得不夠食, 最後卻大滿足。

今日去左yoho食lunch, 一人叫左一個拉麵一齊食。特製低溫叉燒麵，製作好用心嘅一碗麵，碗邊鋪滿叉燒，成朵花咁，出面路過嘅小朋友都睇到wawa 聲。叉燒本身係低溫煮，好軟熟，薄薄地一片，唔會太漏。而湯底做得濃淡得宜，拉麵係幼身嗰隻，都彈牙，整體都幾好食。友人食嘅係豚骨拉麵，兩碗嘅湯底都一樣，唔重複講，唯一唔同嘅係塊豚肉，半肥瘦，好香口！友人話想試埋炒北海道帶子雜菇，又幾好食喎，個帶子煎到好香，如果想試小食嘅話強烈推介試呢個～

很久沒有到元朗YOHO逛街，這晚誤打誤撞在元朗YOHO的RAMEN JO吃拉麵，竟然發現這間餐廳原來是米芝蓮餐廳，更連續六年榮獲米芝蓮，水準自然有保證。 餐廳半開方式的設計， 開揚舒適。多款拉麵有提供” 特製”及普通選擇， ” 特製”當然配料較多，自然價格較貴。最後我們點了兩碗拉麵，分別是特製醬油豚骨拉麵 $98及沾麵$ 89，還有兩款小食， 炸蟹肉忌廉餅 $32 及 蝦餃子$70。炸蟹肉忌廉餅 $32 – 外脆內軟，內裡充滿CREAMY蟹肉忌廉的餡餅，新鮮熱辣，絕對是即叫炸。蝦餃子$70 – 一客蝦餃子有5隻，以大大隻原隻鳳尾蝦作主打， 餃子皮薄，煎得香脆， 賣相討好。特製豚骨拉麵 $98 - 先喝一口湯， 即時感受到濃濃的豬骨湯，令人入口有滿足感，難怪其豬骨湯榮獲米芝蓮美譽。 麵條較幼身，輕易能做到掛湯效果叉燒肥瘦均勻，配料有鮆菜、 荀、菠菜及糖心蛋半隻。驚喜位是吃到最後發現有一粒小小的蛋在碗底，是鵪鶉蛋嗎?~沾麵$ 89 – 首先是視覺享受，熱騰騰的沾麵湯底在面前沸騰。由於沾麵是冷麵，所以沾麵湯一定要夠熱， 沾麵麵條較粗， 吃起來有嚼勁，沾麵湯味濃，散發出飄香的魚介味。 叉燒雖薄

到拉麵jo吃一頓簡單而豐富的晚餐😁點了一碗拉麵還有兩款小菜~點了一款博多拉麵 吃拉麵前我都會先嚐嚐它的湯底 博多拉麵湯底十分香濃，但不會是讓人感到鹹 ，不會有味精感覺。面的質感彈牙及較幼身，豚肉肥瘦適中，烹調時間剛好。還有我最愛的糖心蛋 半熟流心蛋汁配上拉麵一流😆小菜方面我點了一款炸雞，還有菠菜。涼拌菠菜不過不失。值得稱讚的是炸雞粒，新鮮炸起，外脆內軟，啖啖肉，食落十分滿足。在拉麵店簡單的晚餐，豐富又美味。

晚上和媽媽到形點食飯，有段時間沒吃拉麵的我倆決定到拉麵Jo 一試。我們各點一款拉麵，亦加配牛舌作小食。蔥花牛舌份量也不少，薄身一片片，食落也算爽脆，而且牛舌和蔥花爆炒後很香口很惹味！媽媽點的是低溫叉燒麵，上來時已經很吸睛了，叉燒鋪滿碗邊，有十大片，有滿溢感覺，所以更覺豐富！低溫煮的叉燒很嫩滑，不失肉味，而且不會太油膩。而拉麵口感是適中至硬，正合我意，拉麵湯頭也不錯，不是太濃厚，亦不會太清淡，多喝也不覺涸乾，媽媽也很滿意，不過食了一半叉燒已經很飽了！我點的是沾麵，本想試擔擔沾麵，但店員提醒帶辣的，所以便改為特製沾麵。沾麵是厚身，質感是我喜歡的，煙煙韌韌，掛湯力也不錯。沾麵湯底很香醇濃郁，味道比拉麵更突出，而叉燒半肥瘦，食起來更加滑，味道很好！整體來說，拉麵質素不錯，性價比高，是元朗區的好選擇！

在商場裡的拉麵店舖位不算大，勝在環境舒適拉麵店一定要吃拉麵😋特製低温叉燒麵，賣相巳夠吸引。先要喝一口湯，濃郁的湯底，彈牙的麵條，還有低温製的叉燒，份量不少，足夠二人分享。不只有拉麵，還有多款小吃。有炸八爪魚球，口感很好啊。 大大個的魚球，鋪滿厚厚的堅魚乾和醬汁，十分滿足的感覺。愛吃牛舌，因牛舌口感很特別，點了葱花牛舌。醬汁加上些檸檬汁，配上不肥膩的牛舌 ，食落又啖啖肉，不錯的。朋友較喜愛吃飯，要有飯氣，點個安格斯牛肉飯。鋪滿片片安格斯牛肉，醬汁和牛肉混合，一口一片滋味無窮。

小妹身邊有好多朋友都幾鍾意日本 同佢地食飯好多時候都話想食拉麵或者日本菜 今次就揀左呢間連續六年的米芝蓮食府食日式拉麵🤩🌟辣味豚骨拉麵🍜 $85湯底有辣油 中間仲有辣椒碎粉🌶不過食落去都唔會話太辣 幾惹味拉麵幾彈牙 食落去都幾爽口 唔會因為浸落湯而變淋左🌟炸八爪魚波 $48一碟六件的八爪魚波 同朋友一齊share食真係啱晒🤔入邊係有原粒八爪魚🐙 面頭仲有少少木魚碎❣️🌟迷你馳名豬腩飯 $58豬腩肉肥瘦相間☺️都幾入味下🥰豬腩飯上面佈滿鹹菜，香蔥和醬油😊除咗令到層次感更豐富之外 食落去有浸鹹香🌟日式蛋卷 $48其實呢間最出名嘅係明太子煎蛋卷 但係因為朋友唔係太鍾意食明太子所以就叫咗個普通野蛋卷厚實香滑🍳蛋味非常重亦帶微甜 另外值得一提呢度既店員都非常有禮貌 亦都會主動幫手斟茶