影片
朋友知我喜歡食好野, 介紹了一間新開的居酒屋, 我和三五知己一試, 忍不住要推一推....地方不算大, 但勝在裝修漂亮, 十分乾淨!! 員工親切有禮, 服務好!! 講明居酒屋, 香港地一定要突圍而出, 梗係要試特別野喇。呢度嘅拉麵超正, 無論麵, 豚肉口感, 湯底風味, 都好有日本feel, 香港地湯拉麵食唔少, 好食嘅已賣少見少, 個人覺得只有灣仔一間和大角咀嘅大X(日本仔開) 而呢間神豚特別在配濃湯來吃, 另一絕配風味。食日本野梗係唔少得Sashimi 同 SUSHI , 無論Toro, 不同魚類, 試了幾款, 超新鮮!! 海膽無醒味, 入口溶化, 全部優質食材!!炸和燒嘅食物也有高水準, 最感動係個牛舌, 老婆encore左兩次, 和牛都唔使講啦, 食材新鮮自然好食。致於冷食, 豆腐, 枝豆, 沙拉, 唉! 唔講啦, 睇圖啦。朋友食完個腌魷魚, 又話要encore, 我問佢你不嬲唔食魷魚架!!最後一提, 佢有款梅酒, 真係令我感動到想哭, 加冰, 塊冰居然有手作不同鮮花係裏面, 一盒任你選擇。OMG, 死未, 又encore。你如果去TST, 中環, 銅鑼灣, 酒店食所謂嘅高級日本菜, 不如來呢間, 平一大折, 當然呢間未算頂班一流, 但好CP 高, 真心推介。你如想來食快餐, 湯麵, 餃子, 平Sushi, 呢度唔啱你, Lunch 例外。呢度係比有Taste 同埋懂得享受嘅人來!!
繼續閱讀
拉麵居酒屋神豚是北角一家非常值得推薦的餐廳。 無論是食材味道是令人懷念的傳統日本料理覺感覺、親切的服務，還是舒適的環境，都讓人我們留下深刻的印象。 下次有機會，一定會再來。魚生非常新鮮、自家餃子非常香口。一定要試吓拉麵🍜啊。特別係小朋友都津津有味，吃完還說想要多一碗🤣🤣😅😅非常期待下次再光臨.食品價錢適中優惠👍🏻所以當天都好多啊，當天都等咗半個鐘，希望可以加多兩張枱😂如果鍾意飲返兩杯嘅朋友，這裏是極力推薦選擇很多👍🏻
繼續閱讀
沙律寒酸選擇少，肉類太薄似爛地布，肉汁完全冇味，，肉類偏凍，拉麵湯完全好似飲緊水咁，得個顏色，好難食，嘢食偏貴，而且選擇少，四種拉麵揀，而且仲係湯底拉麵嘅食物配料
繼續閱讀
麵底：同五十嵐無分別，絕對唔係一般日本拉麵底（正宗日本拉麵會有分粗幼度同軟硬度）豬肉：完全冇口感冇香味，用屋企平底鑊煎仲好味過佢拉麵配菜：冇半熟蛋，少蔥，木耳煮過龍湯底：冇豬肉咪，亦不算是濃湯，感覺出前一丁豬骨湯都濃過佢環境：有半自助沙律吧，但配菜種類很少，唔算特別新鮮，但由於拉麵太細碗，如果唔係細食既人，應該要係呢度先食得飽份量：真係超係細碗，一般日本拉麵我可能9成飽，但呢碗拉麵我連飽都講唔上服務：大部份係自助，冇乜服務可言價錢：平均價8×至9×（未計加一） 一碗拉麵。個人覺得最多只值39蚊（因為我最少食2碗先飽，已經唔講好唔好）
繼續閱讀
今日本來打算去食韓國野,點知見到呢間係隔離新開既拉麵店,姐姐係門口熱情拉客,咁我地就入去試下啦,入到鋪頭先發現只有4種拉麵選擇,其他食物係一定要加購; 我地有人叫左豬骨拉麵,蕃茄湯拉麵同海老拉麵,我自己就食海老拉麵,先唔好講好唔好食,食物等得耐,其他人食完我碗麵都未到........麵既份量略小,男士個個食完都話好似無食過野咁; 買相係好有誠意,佢有跟一碗豬骨湯同海老湯,豬骨湯一陣豬既SO味,海老湯略咸,無鮮味,麵有梘水味,果兩塊叉燒好似紙咁薄而且都係有豬既SO味,海老拉麵有跟一隻炸蝦,旦係隻蝦好似係OVER COOK咁,唔係金黃色.....同埋D肉有D霉.......完全食唔到有蝦既味道.....仲有,佢話有一個咩餐前小食放提,種類小份量小,而且難食.........用餐時聽到隔離枱有兩位女士好大聲講D野好難食,跟住走既時候望到佢地枱上既食物只食左小小.......咁既食物質素,一碗海老拉麵要108元,而且仲要加一..........
繼續閱讀