拉麵居酒屋神豚

營業中

休息中

朋友極力推薦呢間日本舖頭，我就同幾位老友去試下，首先環境吾錯，店舖細細，空間座位好寬落，舒服又有格調。食物水準很高💯，首推前菜蟹肉拌水雲，細細杯，酸酸甜甜，喜歡甜甜酸酸嘅朋友仔一定要試，魚生很新鮮，三文魚，帶子同吞拿魚都好好味，我哋有叫牡丹蝦同松葉蟹,牡丹蝦蝦身要嚟做刺身，蝦頭師傅要嚟炸，真係好好味，蝦頭超多蝦膏😋松葉蟹蟹脚很清甜，蟹身嘅肉用紫菜包住食，可能我第一次食的關係，我覺得幾好吾錯，牛舌亦係非常好味，牛肉味濃，口感鬆軟，牛魔王一定要試😊還有要讚是蘿蔔煮油甘魚魚鲛，蘿蔔好入味，魚鲛好厚肉和煮得好滑，吾怕「鞋」口，其實我哋有好多嘢都好想试好想食，因為真係好吸引，但個胃size 有限😂要留待下一次，還要一讚是煎餃子，餃子咬落有肉汁，原來餃子是全人手包，隻隻size 都一樣，好似倒模倒出嚟😁

住了北角十幾年，眼見不少熟悉食店相繼結業, 真有點唏噓. 昨晚和家人第一次光顧這日本餐廳，拾回了很久沒有體驗到的驚喜；很高興在這艱難市場，仍然有有心人願意冒險嘗試.看得出餐廳每一樣出品都有背後的心思和努力. 餃子是現包的，不是雪藏貨；魚生新鮮味美，不是連鎖店那種薄薄切一片的急凍魚. 拉麵無論湯底和賣相都出色. 其他非日本主流小食, 包括厚切煙肉和豬手，加一碗白飯，完美的一餐.聽老闆說，餐廳下午還會給學生打折.我很少寫食評，這餐廳真心值得，街坊可以放心一試.

第一次到呢一間餐廳，一入門口，已經俾它的日式裝修吸引咗食物非常新鮮，尤其推介炸蠔非常新鮮。牛舌亦非常好好食，拉麵湯底很濃。最後參加咗會員，可以即時享用88折優惠。係樓上舖，咁好嘅餐廳一定要要幫手推介！！

本來想去炮台山食寿司, 想起加滕, 點知去到已經轉左呢間拉麵居酒屋神豚! 算啦費事搵, 和同事望見裝修位置, 價錢都唔錯, 一於入去試下喇!!先叫D魚生寿司, 嘩啦! 唔錯, 有咬口又新鮮。再來炸物, 牛脷, 和牛一定要食!  除了個正字, 無其它形容詞 !! 沾麵我本人唔太喜歡, 但見整得好靚, 好有fusion 感, 朋友話好正, 我試左一啖, 麵質很好, 濃湯好味, 但我本人喜歡清湯, NOT my favourite. 最特別係梅酒, 唔記得影, 冰有手工雕花, 任選, 只能用美字來形容, 唔舒得飲, 望住都開心!!!總體我比90分, 服務算好, 會問你食物如何, 又有介紹。我一定會再來!!!

7月15日閒日中午，我和阿女去試下屋企附近呢間新開張嘅拉麵店，試左豬骨湯拉麵、蕃茄拉麵及炸雞(小食)，好好味，值得推介。😍😍1.空間感十足👍店舖裝修略嫌簡單左少少，但勝在枱與枱之間空間極充足，店主冇將枱櫈放得密麻麻，令客人坐得好舒服。2.拉麵及湯底高質👍每款拉麵都有數片薄薄豚肉掛喺碗上，口感一流，肉味香濃。拉麵幼長，有嚼勁。豬骨湯底香濃，絕對唔係味精湯。3.蕃茄湯拉麵極有驚喜👍原來呢個係沾麵嚟架，另外附有一碗蕃茄濃湯及一碗薯仔濃湯用來俾客人沾拉麵食嘅，先沾蕃茄湯再沾薯仔湯，個蕃茄湯好好味，食得出鮮蕃茄味道及充滿鮮蕃茄蓉，絕對唔係茄膏。我同阿女一人一碗麵，再叫多一碟小食~炸雞，已經好夠飽。男仕來食，可能就要再叫多一份小食才夠飽喇！4.免費自助前菜吧👍前菜款式唔算多，但勝在好吃、健康及有特色。除了有常見嘅麻醬沙律菜外，仲有好多日式健康前菜，包括：牛蒡、鮮准山、蓮藕等，全部任食，好好味。另外，好似日本地道嘅拉麵站一樣，有自助冰麥茶及冰水任飲。5.侍應服務態度一流👍當日一位女侍應特別熱誠有禮，主動介紹美食，又主動為我地添茶水。🎊🎊今次午間去試過拉麵，口感及味道都好滿意。睇餐牌，應該晚市仲有些美

第一次上嚟食飯 坐得很舒服 環境十分乾淨 服務態度非常好 很有禮貌 半磅三文魚非常抵食 只需要98蚊厚切三文魚 都未見過這麼便宜的價錢 大型超市都沒有這個質素 每塊都是厚切 非常新鮮 每一個菜式都裝飾得很靚 味道非常好 尤其是 手工餃子非常新鮮 經職員介紹 才知道餃子好食的原因 是日日人手製作 還有櫻花蝦天婦羅 牡丹蝦刺身 炸牡丹蝦頭 炸魷魚鬚 紫薯餅 綠茶蛋糕 全部都好好味 仲飲咗啱小朋友嘅果汁 有日本版嘅橙汁和蘋果汁選擇 我要住喺度呀 好味到飛起呀 即刻申請咗會員 原來會員全年88折 每次嚟食飯都有小食送 每個月都有會員感謝祭有好多大優惠 下個星期要叫daddy媽咪再帶我嚟

餐廳新開張，環境乾淨企理，傾偈唔會覺得嘈👍店內有自助前菜，鵪鶉蛋同白蘿蔔味道都唔錯。我地一家人叫左沾麵同餃子。初時以為有三款湯底選一款，經店員解釋後先知原來包兩款湯底，其中一碗係豬骨湯，另一碗可選蕃茄湯或蝦湯，食嘅時候可以按喜好沾上唔同味道，又幾得意喎！湯底夠濃郁，我揀左蝦湯，食食下再加入豬骨湯都幾好味。屋企人揀左蕃茄湯，感覺有點西式。叉燒同餃子都唔錯。可能食慣粗沾麵，但呢度既麵較幼身，食落口既質感好似差少少🤏咁熱既夏天食湯拉麵真係好熱，除左壽司冷麵，黎呢度食下沾麵又多一個選擇。

服務態度✅餐廳門口已有人接待✅入到餐廳安排很好✅坐下即有茶水供應餐廳環境✅ 乾淨整潔✅卡位舒適食物評價⭐️吞拿魚沙律✅吞拿魚新鮮✅沙律醬和吞拿魚混合很好⭐️三文魚刺身✅三文魚新鮮✅厚切三文魚⭐️神豚炒飯✅份量足夠✅炒飯乾身✅沒有過多油殘餘✅配料足夠⭐️厚切牛舌鐵板✅牛舌彈牙✅醬汁適合⭐️日式炸雞✅咬落脆口✅不會太油✅配醬適合整體而言，用餐體驗很好，份量適中，味道美味，出品高質素，適合一家大小或個人用膳。

同老婆行過見到新舖，即刻上去試下菜先~🐟🐠三文魚油甘魚帶子刺身刺身厚切新鮮，三文魚肥美！🦐🍙甜蝦同吞拿魚壽司推介👍🍜特濃蕃茄湯拉麵味道食到啖淡蕃茄粒，不會太濃味，之後想問侍應拎調味料嗰時，先知個湯底用原個蕃茄熬製，冇加任何味精🫶🍻🌸老婆叫咗杯梅酒，我試咗杯Sake，兩杯酒上嗰時有驚喜，老闆娘特登俾咗有花嘅冰磚放落杯酒到，老婆即時心心眼，打卡必叫😍滿足嘅一餐，Menu好多選擇，下次會再Encore！！

朋友知我喜歡食好野, 介紹了一間新開的居酒屋, 我和三五知己一試, 忍不住要推一推....地方不算大, 但勝在裝修漂亮, 十分乾淨!! 員工親切有禮, 服務好!! 講明居酒屋, 香港地一定要突圍而出, 梗係要試特別野喇。呢度嘅拉麵超正, 無論麵, 豚肉口感, 湯底風味, 都好有日本feel, 香港地湯拉麵食唔少, 好食嘅已賣少見少, 個人覺得只有灣仔一間和大角咀嘅大X(日本仔開) 而呢間神豚特別在配濃湯來吃, 另一絕配風味。食日本野梗係唔少得Sashimi 同 SUSHI , 無論Toro, 不同魚類, 試了幾款, 超新鮮!! 海膽無醒味, 入口溶化, 全部優質食材!!炸和燒嘅食物也有高水準, 最感動係個牛舌, 老婆encore左兩次, 和牛都唔使講啦, 食材新鮮自然好食。致於冷食, 豆腐, 枝豆, 沙拉, 唉! 唔講啦, 睇圖啦。朋友食完個腌魷魚,  又話要encore, 我問佢你不嬲唔食魷魚架!!最後一提, 佢有款梅酒, 真係令我感動到想哭, 加冰, 塊冰居然有手作不同鮮花係裏面, 一盒任你選擇。OMG, 死未, 又encore。你如果去TST, 中環, 銅鑼灣, 酒店食所謂嘅高級

拉麵居酒屋神豚是北角一家非常值得推薦的餐廳。 無論是食材味道是令人懷念的傳統日本料理覺感覺、親切的服務，還是舒適的環境，都讓人我們留下深刻的印象。 下次有機會，一定會再來。魚生非常新鮮、自家餃子非常香口。一定要試吓拉麵🍜啊。特別係小朋友都津津有味，吃完還說想要多一碗🤣🤣😅😅非常期待下次再光臨.食品價錢適中優惠👍🏻所以當天都好多啊，當天都等咗半個鐘，希望可以加多兩張枱😂如果鍾意飲返兩杯嘅朋友，這裏是極力推薦選擇很多👍🏻

沙律寒酸選擇少，肉類太薄似爛地布，肉汁完全冇味，，肉類偏凍，拉麵湯完全好似飲緊水咁，得個顏色，好難食，嘢食偏貴，而且選擇少，四種拉麵揀，而且仲係湯底拉麵嘅食物配料

麵底：同五十嵐無分別，絕對唔係一般日本拉麵底（正宗日本拉麵會有分粗幼度同軟硬度）豬肉：完全冇口感冇香味，用屋企平底鑊煎仲好味過佢拉麵配菜：冇半熟蛋，少蔥，木耳煮過龍湯底：冇豬肉咪，亦不算是濃湯，感覺出前一丁豬骨湯都濃過佢環境：有半自助沙律吧，但配菜種類很少，唔算特別新鮮，但由於拉麵太細碗，如果唔係細食既人，應該要係呢度先食得飽份量：真係超係細碗，一般日本拉麵我可能9成飽，但呢碗拉麵我連飽都講唔上服務：大部份係自助，冇乜服務可言價錢：平均價8×至9×（未計加一） 一碗拉麵。個人覺得最多只值39蚊（因為我最少食2碗先飽，已經唔講好唔好）

今日本來打算去食韓國野,點知見到呢間係隔離新開既拉麵店,姐姐係門口熱情拉客,咁我地就入去試下啦,入到鋪頭先發現只有4種拉麵選擇,其他食物係一定要加購; 我地有人叫左豬骨拉麵,蕃茄湯拉麵同海老拉麵,我自己就食海老拉麵,先唔好講好唔好食,食物等得耐,其他人食完我碗麵都未到........麵既份量略小,男士個個食完都話好似無食過野咁; 買相係好有誠意,佢有跟一碗豬骨湯同海老湯,豬骨湯一陣豬既SO味,海老湯略咸,無鮮味,麵有梘水味,果兩塊叉燒好似紙咁薄而且都係有豬既SO味,海老拉麵有跟一隻炸蝦,旦係隻蝦好似係OVER COOK咁,唔係金黃色.....同埋D肉有D霉.......完全食唔到有蝦既味道.....仲有,佢話有一個咩餐前小食放提,種類小份量小,而且難食.........用餐時聽到隔離枱有兩位女士好大聲講D野好難食,跟住走既時候望到佢地枱上既食物只食左小小.......咁既食物質素,一碗海老拉麵要108元,而且仲要加一..........

平時拿Open rice出黎都係book位，好少特登出黎寫食評，成間餐廳得四款拉麵係主食，其他都係小食都唔知做乜，關鍵係最便宜都要85蚊，而且面底同出面50-60蚊個啲拉麵麵底一樣，塊叉燒仲薄個張紙，麵的份量又少過人，食完同沒吃過一樣，而且85蚊個拉麵水都唔給一杯要我地全部自助，然後又收我加一服務費。一句講曬成間餐廳服務完全見唔到有，淨係基本的收拾碗，咩野都要自助，食物質素完全對唔住佢個價錢，絕對唔會有下次再黎食，鍾意試伏嘅可以試下