手作功夫茶 (顯徑街市)

營業中

休息中

我今日奶蓋咗喇😋🥤功夫茶-芝士奶蓋紅茶+咖啡凍，半蜜少冰 $21.5 (袋鼠原價$43)要讚嘅係奶蓋都多，但係就賣相見倒好似星空咁嘅粒粒浮浮吓😂以前幫襯過其他分店係未試過會有粒粒🤔-今日朋友想飲功夫茶，然後我話袋鼠可能有折，結果真係有$50半價嘅優惠，所以我地夾單一人一杯。我諗咗好耐唔知飲咩好，最後揀左奶蓋紅茶+咖啡凍，好耐冇飲過功夫茶嘅奶蓋想試下仲keep唔keep倒個水準。我唔係即場飲嘅，朋友拎到比我嗰時奶蓋都冇散曬係幾好嘅，點知第一眼見就好多粒粒，即刻扣左少少賣相分。飲落個味都還好嘅，係正常發揮，我覺得咖啡凍嘅份量都多，紅茶底感覺有啲普通我下次應該唔會再飲紅茶，整體嚟講廿幾蚊一杯奶蓋算係咁啦🤣🤣

飲左將近11年珍珠奶茶，係珍奶迷，呢間係附近，所以飲過它好多款果茶、朱古力、黑糖系列，不過越做越hea…可能係顯徑係獨市一間不休做，但D茶味無乜，奶茶好多都溝得比較多水份，服務態度一般，好多要求都話唔🉐️。以前返工都會一日飲一杯，所以每星期都會屋企樓下買1-2次，呢間飲不到功夫的味道，貢茶的質素不過貴價版，連鎖店也不抱期望，希望可以努力改進滿足平民嘴巴。會繼續繼續幫襯，加入會員買飲品有9折抵D。

今日經過瀝源個條橋，我就買左一杯38奶霸 ($26)我第一次買手作功夫茶嘅野飲呢一杯38奶霸有珍珠、仙草凍、蒟蒻！記得要搞一搞先好飲，因為杯底有好多配料同埋黑糖。如果唔係就會味道唔均勻，成杯野飲就會好甜架啦 我叫左甜度適中、正常冰，我覺得呢個程度都可以，唔會太甜！只係我就覺得奶茶就唔夠濃，不過配料做得唔錯，珍珠好煙韌、好大粒，好好食！甜度同冰粒數量，呢啲就因人而異啦 大家都可以試下，或者其他野飲，我見呢間店好多人排隊買嚟飲

諗住介紹呢間，上網一查係勁多分店😂黑糖珍珠鮮奶係非常好飲！所以特登介紹！🧋 芝士宇治抹茶 微糖走冰 $33好香濃嘅抹茶味，飲得出係日本綠茶粉，個人覺得微糖都有啲甜，芝士奶蓋好厚🥰超濃芝士味，有奶香，好好飲！🧃輕飲水果茶王 半糖走冰 $32非常fresh，有啲酸，好多新鮮水果，啖啖都飲到熱情果籽，好有口感，夏天就最啱飲啦！推薦指數: 9/10真係覺得好唔錯，價錢都唔係好貴！如果有會員卡會有九折，推薦！

今日天氣炎熱，係新開街市嘅美食街食咗咁多嘢，再飲番杯台式茶飲就大滿足啦😬 #手作功夫茶 主力台式手搖茶，嚟到門口已經大排長龍！我哋點左三杯，輕飲水果茶王、38奶霸、黑糖波霸純鮮奶。呢啲咁悶熱嘅天氣，飲番杯水果茶，真係夠晒清涼解渴。珍珠奶茶，珍珠q彈軟熟煙韌 ， 台式奶茶 奶味香濃軟滑，如果你都係珍珠奶茶控，兩杯都係必試嘅🤩👍

天時暑熱，飲水係唔夠架，好想飲返杯有味既野～上左樓下街市手作功夫茶～其實佢啲飲品都算唔錯～呢次試左輕飲水果茶王～揀最少甜同最少冰～果然有驚喜～飲落透心涼，仲可以慢慢食埋啲水果～都好足料架～有一大片西柚、幾片蘋果、幾片橙，仲有奇亞籽～盛惠$32😋

Order左招牌～38珍珠奶茶～我中意佢有晒仙草、珍珠嗰啲，兩樣都食到，不過茶底味道係偏甜，記得要少甜或者微甜。以前個寫留言個msg board拆左，無左特色🥺街市多左台式飲品點都係多左個選擇～