憶食尚臘味煲仔飯

營業中

休息中

秋風起，又係時候食返啲熱嘢暖暖胃～ 呢間中菜館位於佐敦，主打臘味煲仔飯，更提供多款精緻嘅中式小菜！整體環境優雅，地方闊落，每枱都設有屏風隔住，私隱度十足，適合家庭聚會☺️廣式臘味煲仔飯係佢哋嘅招牌菜，上枱時熱辣辣，店員會幫手落蔥同豉油再攪拌～ 飯粒粒分明，軟硬度適中，底部仲有飯焦！臘腸鹹度適中，臘肉油脂感滿滿，撈飯一流😋咕嚕肉炸至脆身，肉質紮實，食落唔粉，甜酸醬汁帶點拉絲效果，十分開胃☺️ 姜汁炒芥蘭反而有驚喜，口感爽脆，入口鮮甜，同時散發著姜汁香氣，簡單又美味！

最近去工聯會返學，從柯士甸站地鐵站出口發現文匯街有好多食肆。行過見到好多coffee shop及食店。 見今日上堂前凍凍地就去咗一間轉成臘味飯嘅中菜館試下。中菜館有兩層樓枱與枱之間非常寬闊川椒麻辣雞煲麻辣雞煲一嚟到賣相相當吸引，五顏六色嘅配菜再加上煮到黃金色嘅雞肉，未食已流口水。 川椒味浸入每粒雞肉裏面，每食一啖雞肉，都充滿住川椒味，超惹味。雞肉好新鮮，爽口嫩滑彈牙。炒芥蘭芥蘭炒到剛剛好，非常翠綠色。油份包住芥蘭芥，食落索索聲，非常脆口。補鈣最啱食芥蘭。川味臘味煲仔飯（中）三款餸菜喺臘味煲飯上邊，飯粒吸收晒三種材料嘅味道。每食一啖飯都充滿着豬油嘅香味。菊花茶一坐底，就可以叫茶。 任選唔同嘅茶底，最特別係可以選菊花茶。剛食完煲仔飯，非常燥熱。飲返杯菊花茶可以中和返個熱氣同去肥膩，超啱我。

食過一次真係返唔到轉頭食廟街嗰啲煲仔飯首先環境一定係好舒服環境乾淨 員工態度又好其次就係煲仔飯嘅價錢，雖然相對廟街嘅貴少少但係佢嘅質素，我覺得係好過廟街嘅食煲仔飯，最鍾意食嘅係佢嘅飯焦呢度嘅飯焦係好容易刮嚟食而且有咬口得黎唔會係全濃味喺廟街食過煲仔飯嘅人，都應該見過飯焦部份完全刮唔到就算刮到都好大燒燶味所以我係好欣賞呢度嘅煲仔飯每粒飯都一粒粒好乾爽 臘味又好食兩個人食嘅份量，其實都啱啱好不過加多左一個菠蘿咕嚕肉感覺就在圓滿啲啦

佐敦文匯街的這間兩層高的煲仔飯專門店，裝修精緻得改變了我對煲仔飯店的一般印象。藍白色的裝潢、皮質坐椅、屏風間隔，感覺與中菜廳無異🫖 玄米茶（茶芥每位$15）甘香的玄米茶最適合配油潤的煲仔飯，另有菊花茶及鐵觀音可選🥢 特色臘味煲仔飯（$158）臘腸甘香油潤、臘鴨咸香、臘肉肉香濃郁、米飯米香Q糯，拌上咸甜適中的頭抽醬油，還有那香脆的飯焦👍🏻必食之選🥢 香蜜咕嚕肉（$98）咕嚕肉的外層還能保持微脆👍🏻🥢 瑤柱蝦仁雜菜煲（$88）加了瑤柱及乾蝦仁的菜煲湯汁鮮甜👍🏻*店內亦有臘味及XO醬等可買走

💡熱騰騰煲仔飯 天氣慢慢轉熱，當然要捉緊尾巴，食番個熱騰騰的煲仔飯，以往食煲仔飯多數會係街邊小店吃，但而家係一間裝修好有歐陸風情的店鋪去食，乾淨企理。🍽川味臘腸滑雞煲仔飯 🐔 打開蓋，煲仔飯舖滿豐富臘腸滑雞起面，待應會幫手加埋芫莤、蔥，頭抽豉油一齊撈，頓時更加香噴噴。臘腸有嚼勁，吾會太肥，臘腸油香滲入飯內，令到好香口🥰滑雞好嫩滑，啖啖肉。飯做到粒粒分明，乾身得黎吾會好硬👍🏽🍽甜蜜咕嚕肉 食落真係好甜蜜，拔絲的咕嚕肉，酸酸甜甜非常開胃。配合新鮮菠蘿、洋蔥、彩椒一齊吃，味道更豐富。🍽芥菜排骨煲🥣芥菜湯好甘甜，排骨煲得軟淋，加埋黃豆等材料，飲落好有家的味道。另外加入胡椒粒一齊煲，飲落辣辣地，夠過癮。

《熱辣辣煲仔飯💫》———————————————-#憶食尚臘味煲仔飯 ☄️-平時去食煲仔飯都係去大排檔，之前朋友推介左我去呢間位於柯士甸站附近嘅中餐廳，環境舒適，有別一般嘅麻甩feel，每枱有屏風分隔開，私隱度極高☺️ -🔥 廣式臘味煲仔飯臘味嘅味道好香，用料豐富，有臘腸、臘鴨同臘肉，由自家工場製作，選用河源自家農場嘅走地新鮮士豬同重慶黑毛豬，不加防腐劑同化學物，油香十足，撈飯一流😝 店員仲會好細心咁問我地要唔要蔥同芫荽，加落醬油裡面再撈落個飯度🤭個飯粒粒分明，食到最底仲有脆卜卜嘅飯焦～-另外佢嘅小菜亦都好唔錯，我哋嗌咗甜蜜咕嚕肉同上湯菜心，同樣出色😆-⭐️價錢參考：廣式臘味煲仔飯：$158甜蜜咕嚕肉：$98上湯菜心：$78🍌抵deal 指數：7/10💰人均消費：$200

有朋自遠方來，話想食吓正宗嘅港式煲仔飯，就帶咗佢去佐敦食第一個點既係廣式臘味煲仔飯🥘🥓有臘腸、潤腸、臘肉，一打開個蓋已經聞到啲咸味，侍應仲好好服務，咁樣幫你撈，招呼周到，因為啲潤腸臘腸已經好香，所以唔使再專登落好多豉油，落少少已經吊香到個味跟住叫咗一個姜汁炒芥蘭，啲姜汁好香，而啲菜都幾淋甜，可以中和返啱啱嘅濃味椒鹽一口骨，啲排骨一口就食哂，好方便，味道都幾好，啲炸蒜好香呢度環境都幾大～係家庭聚會嘅好地方

平時食煲仔飯通常去大排檔或者街邊小店，今次同朋友試咗呢間高質煲仔飯，環境好舒服🥰🔺廣式臘味煲仔飯好正宗，佢哋嘅侍應仲親自落手幫我哋撈汁👍啲飯煮得啱啱好，粒粒分明，仲有飯焦😍仲勁足料！上面嘅臘味有臘腸、臘肉、潤腸等，口感好爽脆，同飯焦一齊食真係好好味，邪惡之選😈😋🔺甜蜜咕嚕肉咕嚕肉咬落去脆脆地，肉質好嫩好多汁，酸酸甜甜好開胃。🔺上湯浸菜心食咗咁多邪惡嘅嘢，點都要食返啲清清地嘅嘢balance🤣 菜心唔會煮到太腍，咬落爽口，上湯又鮮甜，味道好出色👍整體嚟講，佢地嘅菜色好好味，值得一試。服務都好好👍

聽講佐敦有間好出名煲仔飯嘅餐廳，今日一於約朋友嚟呢度試吓。喺柯士甸站行4分鐘就到，都幾容易搵。餐廳裝修上都有花心思，而且兩個人仲坐得好舒服。川味臘腸滑雞煲仔飯熱辣辣同有飯焦嘅煲仔飯係最吸引😍！一上枱時店員好熱心咁為我哋服務，一打開蓋，已經聞到香噴噴，臘腸香味洋溢，之後仲幫我哋加蔥、芫荽和煲仔飯豉油，未食已經垂涎三尺。川味臘腸味道好特別，我第一次食辣味嘅臘腸，臘腸油花輕溢，香糯可口。而雞件肉質鮮嫩肉滑，份量多。不得不提就係煲仔飯嘅飯焦，金黃脆薄，甚有嚼勁。甜蜜咕嚕肉菠蘿咕嚕肉賣相吸引，酸酸甜甜特別好味，肉質嫩滑，仲有紅黃椒、洋蔥等配菜，令整體口感非常豐富。姜汁炒芥蘭芥蘭有鍋氣，口感爽脆，細味之下不難發現有丁點的薑汁味，認真唔錯。其實餐廳仲有好多款煲仔飯和小菜，有機會嘅話都想試吓其他。

煲仔飯成日食，但可以食得咁高級又舒適、服務又好、最重要真係好好食，梗係要同大家分享🙌🏻川味臘腸滑雞煲仔飯呢個煲仔飯真係好·好·味🥹送上黎個下真係熱辣辣到滋滋聲🫣川味臘腸，第一次食辣味既臘腸，好惹味。豬肉味好濃，加上以高濃度茅台酒醃製，肥瘦適中，整件事真係好美味可口。雞件肉質好嫩滑。重點係有❗️完美❗️既飯焦！對我黎講簡直係煲仔飯靈魂🥹一大塊金黃色，脆口加少少煙韌，唔會太燶/太痴牙/太油，講起都而家都好想食🥹按喜好加上豉油、芫茜、蔥，讚🙌🏻辣子雞丁雞丁好脆口，整體麻辣感好足，加上蒜粒，香脆可口，送酒佳餚。芥菜排骨煲食住煲仔飯，食返個菜煲即刻清新哂😆有啖湯飲下都好舒服。幾件大大件排骨，好腍。呢度仲有外賣自熱煲仔飯架！一盒有齊所有材料，放入電飯煲20分鐘就食得。係屋企都可以過口癮。🤤

My friend just randomly chose this. We went here without any expectation and it was so good beyond our expectations. The clay pot rice is a must try item. Rice was so good you can taste every single rice and mixed with meat oil and soy sauce super smooth. The meat they used were high quality meats and it worth the price. Best of the best was that the “charcoal” rice was super crispy like having callbe. So delicious. I’ll definitely come back here again.

「憶食尚臘味煲仔飯」，位於佐敦文匯街22-24號地下2-4號舖，交通方便，柯士甸站步行數分鐘就到。餐廳環境舒服，裝飾優雅，私隱度高，有特色屏風隔住，感覺好好。廣式煲仔飯種類繁多，最傳統梗係《臘味煲仔飯》， 材料包括有臘肉、臘腸&臘鴨肉。香噴噴嘅《廣式臘味煲仔飯》， ＄158（小份）& ＄418（大份），我哋叫咗小份，份量都唔少，店員打開煲， 臘味香味隨即撲鼻而來，配上豉油，香蔥&芫荽，正呀！ 臘腸帶有酒香，臘肉味道濃郁，臘鴨帶有香， 最正就係臘味《飯》，飯慢慢煮好，收乾水，飯就會吸收晒臘味香味，米飯粒粒分明， 之後仲有形成一層薄薄嘅飯焦添，香脆可口，相當滋味。廚師推介《薑蔥爆雞煲 $108》，上枱時仲熱辣辣，鑊氣十足，雞肉嫩滑，加上薑片&蔥段等食材－齊爆炒，超香，超惹味！ 最後加多個上湯娃娃菜，味道清甜，健康之選！手信之選👇

冬天除咗打邊爐和羊腩煲外，煲仔飯都是我喜歡之一！講到煲仔飯我會諗起依間 "億食尚臘味煲仔飯" ，因為餐廳有自設工場製造臘味，所以全部臘味都不加防腐劑及化學物質，仲而且選用河源自家農場的走地新鮮土豬及重慶黑毛豬，了解咗食物來源，食得安全又放心。之前已經好想食呢間但當時又未安排到，好啦最近有機會可以一嚐，吃後果然是美味的煲仔飯！餐廳雖然是中菜，但入到裡面感覺歐式設計風格，時尚典雅，感覺中西合璧。另一方面好欣賞每張枱有一塊靚靚既屏風隔住，私穩度高，地方闊落，空間感足夠，環境舒適悠閑！睇下餐牌先，推介特式既煲仔飯，必吃美食！亦有好多精美小菜、海鮮、砂鍋粥、滋潤椰子雞煲、湯麵/撈麵等等，款式特別。近門口位置更擺放多款臘味、鮑魚XO醬、手工製細麵等等，可以即場購買各款食品，用嚟送禮或在家烹製都非常合適。廣式臘味煲仔飯    $158冬天我通常首選是臘味煲仔飯，依個煲仔飯主要材料是切粒的臘腸、古法醃製安南板鴨和潤腸 ? ，除咗食嘅時候方便而且增加口感之外，切成細細塊的臘腸和潤腸既油香，更容易滲入飯內，令每飯粒都香氣十足，再加上全塊黃金飯焦，香脆可口，食起嚟更加惹味！甜蜜咕嚕肉    $98這款式與菜

在朋友推介下，專程來佐敦試它的煲仔飯，但有点失望， 沒有想像中的好味，叫了兩煲煲仔飯， 個飯底都做得唔係太好， 沒有驚喜。 其他菜色也不過不失， 一試無妨。 星期天晚餐時段入座率也不高，所以都冇用餐時限。

借著天氣還有點涼，今天就去了吃煲仔飯，餐廳鄰近地鐵站，來這間吃也很方便，而且裝修得挺不錯，坐得很舒服。川味臘腸滑雞煲仔飯（168元）煲仔飯即叫即煮，來到是滾燙的狀態，店員會幫你加蔥花和頭抽醬油，再拌好給你。這個煲仔飯混合了雞的香，臘腸的香，蔥花的香，頭抽的香和焦香的飯焦，整個吃起來非常惹味，味道鹹香，中間又吃到脆脆的飯焦來增加口感！吃到最後，只感覺到為什麼飯這麼少，我還想吃更多（其實已經很多飯了）！雞肉非常滑嫩，肉質彈牙，而且雞味十足！川式臘腸就跟平常廣式的不同，是帶點辣味和鹹味比較突出，廣式就甜香。甜蜜咕嚕肉（98元）咕嚕肉炸得挺香，吃起來外脆內嫩的，肉汁保留到不少，配上酸甜的醬汁，吃起來特別開胃。蒜蓉芥蘭（78元）菜的份量挺多的，吃起來帶有淡淡的蒜香，芥蘭吃起來爽滑，味道帶點甜。