慢理牆城

營業中

休息中

今次朋友帶我嚟咗油麻地呢間cafe食飯，鋪頭喺酒店入面1樓，餐廳唔算多位，但幾光猛企理，有d動物同植物裝飾，仲有d公仔坐喺度陪你食飯，感覺好似去咗森林咁呀芝士焗黑松露薯蓉大啡菇我覺得呢個其實唔係小食，而係一個正餐嚟！首先兩隻大啡菇焗完都仲好大隻但又仲好juicy，上面堆咗成個波咁大嘅黑松露味薯蓉，好飽肚，黑松露味好夠，上面芝士焗到熔咗好香呀，仲有d沙律菜跟埋，食哂都飽咗一半明太子蟹肉扁意粉食蟹肉意粉好怕撈埋完全唔覺有蟹肉，呢個意粉d蟹肉成個波咁大，上面仲堆咁成座山咁嘅蟹子，撈勺意粉食啖啖都好足料呀，個汁好有明太子同忌廉味，意粉掛哂汁好好味呀白酒忌廉煮藍青口一隻有十零隻青口，青口個size唔細，同埋個白酒忌廉汁一齊食好味又唔腥#foodie #油麻地美食 #hkig #hkfoodieblogger #hongkonger #foodblogger

經開油麻地 去左慢理牆城餐廳叫左: 白酒忌廉煮藍青口$98法國藍青口配白酒忌廉汁味道又香又滑，用新鮮藍青口毋須加鹽已經夠鮮味，再配上法包蘸汁同吃，滋味無窮。美式甜辣香脆雞翼集甜、酸、辣於一身，十分惹，當小食一流整體好滿足, 下次會再幫襯

最近我生日男朋友帶左我去呢間餐廳食飯🥰一入到去就見到餐廳非常之森林風仲有好幾隻牛油果公仔喺度🥑-🥢白酒忌廉煮藍青口酒味唔會好重，有一浸好香濃嘅忌廉味🥰 每一隻青口都非常之入味，如果有蒜蓉包可以點埋啲汁食就更加好！🥢黑松露野菌扁意粉意粉唔會煮到好淋，啱啱好，超級多黑松露汁同大大隻菇，中意食黑松露嘅一定要試吓！超級濃郁❤️🥢法式羊架配薯條羊架我哋嗌咗5成，不過有一兩舊都有啲過火，但係上枱嗰一下真係非常之香🥰一食落去就爆曬汁而且一啲都唔臊，另外啲薯條好脆！仲吸咗少少羊既汁🍟係超級正！🥢熱情果芒果橙沙冰沙冰都好大杯！飲落去橙味比芒果嘅味道出眾，好清新好開胃😋-雖然食物等得有啲耐，但係質素方面都好好！都好適合去慶祝生日或者紀念日🥰

不到萬里長城非好漢，不到慢理牆城 也非ғᴏᴏᴅɪᴇ哦😏! 這個長期人氣店，向來是我推介餐廳之一😚，我已經介紹過好多朋友來試，每一個人都好滿意哦～ 餐廳充滿大自然氣息，大量綠色植物佈置，又有好多可愛的公仔，人人瘋狂打卡呀💕!!! 菜式好像沒有改變過，我最愛的明太子意粉和全日早餐仍有供應😆，二話不說就來一份吧～ 「 牆城豪華早餐☀️$168 」 豪華又豐富的全日早餐，擺盤漂亮，特別吸引🥳! 早餐有煙三文魚沙律、薯餅、德國豬肉腸、扒蕃茄、茄汁豆、焗吞拿魚大啡菇、煙肉 和 丹麥多士，兩人分享也絕對沒問題～ 油份豐盈的花花煙三文魚、香脆可口的炸薯餅🥔、酥脆又有牛油香的丹麥多士🧈，全部都好好吃🥰! 如果蕃茄煮得軟腍一點就更完美。 「 明太子蟹肉意粉🍝 $178 」 招牌明太子意粉，每次到訪都要吃🤗! 大量的明太子、蟹籽、蟹肉，用料十足，鹹香濃郁，下次還要再吃🤣～ 

之前想試過book，但係都冇位。今日星期六， book到位。地點都好方便，油麻地C出口轉過彎就係。不過唔講唔知原來呢度係一間酒店。店舖唔算好大，但係裝修得好得意，好似入咗森林世界咁。因為唔係好肚餓，所以淨係點咗兩樣嘢食，但係佢啲飲品都幾特別！幾有特色！青口嘅size雖然細咗啲，但係個白汁都整得幾好味見到好多人都有食呢一個明太子蟹肉闊條麵，因為我哋掛住影相同埋講嘢，凍咗，冇咁好味。熱辣辣食應該會再好味啲！材料份量好足！門口有隻比卡超歡迎你整體來講都非常滿意，想讚一讚呢度嘅員工真係好有禮貌！個個都好年輕。不過缺點就係只有個半小時用餐時間。可能呢度實在太旺場了！

收藏了年多的餐廳， 今日乘著公衆假期，就帶媽媽過來試。我本以為餐廳店面不大，可能會有點壓抑， 但完全沒有，因為樓底高兼座位分佈鬆動， 所以感覺很舒適。餐廳是以木條拼砌佈置，加上有很多動物坐陣而聞名。而我，卻是為了［慢落豬］而來。我們訂了12點， 想不到剛開門就已經有好幾桌客人。我地點了， 再加一份水牛芝士波菜焗大啡菇， 兩人吃應該是夠了。另外打算之後點甜品及咖啡。水牛芝士波菜大啡菇， 是很清新的味道， 可能因為我沒吃早餐， 所以吃這素菜真的越吃越肚餓。下單時服務員已經提了慢落豬制作需時， 不過是假日，我們有的是時間，沒所謂呢！［慢落豬］全名其實是慢煮西班牙冰花酸梅黑毛豬串燒配甜蕃薯條。之前有想過宣傳圖片，但沒想過份量很大， 有三大串豬串燒。我們沒點主食真是明智， 因為慢落豬份量真多， 其實三、四人share都可以。黑毛豬本來就好吃，這串燒因為是先慢煮再燒， 所以肉汁完全保留了，而且肉味很濃郁，口感也很好。配上特制的醬汁，酸甜酸甜的，吃了不覺膩。蕃薯條也是正常發揮，炸物有誰不愛吃呢。甜品我點了薩拉熱窩上的檸檬， 因為這家的甜品擺盤都很美，因為今日吃了很多肉，所以就選了這檸檬Sorbet。

朋友介紹一間佈置好靚的食店 - 慢理牆城俾我，尋日係附近做完野後，就去了試下。食店以森林佈置為主，感覺置身在森林中食野，令人感覺輕鬆又舒服，打咭啱晒。店員先奉上蝶豆花水。這裡提供各款小食，沙律，主菜，甜品和飲品，我點了至愛全日早餐。牆城豪華早餐 Wall Is Eat All Day Breakfast賣相當精緻，份量十足。食材好豐富，當中包括焗吞拿魚大啡菇，煙三文魚，德國豬肉腸，煙肉，炒滑蛋，蕃茄，脆薯餅，茄汁焗豆和丹多士。大啡菇幾多汁，沙律菜新鮮爽脆，三炒蛋夠滑身。當中最驚喜係薯餅，好多時薯餅也是吾脆，但這個好脆口。飲品點了可以喝的提拉米蘇 A Cup of Tiramisu質感幾幼滑，入口有Tiramisu的味道，甜度適中，啱我口味。

位於油麻地M1酒店的「慢理牆城」，係一間清新田園森林風的西餐廳。店內樓底極高，空間感充裕，感覺悠閑又舒適餐牌分門別類，以小食、主菜、意粉、意大利飯等等西式食物為主牛油果忌廉蟹肉扁意粉賣相好吸引❤️蟹肉搓成一個圓球，份量充足，啖啖蟹肉鮮味🦀牛油果新鮮軟滑🥑扁意粉口感軟硬適中，掛滿忌廉汁，充滿奶油香牆城豪華早餐材料好豐富嘅ADB🍴德國豬肉腸、煙三文魚、炒滑蛋、煙肉、蕃茄、焗吞拿魚大啡菇、茄汁焗豆、脆薯餅、丹麥多士🍞雞蛋炒得好滑溜，煙三文魚油潤肥美～大啡菇好juicy；丹麥多士及薯餅香脆可口，邪惡滋味泡沫咖啡輕盈棉密的奶泡，配上香滑鮮奶及醇厚咖啡，大滿足哦

因為約左fd洗油麻地，所以就上網search下呢區邊度有好嘢食，最後見呢間人氣爆燈，於是就來左了。由出lift開始到入門口，已經好多嘢可以影相，啱曬我打卡人士，裡面嘅環境都舒服，麻雀雖小但五臟俱全。同朋友落左個‘慢落豬’同埋‘明太子蟹肉意粉‘，因為呢2樣係最多人推介，店員溫馨提示話需要15-20分鐘。等候食物期間，蝶豆花檸檬水會比店員好勤力咁任添😂到食物上台，勁香，同埋個份量係好夠飽，我已經算係戰鬥力高之人，特別係個黑毛豬串燒，好好味呀，又彈牙，又唔肥，甜番薯薯條又係好食，就連個意粉蟹肉味都好突出，望落去以為好細兜，其實唔係🙈一排無寫食評了，呢間真係誠意推介。👍

第三次食呢間餐廳啦！食物質素的確唔錯👍🏻餐廳佈置係森林主題，地方唔大但睇得出裝修有花心思。.之前食過呢到嘅意粉同意大利飯，味道好香濃好啱我口味。今次叫咗原隻大頭蝦龍蝦汁扁意粉🍝好食😋隻蝦好大隻好多肉同多膏！🤩我將啲蝦肉拆哂出嚟，跟住將啲蝦肉同埋蝦膏撈落意粉到先食😚成個意粉食落好濃郁～.上次食過佢哋嘅黑松露芝士焗墨西哥辣椒薯條，好正！今次試吓小食拼盤😚一個拼盤滿足你多個願望🤪因為我同男朋友得兩個人，所以叫咗個細size嘅小食拼盤。小食拼盤入面有美式甜辣香脆雞翼兩隻、德國腸兩條、mozzarella芝士條兩條、三角流心芝士三件同埋薯條番薯條，全部熱辣辣上枱，食得好滿足吖🤩.另外男朋友叫咗杯自家製紅棗酸奶($72)，講真加埋一要$80一杯，的確幾貴，不過真係好好飲🤪🫶🏻.店員服務態度好好同埋好細心，我哋只要飲咗少少水，佢哋就即刻會幫你斟番滿杯水🫗🤣如果嚟旺角油麻地唔知食咩好，真心推薦呢一間西餐😇整體價錢唔算特別平，但食物質素的確唔錯！

第三次黎，真係唔係講笑，最好真係要book位，唔係有機會無位哦！黑毛豬串燒大大串黑毛豬串燒，份量十足，肉質爽口多汁，慢煮西班牙冰花酸梅黑毛豬微微酸甜，再配埋甜蕃薯條真開胃👍明太子蟹肉扁意粉 真蟹肉拆殼拌入蟹籽，麵質彈牙，醬汁非常濃郁，一份足夠兩人食，重忌廉香。桂花鮮奶咖啡淡淡桂花香，配上咖啡都幾夾，建議可以叫少糖，更加能帶出花香味。我見場內非常多食客來慶祝生日，餐廳仲會準備生日帽，好友驚喜嘅感覺，見到大家都笑得好開心😁

女朋友今日帶左去間cafe叫「慢理牆城」，環境都幾好，有工業配搭森林木系風格，都幾別緻！加上職員服務超好！今餐叫左幾樣野：「慢落豬」、「明太子蟹肉扁意粉」、「黑松露芝士焗墨西哥辣薯條」！先講下個「慢落豬」，豬肉應該係用左半肥瘦，再用鐵串串埋用BBQ嘅方法去整，食落啲肉就非常juice，之後個「明太子蟹肉扁意粉」，賣相飛想一流，蟹肉同明太子都多同意粉撈埋一齊之後每一啖都食到蟹肉明太子！不過個「黑松露芝士焗墨西哥辣薯條」就唔係好得，初頭已為係黑松露同薯條🍟撈好哂再拎去同芝士焗，原來係面個層先有，食到中間個層嘅時候就無咩味又無咩辣，搞到要點茄汁食！價值都合理，地點就要搵搵，因為係酒店🏨入面，不過都就腳，係油麻地地鐵站行都唔洗10分鐘，食完仲可以行去果欄買生果！總評分5分為滿分就比4分，扣左0.5分係個「黑松露芝士焗墨西哥辣薯條」！不過店員服務加返！

上年生日已經來過一次，今年帶埋小朋友一齊來，因為佈置好適合小朋友影相，記得上年係比卡超公仔做主題，而今日係牛油果🥑，朋友仔好鍾意牛油果，所以影相打卡好開心❤️牛油果水牛芝士蕃茄波波沙律配柚子黑醋汁$128估唔到除咗有牛油果公仔影相之外，連食物都有架，好有心思喎，超大隻牛油果，新鮮美味。白酒忌廉煮青口$98忌廉汁濃厚，青口數目唔少，精美可觀，價錢方面更加抵食。煙三文魚流心蛋大啡菇$98推介！大大隻啡菇上面有三文魚肉碎及流心蛋，味道極佳，健康美味，出奇地好食😋竹炭炭燒榛子咖啡$58一般榛子咖啡都好甜，呢杯竹炭味比較淡甜，而且棉滑。整體而言非常好，除咗可以影相，小朋友都坐得好開心，因為好多卡通displays，而且食物比之前更加美味，多左用心製作，會再去過。

呢間cafe大約得二十個位，所以想食就一早book定，service都好到位慢落豬串燒係慢煮西班牙冰花酸梅黑毛豬，勁juicy，每一舊都大大粒又唔會煮過耐仲係好淋，但我個人認為油左啲，因為豬嘅脂肪都偏多🤣而蕃薯條就外脆內軟，厚切，味道raw重蕃薯味明太子蟹肉扁意粉呢度每款意粉都有隻顏色主題，呢款係粉紅色主要分左三層，頂係一大堆蟹子、中間厚厚一層蟹肉碎、最底就扁意粉mix明太子醬，份量都幾多而且足料，但我覺得啲意粉太實痴埋左，啲醬唔夠濕，可能係for佢整呢個shape出離

員工們都很有禮貌，服務態度超級好，值得為此再次光顧。環境乾淨舒服，食物的擺盤亦很賞心悅目，整個用餐環境令人感到心情愉悅。十分適合與朋友聚會談天說地。聚會好場地。