影片
港鐵葵芳站 D 出口
繼續閱讀
電話號碼
66625605
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
買左舊芒果糯米糍，入面舊果肉成舊都係絲，明顯係芒果頭/尾位，果肉又細，又唔甜，仲要食到牙罅都係啲芒果絲，好差賣得芒果糯米糍就唔好慳呢啲位啦好心，仲要$15，$5都比多雖然平過其他鋪頭，但味道差，果肉差，服務一般，好似唔知係入面拎一舊糯米糍出嚟，同玻璃櫃嗰啲大小不一，玻璃櫃嗰啲大粒啲，點知入面拎一舊出嚟係細好多以後都唔會再食，原來啲果肉係咁參差，無心做嘅生意不如就唔好做，唔好難為啲客食到成口都係芒果絲！
繼續閱讀
好有問題嘅一間舖頭 1. 榨汁機冇洗過就整新嘅一杯2. 生果唔新鮮3. 環境污糟4. 價錢同質素不成正比各位諗清楚先再決定要唔要去試🥶葵廣有好多其他舖頭，呢間真係唔值得博
繼續閱讀
果汁嘅質素同埋價錢不成正比，一支果汁差不多$40太貴。梳打水系列嘅完全係冇味，剩係得梳打水味，但一杯30幾蚊。我本人驚苦，蜂蜜苦瓜蘋果，完全冇蜂蜜味，我要求加多啲蜂蜜反而要額外加錢。但係糯米糍好食嘅，芒果啖啖肉 佬，不過衛生就真係要改善下，有曱甴喺個雪櫃度行，真係好驚。（再返去買糯米糍先見到雪櫃有曱甴）總結嚟講，飲果汁可以去後面$15一杯，後面選擇多，又平。性價比極低，環境衛生需要改善，希望餐可以努力改善。
繼續閱讀
每個禮拜最少飲三四日 ,每次食lunch必買 我由68 kg飲果汁都飲到57 kg ,足足瘦咗9kg王牌嗰六支都已經試過晒童趣甘果甜啲,蘋果味重啲美若西施同五青草原係最好好一開頭好驚飲五青汁,呢間果汁店顛覆咗我對五青嘅認知 飲完呢間之後唔會飲第二間嘅五青,一啲都唔苦,仲要係好飲同埋我覺得佢好足料嘅,就算係五青汁,定係其他果汁 起碼我前一日生咗痱滋同暗瘡,第二日都消咗好多唔鍾意飲五青汁嘅朋友，一定要試吓呢間美若西施,係我鍾意飲嘅味道,酸酸甜甜咁,因為有橙同檸檬我見佢哋仲有芒果糯米糍同沙律買,都有好多唔同種類 (遲啲再出評價）對佢哋評價,真係幾好,佢哋都好有禮貌,仲要認得我 哈哈 都已經做咗熟客好耐啦 !!!!!好評,繼續加油
繼續閱讀
行過買支橙汁飲，$48一支都唔平諗住應該正正常常啦，榨完支野睇落有少少綠綠地色，無理到，照飲一啖，有陣疑似香蕉，同其他唔識形容既味道🌚認真一睇入面有啲綠色好似海苔咁樣既飄浮物之後行番去間鋪同佢地講，個阿姐態度好串咁話係正常，客人叫橙汁唔會真係完全橙汁，因為佢哋係好大手筆咁樣用蘋果黎洗佢哋部榨汁機（？）😅所以杯杯橙汁榨出黎都係咁，之後話榨過杯比我哋，佢後面有個切生果既阿姐一路態度勁串咁叫我哋望實佢榨汁，叫左3-4次結果第二轉既橙汁完全唔同色今次就係我飲左咁多年橙汁既顏色同味道啦我覺得其實你衰左就唔好咁多野講啦當啲客成世未飲過橙汁咩尋日行過又見到有客中伏話香蕉汁唔係咁既味，爆哂粗咁鬧😂突然醒起呢件事上黎補番個評價，哈哈完
繼續閱讀