愛家

營業中

休息中

今日附近放工食一間平時早收既素食餐廳。以前食開淘大分店。結業後一直對呢間有眷戀。今日見放早就心思思就同女友走黎食。Menu花款比以前多。由於小弟係茄汁意粉控。所以就叫左個紐樂丸豆腐扒茄汁意粉。佢呢個茄粉意粉幾有誠意。掛汁唔淋唔咸又唔油。比方間九成都好。豆腐扒就ok。喜歡豆腐的都可以叫。紐樂丸味道適中。有小量齋的味道。但略嫌乾身左d。食物10分我會比9分。但最喜出望外既係服務態度。店員比完個qr code之後好主動介紹佢地既菜式。好主動及即時解決你既需要。上餐速度非常快。可能星期六唔多人。但我咁講呢種價錢要呢種服務真係無乜邊幾間。所以真係好值得再支持

純素無五辛餐廳「愛家」响九龍灣重開，大家期待嗎？利申真漢子之前係未食過愛家嘅，今次去睇下有咩好嘢食先。😋Open Rice 資料話九龍灣 B 出口行 11 分鐘，今日熱成咁，真係令我好擔心呀。响港鐵站睇清楚，Eastmark 應該係 A 出口先真喎。跟住其他人一齊行，原來往 MCL 戲院行多一陣就到喇，路程 5 分鐘度啫。嚇死寶寶了。😱咁啱仲撞到 Tempehola 嘅兩位朋友，同埋寄賣台灣「藍天畫布」有機棉嘅 Macy 添，佢哋原來都係愛家嘅長期支持者嚟㗎。💪🏻實體餐牌好少嘢揀，QR code 嘅餐牌多好多，我都 cap 哂比各位靚仔靚女睇。不過似乎好多食品都未 ready，大部分都寫住「已售罄」。真漢子今次試咗：🍜 越式悠樂湯河 $68 送飲品，加純素荷包蛋 $16全日套餐劃一 $68（選擇困難嘅朋友可以少一個考慮因素 🤭），送指定飲品（除咗圖中嘅楊梅汁，仲有熱羅漢果蜜）。成日覺得素食餐廳，尤其純素嘅，價格都定得幾貴，但呢個價錢真係好抵食，仲要係旺區喎。👍🏻餸有三塊扎肉同啲紫菜，配埋九層塔同青檸。Macy 話扎肉嘅青色係因為用荷葉包住整嘅，不過我就食唔到荷葉味，似普通素扎肉。湯底用

愛家餐廳已經由新蒲崗搬到九龍灣Eastmark 2樓 ，一如以往提供高質純素，試業期間有六個套餐配飲品，仲有甜品可以選擇。我點咗個越南悠樂湯河，机械人送餐過來🤭爱家嘅湯一向超好味，跟餐點了梅子凍飲，讚👍。爱家營業時間星期一至六8:30 am 至7:00 pm，大家多啲過嚟。