影片
今日附近放工食一間平時早收既素食餐廳。以前食開淘大分店。結業後一直對呢間有眷戀。今日見放早就心思思就同女友走黎食。Menu花款比以前多。由於小弟係茄汁意粉控。所以就叫左個紐樂丸豆腐扒茄汁意粉。佢呢個茄粉意粉幾有誠意。掛汁唔淋唔咸又唔油。比方間九成都好。豆腐扒就ok。喜歡豆腐的都可以叫。紐樂丸味道適中。有小量齋的味道。但略嫌乾身左d。食物10分我會比9分。但最喜出望外既係服務態度。店員比完個qr code之後好主動介紹佢地既菜式。好主動及即時解決你既需要。上餐速度非常快。可能星期六唔多人。但我咁講呢種價錢要呢種服務真係無乜邊幾間。所以真係好值得再支持
繼續閱讀
純素無五辛餐廳「愛家」响九龍灣重開，大家期待嗎？利申真漢子之前係未食過愛家嘅，今次去睇下有咩好嘢食先。😋Open Rice 資料話九龍灣 B 出口行 11 分鐘，今日熱成咁，真係令我好擔心呀。响港鐵站睇清楚，Eastmark 應該係 A 出口先真喎。跟住其他人一齊行，原來往 MCL 戲院行多一陣就到喇，路程 5 分鐘度啫。嚇死寶寶了。😱咁啱仲撞到 Tempehola 嘅兩位朋友，同埋寄賣台灣「藍天畫布」有機棉嘅 Macy 添，佢哋原來都係愛家嘅長期支持者嚟㗎。💪🏻實體餐牌好少嘢揀，QR code 嘅餐牌多好多，我都 cap 哂比各位靚仔靚女睇。不過似乎好多食品都未 ready，大部分都寫住「已售罄」。真漢子今次試咗：🍜 越式悠樂湯河 $68 送飲品，加純素荷包蛋 $16全日套餐劃一 $68（選擇困難嘅朋友可以少一個考慮因素 🤭），送指定飲品（除咗圖中嘅楊梅汁，仲有熱羅漢果蜜）。成日覺得素食餐廳，尤其純素嘅，價格都定得幾貴，但呢個價錢真係好抵食，仲要係旺區喎。👍🏻餸有三塊扎肉同啲紫菜，配埋九層塔同青檸。Macy 話扎肉嘅青色係因為用荷葉包住整嘅，不過我就食唔到荷葉味，似普通素扎肉。湯底用紅蘿蔔，沙葛等材料淆製幾小時，所以飲落都幾清甜。河粉好爽滑，而且份量好多。😙對純素荷包蛋印象，真漢子只係食過佛友源嘅版本，雖然我係「佛粉」都覺得幾把鬼，所以呢次都不抱期望。但食落去，無論外觀，味道同口感都係勁似真嘅煎蛋，而且最重要係堅好味。據知蛋黃係綠豆造，但個蛋白就不得而知。$16 雖然少貴，但未試過嘅素友值得試試。☺️送嘅凍楊梅汁，雖然免費，但一啲都唔 hea，唔會太甜或太酸，咁酷熱嘅天氣飲都幾清新同消暑。😎🧋凍植物奶茶 $20之前响 Green Common 飲過，覺得唔係好掂，見呢度有就點嚟試下。嚟到見到個樣都伏伏哋，飲落就...鍾意飲港式奶茶嘅固然覺得風馬牛不相及啦，但當佢係一杯唔關事嘅飲品，都講唔上好飲。😥🧁 朱古力蛋糕杯 $25都幾好味，朱古力味幾濃，蛋糕夠鬆軟，又有啲朱古力碎响入面。🍫餐廳另一賣點係送餐機械人，如果有食過一粥麵，Oliver's Super Sandwiches 嘅都唔陌生啦。不過呢度果個就著 tuxedo 嘅，幾高檔。見識過送餐機械人嘅都知佢哋幾論盡啦，一係就未送到就當自己到咗，一係就停咗响度唔識走，今次都見到呢啲情況。我諗呢個階段，送餐機械人都係帶比大家歡樂多過實際用途嘅。🤡🤣
繼續閱讀
愛家餐廳已經由新蒲崗搬到九龍灣Eastmark 2樓 ，一如以往提供高質純素，試業期間有六個套餐配飲品，仲有甜品可以選擇。我點咗個越南悠樂湯河，机械人送餐過來🤭爱家嘅湯一向超好味，跟餐點了梅子凍飲，讚👍。爱家營業時間星期一至六8:30 am 至7:00 pm，大家多啲過嚟。
繼續閱讀
您可能會有興趣的...