意樂餐廳 (荃錦中心)

營業中

休息中

每次經過都見門口堆滿人龍，今次特意買外賣回公司食。環境装飾得很有情調，雖然枱與枱之間很窄，眼見收銀員和駐守門口的男服務員都很落力！講返食物，點了自選雙拼意大利蕃茄濃湯扁意粉＋煎焗流心蛋＋漢堡扒＋熱奶茶。蕃茄濃湯 － 無油，清得來有味道有蕃茄肉，應該唔係滾水開味精。扁意粉 － 軟硬度OK，味道剛剛好！可惜太少，四啖食完！煎焗流心蛋 － 很特別用煎，味道OK，蛋味濃！漢堡扒 － 和麥記的差不多，很簿但味道幾好！熱奶茶 － 味道大眾化，但size大杯過一般快餐和西餐廳。總括來說，價錢不算貴，食物不夠熱，當下午茶食係OK的！但等候時間較耐，趕時間的絕對不建議。

中午12點去食午餐。唔使等位，入得去。燈光好昏暗，位置算多。叫左雞排拉麵，唔記得叫走溫泉蛋＞＜湯底唔錯，我覺得有少少辣味？唔會太膩太杰麵都足料，整體可以。飲品加6蚊，草莓利賓納檸檬梳打以為會好酸，但系好好飲，解渴。海鮮珍珠飯好足料，飯都多，唔錯。好似有蠔豉，帶子，魷魚，蝦，蜆？芒果梳打正常啦，好濃芒果味。主打番茄系列番茄濃湯天使麵都可以個牛角包冇餡，但系好鬆軟。仲叫左個白桃利賓納乳酸梳打都可以，但系有少少酸味。

星期日 出去走走逛逛，須便 gym ，身體健康啊個多小時運動💪梳洗後，慢慢行附近的荃錦中心商場，意樂「Itamomo plus」被安排了小小雅座ok, 睇吓有乜選擇😀下午茶餐牌（2:00-6:00供應）奉送熱飲、凍飲+$3、汽水+$5意粉、飯、三文治、通粉、、日式照燒汁烤雞焗珍珠飯 $42深色甜甜汁、少量芝士、洋蔥粒炒底 …珍珠米飯啖啖肉😋三大塊雞、厚肉略嫌 米飯太硬、乾白湯： 滾 熱辣辣慢慢品嚐，粟米粒、菇、甘筍粒

又到今晚食乜野嘅環節，突然想起之前去過意樂食都唔錯，於是我就提議去意樂食，而且商場有泊車優惠去到睇餐牌都算多選擇，樣樣都想試原本叫牛扒可惜賣晒，之後就叫咗黑松露煙肉菌皇忌廉扁意粉、一口安格斯黑椒牛柳粒配珍珠飯、MoMo Pizza、半溶芝士配一口炸雞、草莓利賓納檸檬梳打…..✨黑松露煙肉菌皇忌廉扁意粉✨$64黑松露味道突出，忌廉汁唔係好杰掛意粉嗰種，味道整體好食✨一口安格斯黑椒牛柳粒配珍珠飯✨$69黑椒牛柳唔會韌，冇乜特別，整體普通✨MoMo Pizza✨$63Pizza原個上枱要自切，pizza好多材料望落好靚，可惜pizza應該用整好一塊塊餅底，材料唔黐Pizza，一切就跌晒出嚟，整體一般✨半溶芝士配一口炸雞✨加$29炸雞炸得好脆，而且雞醃得好入味，芝士係醬比你點嚟食，而唔係可以捲着啲芝士食嗰種記得上次食龍蝦海鮮湯配珍珠飯好食，今日就係松露煙肉菌皇忌廉扁意粉好食，期待下次試埋個牛扒

自從七月嚟過.已經相隔成個月.今晚又是仔仔叫食晚飯.但指到明要嚟這間意樂.佢話上次去咗麗港城果間意樂.覺得好唔錯.抵食夾大件.所以今日要嚟荃錦中心呢度試吓.佢一直覺得（意樂）啲嘢.下午茶或者晚飯都係平靚正！仔仔鐘情之選！今晚晚飯由仔仔話事.我哋兩個人坐喺度等食！點餐如下： 1. MoMo PIZZA $63元 X1 2.美國認證安格斯牛扒$148元 X1 配野菌黑椒汁.五成熟.滋味脆薯條.例湯配 意大利雜菜湯。 3. 帆立貝海鮮龍蝦汁意大利飯 $66元 X1 4. 加配半溶芝士配滋味脆薯條 $17元 X1 5. 加配水牛城辣汁雞翼 $12元 X1 6. 加配白酒煮鮮蜆 $20元 X1 7. 加配意大利雜菜湯 $10元X2 8. 經典原味紅豆冰冰 $11元 X2 9’ 芒果蜜啫喱冰冰 $ 11元X1

呢間連鎖餐廳我一向都幾鐘意🙈因為啲野食多款式而且價錢都合理但我唔係成日有機會時間入去幫襯今次夾岩時間地點同朋友去食個午餐😂黑松露忌廉闊條麵賣相麻麻地, 啲麵好乾咁, 撈勻啲汁先好少少不過啲汁又太稀 又無乜黑松露味 呢個闊條麵有啲失望😔香草雞扒滑蛋蓋飯(黑椒汁)可以選配黑椒汁或蕃茄汁最頂層既炸葱頭真係好香好脆😋雞扒有醃製過 所以好入味! 黑椒汁夠辣如要找碴係啲飯有啲爛😂(不過呢個係相信係一次半次既幸運啫😂) 總括呢個幾好👍巴馬火腿pizza賣相一般全因唔係火箭菜而係變左羅馬沙律菜😿 應該係無哂火箭菜所以換左菜令到pizza失色左 個人都係喜歡火箭菜配巴馬火腿😔反而最驚喜之處就係 跟餐可以加配雞翼有柚子蜜糖雞翼或水牛城雞翼我叫左三個餐 所以可以加三份兩款雞翼都好出色 而且$11兩隻size都唔細！ 強烈推介要加配食得辣可以揀水牛雞翼👍柚子蜜糖就適合任何人，但如要二選一我會揀柚子蜜糖😋

以前叫過幾次咖喱都唔錯，今日係公司叫外賣又叫左個咖喱牛腩飯。點知放到入口即時有陣酸味，但係就咁聞落又無”叔”味。之後問左另一個同事都話係一樣情況。唔知係轉左廚師定食譜，抑或係啲野食變壞左，同事話應該無問題所以食哂，而家有少少後怕

近排天氣越嚟越熱.喺商場嘅人.多過喺街外人.疫情嚴重啲人都未能出外旅遊.只有找個有冷氣嘅餐廳來過透心涼.悠閑午茶。今天來到荃灣地鐵站附近嘅商場蕩蕩.本來想由南豐中心經荃錦中心再到中染商場.愉景新城等.但行到荃錦中心商場偶遇有間意樂餐廳.這餐廳系將軍澳天晉及麗港城商場.我都試過佢哋個下午茶及晚餐.都係唔錯.CP值極高.因天氣太熱.所以我哋決定來個意樂涼快下午茶。入到去坐咗喺個四人卡位.坐位寬敞舒服.環境都好美式風情.有少許牛仔feel.天花有吊扇.燈光有啲暗.我哋點咗兩個下午茶餐如下：1. 氹仔風味豬扒包配滋味脆薯條.餐飲熱鴛鴦。 2. 鹹牛肉炒滑蛋牛角酥配田園沙律.餐飲芒果啫喱冰冰。

星期六有節目，約會好友去逛街購物😀晨早起身，咁係要先醫肚😋啦意樂餐廳 Cafe de Itamomo 荃錦中心店意料之外，多人啊！先拎籌，稍等 很快安排入坐了Menu: 美式、期間限定、多士、三文治、通粉、麵、米粉、、等等可供選擇😊野菌炒蛋, 通粉, 牛角酥 $40菇 炒蛋，嫩滑 蛋香，濃湯 😋火腿 通粉酥香牛角包🥐仲有少量 沙律菜，爽呀朋友點了 腸仔、餐肉，流心蛋，多士 $39賣相不錯啊 😋如果不想吃通粉，可免費轉麥片👌奉送熱飲： 奶茶味道調校好，唔錯喎

意樂久不久會推出一些期間限定的早餐款式。今日未食早餐出去辦事，之後行過此店，時間已差不多近十一時半，見門口餐牌有期間限定早餐，食材豐富，當午餐都得，一於買份回家慢慢嘆。野茵炒蛋，火腿濃湯通粉配牛角酥及餐飲。每種食材都包裝很好，用紙盒盛載，牛角酥放在紙袋內，然後整整齊齊放於外賣膠袋內，結上穩妥的結就讓客人可安心帶回家。野茵炒蛋，蛋保持軟滑濕潤，野茵有淡淡香氣，入口滑滑的，非常好吃。蛋下面還有一堆沙律菜，配有芝麻醬汁，蔬菜都是口感新鮮吃下去爽脆。火腿濃湯通粉，份量多，通粉粒粒分明，彈牙，濃湯飲下去帶點粟米味道，濃而不鹹，火腿切條容易食。牛角酥也是十分香脆鬆軟，牛油味足，而且體積大，比一個外賣碗蓋還要長。熱奶茶，正常港式味道。這樣一份早餐吃完已很飽肚，遲起床把這份早餐作為午餐也可以了。

放寬飯聚的首個週末，嘩，人山人海道呢，足等了十五分鐘 ...我的至愛，港式咖哩，“慢煮秘製咖哩焗烤雞飯”，香氣四溢，雞件一口size，白飯是珍珠米，煙煙韌韌撈咖哩汁，一流！格格點了那些年輕人口味，“蒲燒鰻魚炒飯”，同樣香氣四溢，炒飯底做得好，還有點脆口。是日餐湯是羅宋湯，中規中矩！但餐飲的凍咖啡卻不過錯，冰面的咖啡粉應該是故意放上去的，賣相搞點小噱頭，值得一讚。最後是娘娘的“燒春雞”，味道其實不錯，春雞底味足，夠香夠滑，但吐骨這件事實在太麻煩，絕對不是我和格格這種懶人的那杯茶！

噚日(5-3-2022 Sat)朝同老公買餸前食早餐,我哋決定嚟呢間,坐低睇完menu後,決定要$35.00嘅白汁雞絲湯扁意粉,同期間限定$39.00嘅早餐,同樣要熱檸水.好快所有嘢都到齊,$39.00O嗰份係我食,有蒜蓉牛油厚多士,煎焗流心蛋,午餐肉,腸仔,火腿濃湯通粉同沙律.熱檸水係冇檸檬,取而代之嘅係一杯渾濁嘅嘢,係佢哋已為客人篤好晒啲檸檬.飲吓先,檸檬嘅澀味多,攪到我食食吓嘢飲佢都唔掂,不過都夠熱.味道:2分蒜蓉牛油厚多士好夠味,不過唔太脆;火腿濃湯通粉口感正常,湯係濃味,但通粉味道有啲唔同. 煎焗流心蛋好正,最鍾意係生蛋黃;午餐肉薄切,但同腸仔一樣,好鹹;沙律嘅麻醬都好鹹.味道:3.27分而老公嘅白汁雞絲湯扁意粉,我就冇食到.

今日上堂之前有啲肚餓，咁就去咗意樂食返個下午茶，今日就食豬扒包配呢個薯條，個包都幾大個，焗到個包好脆，塊豬扒好Juice，好軟幾大塊，以$35價錢識到我覺得係超值，四周圍就算美心食個公司三文治加埋杯嘢飲都$40啦，所以佢哋嘅下午茶係抵食嘅

星期六阿仔補習補到晚上7:00, 食飯都會選擇返近少少嘅地方食, 路過這商場，就入咗呢間連鎖特色餐廳吃個飯。呢晚唔算多人, 在餐廳門口等了5分鐘左右之後入坐！餐廳面積都很大，而且都很多坐位，就算你已經食完都不會催促你離開! 我地三個人叫咗個蒲燒鰻魚炒珍珠飯, 日式肥牛豬骨濃湯烏冬, 百香里烤雞配沙津+飯。餐廳裝潢行工業風, 但餐牌走的是平民路線, 我地坐卡位, 坐落感覺都舒服晚餐餐牌都好多選擇, 有烏冬, 有蛋蓋飯, 又有西式, 意大利式, 各款焗飯都有阿細仔鐘意食烏冬, 呢個肥牛烏冬都幾好味, 湯夠熱, 仲有海帶, 糖心蛋大仔叫嘅鰻魚飯, 餐廳選用珍珠米炒, 都好味我就叫咗個百香里烤雞配沙津+飯, 雞燒得幾香, 好嫩滑, 其實呢個好抵食, 有雞半隻, 有沙津又有飯同飲品, 好飽好滿足!總的來說，坐得舒服，價錢合理, 以這個價錢吃到飽，環境還不錯，可以接受。經過再想食個快飯，可以考慮。

週末同屋企人黎到意樂食午餐性價比都唔錯，碟頭大。叫左呢個半隻烤雞珍珠飯，雞皮脆同埋有陣香味，加埋個蒜蓉汁，呢個係必食呢個飛魚籽三文魚炒飯都夠乾身，而且係珍珠米，都足料，同埋大碟龍蝦湯鮮蝦海鮮扁意粉，湯底夠濃但又唔會太鹹，有蝦有蜆肉有青口，呢個都係好推介我地連湯都飲晒我地加左兩款小食，呢個係柚子芝麻蜜糖雞翼，雞翼脆口，而且蜜糖味都夠，雞翼又唔會太細隻，值得加$11/2隻另外加左白酒煮鮮蜆，份量都唔少，味道都正常～飲品叫左凍柚子茶，唔會孤寒，好足味！